မည်သည့်အချိန်တွင် စိတ်ဝင်စားသူများထံ ပြန်သွားမည်နည်း

၁။ တပည့်ဖြစ်စေခြင်းလုပ်ငန်းတွင် အဘယ်အရာ ပါဝင်သနည်း။

^၁ တပည့်ဖြစ်စေခြင်းလုပ်ငန်းတွင် ယေဟောဝါ၏နိုင်ငံတော်အစီအစဉ်ကို သင်ယူရန် တလိုတလားရှိကြောင်းဖော်ပြသော မည်သူ့ထံမဆို ပြန်သွားခြင်း ပါဝင်သည်။ (မ. ၂၈:၁၉၊ ၂၀) သူတို့ထံပြန်လည်ပတ်နိုင်သည့် အကောင်းဆုံးအချိန်မှာ ကျွန်ုပ်တို့၏အချိန်ဇယားအပြင် စိတ်ဝင်စားသူပေးနိုင်သောအချိန်အပေါ် မူတည်သည်။ ဦးဆုံးအကြိမ်တွေ့ဆုံပြီး သိပ်မကြာမီတွင် အဘယ်ကြောင့် ပြန်သွားသင့်သနည်း။

၂၊ ၃။ ကျွန်ုပ်တို့ အဘယ်ကြောင့် အမြန်ဆုံးပြန်သွားဖို့ ကြိုးစားသင့်သနည်း။

^၂ အဘယ်ကြောင့် ဆောလျင်စွာ ပြန်သွားသင့်သနည်း။ “နိုင်ငံတော်နှင့်ဆိုင်သော ဤသတင်းကောင်း” ဟောပြောခြင်းလုပ်ငန်းသည် မကြာမီ ပြီးဆုံးတော့မည်ဖြစ်သည့်အပြင် ဤလောကစနစ်၏အဆုံးသည်လည်း အလွန်နီးကပ်နေပြီ။ (မ. ၂၄:၁၄; ၁ ပေ. ၄:၇) ထို့ကြောင့် စိတ်ဝင်းစားသူများအဖို့ “ကယ်တင်ရာနေ့ရက်” ရှိနေဆဲအချိန်တွင် ‘အရေးတကြီးသဘောထားဖြင့် ဟောပြောပါ’ ဟူသော တိုက်တွန်းချက်ကို ကျွန်ုပ်တို့လိုက်နာရမည်၊ ယင်းတွင် စိတ်ဝင်စားမှုတင်ပြသူများထံ အမြန်ဆုံး ပြန်သွားခြင်းပါဝင်သည်။—၂ ကော. ၆:၁၊ ၂; ၂ တိ. ၄:၂။

^၃ စိတ်ဝင်စားသူများ၏နှလုံးတွင် ကျွန်ုပ်တို့ကြဲခဲ့သော နိုင်ငံတော်မျိုးစေ့ကို နုတ်ယူရန် စာတန်ကြိုးစားနေသည်။ (မာ. ၄:၁၄၊ ၁၅) စိတ်ဝင်စားမှုတင်ပြသူများကို မိသားစုဝင်များ၊ အလုပ်ဖော်များနှင့် အခြားသူတို့က ကဲ့ရဲ့လှောင်ပြောင်တတ်ကြသည်။ စိတ်ဝင်စားမှုမီးပွားလေးကို အခြားသူများ မငြိမ်းသတ်လိုက်မီ အလျင်အမြန်ပြန်သွားခြင်းက ကျွန်ုပ်တို့ဆွေးနွေးခဲ့သော အကြောင်းအရာပေါ်မူတည်၍ ဆက်ဆွေးနွေးသွားနိုင်သည်။

၄။ ဦးဆုံးအကြိမ်တွေ့ဆုံမှုတွင် နောက်တစ်ကြိမ် ပြန်လည်ပတ်ရန်အတွက် အဘယ်အရာပြုလုပ်နိုင်သနည်း။

^၄ အချိန်းအချက်ပြုလုပ်ပါ– ဦးဆုံးအကြိမ်တွေ့ဆုံမှုအပြီးတွင် နောက်တစ်ကြိမ် ပြန်လည်ပတ်ရန် တိကျသောအစီအစဉ်များ ပြုလုပ်ခြင်းသည် အကောင်းဆုံးဖြစ်သည်။ နောက်တစ်ကြိမ် ပြန်လည်ပတ်ချိန်တွင် သင်ဖြေဆိုပေးမည့် မေးခွန်တစ်ခုမေးပါ။ ယင်းနှင့်ပတ်သက်သည့် မှတ်တမ်းကောင်း ထားရှိဖို့လိုသည်။ သင်အချိန်ရမည်ဆိုလျှင် နောက်တစ်နေ့ သို့မဟုတ် သိပ်မကြာမီတွင် ပြန်လာ၍ရမရ မေးနိုင်သည်။ ဦးဆုံးတွေ့ဆုံမှုသည် စနေ/တနင်္ဂနွေတွင်ဖြစ်ပြီး စိတ်ဝင်စားသူသည် ကြားရက်များတွင် အလုပ်လုပ်သည်ဆိုလျှင် နောက်တစ်ပတ် စနေ/တနင်္ဂနွေတွင် ပြန်လာရန် သူသဘောတူပေမည်။ ချိန်းချက်ပြီးပြီဆိုလျှင် ချိန်းချက်ထားသည့်အတိုင်း ပြန်သွားပါ။—မ. ၅:၃၇။

၅။ ကျွန်ုပ်တို့အား ယေရှုပေးအပ်ထားသော တပည့်ဖြစ်စေခြင်းတာဝန်ကို ကျေပွန်စေရန် မနှောင့်နှေးဘဲ ပြန်လည်ပတ်ခြင်းက မည်သို့ကူညီပေးမည်နည်း။

^၅ စိတ်ဝင်စားသူများထံ မြန်နိုင်သမျှအမြန်ဆုံး ပြန်လည်ပတ်ရန် အကြောင်းကောင်းများရှိပါသည်။ ထို့ကြောင့် ‘အချိန်အနည်းငယ်သာကျန်တော့’ သဖြင့် ချိန်းချက်ပြီး ချက်ချင်းပြန်သွားပါ။ (၁ ကော. ၇:၂၉) နိုင်ငံတော်သတင်းကိုစိတ်ဝင်စားသူတို့ထံ အဆောတလျင်ပြန်လည်ပတ်လေ ပို၍ထိရောက်လေဖြစ်သည်။