ခရစ်ယာန်အသက်တာနဲ့ အမှုဆောင်လုပ်ငန်း လေ့ကျင့်ခန်းစာစောင် မှာပါတဲ့ အညွှန်းများ
မေ ၇-၁၃
ကျမ်းစာထဲက အဖိုးတန်ဘဏ္ဍာများ | မာကု ၇-၈
“ဒုက္ခသစ်တိုင်ကို ထမ်းပြီး ကျွန်တော့်နောက်ကို အမြဲလိုက်ရမယ်”
(မာကု ၈:၃၄) ယေရှုက တပည့်တွေနဲ့ လူအုပ်ကိုခေါ်ပြီး “ကျွန်တော့်နောက်လိုက် ဖြစ်ချင်သူတိုင်း ကိုယ့်ကိုယ်ကိုယ် ငြင်းပယ်ရမယ်။ ဒုက္ခသစ်တိုင်ကို ထမ်းပြီး ကျွန်တော့်နောက်ကို အမြဲလိုက်ရမယ်။
nwtsty မာ ၈:၃၄ လေ့လာမှု မှတ်စု
ကိုယ့်ကိုယ်ကိုယ် ငြင်းပယ်ရမယ်– ဒါမှမဟုတ် “ကိုယ့်အခွင့်အရေးအားလုံးကို အဆုံးရှုံးခံရမယ်။” လူတစ်ယောက်က ကိုယ့်ကိုယ်ကိုယ် လုံးလုံး ငြင်းပယ်လိုစိတ်ရှိတာ၊ ကိုယ့်ပိုင်ဆိုင်ခွင့်ကို ဘုရားထံပေးအပ်တာကို ဖော်ပြတယ်။ ဒီဂရိစကားစုကို “မလုပ်ရလို့ ကိုယ့်ကိုယ်ကိုယ် ပြောရမယ်” လို့ ဘာသာပြန်ဆိုတာ သင့်လျော်တယ်။ ဘာကြောင့်လဲဆိုတော့ ကိုယ့်ရဲ့ ဆန္ဒ၊ ရည်မှန်းချက်၊ အဆင်ပြေမှုတွေကို ငြင်းပယ်ခြင်း ပါဝင်နိုင်လို့ပဲ။ (၂က ၅:၁၄၊ ၁၅) ယေရှုကို ပေတရု ငြင်းပယ်တဲ့အကြောင်း ဖော်ပြတဲ့အခါမှာလည်း ဒီဂရိကြိယာကိုပဲ မာကု အသုံးပြုခဲ့တယ်။—မာ ၁၄:၃၀၊ ၃၁၊ ၇၂။
အသက်ရရေးပြေးပွဲတွင် သင်မည်သို့ ပြေးနေသနည်း
၁၄ တပည့်တော်အချို့နှင့်အတူ အခြားသူများအား “အကြင်သူသည် ငါ၌ဆည်းကပ်ခြင်းငှာ အလိုရှိ၏၊ ထိုသူသည် ကိုယ်ကိုယ်ကို ငြင်းပယ်ရမည်။ (သို့မဟုတ် “ကိုယ်ကိုယ်ကို ‘မပြုရ’ ဟုပြောရမည်” ချားလ်စ် ဘီ၊ ဝီလျမ်စ်) ကိုယ်လက်ဝါးကပ်တိုင်ကို ထမ်း၍ ငါ့နောက်သို့လိုက် [မြဲလိုက်နေ၊ ကဘ] ရမည်” ဟုယေရှုဆိုသည်။ (မာကု ၈:၃၄) ဤဖိတ်ခေါ်ချက်ကို လက်ခံသည့်အခါ ချုပ်တည်းခြိုးခြံနေခြင်းကိုယ်နှိုက်သည် မွန်မြတ်လွန်းသည့်အတွက်မဟုတ်ဘဲ တစ်ခဏမျှသတိလစ်၍ တစ်ကြိမ်တည်းသာ ဆုံးဖြတ်ချက်မှားသွားသည့်အတွက် ကျွန်ုပ်တို့၏ထာဝရအကျိုး ဆုံးရှုံးရသည်တိုင် ကြိုးစားခဲ့သမျှသည် အချည်းနှီးသက်သက် မဖြစ်စေရန် “လိုက်မြဲလိုက်နေ” ရခြင်းဖြစ်ရမည်။ အများအားဖြင့်ဆိုလျှင် ဝိညာဉ်ရေးဘက် တဖြည်းဖြည်းသာ တိုးတက်လေ့ရှိသော်လည်း အစဉ်သဖြင့် သတိမချပ်နေပါက ယင်းကို လျင်မြန်စွာ ဖျက်ပစ်လိုက်နိုင်သည်။
