ကျွန်ုပ်တို့ရဲ့ တရားဝင်ဝက်ဘ်ဆိုက်—ကျွန်ုပ်တို့ကိုယ်တိုင်နဲ့ တခြားသူတွေအကျိုးအတွက်ဖြစ်
“လူမျိုးအပေါင်းတို့အတွက် သက်သေဖြစ်စေ” ဖို့ နိုင်ငံတော်နဲ့ဆိုင်တဲ့သတင်းကောင်းကို “လူနေရာမြေတစ်ပြင်လုံး” မှာဟောပါလို့ ကျွန်ုပ်တို့ကို ယေရှုအမိန့်ပေးခဲ့တယ်။ (မ. ၂၄:၁၄) ‘အမှုတော်ကို အကုန်အစင်ပြီးမြောက်’ စေဖို့ watchtower.org, jw-media.org နဲ့ jw.org ဝက်ဘ်ဆိုက်တွေကို jw.org ဝက်ဘ်ဆိုက်အဖြစ် အသစ်ပြင်ဆင်စုစည်းလိုက်ပြီဖြစ်ပါတယ်။—၂ တိ. ၄:၅။
“လူနေရာမြေတစ်ပြင်လုံး”– ကမ္ဘာ့လူဦးရေရဲ့ သုံးပုံတစ်ပုံလောက်က အင်တာနက်ကို အသုံးပြုကြတယ်။ လူများစွာအတွက်၊ အထူးသဖြင့် လူငယ်တွေအတွက် အင်တာနက်ဟာ သတင်းအချက်အလက်ရှာယူရာရင်းမြစ် ဖြစ်လာတယ်။ ကျွန်ုပ်တို့ရဲ့ဝက်ဘ်ဆိုက်က အင်တာနက်အသုံးပြုသူတွေကို ကျမ်းစာမေးခွန်းတွေနဲ့ပတ်သက်ပြီး ယုံကြည်စိတ်ချရတဲ့အဖြေတွေကို ဖော်ပြပေးတယ်။ ယေဟောဝါဘုရားသခင့်အဖွဲ့အစည်းနဲ့ မိတ်ဆက်ပေးပြီး အခမဲ့ကျမ်းစာလေ့လာမှုတောင်းခံဖို့ လွယ်ကူစေတယ်။ သတင်းကောင်းရောက်ဖို့မလွယ်တဲ့ ဒေသမှာနေထိုင်သူတွေကို သတင်းကောင်းကြားသိစေနိုင်တယ်။
“လူမျိုးအပေါင်း”– “လူမျိုးအပေါင်း” ကို သက်သေခံဖို့ ကျမ်းစာအမှန်တရားကို ဘာသာစကားအမျိုးမျိုးနဲ့ တင်ဆက်ရမယ်။ jw.org ကို ဝင်ကြည့်သူတွေဟာ အချက်အလက်တွေကို ဘာသာစကား ၄၀၀ ခန့်နဲ့ အလွယ်တကူတွေ့ရှိနိုင်တယ်။ ဒီလောက်များတဲ့ဘာသာစကားတွေကို တခြားဘယ်ဝက်ဘ်ဆိုက်မှာမှ မတွေ့နိုင်ဘူး။
ကောင်းကောင်းအသုံးပြုပါ– အသစ်ပြင်ဆင်ထားတဲ့ jw.org ဝက်ဘ်ဆိုက်က မယုံကြည်သူတွေကို သက်သေခံဖို့လောက်သာ ရည်ရွယ်ထားတာမဟုတ်ဘူး။ ယေဟောဝါသက်သေတွေကိုယ်တိုင် အသုံးပြုဖို့လည်း ရည်ရွယ်ထားတယ်။ သင် အင်တာနက်သုံးတယ်ဆိုရင် jw.org နဲ့ အကျွမ်းတဝင်ရှိအောင်လုပ်ပါလို့ ကျွန်ုပ်တို့ အားပေးလိုတယ်။ အသုံးပြုနိုင်တဲ့ နည်းလမ်းတချို့ကို ဆက်ဖော်ပြထားပါတယ်။
[စာမျက်နှာ ၃ ပါ ပုံကြမ်း]
(ကားချပ်အပြည့်အစုံကို စာစောင်တွင်ကြည့်ပါ)
ခုလို စမ်းကြည့်ပါ
၁ ဝက်ဘ်ဆိုက်လိပ်စာရိုက်ထည့်ရမယ့်နေရာမှာ www.pr418.com လို့ ရိုက်ထည့်ပါ။
၂ အပေါ်မှာရှိတဲ့ ခေါင်းစဉ်ခွဲလေးတွေ၊ ဘေးမှာရှိတဲ့ ခေါင်းစဉ်ခွဲလေးတွေနဲ့ အလယ်မှာတွေ့နိုင်တဲ့ ကြော်ငြာထားရာတွေကို နှိပ်ပြီး ဖွင့်ဖတ်ကြည့်ပါ။
၃ မိုဘိုင်းဖုန်းလိုမျိုး အင်တာနက်သုံးနိုင်တဲ့ အီလက်ထရောနစ်ပစ္စည်းတွေကနေ jw.org ကို ဝင်ကြည့်ပါ။ စာမျက်နှာအသွင်အပြင်က ဖန်သားပြင်အသေးနဲ့ကိုက်အောင် လုပ်ထားပေမဲ့ အချက်အလက်တွေကတော့ အတူတူပါပဲ။