အသင်းတော်နှင့် အံကိုက်အောင် ဆောင်းပါးများကို မည်သို့ပြုပြင်ပုံ

ကျွန်ုပ်တို့၏နိုင်ငံတော်ဓမ္မအမှုစာစောင်တွင် အလွန်အားပေးတည်ဆောက်သည့် ဆောင်းပါးများပါဝင်သည်။ ယင်းတို့သည် အသင်းတော်၏ဝိညာဉ်ရေးအတွက် အလွန်ပင်အကျိုးသက်ရောက်သည်။ အသင်းတော်သားအားလုံးတို့သည် ယင်းတို့ကိုအသေအချာလေ့လာ၍ ကိုးကားထားသည့်ကျမ်းချက်အားလုံးကို ဖွင့်ဖတ်သင့်သည်။ သဘောတရားနှင့် အဓိကအချက်များကို စည်းဝေးသို့မရောက်မီ နားလည်ထားရန် ကြိုးစားသင့်သည်။ ဤသို့ပြုလုပ်ကြမည်ဆိုလျှင် အစည်းအဝေးမှ အကျိုးအပြည့်အဝခံစားရလိမ့်မည်။

သို့ရာတွင် တစ်ခါတစ်ရံ ကျွန်ုပ်တို့၏နိုင်ငံတော်ဓမ္မအမှုတွင်ပါသောဆောင်းပါးများသည် အသင်းတော်နှင့်မသက်ဆိုင်ပုံရှိသည်။ အထူးသဖြင့် စာအုပ်စာတမ်းအချို့နှင့် ပတ်သက်သောဆောင်းပါးအချို့ဖြစ်သည်။ ဥပမာ၊ ဤလထုတ် ကျွန်ုပ်တို့၏နိုင်ငံတော်ဓမ္မအမှုစာမျက်နှာ ၆ တွင်ပါရှိသည့် “အကြီးမြတ်ဆုံးလူသားနောက်လိုက်ရန် အခြားသူများအားဖိတ်ခေါ်လေ” နှင့် “ကိုယ်တော်၏နောက်လိုက်များဖြစ်လာရန် သူတို့အားတိုက်တွန်းလေ” ဆောင်းပါးများက ထိုအတိုင်းဖြစ်မည်။ ယင်းဆောင်းပါးနှစ်ခုစလုံးသည် အကြီးမြတ်ဆုံးလူသား စာအုပ်နှင့်ပတ်သက်၍၊ ယင်းစာအုပ်ကို ဝေငှစရာမရှိပါ။ ဤသို့သောအခြေအနေမျိုးတွင် ကျွန်ုပ်တို့မည်သို့ပြုလုပ်သင့်သနည်း။ ယင်းဆောင်းပါးများကို ချန်လှပ်ထားသင့်သလော။

မချန်ထားဘဲ ကျွန်ုပ်တို့အကျိုးအတွက် အသုံးပြုသင့်သည်။ ဟောပြောသူများသည် အခြေအနေအလိုက် ဆောင်းပါးကိုအံကိုက်အောင်ပြုပြင်ပြောဆိုသင့်သည်။ ဟောပြောသူသည် ဤသို့ပြောဆိုနိုင်သည်– “အခုတော့ဒီစာအုပ်ကို ဝေငှဖို့မရှိဘူး။ ဒါပေမဲ့ အဲ့ဒီစာအုပ်တွေကိုရပြီး လယ်ကွင်းမှာ အသုံးပြုနိုင်မဲ့အခါ ဒီလိုပြောဆိုနိုင်မယ် . . . ဒီစာအုပ်ကို ရတဲ့အခါ ဒီဆောင်းပါးကို ကျေးဇူးပြုပြီး ကိုယ့်ဟာကိုယ် ပြန်ဖတ်ကြည့်ပါ။” ထို့နောက် ကန့်သတ်ထားသည့်အချိန် ထက်ဝက်တွင် ဟောပြောသူသည် ရရှိနိုင်သောစာအုပ်များကို အကြီးမြတ်ဆုံးလူသား စာအုပ်အစား မည်သို့အသုံးပြုနိုင်ကြောင်း ပြောဆိုနိုင်ပါသည်။