(မာကု ၈:၃၅-၃၇) ကိုယ့်အသက်ကို ကယ်ချင်သူဟာ အသက်ဆုံးရလိမ့်မယ်။ ဒါပေမဲ့ ကျွန်တော့်ကြောင့်၊ သတင်းကောင်းကြောင့် အသက်ဆုံးသူတိုင်း အသက်ပြန်ရှင်ရလိမ့်မယ်။ ၃၆ တစ်လောကလုံးကို ပိုင်ဆိုင်ထားပေမဲ့ အသက်ဆုံးရှုံးသွားရင် ဘာအကျိုးရှိမှာလဲ။ ၃၇ ကိုယ့်အသက်ကို ဘာနဲ့ပြန်လဲယူလို့ ရမှာလဲ။
ဆက်၍အသက်ရှင်ရန် အဘယ်အရာကို သင် ပေးဆက်မည်နည်း
၃ ထိုအချိန်အခါ၌ပင် ယေရှုသည် လှုံ့ဆော်မှုဖြစ်စေသော ဤမေးခွန်းနှစ်ခုကို မေးခဲ့သည်– ‘လူသည် ဤစကြဝဠာကို အကြွင်းမဲ့အစိုးရ၍ မိမိအသက်ရှုံးလျှင် အဘယ်ကျေးဇူးရှိသနည်း’ နှင့် ‘မိမိအသက်ကို အဘယ်ဥစ္စာနှင့် ရွေးနိုင်သနည်း’ တို့ဖြစ်သည်။ (မာ. ၈:၃၆၊ ၃၇) ပထမမေးခွန်း၏အဖြေမှာ လူ့အမြင်နှင့်ကြည့်မည်ဆိုလျှင် ရှင်းနေပါသည်။ လူတစ်ဦးသည် တစ်လောကလုံးကို ပိုင်ဆိုင်သော်လည်း သူ၏အသက်ဆုံးရှုံးလျှင် အဘယ်အကျိုးမျှမရှိပါ။ ဥစ္စာအင်ခွင်များသည် လူတစ်ဦး အသက်ရှင်စဉ်အချိန်၌သာ ပျော်မွေ့ခံစားရန် အသုံးဝင်သည်။ ‘မိမိအသက်ကို အဘယ်ဥစ္စာနှင့်ရွေးနိုင်သနည်း’ ဟူသည့် ယေရှု၏ဒုတိယမေးခွန်းသည် ကိုယ်တော့်စကား နားထောင်နေသူတို့ကို ယောဘခေတ်က စာတန်၏ ဤစွပ်စွဲချက်ကို ပြန်အမှတ်ရကြပေမည်– “အရေဖို့အရေဟု ဆိုသကဲ့သို့ လူသည် မိမိအသက်ဖို့ မိမိဥစ္စာရှိသမျှကို ပေးပါလိမ့်မည်။” (ယောဘ ၂:၄) ယေဟောဝါအား ဝတ်ပြုကိုးကွယ်ခြင်းမရှိသူအချို့အဖို့ စာတန်၏စကားများသည် မှန်ကောင်းမှန်ပေမည်။ များစွာသောသူတို့သည် အသက်ဆက်ရှင်ရန် မည်သည့်အရာကိုမဆို လုပ်ဆောင်ကြမည်ဖြစ်ပြီး တစ်စုံတစ်ရာသော ကိုယ်ကျင့်တရားစံနှုန်းကို ဖောက်ဖျက်ကြပေမည်။ သို့သော် ခရစ်ယာန်များသည် ထိုသို့မရှုမြင်ကြပေ။
