ခရစ်ယာန်အသက်တာလမ်းစဉ်

အမှုဆောင်လုပ်ငန်းမှာ တိုးတက်အောင် လုပ်ဆောင်ခြင်း—စိတ်ဝင်စားသူကို အစည်းအဝေးတက်ဖို့ အားပေးပါ

လူတစ်ယောက်ကို အသင်းတော်အစည်းအဝေးဖိတ်စာ ဝေငှနေတဲ့ ညီအစ်ကို

ဘာကြောင့်အရေးကြီး– အစည်းအဝေးတွေဟာ ‘ယေဟောဝါရဲ့ ရှေ့တော်မှာ သီချင်းဆိုပြီး၊’ ‘ဂုဏ်တော်ကိုချီးမွမ်း’ တဲ့ အချိန်အခါတွေဖြစ်တယ်။ (ဆာ. ၁၄၉:၁) ဘုရားသခင်ရဲ့ အလိုတော်ကို လုပ်ဆောင်ဖို့ အစည်းအဝေးတွေမှာ သွန်သင်ပေးတယ်။ (ဆာ. ၁၄၃:၁၀) စိတ်ဝင်စားသူတွေနဲ့ ကျမ်းစာသင်သားတွေဟာ အစည်းအဝေးတွေ စတက်ရောက်တာနဲ့ တိုးတက်လာလေ့ရှိတယ်။

အောက်တိုဘာလ ဝေငှရန်စာပေ– အသင်းတော်အစည်းအဝေး ဖိတ်စာ

အစည်းအဝေးကို ဦးဆုံးအကြိမ် တက်ရောက်သူတွေဟာ “ဘုရားသခင်သည် သင်တို့တွင် အမှန်ရှိတော်မူသည်” လို့ ကောက်ချက်ချခဲ့ကြတယ်။ (၁ ကော. ၁၄:၂၅) အောက်တိုဘာလအတွင်း အသင်းတော်အစည်းအဝေးတွေကို တက်ရောက်ဖို့ လူတွေကို တညီတညွတ်တည်း ဖိတ်ခေါ်ကြစို့။ အသင်းတော် အစည်းအဝေးဖိတ်စာ ဝေငှပြီးနောက် အိမ်ရှင်ခွင့်ပြုရင် နိုင်ငံတော်ခန်းမမှာ ဘာတွေ လုပ်ဆောင်ကြသလဲ ဗီဒီယိုကို ပြပါ။ နောက်အပတ်မှာ နမူနာတင်ဆက်နည်းကို ကြည့်ရှုပြီး ဆွေးနွေးပါလိမ့်မယ်။

လုပ်ဆောင်နိုင်ပုံ–

ဖြစ်နိုင်ရင် အမြန်ဆုံးဖိတ်ခေါ်ပါ။ ကျမ်းစာသင်အံမှု စတင်ချိန်အထိ မစောင့်ပါနဲ့။—ဗျာ. ၂၂:၁၇
အစည်းအဝေးမှာ ဘာတွေလုပ်ဆောင်တဲ့အကြောင်းနဲ့ နောက်အပတ်ဆွေးနွေးမယ့် အကြောင်းအရာကို စိတ်ဝင်စားသူကို ပြောပြပါ။ အသင်းတော်အစည်းအဝေးဖိတ်စာ၊ နိုင်ငံတော်ခန်းမမှာ ဘာတွေ လုပ်ဆောင်ကြသလဲ ဗီဒီယိုနဲ့ ဘုရားသခင့်အလိုတော် ဘရိုရှာ အခန်း ၅ နဲ့ ၇ ကို စိတ်ဝင်စားသူကို ဖိတ်ခေါ်တဲ့အခါ အသုံးပြုရင် ထိရောက်ပါမယ်။
အကူအညီပေးပါ။ စိတ်ဝင်စားသူ အစည်းအဝေးတက်နိုင်အောင် ကြိုပို့စီစဉ်ပေးဖို့၊ သင့်တော်တဲ့အဝတ်အစား ရွေးချယ်ပေးဖို့ လိုသလား။ အစည်းအဝေးမှာ သူနဲ့အတူ ထိုင်ပြီး စာပေတွေကို အတူလိုက်ကြည့်ပါ။ တခြားသူတွေနဲ့ မိတ်ဆက်ပေးပါ။