၂၆ သူတို့လည်း နွားထီးပျိုတစ်ကောင်ကို ရွေးပြီး အသင့်ပြင်ကြတယ်။ ပြီးတော့ မနက်ကနေ မွန်းတည့်ချိန်အထိ ဗာလရဲ့ နာမည်ကို မပြတ်ခေါ်ရင်း “ဗာလဘုရား၊ ကျွန်တော်တို့ကို ပြန်ထူးပါ” လို့ဆုတောင်းကြတယ်။ ဒါပေမဲ့ ဘာအသံမှ မကြားရဘူး။ ပြန်ထူးတဲ့သူလည်း မရှိဘူး။+ တည်ထားတဲ့ ယဇ်ပလ္လင်ပတ်လည်မှာ ထော့နဲ့ထော့နဲ့ ဖြစ်လာတဲ့အထိ သူတို့ ကခုန်နေကြတယ်။

၃၇ ဒါကြောင့် အဆီးရီးယားဘုရင် သနာခရိပ်လည်း ဆုတ်ခွာပြီး နိနဝေမြို့မှာ+ သွားနေထိုင်တယ်။+ ၃၈ သနာခရိပ်က သူကိုးကွယ်တဲ့ဘုရား နိသရုတ်ရဲ့ဗိမာန်မှာ ဦးချနေတုန်း သားတော် အာဒရာမေလက်နဲ့ ရှရေဇာက သူ့ကိုလုပ်ကြံပြီး+ အာရရတ်ပြည်ကို ထွက်ပြေးသွားတယ်။+ သားတော် ဧသရဟဒုန်+ ထီးနန်းဆက်ခံတယ်။

၅ သင်္ဘောသားတွေလည်း ကြောက်လွန်းလို့ သူတို့ရဲ့ဘုရားတွေကို အော်ဟစ်အကူအညီတောင်းကြတယ်။ သင်္ဘောဝန်ပေါ့အောင် ကုန်စည်တွေကို ပင်လယ်ထဲ ပစ်ချတယ်။+ အဲဒီအချိန်မှာ ယောနကတော့ သင်္ဘောဝမ်းထဲ ဆင်းသွားပြီး လဲလျောင်းရင်း အိပ်မောကျနေတယ်။