၄ ယေရှု ကမ္ဘာပေါ်ကြွလာသည်မှာ ဤလောကတွင် ကျွန်ုပ်တို့ကျန်းမာရေးကောင်းစေရန်၊ ကြီးပွားချမ်းသာစေရန်၊ အသက်ရှည်စေရန် လုပ်ဆောင်ပေးဖို့လာခြင်း မဟုတ်ကြောင်း ကျွန်ုပ်တို့ သိထားကြသည်။ ကမ္ဘာသစ်တွင် ထာဝစဉ်အသက်ရှင်ရန်အခွင့်အရေးကို ဖွင့်ပေးဖို့ ကြွလာခဲ့ခြင်းဖြစ်ပြီး ယင်းအသက်ရှင်ခွင့်အလားအလာကို ကျွန်ုပ်တို့ အလွန်တန်ဖိုးထားကြသည်။ (ယော. ၃:၁၆) ခရစ်ယာန်တစ်ဦးသည် ယေရှု၏ပထမမေးခွန်းဖြစ်သော ‘လူသည် ဤစကြဝဠာကို အကြွင်းမဲ့အစိုးရ၍ မိမိအသက်ရှုံးလျှင် အဘယ်ကျေးဇူးရှိသနည်း’ ၏အဓိပ္ပာယ်ကို နားလည်ကြပေမည်။ အဖြေမှာ အဘယ်အကျိုးကျေးဇူးမျှ မရှိဟူ၍ဖြစ်သည်။ (၁ ယော. ၂:၁၅-၁၇) ယေရှု၏ဒုတိယမေးခွန်းကို ဖြေနိုင်ရန် အထောက်အကူအနေနှင့် ကျွန်ုပ်တို့သည် မိမိကိုယ်ကို ဤသို့မေးခြင်းသည် သင့်လျော်ပါသည်– ‘ကမ္ဘာသစ်တွင် ကျွန်ုပ်အသက်ရှင်ခွင့် မျှော်လင့်ချက်သေချာစေရန် ယခု ကျွန်ုပ်သည် မည်မျှကိုယ်ကျိုးစွန့်ကာ လိုလိုလားလားပေးဆက်မည်နည်း။’ ထိုမေးခွန်းအတွက် ကျွန်ုပ်တို့၏အဖြေမှာ မိမိတို့၏အသက်တာလမ်းစဉ်တွင် တွေ့မြင်ရသည့်အတိုင်း ကျွန်ုပ်တို့၏နှလုံးထဲတွင် ထိုမျှော်လင့်ချက် မည်မျှခိုင်မာသည်ကို ဖော်ပြသည်။—ယောဟန် ၁၂:၂၅ နှင့်နှိုင်းယှဉ်ပါ။
(မာကု ၈:၃၈) ဖောက်ပြန်ပြီး ပြစ်မှားတတ်တဲ့ ဒီလူမျိုးဆက်ထဲက တစ်ယောက်ယောက်ဟာ ကျွန်တော့်ကြောင့်၊ ကျွန်တော့်စကားကြောင့် ရှက်မယ်ဆိုရင် လူသားကလည်း သန့်ရှင်းတဲ့ ကောင်းကင်တမန်တွေ ခြံရံပြီး အဖဘုရားရဲ့ ဘုန်းတန်ခိုးနဲ့ လာတဲ့အခါ သူ့ကိုလက်ခံဖို့ ရှက်လိမ့်မယ်” လို့ပြောတယ်။
လူသားက ဘယ်သူလဲ
မှန်ပါတယ်၊ ယေရှုရဲ့မျက်နှာသာ ရချင်တယ်ဆိုရင် နောက်လိုက်တွေဟာ သတ္တိရှိရမယ်၊ ကိုယ်ကျိုးစွန့်ရမယ်။ ယေရှု အခုလိုပြောတယ်– ‘ဖောက်ပြန်ပြီး ပြစ်မှားတတ်တဲ့ ဒီလူမျိုးဆက်ထဲက တစ်ယောက်ယောက်ဟာ ကျွန်တော့်တပည့်ဖြစ်ဖို့၊ ကျွန်တော့်စကားကို ယုံကြည်လက်ခံဖို့ ရှက်မယ်ဆိုရင် လူသားက သန့်ရှင်းတဲ့ကောင်းကင်တမန်တွေ ခြံရံပြီး အဖဘုရားရဲ့ဘုန်းတန်ခိုးနဲ့ လာတဲ့အခါ သူ့ကိုလက်ခံဖို့ ရှက်လိမ့်မယ်။’ (မာကု ၈:၃၈၊ ကဘ) ယေရှုရောက်လာတဲ့အခါ ‘လူတိုင်းကို သူတို့လုပ်ရပ်နဲ့အညီ ပြန်ဆပ်ပေးလိမ့်မယ်။’—မဿဲ ၁၆:၂၇၊ ကဘ။
