“ဘုရားသခင် တွဲဖက်ထား . . . ”

ကွာရှင်းဖို့ စဉ်းစားနေတဲ့ အမျိုးသားဟာ ကွာရှင်းစာချုပ် ရေးရမယ်လို့ မောရှေပညတ်က တောင်းဆိုတယ်။ ဒါက အလောတကြီး အိမ်ထောင်ကွာရှင်းတာကို တားဆီးပေးတယ်။ ဒါပေမဲ့ ယေရှုအချိန်မှာ လွယ်လွယ်လေးနဲ့ ကွာရှင်းလို့ရအောင် ဘာသာရေးခေါင်းဆောင်တွေ လုပ်ကြတယ်။ အမျိုးသားတွေဟာ မိမိတို့ဇနီးကို ဘယ်အကြောင်းပြချက်နဲ့မဆို ကွာရှင်းလို့ရတယ်။ (“ကွာရှင်းစာချုပ်” nwtsty မာ ၁၀:၄ လေ့လာမှု မှတ်စု “ဇနီးကို ကွာရှင်း” “အိမ်ထောင်ရေး ဖောက်ပြန်သူ၊ ကိုယ့်ဇနီးကို ပြစ်မှားသူ” nwtsty မာ ၁၀: ၁၁ လေ့လာမှု မှတ်စု) အိမ်ထောင်ကို ယေဟောဝါရဲ့ အခွင့်အာဏာနဲ့ အစပြုတည်ထောင်ထားကြောင်း ယေရှု ပြန်သတိရစေခဲ့တယ်။ (မာကု ၁၀:၂-၁၂) ခင်ပွန်းနဲ့ ဇနီးဟာ ရာသက်ပန်ပေါင်းစည်းဖို့ “တစ်သားတစ်ကိုယ်တည်း” ဖြစ်လာတယ်။ ကျမ်းစာအရ ကွာရှင်းနိုင်တဲ့ တစ်ခုတည်းသော အကြောင်းရင်းက မဿဲကျမ်းပြိုင်မှတ်တမ်းမှာပါတဲ့ “လိင်အကျင့်ယိုယွင်းမှု” ဖြစ်တယ်။ —မ ၁၉:၉။

အခုချိန်မှာတော့ လူတွေဟာ အိမ်ထောင်ရေးနဲ့ ပတ်သက်လာရင် ယေရှုလို အမြင်မျိုး မရှိတော့ဘူး၊ ဖာရိရှဲတွေလိုပဲ မြင်တော့တယ်။ ပြဿနာတွေ ပေါ်လာတဲ့အခါ အလျင်စလို ကွာရှင်းလိုက်ကြတယ်။ ဒါပေမဲ့ ခရစ်ယာန်မောင်နှံတွေကတော့ အိမ်ထောင်ကတိသစ္စာကို အလေးအနက်ထားတယ်၊ ကျမ်းစာမူတွေကို ကျင့်သုံးပြီး အခက်အခဲတွေကို ရင်ဆိုင်ဖြေရှင်းတယ်။ မေတ္တာနဲ့ လေးစားမှုက မိသားစုကို စည်းလုံးစေ ဗီဒီယိုကြည့်ပြီးနောက် အောက်ပါမေးခွန်းတွေကို ဖြေပါ–

• 

  အိမ်ထောင်မှာ ပညာအလိမ္မာ ၁၅:၁ ကို ဘယ်လို ကျင့်သုံးနိုင်သလဲ။ အဲဒီလိုကျင့်သုံးဖို့ ဘာကြောင့် အရေးကြီးသလဲ။

• ပြဿနာတွေကို ရှောင်နိုင်အောင် ပညာအလိမ္မာ ၁၉:၁၁ ကို ဘယ်လို ကျင့်သုံးနိုင်သလဲ။

• အိမ်ထောင်ပြိုကွဲတော့မယ့် အခြေအနေမှာ ‘ကွာရှင်းလိုက်ရင် ကောင်းမလား’ လို့ စဉ်းစားမယ့်အစား ဘယ်မေးခွန်းတွေကို စဉ်းစားသင့်သလဲ။

• ပိုကောင်းတဲ့ ခင်ပွန်း၊ ပိုကောင်းတဲ့ဇနီးဖြစ်အောင် မဿဲ ၇:၁၂ ကို ဘယ်လို ကျင့်သုံးနိုင်သလဲ။