အမြင်ကျယ်ကျယ်ထားပြီး လေ့လာပါ

‘ငါ ဘာတွေ သိအောင် လုပ်မယ်’ ဆိုတဲ့ အတွေးနဲ့ ကျွန်တော်တို့ လေ့လာမှု လုပ်ကြတယ်။ ဒါပေမဲ့ ကိုယ် ဘာတွေ သိအောင် လုပ်မယ်ဆိုတာကိုပဲ အာရုံစိုက်နေလို့ ယေဟောဝါ သင်ပေးနေတာတွေကို မျက်စိလျှမ်းမသွားဖို့ သတိထားရမယ်။ အမြင်ကျယ်ကျယ်ထားပြီး ဘယ်လို လေ့လာနိုင်မလဲ။

ဉာဏ်ပညာ ရဖို့ ဆုတောင်းပါ။ ကိုယ့်ကို ယေဟောဝါ အခု ဘာသင်ယူစေချင်သလဲဆိုတာ သိမြင်ဖို့ ဆုတောင်းပါ။ (ယာ. ၁:၅) သိပြီးသလောက်နဲ့ပဲ ကျေနပ်မနေပါနဲ့။—ပညာ. ၃:၅၊ ၆။

ကျမ်းစာ အစွမ်းထက်တယ်ဆိုတာ အသိအမှတ်ပြုပါ။ “ဘုရားသခင်ရဲ့ နှုတ်ထွက်စကားဟာ ရှင်သန်နေတယ်။” (ဟီ. ၄:၁၂) ဒါကြောင့် ကျမ်းစာဖတ်တိုင်း အကြောင်းအရာသစ် တစ်ခုမဟုတ် တစ်ခု သိလာနိုင်တယ်။ တစ်နည်းမဟုတ် တစ်နည်းနဲ့ အကျိုးရနိုင်တယ်။ ဒါပေမဲ့ ကိုယ်မသိတာတွေ ရှိတယ်၊ ကျမ်းစာဖတ်တဲ့အခါ မသိတာတွေ သိလာနိုင်တယ်ဆိုတာ အသိအမှတ်ပြုမှ အကျိုးရမယ်။

ယေဟောဝါ ပြင်ဆင်ပေးထားသမျှအတွက် ကျေးဇူးတင်လေးမြတ်ပါ။ ဘုရားရေးရာ အစားအစာဟာ “အဆီအနှစ်များတဲ့ ဟင်းတွေ” နဲ့ တူတယ်။ (ဟေရှာ. ၂၅:၆) ဘယ် “ဟင်း” ဆိုရင်တော့ ငါ မကြိုက်လောက်ဘူး ထင်ပြီး မစားတာမျိုး မလုပ်ပါနဲ့။ ဟင်းပွဲတိုင်းကို စားမှ အကျိုးရမယ်။ ဘုရားရေးရာ အစားအစာတွေကို နှစ်ခြိုက်တတ်လာမယ်။