ယေဟောဝါကို ယုံကြည်ကိုးစားနိုင်တဲ့ နည်းလမ်း သုံးခု

ဒါဝိဒ်ဟာ ယေဟောဝါကို ယုံကြည်ကိုးစားလို့ ဂေါလျတ်ကို အနိုင်ရခဲ့တယ်။ (၁ရှ ၁၇:၄၅) ယေဟောဝါဟာ ဝတ်ပြုသူအားလုံးအတွက် မိမိရဲ့ အစွမ်းတန်ခိုးကို ပြချင်တယ်။ (၂ရ ၁၆:၉) ကိုယ့်ရဲ့ အတွေ့အကြုံနဲ့ စွမ်းရည်ကို အားကိုးမယ့်အစား ယေဟောဝါ ပြင်ဆင်ပေးထားတဲ့ အကူအညီကို ယုံကြည်ကိုးစားကြောင်း ဘယ်လို ပြနိုင်သလဲ။ နည်းလမ်း သုံးခု ရှိပါတယ်–

• မကြာခဏ ဆုတောင်းပါ။ အပြစ်လုပ်မိတဲ့အခါ ခွင့်လွှတ်ခံရဖို့ ဆုတောင်းပါ၊ အဲဒီအပြင် အပြစ်လုပ်ဖို့ သွေးဆောင်ခံရတဲ့အခါ တိုက်လှန်နိုင်တဲ့ ခွန်အား ရဖို့လည်း ဆုတောင်းပါ။ (မ ၆:၁၂၊ ၁၃) ဆုံးဖြတ်ချက်တွေကို ယေဟောဝါ ကောင်းချီးပေးဖို့သာ ဆုမတောင်းဘဲ ဆုံးဖြတ်ချက် မချခင် လမ်းညွှန်မှုနဲ့ ဉာဏ်ပညာ ပေးဖို့ ဆုတောင်းပါ။—ယာ ၁:၅

• ကျမ်းစာ ဖတ်တဲ့၊ လေ့လာတဲ့ လုပ်ရိုးလုပ်စဉ်တစ်ခု ထားရှိပါ။ နေ့တိုင်း ကျမ်းစာဖတ်ပါ။ (ဆ ၁:၂) ကျမ်းစာ စံနမူနာတွေကို တွေးတောဆင်ခြင်ပါ၊ သိလာတဲ့ သင်ခန်းစာတွေကို လက်တွေ့ကျင့်ပါ။ (ယာ ၁:၂၃-၂၅) အမှုဆောင်လုပ်ငန်းမှာ ကိုယ့်ရဲ့ အရင်က အတွေ့အကြုံကို အားမကိုးဘဲ ကြိုတင်ပြင်ဆင်ပါ။ အစည်းအဝေးတွေအတွက် ကြိုတင် ပြင်ဆင်ခြင်းအားဖြင့် အကျိုးအပြည့်အဝ ရယူပါ

• ယေဟောဝါရဲ့ အဖွဲ့အစည်းနဲ့ ပူးပေါင်းပါ။ အဖွဲ့အစည်းရဲ့ နောက်ဆုံး ညွှန်ကြားချက်တွေနဲ့ အမီလိုက်နေပါ၊ ချက်ချင်း လိုက်နာပါ။ (တလ ၉:၁၇) အကြီးအကဲတွေဆီက အကြံဉာဏ်တွေ၊ လမ်းညွှန်ချက်တွေ ရတဲ့အခါ နားထောင်ပါ။—ဟီ ၁၃:၁၇

နှိပ်စက်ညှဉ်းပန်းခြင်းကို ကြောက်စရာ မလို ဗီဒီယိုကို ကြည့်ပါ။ ပြီးတဲ့နောက် အောက်ပါမေးခွန်းတွေကို ဖြေပါ–

• ကြောက်စရာကောင်းတဲ့ ဘယ်အခြေအနေတွေကို ညီအစ်ကို ညီအစ်မတွေ ကြုံတွေ့ခဲ့ကြသလဲ။

• ကြောက်စိတ်ကို အောင်မြင်ဖို့ ဘာက ကူညီပေးခဲ့သလဲ။