လူတွေ စိုးရိမ်သောကများခဲ့ရတဲ့ ၂၀၂၃ ခုနှစ်​—ကျမ်းစာအဆိုက ဘာလဲ

၂၀၂၃ ခုနှစ်အတွင်း ကမ္ဘာတစ်ဝန်းဖြစ်ပျက်ခဲ့ရာတွေကို ပြန်ပြောင်းကြည့်တဲ့အခါ ကျွန်တော်တို့အသက်ရှင်တဲ့အချိန်ဟာ “နောက်ဆုံးကာလ” ဆိုတာ ပေါ်လွင်ထင်ရှားနေပါတယ်။ (၂ တိမောသေ ၃:၁) ကျွန်တော်တို့အချိန်မှာ ဖြစ်ပျက်မယ်လို့ ကျမ်းစာကြိုဟောထားရာတွေ ဘယ်လိုပြည့်စုံနေသလဲဆိုတာ သုံးသပ်ကြည့်ပါ။

ကျမ်းစာအဆိုနဲ့ ကမ္ဘာ့ဖြစ်ရပ်

“စစ်မက်သတင်းတွေ။”​—မဿဲ ၂၄:၆။

• “ကမ္ဘာ့ဒေသများစွာမှာ အကြမ်းဖက်ပဋိပက္ခတွေ ပိုပိုများလာတယ်။”a

“တစ်နေရာပြီး တစ်နေရာ မြေငလျင် လှုပ်လိမ့်မယ်။”​—မာကု ၁၃:၈။

• “၂၀၂၃ နှစ်ဦးပိုင်းကစပြီး ပြင်းအားအဆင့် ၇ ကျော်တဲ့ ငလျင်တွေ ကမ္ဘာတစ်ဝန်းမှာ လှုပ်ခတ်ခဲ့တာ ၁၃ ခုရှိပြီ။ စံချိန်တင်တဲ့ နှစ်တစ်နှစ်ပဲ။”b

“ကြောက်လန့်စရာ မြင်ကွင်းတွေ။”​—လုကာ ၂၁:၁၁။

• “ကမ္ဘာချီပူနွေးတဲ့ခေတ် ကုန်ဆုံးပြီး ကမ္ဘာချီလောင်မြိုက်တဲ့ခေတ် စတင်ပြီ။”​—အန်တိုနီရို ဂူတာရက်စ်၊ ကုလသမဂ္ဂ အတွင်းရေးမှူးချုပ်။c

“အစာခေါင်းပါးတာ။”​—မဿဲ ၂၄:၇။

• “၂၀၂၃ ခုနှစ်ဟာ မိသားစုဝမ်းရေးအတွက် ရှာရဖွေရ အင်မတန်ခက်ခဲတဲ့ နှစ်တစ်နှစ်ပါပဲ။”d[4]

“နောက်ဆုံးကာလဟာ အလွန် ခက်ခဲကျပ်တည်းမယ်။”​—၂ တိမောသေ ၃:၁။

• “ကမ္ဘာတစ်ဝန်း လူရှစ်ယောက်အနက် တစ်ယောက်က စိတ်ကျန်းမာရေးဝေဒနာ ခံစားနေရတယ်။”e

၂၀၂၄ ခုနှစ်မှာ ဘာတွေ ဖြစ်လာမလဲ

ဘယ်သူမှ တပ်အပ်မပြောနိုင်ပါဘူး။ ဒါပေမဲ့ ကမ္ဘာ့ဖြစ်ရပ်တွေကို ကြည့်ပြီး ဘုရားနိုင်ငံတော် အုပ်ချုပ်မယ့်အချိန် သိပ်နီးနေပြီဆိုတာ သိနိုင်တယ်။ ကောင်းကင်မှာတည်ရှိတဲ့ ဘုရားအစိုးရက လူ့အစိုးရတွေနေရာမှာ အစားထိုးအုပ်ချုပ်မယ်။ လူတွေကို သောကပွား၊ ဒုက္ခများစေတဲ့ အရင်းခံပြဿနာတွေကို အဆုံးတိုင်စေမယ်။​—ဒံယေလ ၂:၄၄။ ဗျာဒိတ် ၂၁:၄။

လောလောဆယ်အချိန်မှာလည်း စိုးရိမ်သောကတွေကို ဘုရားသခင့်အကူအညီနဲ့ ဖြေရှင်းနိုင်ပါတယ်။ ကျမ်းစာ အခုလိုဆိုတယ်–

“ကြောက်စိတ်ဝင်လာတိုင်း ကိုယ်တော့်ကို ယုံကြည်ကိုးစားတယ်။” ​—ဆာလံ ၅၆:၃။

ဘုရားသခင်ကို ယုံကြည်အားကိုးကြောင်း ဘယ်လိုတင်ပြနိုင်သလဲ။ အနာဂတ်မှာ ဆင်းရဲဒုက္ခတွေ ကွယ်ပျောက်မယ်ဆိုတဲ့ ကျမ်းစာကတိကို လေ့လာကြည့်ဖို့ ဖိတ်ခေါ်ပါတယ်။ အခမဲ့ ကျမ်းစာလေ့လာ ကြည့်ပါ။ ကျမ်းစာကတိတွေကနေ သင်နဲ့သင့်မိသားစု အကျိုးရနိုင်ပုံကို သိလာပါမယ်။