ဘာသာစကားစုံသောရပ်ကွက်တွင် စာပေများဝေငှခြင်း

၁။ အသင်းတော်များစွာတွင် နိုင်ငံခြားဘာသာစကားဖြင့် စာပေများ အဘယ်ကြောင့်လိုအပ်သနည်း။

^၁ ဒေသများစွာတွင် အမှုဆောင်လယ်ကွင်း၌ အခြားတိုင်းပြည်မှလူများ ပါဝင်လာသည်။ ၎င်းတို့ထဲမှများစွာသည် မိခင်ဘာသာစကားဖြင့် သင်ပေးသည့်အခါ ပိုမိုမြန်ဆန်စွာတတ်မြောက်ကြပြီး ပိုမိုသဘောပေါက်နားလည်ကြသည်။ စိတ်ဝင်စားသူများ ကောင်းစွာနားလည်သည့်ဘာသာစကားဖြင့် ကျမ်းစာအခြေပြုစာပေများရရှိရန် မည်သည့်အစီအစဉ်များရှိသနည်း။

၂။ မတူညီသောဘာသာခြားစကားများကိုပြောသည့် အသင်းတော်နှစ်ခု သို့မဟုတ် ထိုထက်မကသည် ရပ်ကွက်တစ်ခုတည်းတွင် အမှုဆောင်သောအခါ အဘယ်ပူးပေါင်းဆောင်ရွက်မှုလိုအပ်သနည်း။

^၂ စာပေဝေငှရမည့်အခါ– မတူညီသောဘာသာခြားစကားများကိုပြောသည့် အသင်းတော်နှစ်ခု သို့မဟုတ် ထိုထက်မကသည် ရပ်ကွက်တစ်ခုတည်းကို အမှုဆောင်သောအခါ သက်ဆိုင်ရာအကြီးအကဲအဖွဲ့သည် ဘာသာစကားအုပ်စုတစ်ခုစီကို စေ့စပ်စွာသက်သေခံနိုင်ရန် အပြန်အလှန်လက်သင့်ခံနိုင်သော စနစ်တစ်ခုကိုချမှတ်ရာ၌ လုပ်ငန်းတော်ကြီးကြပ်မှူးများနှင့် ပူးပေါင်းလုပ်ဆောင်မည်ဖြစ်သည်။ ကြေညာသူများသည် ပုံမှန်အားဖြင့် တစ်အိမ်မှတစ်အိမ်ဟောပြောသည့်အခါ အခြားအသင်းတော်(များ)၏ ဘာသာစကားဖြင့် စာပေဝေငှကြမည်မဟုတ်ပေ။ သို့သော် ကြေညာသူများသည် အလွတ်သဘော သို့မဟုတ် လူစုဝေးရာနေရာများတွင် သက်သေခံသည့်အခါ အသိုင်းအဝိုင်း၏ဘာသာစကားများဖြင့် စာပေဝေငှမည်ဖြစ်သည်။—အောက်တိုဘာ ၁၉၉၀ ကျွန်ုပ်တို့၏နိုင်ငံတော်ဓမ္မအမှု မေးခွန်းသေတ္တာ [လိပ်] ရှု။

၃။ အသင်းတော်တစ်ခုသည် မည်သည့်အခါတွင် နိုင်ငံခြားဘာသာစကားစာပေများကို ဆောင်ထားမည်နည်း။

^၃ စာပေများဆောင်ထားရန်အချိန်– နယ်မြေတစ်ခုတွင် နိုင်ငံခြားဘာသာစကားပြောသူ အတော်အတန်ရှိသော်လည်း ထိုဘာသာစကားပြောသောအသင်းတော်မရှိလျှင် အဘယ်အရာပြုလုပ်နိုင်သနည်း။ ၎င်းအခြေအနေမျိုးတွင် အသင်းတော်များသည် ဝေစာ၊ တောင်းဆို နှင့် ဘုရားသခင့်မိတ်ဆွေ ဘရိုရှာ၊ အသိပညာ စာအုပ်ကဲ့သို့သော အခြေခံစာပေများကို ထိုဘာသာစကားဖြင့် အနည်းငယ်ဆောင်ထားနိုင်သည်။ ကြေညာသူများသည် ထိုဘာသာစကားကိုဖတ်ရှုနိုင်သူများနှင့် တွေ့ဆုံသည့်အခါတိုင်း ယင်းကို ဝေငှနိုင်သည်။

