ခရိုင်စည်းဝေးဖိတ်စာ
၁။ ခရိုင်စည်းဝေး ဖိတ်စာဝေငှတဲ့ကင်းပိန် ဘယ်အချိန် စမှာလဲ။
၁ မိတ်ဆွေအပေါင်းအသင်းတွေကို ဖွယ်ဖွယ်ရာရာလေး ထမင်းဖိတ်ကျွေးချင်တယ်ဆိုပါစို့။ ဒီအတွက် အပင်ပန်းခံပြီး ပြင်ဆင်ချက်ပြုတ်မှာဖြစ်သလို သူတို့ကိုလည်း လှိုက်လှိုက်လှဲလှဲ ဖိတ်ခေါ်မယ်မဟုတ်လား။ ဘုရားရေးရာ ပုံဆောင်စားသောက်ပွဲဖြစ်တဲ့ လာမယ့်ခရိုင်စည်းဝေးအတွက် အကုန်အကျခံ အပင်ပန်းခံပြီး ပြင်ဆင်ပေးထားတယ်။ စည်းဝေးမစခင် သုံးပတ်အလိုမှာ တခြားသူတွေကိုပါ ဖိတ်ခေါ်ဖို့ ယေဟောဝါဘုရားက ကျွန်ုပ်တို့ကို တာဝန်ပေးထားတယ်။ ဖိတ်စာတွေကို အားတက်သရော ဘယ်လို ဝေငှကြမလဲ။
၂။ ကင်းပိန်မှာ အပြည့်အဝပါဝင်နိုင်အောင် ဘာက လှုံ့ဆော်ပေးမလဲ။
၂ စည်းဝေးတွေကနေတစ်ဆင့် ယေဟောဝါဘုရား ပြင်ဆင်ပေးတဲ့ အားရှိဖွယ်အချက်တွေကို ကိုယ် တကယ်တန်ဖိုးထားမယ်ဆိုရင် ကင်ပိန်းမှာ အားတက်သရော ပါဝင်ဖို့ လှုံ့ဆော်ပေးမှာပဲ။ (ဟေရှာ. ၆၅:၁၃၊ ၁၄) နှစ်စဉ် ကင်ပိန်းအစီအစဉ်ကြောင့် အကျိုးအများကြီးရတာကိုလည်း သတိရပါ။ (“အကျိုးကျေးဇူးများ” လေးထောင့်ကွက်ကိုကြည့်ပါ။) ဖိတ်ခေါ်ခံရတဲ့ လူတချို့ဟာ စည်းဝေး လာတက်ပါလိမ့်မယ်။ လူတွေ စည်းဝေး လာတက်တက် မတက်တက်၊ ကင်ပိန်းမှာ ကျွန်ုပ်တို့ ကြိုးစားတာတွေက ယေဟောဝါဘုရားကို ချီးမွမ်းရာရောက်ပြီး ကိုယ်တော့်ရဲ့ ရက်ရောမှုကို တုပရာလည်းရောက်ပါတယ်။—ဆာ. ၁၄၅:၃၊ ၇; ဗျာ. ၂၂:၁၇။
၃။ ဖိတ်စာတွေကို ဘယ်လိုဝေငှကြမလဲ။
၃ ဖိတ်စာတွေကို ဘယ်လိုနည်းနဲ့ အများဆုံးဝေငှနိုင်မလဲ၊ လူမရှိတဲ့အိမ်တွေမှာ ထားခဲ့ရမလား၊ လူထုရှေ့ သက်သေခံခြင်းမှာ ဝေငှသင့်သလားဆိုတာတွေကို အကြီးအကဲအဖွဲ့က ဆုံးဖြတ်ရမှာဖြစ်တယ်။ စနေ၊ တနင်္ဂနွေနေ့တွေမှာ ဖိတ်စာတွေကို ဦးစားပေး ဝေငှပါ။ သင့်တော်မယ်ဆိုရင် မဂ္ဂဇင်းတွေကိုပါ တွဲဝေငှပါ။ ကင်ပိန်းအတွင်း ကျွန်ုပ်တို့ ထက်သန်စွာပါဝင်ခဲ့လို့ ယေဟောဝါဘုရား ပြင်ဆင်ပေးတဲ့ ပုံဆောင်စားသောက်ပွဲကြီးဆီ လူတွေအများကြီး လာတက်တာကို တွေ့ရတဲ့အခါ ဘယ်လောက် ပျော်လိုက်မလဲ။