လူငယ်များအမေး စာအုပ်ကို ဝေငှ

^၁ ဗျာဒိတ်၏အထွတ်အထိပ် စာအုပ်ကို ဤလတွင် အထူးဝေငှကြမည်ဖြစ်သော်လည်း လူငယ်များအား စိတ်အနှောင့်အယှက်ပေးနေသော ပြဿနာများကြောင့် စိုးရိမ်မကင်းဖြစ်သူ မိဘတစ်ဦး သို့မဟုတ် လူငယ်တစ်ဦးနှင့် ဆွေးနွေးခဲ့လျှင် လူငယ်များအမေးစာအုပ်ကို ဝေငှရန် ဆုံးဖြတ်လိုပေမည်။

^၂ ဤကဲ့သို့ပြောဆိုရန် သင့်တော်ကြောင်း တွေ့ရှိပေမည်–

▪ “ဒီလိုဒုက္ခကာလမှာ ကြီးပြင်းလာရတာ မလွယ်ဘူး။ အရေးတကြီးဆုံးဖြတ်စရာလိုတဲ့ အခြေအနေအသစ်အဆန်းတွေကို လူငယ်တွေရင်ဆိုင်ကြရတယ်။ ‘အရက်သောက်သင့်သလား။ မူးယစ်ဆေးဝါး သုံးရမလား။ လိင်ခြားသူနှင့် ဘယ်လိုပြုမူတာဟာ တော်လျော်တဲ့အကျင့်လို့ ဆိုမလဲ။’ ဒီအခြေခံအကြောင်းတွေကို လူငယ်များ မေးကြတဲ့အခါ ဆန့်ကျင်ဘက်အဖြေတွေ မကြာခဏရတတ်ကြတယ်။ အကြံဉာဏ်ကောင်းရဖို့ သူတို့ ဘယ်သူတွေကို အကူအညီတောင်းတတ်တယ်လို့ထင်သလဲ။ [ဖြေဆိုပါစေ။] ဒီစာအုပ် လူငယ်များအမေး—တာသွားသည့်အဖြေက အတော်အကူအညီပေးပါတယ်။ [အကြောင်းမျိုးစုံတင်ပြထားသည့် မာတိကာကို ဂရုပြုစေပါ။] တည့်မှန်ပွင့်လင်းပြီး ယုတ္တိရှိတဲ့အဖြေတွေကို လူငယ်တွေ ရချင်ကြတယ်။ ဒီစာအုပ်မှာပါတဲ့ အဖြေတွေဟာ ကျမ်းစာမှာပြောတဲ့အတိုင်းပဲ။”

^၃ သင်အသုံးပြုနိုင်မည့် နောက်ထပ်တင်ဆက်ပုံကား ဤသို့–

▪ “ယနေ့ လူငယ်တွေ အမျိုးမျိုးဖိစီးခံနေကြရတယ်။ ဒါတွေကို အောင်မြင်အောင်ရင်ဆိုင်နိုင်ဖို့ သူတို့ အကူအညီလိုနေတယ်။ သူတို့ကို အတတ်နိုင်ဆုံးကူညီပေးဖို့ ကြိုးစားတဲ့အခါ လက်တွေ့ကျတဲ့ လမ်းပြမှုကို ရှာယူကြမယ်မဟုတ်လား။ [ဖြေဆိုပါစေ။] သူတို့အတွက် ဖိစီးမှုအပြင်းထန်ဆုံးဟာ တခြားရွယ်တူသက်တူလူငယ်တွေဖြစ်တယ်။ ဒီစာအုပ်ရဲ့ စာမျက်နှာ ၇၆ နဲ့ ၇၇ ပါရုပ်ပုံတွေကိုသတိပြုပါ။ [ဤရုပ်ပုံများပါ စာတန်းများနှင့် စာမျက်နှာ ၇၇ ပါ စာလုံးစောင်းအပိုဒ်များကို အာရုံပြုစေပါ။] ဒီအခန်းကို ဖတ်ကြည့်လိုက်ရင် ရိုးသားပြီး တာသွားမဲ့အဖြေတွေကို အကြမ်းဖျင်းဖော်ပြထားတာ တွေ့ရလိမ့်မယ်။”

^၄ ဤအချိန်အခါသည် အထူးသဖြင့် လူငယ်များအတွက် “ခဲယဉ်းသောကာလ” ဖြစ်ပါသည်။ (၂ တိ. ၃:၁) လူငယ်များအမေးစာအုပ်က ယနေ့စိန်ခေါ်ချက်များကို လူငယ်တစ်ဦး အောင်မြင်စွာရင်ဆိုင်နိုင်ရန် အမှန်အကူအညီပေးနိုင်ပါသည်။ ၃၉ ခန်းစလုံးတွင် ရုပ်ပုံများစွာပါပြီး ဆောင်းပါးများမှာလည်း အမှန်ယုတ္တိရှိ၍ လက်တွေ့ကျပါသည်။ ထိုကြောင့် အခွင့်အရေးရတိုင်း ဤကောင်းမွန်သောစာအုပ်ကိုအသုံးပြုရန် နိုးနိုးကြားကြားရှိပါ။