ကျွန်ုပ်တို့၏ အစည်းအဝေးများတွင် ယေဟောဝါအားတေးသီကျူးရန် အသင့်ဖြစ်ပြီလော

^၁ ကျွန်ုပ်တို့အစည်းအဝေးများ၌ ပါဝင်ရန်ပြင်ဆင်ခြင်းတွင် ချီးမွမ်းသီချင်းများသီဆိုရန် ပြင်ဆင်ခြင်းလည်းပါဝင်သည်။ အောက်ပါအကြံပြုချက်များကို သုံးသပ်ပါ။

^၂ တေးစာသားများကို နားလည်ခြင်း– သီချင်းတစ်ပုဒ်စီ၏ အဓိကကျမ်းချက်နှင့် သီချင်း၏အဆုံးတွင် ဖော်ပြထားသော ထပ်ဆင့်ကျမ်းချက်များက တေးစာသားများသည် အဘယ်ကျမ်းချက်များပေါ်အခြေခံထားကြောင်း ရှင်းရှင်းလင်းလင်းနားလည်စေရန် အထောက်အကူပြုသည်။

^၃ လေ့ကျင့်ခြင်း– သီချင်းအသစ်များနှင့်ကျွမ်းဝင်စေရန် အပတ်စဉ်မိသားစုဝတ်ပြုမှု၏ အပိုင်းတစ်ပိုင်းကို အသုံးပြုနိုင်သည်။ အစည်းအဝေးများတွင် အသုံးပြုမည့်သီချင်းများကို အသံသွင်းထားသော စန္ဒရားတေးသံနှင့်တွဲဖက်၍ သီဆိုပါ။ ယေဟောဝါအားတေးသီကျူးကြ—သီချင်းစာသားသီဆိုမှုဖြင့်၊ Disc 1 ကိုနားထောင်ခြင်းဖြင့် သီချင်းအသစ်တချို့၏ တေးသွားနှင့်စာသားများကို လေ့လာနိုင်သည်။

^၄ လာမည့်တနင်္ဂနွေနေ့ ကင်းမျှော်စင် လေ့လာမှုတွင် ယေဟောဝါအားတေးသီကျူးကြ သီချင်းစာအုပ်အသစ်ကို အသုံးပြုသောအခါ သင်အသင့်ရှိမည်လော။ သီချင်းများ၏အဓိပ္ပာယ်ကို နားလည်ရန်နှင့် ယင်းတို့ကိုသီဆိုလေ့ကျင့်ရန် သင်အချိန်ယူမည်ဆိုလျှင် အသင့်ရှိနေပါလိမ့်မည်။