၄။ အသင်းတော်တွင်မရှိသည့် ဘာသာစကားတစ်မျိုးဖြင့် စာပေကို မည်သို့ရရှိနိုင်သနည်း။

^၄ စာအုပ်စာတမ်းမှာယူပုံ– အသင်းတော်တွင် စိတ်ဝင်စားသူတစ်ဦးဖတ်ရှုသည့် ဘာသာစကားဖြင့် စာပေများမရှိလျှင် ထိုဘာသာစကားဖြင့် စာပေကို မည်သို့ရရှိနိုင်သနည်း။ ကြေညာသူသည် ထိုဘာသာစကားဖြင့် မည်သည့်စာပေများရရှိနိုင်ကြောင်း ပိုင်းဖြတ်ရန် စာအုပ်စာတမ်းအမှုထမ်းထံတွင် စုံစမ်းသင့်သည်၊ သို့ဖြင့် လိုအပ်သည့်စာပေများကို အသင်းတော်၏ နောက်စာအုပ်စာတမ်းတောင်းခံလွှာတွင် မှာယူနိုင်မည်ဖြစ်သည်။

၅။ နောက်တောင်းခံလွှာအတွက် ပစ္စည်းများမရရှိမီ စာပေများလိုအပ်လျှင် အဘယ်အရာပြုလုပ်နိုင်သနည်း။

^၅ အမြန်လိုအပ်ပါက ကြေညာသူသည် တောင်းခံလွှာကို အသင်းတော်၏ နောက်စီစဉ်ထားသည့် စာအုပ်စာတမ်းတောင်းခံလွှာမတိုင်မီ ပို့နိုင်၊ မပို့နိုင် အသင်းတော်လုပ်ငန်းတော် ကော်မတီဝင်တစ်ဦးအား မေးမြန်းနိုင်သည်။ ယင်းကို သဘောတူလျှင် စာအုပ်စာတမ်းညှိနှိုင်းရေးမှူး သို့မဟုတ် သူတာဝန်ပေးသူသည် ဌာနခွဲရုံးသို့ စာတိုက်မှဖြစ်စေ၊ တယ်လီဖုန်းဖြင့်ဖြစ်စေ တောင်းခံလွှာကို အမြန်ပို့နိုင်သည်။ ဆန္ဒရှိမည်ဆိုလျှင် စာပေများကို အသင်းတော်၏ ပုံမှန်ပို့သည့်လိပ်စာ သို့မဟုတ် ယာယီလိပ်စာသို့ ပို့ပေးပါမည်။ နေ့ချင်း သို့မဟုတ် နှစ်ရက်အတွင်း ပို့ပေးရန်တောင်းဆိုပါက အသင်းတော်အား ပို့ခများအတွက် တောင်းခံမည်ဖြစ်သည်။

၆။ ခရစ်ယာန်စာပေများကို ရရှိနိုင်အောင် ပြုလုပ်ပေးခြင်းတွင် ကျွန်ုပ်တို့၏ပန်းတိုင်ကား အဘယ်နည်း။

^၆ လူတို့၏ဘာသာစကားမည်သို့ပင်ဖြစ်ပါစေ “လူအပေါင်း” တို့သည် ‘သမ္မာတရားကိုသိ၍ ကယ်တင်ခြင်းခံရ’ ရန် ကူညီပေးဖို့ ခရစ်ယာန်စာပေများကို ကျွန်ုပ်တို့ထိရောက်စွာအသုံးပြုနိုင်ကြပါစေ။—၁ တိ. ၂:၃၊ ၄။