ကင်းမျှော်စင် နှင့် နိုးလော့! မှ ဆက်လက်အကျိုးရရှိနေခြင်း

ယခု ကင်းမျှော်စင် နှင့် နိုးလော့! မဂ္ဂဇင်းနှစ်စဉ်ကြေးကို စာတိုက်မှပေးပို့မှုအား ရပ်ဆိုင်းထားရာ ကျွန်ုပ်တို့နှင့် ကျွန်ုပ်တို့ဟောပြောသူများ လထုတ်တစ်စောင်မျှမလွတ်ရစေရန် ကြိုးစားဖို့လိုမည်ဖြစ်သည်။

ကိုယ်ပိုင်မဂ္ဂဇင်း– သင့်ကိုယ်ပိုင်နှစ်စဉ်ကြေးသက်တမ်းကုန်ဆုံးသောအခါ မဂ္ဂဇင်းကောင်တာတွင် သင့်လက်ရှိမှာယူမှုကိုတိုးလိုက်ပါ။ မိဘတို့သည် မိသားစုဝင်တစ်ဦးစီတွင် ကိုယ်ပိုင်တစ်စောင်စီရှိစေရန် မဂ္ဂဇင်းအလုံအလောက်မှာယူသင့်သည်။ သင့်ကိုယ်ပိုင်မဂ္ဂဇင်းပေါ်တွင် သင့်နာမည်ရေးထားခြင်းဖြင့် လယ်ကွင်းတွင် အမှတ်မထင်ဝေငှမိမည်မဟုတ်ပေ။ မဂ္ဂဇင်းထုပ်များရောက်လာသည့်အခါ ၎င်းတို့ကိုကိုင်သောညီအစ်ကိုများသည် နိုင်ငံတော်ခန်းမတွင် လထုတ်တိုင်း ချက်ချင်း ရရှိစေမည်ဖြစ်သည်။

မဂ္ဂဇင်းလမ်းကြောင်းများ– ကြေညာသူများသည် လထုတ်တိုင်းရလိုသော စိတ်ဝင်စားသူအားလုံးတွင် မဂ္ဂဇင်းလမ်းကြောင်းချရန် ကြိုးစားသင့်သည်။ ထိုသို့သောသူများထံ မဂ္ဂဇင်းများကို ကိုယ်တိုင် အိမ်တိုင်ရာရောက်ပို့ပေးခြင်းသည် ပြသသည့်စိတ်ဝင်စားမှုကို ပျိုးထောင်ပေးရန်နှင့် ကျမ်းစာသင်အံမှုများစရန် အခွင့်အရေးများရရှိစေသည်။—ကျွန်ုပ်တို့၏နိုင်ငံတော်ဓမ္မအမှု၊ အောက်တိုဘာ ၁၉၉၈၊ စာမျက်နှာ ၈ ရှု။

အထူးလိုအပ်သူများ– လူတစ်ဦးသည် စစ်မှန်သောစိတ်ဝင်စားမှုပြသော်လည်း ခန့်အပ်မထားသောရပ်ကွက်တွင် နေထိုင်ပါက နှစ်စဉ်ကြေးကို စာတိုက်မှပို့ပေးခြင်းဖြင့် သူမဂ္ဂဇင်းများရရှိစေရန် ခြွင်းချက်ပြုလုပ်နိုင်သည်။ အသင်းတော်ရပ်ကွက်တွင် နေထိုင်သူတစ်ဦးသည် မဂ္ဂဇင်းလမ်းကြောင်းဖြင့် မရရှိနိုင်ပါက မဂ္ဂဇင်းများကို အမှန်တကယ်ရလိုလျှင် ၎င်းကိစ္စကို အသင်းတော်လုပ်ငန်းတော်ကော်မတီနှင့်ဆွေးနွေးပါ။ သူတို့သဘောတူလျှင် စိတ်ဝင်စားသူအတွက် နှစ်စဉ်ကြေးပို့ပေးနိုင်သည်။ စံနှစ်စဉ်ကြေးပုံစံများ (M-1 နှင့် M-101) ကို ယင်းအတွက်အသုံးပြုနိုင်သည်။

ကင်းမျှော်စင် နှင့် နိုးလော့! အားဖြင့် နိုင်ငံတော်အကြောင်းကြေညာရန် ကျွန်ုပ်တို့၏ကြိုးစားမှုမှန်သမျှကို ယေဟောဝါဆက်လက်ကောင်းချီးပေးမည်ဖြစ်ကြောင်း ယုံကြည်စိတ်ချနိုင်ပါသည်။