Ndaka̱xin ndáaña kivi keʼún tá kúma̱níka koo Conmemoración

Miíyó na̱ ndásakáʼnu Jehová kúsi̱íní-iniyó tá xíyo Conmemoración. Semana tá kúma̱níka koo ña̱ Conmemoración á tá xa̱a̱ ndíʼi xíyoña, chíka̱a̱níyó ndee̱ ña̱ ndasakáʼnuyó Jehová ta saátu ña̱ taxiyó tíxa̱ʼvi ndaʼa̱ra xa̱ʼa̱ ña̱ ndatavára miíyó ndaʼa̱ ku̱a̱chi (Ef 1:3, 7). Tá kúú, chíka̱a̱níyó ndee̱ ña̱ kanayó na̱ yiví ña̱ va̱ʼa ku̱ʼu̱nna Conmemoración xíʼinyó. Sava na̱ hermano távána tiempo ña̱ koona precursor auxiliar ta ndataxina 30 á 50 hora ña̱ yo̱o̱ marzo xíʼin abril. ¿Á kúsi̱í-iniún ña̱ ku̱a̱ʼáka tiempo natúʼún xa̱ʼa̱ Ndióxi̱ tá xíyo Conmemoración? ¿Ndáaña kivi keʼún?

Ya̱chi̱ka ná kotoyó ndáaña kivi keʼéyó tá xíyo Conmemoración, chi saá kúú ña̱ viíní kana ña̱ kúni̱yó keʼéyó (Pr 21:5). Xa̱a̱ ku̱nu̱mí kixaa̱ ña̱ Conmemoración, ña̱kán ndakanixi̱ní ndáaña kivi keʼún. Ndakanixi̱ní ndáaña kivi keʼún tá xíyo Conmemoración ta chika̱a̱ ndee̱ ña̱ saxínúnña. Tándi̱ʼi, ka̱ʼa̱n xíʼin Jehová ná chindeétáʼanra xíʼún (1Jn 5:14, 15).

¿Á ndákanixi̱níún ndáaña kivika keʼún tá xíyo Conmemoración?