ကမ္ဘာတစ်ဝန်း မတရားမှုတွေ တိုးများလာ—ကျမ်းစာအဆိုက ဘာလဲ

ဟေတီနိုင်ငံမှာ အုပ်စုဖွဲ့အကြမ်းဖက်မှုတွေ ဖြစ်နေတယ်။ တောင်အာဖရိက၊ မက္ကဆီကိုနဲ့ တခြား လက်တင်အမေရိကနိုင်ငံတွေမှာလည်း အကြမ်းဖက်မှုတွေ ဖြစ်ပွားနေတယ်။ အကြမ်းဖက်မှု သိပ်မရှိတဲ့ ဒေသတွေမှာတောင် ဒီသတင်းတွေကြောင့် စိုးရိမ်စိတ်တွေ၊ မလုံခြုံမှုတွေ ခံစားနေရတယ်။

ကမ္ဘာတစ်ဝန်းမှာ ဖြစ်ပျက်နေတဲ့ မတရားမှုတွေနဲ့ပတ်သက်ပြီး သမ္မာကျမ်းစာမှာ ဘာပြောထားသလဲ။

မတရားမှုအကြောင်း ကျမ်းစာ ကြိုဟော

မတရားမှုတွေဟာ “လောကစနစ် နိဂုံးပိုင်းကို ရောက်နေပြီဆိုတဲ့ နိမိတ်” ထဲက တစ်ခုပါ။ (မဿဲ ၂၄:၃) နိမိတ်ထဲက အဖြစ်အပျက်တွေအကြောင်း ပြောချိန်မှာ ယေရှုခရစ် ဒီအချက်ကိုလည်း ဖော်ပြခဲ့တယ်–

•  “မတရားမှုတွေ များသည်ထက် များလာတဲ့အတွက် လူအတော်များများဟာ မေတ္တာတရား ခေါင်းပါးလာလိမ့်မယ်။”—မဿဲ ၂၄:၁၂။

“နောက်ဆုံးကာလ” မှာ လူတွေဟာ “မချုပ်တည်းနိုင်သူ၊ ကြမ်းကြုတ်သူ၊ ကောင်းမြတ်ရာကို မုန်းတီးသူ” တွေ ဖြစ်မယ်လို့ ကျမ်းစာ ကြိုပြောတယ်။ (၂ တိမောသေ ၃:၁-၅) အဲဒီလို တစ်ကိုယ်ကောင်းဆန်တဲ့ အကျင့်စရိုက်ရှိသူတွေကြောင့် ဒီနေ့အချိန်မှာ မတရားမှုတွေကို မြင်တွေ့နေရတာပါ။

ဒါပေမဲ့ မျှော်လင့်ချက်ရှိပါတယ်။ မကြာခင် မတရားမှုတွေ ပျောက်ကွယ်သွားမယ်လို့လည်း ကျမ်းစာ ကတိပေးထားတယ်။

•  “မကြာခင် လူဆိုးတွေ လုံးဝ ရှိတော့မှာ မဟုတ်ဘူး။ သူတို့ရှိတတ်တဲ့နေရာမှာ သွားကြည့်ရင်တောင် ရှိကြတော့မှာ မဟုတ်ဘူး။ စိတ်နူးညံ့သူတွေကတော့ ကမ္ဘာမြေကို ပိုင်ဆိုင်ရလိမ့်မယ်။ များပြားလှတဲ့ ငြိမ်သက်ခြင်းကြောင့် ပျော်ရွှင်ကြည်နူးရလိမ့်မယ်။”—ဆာလံ ၃၇:၁၀၊ ၁၁။

ကျမ်းစာမှာပါတဲ့ မျှော်လင့်ချက်အကြောင်းနဲ့ ဒီနေ့ခေတ်မှာ ပြည့်စုံနေတဲ့ ကျမ်းစာကြိုဟောချက်တွေအကြောင်း ပိုသိချင်ရင် အောက်ပါ ဆောင်းပါးတွေမှာ လေ့လာကြည့်ပါ။

“စစ်မှန်တဲ့ အနာဂတ် မျှော်လင့်ချက်”

“‘နောက်ဆုံးကာလ၊’ ‘အဆုံးပိုင်းကာလ’ ရဲ့ နိမိတ်က ဘာလဲ”

“အခုခေတ် လူတွေရဲ့ သဘောထားနဲ့ လုပ်ရပ်တွေအကြောင်း ကျမ်းစာ ကြိုဟောထားသလား”