သင်မလွတ်အပ်သော ဖြစ်ရပ်တစ်ခု
“ကောင်းမြတ်စုံလင်သော ဆုကျေးဇူးရှိသမျှတို့သည်” ကျွန်ုပ်တို့၏ ကောင်းကင်ခမည်းတော်ဘုရားသခင်ထံတော်မှ သက်ရောက်လာသည်။ (ယာကုပ် ၁:၁၇) ကျရှုံးသွားသည့် လူသားတို့အတွက် ဘုရားသခင်ပေးခဲ့သည့် အကြီးမြတ်ဆုံးလက်ဆောင်မှာ မိမိ၏တစ်ပါးတည်းသောသားတော် ယေရှုခရစ်အားဖြင့် သူတို့၏မူလအခြေအနေပြန်ရောက်စေရန် ပြင်ဆင်ပေးချက်ဖြစ်သည်။ ကျွန်ုပ်တို့၏ရွေးနုတ်ရှင်အဖြစ် ယေရှု၏သေခြင်းက ကမ္ဘာ့ပရဒိသုတွင် ထာဝရအသက်ရရန်ဖြစ်စေသည်။ လုကာ ၂၂:၁၉ တွင် ကိုယ်တော်၏သေခြင်းကို အောက်မေ့သတိရကြရန် ကျွန်ုပ်တို့အား မိန့်မှာထားသည်။
ယေဟောဝါသက်သေများသည် ယေရှု၏မိန့်မှာချက်ကို နာယူရာတွင် သူတို့နှင့်အတူပါဝင်ရန် သင့်အား လှိုက်လှဲစွာဖိတ်ခေါ်ပါသည်။ ဤနှစ်ပတ်လည်အခါသမယသည် ကျမ်းစာ၏လပြက္ခဒိန်တွင် နိသန် ၁၄ ရက်နှင့် ကိုက်ညီသည့်နေ့စွဲဖြစ်သည့် ၁၉၉၇၊ မတ် ၂၃၊ တနင်္ဂနွေနေ့ နေဝင်ပြီးနောက်အချိန်တွင် ကျရောက်မည်။ ယင်းကို သင်မမေ့သွားရလေအောင် နေ့စွဲကို မှတ်သားထားပါ။ သင့်အား ဤဖိတ်စာပေးသူသည် အစည်းအဝေးကျင်းပမည့် နေရာနှင့် အချိန်အတိ အကျကို ပြောပြနိုင်ပါသည်။