Ndáa ki̱ʼva kivi ka’viyó

Ña̱ kivi keʼé na̱ va̱lí

Ndiʼi na̱ íyo se̱ʼe xíniñúʼu sanáʼa̱na se̱ʼena xa̱ʼa̱ Jehová (Efes. 6:4). Na̱ ñuu Jehová kúni̱na chindeétáʼanna xíʼin na̱ íyo se̱ʼe, ña̱kán ku̱a̱ʼání ña̱ʼa távána ña̱ kivi kuniñúʼu na̱yóʼo ña̱ sána̱ʼa̱na se̱ʼena, ¿ndáa ki̱ʼva kuniñúʼundó ña̱yóʼo ña̱ chindeétáʼanndó xíʼin se̱ʼendó?

• Nandukú ña̱yóʼo. Nu̱ú jw.org ña̱ tu̱ʼun sáʼán va̱xi ndiʼi ña̱ ka̱na xa̱ʼa̱ na̱ va̱lí xíʼin na̱ va̱lí kúa̱an, saátu video xíʼin tutu ña̱ kivi kuniñúʼuna.a Ña̱ va̱ʼa ndani̱ʼún ña̱yóʼo ki̱ʼvi nu̱ú káʼa̱nña “Enseñanzas bíblicas” tándi̱ʼi nu̱ú káʼa̱nña “Niños” á “Jóvenes”.

• Ndaka̱xin ndáaña kúni̱ndó kuniñúʼundó. Nu̱ú sección ña̱ naní “Niños”, kivi nandukún ña̱ kivi keʼé na̱ va̱lí se̱ʼún. Ña̱ va̱ʼa ndani̱ʼúnña, ki̱ʼvi nu̱ú káʼa̱nña “Ideas para la adoración en familia”.

• Ka̱ʼa̱n xa̱ʼa̱ ña̱yóʼo xíʼin se̱ʼún. Kǒo chikaa̱ kuitíún video ña̱ koto na̱ va̱lí se̱ʼún chi tá ndi̱ʼi xi̱tonaña ndaka̱tu̱ʼúnna ndáaña sa̱kuaʼana, chi saá kivi chindeétáʼún xíʼinna ña̱ xa̱a̱na koona migo Jehová.