Chiñu ña̱ kéʼé na̱ anciano chíndeétáʼanña xíʼin na̱ ñuu Ndióxi̱

Ku̱a̱ʼání na̱ yiví íxayo̱ʼvi̱ña xíʼinna kandíxana na̱ kúúmií iin chiñu ña̱ ndáyáʼviní. Saáchi na̱ yiví yóʼo xíniñúʼuna chiñu ña̱ kúúmiína ña̱ ixandi̱va̱ʼana xíʼin na̱ yiví á ña̱ tavána xu̱ʼún ndaʼa̱na. Nda̱a̱ tá tiempo xi̱naʼá ta nda̱a̱ tiempo vitin xítoyó kúu ña̱yóʼo (Miq 7:3). Soo, síínva íyo ña̱ kéʼé na̱ ñuu Ndióxi̱ nu̱ú ña̱ kéʼé na̱ ñuyǐví yóʼo. Saáchi Jehová sánáʼa̱ra na̱ anciano ña̱ viíní kuniñúʼuna chiñu ña̱ ta̱xira ndaʼa̱na ña̱ chindeétáʼanna xíʼin na̱ congregación (Est 10:3; Mt 20:​25, 26).

Na̱ yiví na̱ kúúmií iin chiñu ña̱ ndáyáʼviní kéʼéna ña̱ kúni̱ miína, soo na̱ anciano va̱ása kéʼéna saá, chi iin ña̱ chíndeétáʼan xíʼinna ña̱ keʼéna chiñu ña̱ kúúmiína kúú ña̱ kúʼvi̱-inina xínina Jehová xíʼin na̱ hermano (Jn 21:16; 1Pe 5:​1-3). Na̱ anciano chíkaa̱na ndee̱ ña̱ kundiku̱nna consejo ña̱ sa̱ndákoo ta̱ Jesús ta chíndeétáʼanna xíʼin na̱ hermano ña̱ kusi̱í-inina kuñuʼuna ti̱xin ñuu Jehová ta vií kutáʼanna xíʼinra. Saátu íyo tu̱ʼvana ña̱ chikaa̱na ndee̱ xíʼin na̱ hermano. Tá ndeéní kúun sa̱ví á ndeéní táan á xíniñúʼu ku̱ʼu̱n iin na̱ hermano hospital na̱yóʼo íyo tu̱ʼvana ña̱ chindeétáʼanna xíʼinna. Ndi̱ku̱n kama ka̱ʼún xíʼin na̱ anciano ña̱ chindeétáʼanna xíʼún tá yáʼún nu̱ú iin tu̱ndóʼo (Snt 5:14).

TÁNDI̱ʼI XI̱TONDÓ VIDEO ÑA̱ NANÍ NA̱ ANCIANO “NDÁANA NDIKACHI SA̱NA̱ JEHOVÁ”, NDAKUIINNDÓ PREGUNTA YÓʼO:

• ¿Ndáa ki̱ʼva ndo̱ʼo ñá Mariana xa̱ʼa̱ ña̱ chi̱ndeétáʼan na̱ anciano xíʼinñá?

  Ña̱ ndakuiún

• ¿Ndáa ki̱ʼva ndo̱ʼo ta̱ Elías xa̱ʼa̱ ña̱ chi̱ndeétáʼan na̱ anciano xíʼinra?

  Ña̱ ndakuiún

• Xíʼin ña̱ xi̱toyó nu̱ú video, ¿ndáaña ndákanixi̱ni̱ún xa̱ʼa̱ chiñu ña̱ kéʼé na̱ anciano?

  Ña̱ ndakuiún