သီရိလင်္ကာဌာနခွဲအပ်နှံပွဲ

သီရိလင်္ကာရိုးရာဝတ်စုံ ဝတ်ဆင်ထားတဲ့ ဒေသခံညီအစ်ကိုညီအစ်မတွေဟာ လှပတဲ့ဒီကျွန်းပေါ်မှာ ဌာနခွဲအပ်နှံပွဲ တက်ရောက်ဖို့လာကြတဲ့ ၁၉ နိုင်ငံက ကိုယ်စားလှယ် ၁၃၀ ကို လှိုက်လှိုက်လှဲလှဲ ကြိုဆိုခဲ့ကြတယ်။ ကလေးတစ်စုက နိုင်ငံတော်သီချင်းတွေ ဆိုကြတယ်။ စိတ်ဝင်စားစရာကောင်းတဲ့ ရိုးရာအကတွေ၊ အရသာရှိတဲ့ ရိုးရာအစားအစာတွေ၊ နားဝင်ချိုတဲ့ တေးသံသာတွေအပြင် ပျော်ရွှင်စရာ ခရစ်ယာန်ပေါင်းသင်းမှုတွေကို အားလုံးနှစ်သက်ခဲ့ကြတယ်။

ဌာနခွဲအဆောက်အအုံသစ်နဲ့ ပြုပြင်မွမ်းမံတဲ့အဆောက်အအုံတွေကို ၂၀၁၄၊ ဇန်နဝါရီ ၁၁ ရက်၊ စနေနေ့မှာ ယေဟောဝါဆီ အပ်နှံခဲ့တယ်။ ဘာသာစကားသုံးမျိုးနဲ့တင်ဆက်တဲ့ အစီအစဉ်ကို ပရိသတ် ၈၉၃ ယောက် အာရုံစိုက်နားထောင်ခဲ့တယ်။ အုပ်ချုပ်ရေးအဖွဲ့ဝင် ညီအစ်ကိုမာ့ခ် ဆန်ဒါစန်က “ဒီအဆောက်အအုံသစ်တွေကို ယေဟောဝါဘုရားဆီ အပ်နှံချင်သလား” လို့မေးလိုက်တဲ့အခါ ပရိသတ်တွေ အကြာကြီးလက်ခုပ်တီးခဲ့ကြတယ်။

နောက်တစ်နေ့မှာ စနေနေ့အစီအစဉ်ကို အကျဉ်းချုပ်ပြန်ပြပြီး ညီအစ်ကိုဆန်ဒါစန်က အားရှိစရာဟောပြောချက်ပေးခဲ့တယ်။ ပရိသတ် ၇,၇၀၁ ယောက် တက်ရောက်ခဲ့တယ်။ အစီအစဉ်ကို အဓိကနေရာငါးခုနဲ့ ချိတ်ဆက်ခဲ့တယ်။ အခုလိုမျိုး ဗီဒီယိုနဲ့တိုက်ရိုက်ဆက်သွယ်တာ ဦးဆုံးအကြိမ်ပဲ။ ဒါကြောင့် တစ်ကျွန်းလုံးက ညီအစ်ကိုညီအစ်မတွေဟာ နိုင်ငံတော်သီချင်းဆိုနေချိန်မှာ တစ်ယောက်ကိုတစ်ယောက် မြင်နိုင်ကြားနိုင်ခဲ့တယ်။ ဒီသမိုင်းဝင်အခါသမယဟာ ‘အကြီးအကျယ် ရွှင်လန်းဝမ်းမြောက်’ စရာ အကြောင်းရင်းတစ်ခုပါပဲ။—နေ. ၁၂:၄၃၊ ကဘ။