နမူနာတင်ဆက်နည်းများ
ဇန်နဝါရီလရဲ့ ပထမဆုံးစနေ ဒါမှမဟုတ် တနင်္ဂနွေမှာ ကျမ်းစာသင်အံမှုစဖို့ အခုလိုပြောနိုင်တယ်
“လူအများစုမှာ ဘုရားနဲ့ပတ်သက်ပြီး ကိုယ်ပိုင်အယူအဆတွေရှိကြတယ်။ တချို့သူတွေကတော့ ဘုရားသခင်ဟာ လျှို့ဝှက်ဆန်းကြယ်တယ်လို့ ထင်ကြတယ်။ တချို့ကျပြန်တော့ မေတ္တာရှိတဲ့ အဖဘုရားသခင်အနေနဲ့ ပုံဖော်ကြတယ်။ မိတ်ဆွေကော ဘုရားသခင်ကို ဘယ်လိုမျိုး မြင်ယောင်ပါသလဲ။” တုံ့ပြန်မှုကိုစောင့်ပါ။ ဇန်နဝါရီ ၁ ရက်ထုတ် ကင်းမျှော်စင်ရဲ့ နောက်ကျောဖုံးကိုပြပါ။ ပထမဆုံးမေးခွန်းအောက်က အကြောင်းအရာနဲ့ အနည်းဆုံး ညွှန်းထားတဲ့ ကျမ်းချက်တစ်ချက်ကို အတူတူသုံးသပ်ပါ။ မဂ္ဂဇင်းကိုဝေငှပြီး နောက်မေးခွန်းတစ်ခုဆွေးနွေးနိုင်အောင် ပြန်လည်ပတ်ဖို့ စီစဉ်ပါ။
ကင်းမျှော်စင် ဇန်နဝါရီ ၁
“လူသားအားလုံးရင်ဆိုင်နေကြရတဲ့ အကြောင်းအရာတစ်ခုအကြောင်း ဆွေးနွေးဝေမျှနေပါတယ်၊ အဲဒါကတော့ သေခြင်းဖြစ်ပါတယ်။ ကိုယ်ချစ်ရတဲ့မိတ်ဆွေ၊ ဆွေမျိုးသားချင်းတစ်ယောက်ယောက် သေဆုံးသွားတဲ့အခါ အရမ်းပူဆွေးခံစားရတယ် မဟုတ်လား။ [တုံ့ပြန်မှုကိုစောင့်ပါ။] လူတော်တော်များများကတော့ သမ္မာကျမ်းစာမှာပါတဲ့ စကားတွေကနေ နှစ်သိမ့်မှုခံစားကြရတယ်။ [ဟေရှာယ ၂၅:၈ ကိုဖတ်ပါ။] သမ္မာကျမ်းစာထဲမှာ ဘုရားသခင်ဟာ တစ်နေ့မှာ သေခြင်းကိုအဆုံးတိုင်စေပြီး ချစ်မြတ်နိုးရတဲ့ သေလွန်သူတွေ ပြန်အသက်ရှင်အောင်လုပ်ပေးမယ်ဆိုပြီး ကတိပေးထားတယ်။ အဲဒီအကြောင်း ဒီမဂ္ဂဇင်းမှာ ဆွေးနွေးထားပါတယ်။”
နိုးလော့! ဇန်နဝါရီ
“ဒီနေ့အချိန်မှာ မိသားစုတွေဟာ ဖိအားအမျိုးမျိုးနဲ့ ရင်ဆိုင်နေရတယ်ဆိုတာကို သဘောတူပါသလား။ [တုံ့ပြန်မှုကိုစောင့်ပါ။] မိသားစုဝင်တွေဟာ အိမ်ထောင်သာယာခိုင်မြဲဖို့ ဘာလုပ်ရမလဲဆိုတာကို သမ္မာကျမ်းစာမှာ အခုလို အကြံပေးထားပါတယ်။ [သုတ္တံ ၂၄:၃ ကိုဖတ်ပါ။] လူတော်တော်များများကတော့ အိမ်ထောင်သာယာအောင် ကူညီပေးတဲ့ ပညာရှိစကားတွေကို သမ္မာကျမ်းစာကနေ ရရှိကြတယ်။ မိသားစုတွေကို အကူအညီဖြစ်စေတဲ့ အကြောင်းအရာတွေပါရှိပြီး အခမဲ့ဝင်ရောက်ကြည့်နိုင်တဲ့ သမ္မာကျမ်းစာအခြေပြု အထူးဝက်ဘ်ဆိုက်အကြောင်း ဒီမဂ္ဂဇင်းမှာ ဆွေးနွေးဖော်ပြထားပါတယ်။”