ဦးဆောင်နေသောကြီးကြပ်မှူးများ—အသင်းတော်စာအုပ်ကြီးသင်တန်းမှူးများ

^၁ အသင်းတော်စာအုပ်ကြီးသင်တန်းမှူးတစ်ဦးအဖြစ် အမှုထမ်းရခြင်းသည် အရည်အချင်းပြည့်မီသောအကြီးအကဲတစ်ဦး သို့မဟုတ် ဓမ္မအမှုထမ်းတစ်ဦးအတွက် အခွင့်ထူးဖြစ်၏။ မိမိ၏အုပ်စုရှိသူများ၏ဝိညာဉ်ရေးလိုအပ်ရာများကို ကြည့်ရှုရခြင်းသည် ကြီးလေးသောတာဝန်တစ်ရပ်ဖြစ်သည်။ သူ၏တာဝန်မှာ သုံးမျိုးရှိပါသည်။

^၂ စွမ်းရည်ရှိရှိသွန်သင်ခြင်း– အသင်းတော်စာအုပ်ကြီးသင်တန်းမှူးသည် အုပ်စုအား နားလည်သိရှိမှုကိုမျှဝေပေးရန် အပတ်တိုင်း စေ့စေ့စပ်စပ်ပြင်ဆင်ရန်လို၏။ သူသည် လေ့လာနေသောအကြောင်းအရာကို လေးမြတ်မှုတိုးပွားရန် ရှာကြံသည်။ သင်တန်းချိန်အတွင်း စကားများများပြောမည့်အစား လိုအပ်သည့်အခါ သင်ခန်းစာ၏အဓိကအချက်များကို နှိုက်ထုတ်ရန် အချက်ကျသောထပ်ဆင့်မေးခွန်းများကို မေးမည်ဖြစ်သည်။ စိတ်ဝင်စားစရာကောင်းပြီး အသိပညာပေးသောသင်တန်းဖြစ်ရန်နှင့် ဆွေးနွေးခန်းတွင် ယောက်တိုင်းပါဝင်ရန် လုပ်ဆောင်ခြင်းသည် သူ့အတွက်စိန်ခေါ်ချက်ဖြစ်၏။ သူ၏ဦးတည်ချက်မှာ ဝိညာဉ်ရေးအရတည်ဆောက်ပေးရန်၊ သင်တန်း၏လက်တွေ့ကျတန်ဖိုးကို ပေါ်လွင်စေရန်နှင့် အကြောင်းအရာကို စိတ်နှင့်နှလုံးနှစ်ခုစလုံးသို့ရောက်ရှိရန်ဖြစ်သည်။—၁ သက်. ၂:၁၃။

^၃ အထောက်အကူပြုသောသိုးထိန်းခြင်း– အသင်းတော်စာအုပ်ကြီးသင်တန်းမှူးသည် “လေလုံ၍မိုးသက်မုန်တိုင်းကွယ်ရာအရပ်ကဲ့သို့” ဖြစ်၏။ (ဟေရှာ. ၃၂:၂) သူသည် မိမိ၏အုပ်စုတွင်ရှိသူအားလုံးကို အမှန်တကယ်ဂရုစိုက်ပြီး မိမိ၏အုပ်စုထဲမှသူတစ်ဦးသည် စိတ်ဓာတ်ကျနေသောအခါ ဝိညာဉ်ရေးအကူအညီရရှိစေရန် ကြည့်ရှုပေးသည်။—ယေဇ. ၃၄:၁၅၊ ၁၆; ၁ သက်. ၂:၇၊ ၈။

^၄ ဇွဲရှိရှိဧဝံဂေလိဟောပြောခြင်း– အသင်းတော်စာအုပ်ကြီးသင်တန်းမှူးသည် မိမိ၏အုပ်စုရှိသူအားလုံး လယ်ကွင်းဓမ္မအမှုတွင် အပြည့်အဝပါဝင်ရန် လက်တွေ့ကျသည့်အစီအစဉ်များ ပြုလုပ်ရသည်ကို သိရှိသည်။ သူသည် လုပ်ငန်းတော်အတွက် မိမိတင်ပြသည့် ပုံမှန်ဖြစ်မှု၊ ဇွဲနှင့် စိတ်ထက်သန်မှုတို့သည် အုပ်စုရှိအခြားသူများတွင် ထင်ဟပ်စေမည်ကိုသိရှိလျက် ဧဝံဂေလိဟောပြောခြင်းလုပ်ငန်းတွင် ဦးဆောင်သည်။ (ကော. ၄:၁၇; ၂ သက်. ၃:၉) အချိန်တန်သော် သူသည် မိမိ၏အုပ်စုဝင်တစ်ဦးစီနှင့်အတူ လုပ်ငန်းတော်တွင်အမှုဆောင်ရန် ကြိုးစားသည်။ ဓမ္မအမှုတွင် ကျွန်ုပ်တို့၏ဟောပြောခြင်းနှင့် သွန်သင်ခြင်းစွမ်းရည်များကို ထက်မြက်စေလိုပါက ကျွန်ုပ်တို့၏ပန်းတိုင်သို့ရောက်ရှိရန် အသင်းတော်စာအုပ်ကြီးသင်တန်းမှူးသည် ကူညီပေးနိုင်ပါသည်။—၁ တိ. ၄:၁၆; ၂ တိ. ၄:၅။

^၅ ကျွန်ုပ်တို့သည် ဝိညာဏအကူအညီနှင့် မေတ္တာပါသောထောက်မမှုကိုပေးရန် အသင့်ရှိနေကြသည့် ဤလူတို့တွင်ဆုလာဘ်များဖြင့် အမှန်တကယ်ကောင်းချီးခံစားကြရပါသည်။ (၁ သက်. ၅:၁၄) စာအုပ်ကြီးသင်တန်းတွင် မှန်မှန်ပါဝင်ကာ ဧဝံဂေလိဟောပြောခြင်းလုပ်ငန်းကို သစ္စာရှိရှိထောက်ခံခြင်းဖြင့် ယေဟောဝါထံမှလာသော ဤအထူးကောင်းမွန်သောအစီအစဉ်ကို ကျွန်ုပ်တို့လေးမြတ်ကြောင်း တင်ပြနိုင်ကြပါစေ။—ဟေဗြဲ ၁၀:၂၅။