စင်ကြယ်တဲ့ အမူအကျင့်နဲ့ အလွန်ရိုသေတတ်တာက အိမ်ထောင်ဖက်ကို သွေးဆောင်နိုင်

ခရစ်ယာန် ဖြစ်လာတဲ့ ဇနီးသည်တွေရဲ့ အမူအကျင့်ကောင်းကြောင့် သူတို့ရဲ့ ခင်ပွန်းတွေလည်း အမှန်တရားကို လက်ခံလေ့ရှိတယ်။ ဒါပေမဲ့ အခက်အခဲတွေကို နှစ်ပေါင်းများစွာ သည်းခံနိုင်ဖို့ လိုတယ်။ (၁ပ ၂:၂၁-၂၃။ ၃:၁၊ ၂) တကယ်လို့ မတရားခံနေရတယ်ဆိုရင် အဆိုးကို အကောင်းနဲ့ အနိုင်ယူပါ။ (ရ ၁၂:၂၁) သင့်ခင်ပွန်းက သင်ဟောတာကို နားထောင်ချင်မှ နားထောင်မယ်။ ဒါပေမဲ့ သင့်ပုံသက်သေကောင်းကြောင့် အမှန်တရားကို သူ စိတ်ဝင်စားလာနိုင်တယ်။

ကိစ္စရပ်တွေကို သင့်အိမ်ထောင်ဖက်ရဲ့ ရှုထောင့်ကနေ ကြည့်တတ်ဖို့ ကြိုးစားပါ။ (ဖိ ၂:၃၊ ၄) ကိုယ်ချင်းစာနာပါ၊ ဇနီးတာဝန်ကို အတတ်နိုင်ဆုံး ကျေပွန်အောင်လုပ်ပါ။ ကောင်းကောင်း နားထောင်ပေးပါ။ (ယာ ၁:၁၉) စိတ်ရှည်ပါ၊ သူ့ကို သင် ချစ်ကြောင်း စိတ်ချစေပါ။ သင့်ခင်ပွန်းက သင့်ကို ဘယ်တော့မှ ကြင်နာမှု၊ လေးစားမှုနဲ့ မတုံ့ပြန်ရင်တောင် သင့်ရဲ့ သစ္စာရှိမှုကို ယေဟောဝါ တန်ဖိုးထားတယ်ဆိုတာ စိတ်ချနိုင်ပါတယ်။—၁ပ ၂:၁၉၊ ၂၀။

ကိုယ့်ဝန် ကိုယ်ထမ်းနိုင်ဖို့ ယေဟောဝါ ခွန်အားပေး ဗီဒီယိုကို ကြည့်ပါ၊ ပြီးတဲ့နောက် အောက်ပါမေးခွန်းတွေကို ဖြေပါ–

• ဂရေ့စ် လီ အိမ်ထောင်ကျခါစမှာ ဘယ်လို ဖြစ်ခဲ့သလဲ။

• သူ ဘာကြောင့် အမှန်တရားကို စိတ်ဝင်စားခဲ့သလဲ။

• ညီအစ်မလီဟာ နှစ်ခြင်းခံပြီးနောက်မှာ အခက်အခဲတွေကို ဘယ်လို သည်းခံခဲ့သလဲ။

• ခင်ပွန်းနဲ့ပတ်သက်ပြီး ညီအစ်မလီ ဘယ်လို ဆုတောင်းခဲ့သလဲ။

• စင်ကြယ်တဲ့ အမူအကျင့်နဲ့ အလွန်ရိုသေတတ်လို့ ညီအစ်မလီ ဘာကောင်းချီးတွေ ခံစားခဲ့ရသလဲ။