ရှာဖွေလေ့လာ ဘုရားရေးရာရတနာ
(မာကု ၇:၅-၈) ဒါကြောင့် ဖာရိရှဲနဲ့ ကျမ်းတတ်တွေက “ရှေးလူကြီးတွေရဲ့ ထုံးတမ်းစဉ်လာကို ခင်ဗျားရဲ့တပည့်တွေ ဘာလို့ မလိုက်နာတာလဲ။ မသန့်ရှင်းတဲ့လက်နဲ့ ဘာလို့ အစာစားနေကြတာလဲ” ဆိုပြီးမေးတော့၊ ၆ ယေရှုက “သူတော်ကောင်း ယောင်ဆောင်သူတို့၊ ခင်ဗျားတို့အကြောင်း ဟေရှာယ ပရောဖက်ပြုခဲ့တဲ့ စကားတွေဟာ သိပ်မှန်တာပဲ– ‘ဒီလူမျိုးက ငါ့ကို နှုတ်နဲ့ပဲ ရိုသေတယ်။ သူတို့ရဲ့စိတ်ကတော့ ငါနဲ့ဝေးလှတယ်။ ၇ သူတို့က လူ့ထုံးတမ်းစဉ်လာကို ငါ့အယူဝါဒသဖွယ် သွန်သင်တဲ့အတွက် ငါ့ကိုကိုးကွယ်နေတာ အချည်းနှီးပဲ’ လို့ သူရေးခဲ့တယ်။ ၈ ခင်ဗျားတို့က ဘုရားသခင်ရဲ့ပညတ်ကို ပယ်ပြီး လူ့ထုံးတမ်းစဉ်လာကိုတော့ လိုက်နာတယ်” လို့ပြောတယ်။
စာရှုသူများထံမှ မေးခွန်းလွှာ
လက်ဆေးတဲ့ကိစ္စက ယေရှုရဲ့ ရန်သူတွေအတွက် ဘာကြောင့် ပြဿနာဖြစ်ရတာလဲ။
▪ ယေရှုနဲ့ တပည့်တွေကို သူတို့ အပြစ်ရှာတဲ့ကိစ္စတွေထဲမှာ အဲဒီကိစ္စလည်း ပါတယ်။ လူတစ်ယောက်ကို ဘာက မသန့်မရှင်းဖြစ်စေတယ်ဆိုတာ ပညတ်တရားမှာ ဖော်ပြထားတယ်။ ဥပမာ၊ အရိအရွဲထွက်တာ၊ နူနာစွဲတာ၊ လူသေအလောင်း ဒါမှမဟုတ် တိရစ္ဆာန်အသေကောင်ကို ထိမိတာတွေဖြစ်တယ်။ ပြန်သန့်ရှင်းလာအောင် ဘယ်လိုလုပ်ရမယ်ဆိုတာကိုလည်း ပညတ်တရားမှာ ညွှန်ကြားထားတယ်။ ယဇ်ပူဇော်တာ၊ ဆေးကြောတာ စတာတွေအားဖြင့်ဖြစ်တယ်။—ဝတ်ပြုရာ အခန်းကြီး ၁၁-၁၅; တောလည်ရာ အခန်းကြီး ၁၉။
ဂျူးရဗ္ဗိတွေက အဲဒီပညတ်တရားမှာ ကိုယ်ပိုင်စည်းမျဉ်းစည်းကမ်းတွေကို ထပ်ဖြည့်စွက်ကြတယ်။ လူတစ်ယောက်ကို ဘာက မသန့်မရှင်းဖြစ်စေတယ်၊ အဲဒီလူက တခြားသူတွေကို ဘယ်နည်းတွေနဲ့ မသန့်မရှင်းဖြစ်စေနိုင်တယ်ဆိုတဲ့ ကိစ္စမှာ ရဗ္ဗိတွေက အသေးစိတ်စည်းမျဉ်းတွေ ထပ်ထုတ်တယ်လို့ စာအုပ်တစ်အုပ်က ပြောတယ်။ ဘယ်အိုးခွက်နဲ့ အရာဝတ္ထုတွေက မသန့်မရှင်းဖြစ်နိုင်တယ် ဒါမှမဟုတ် မဖြစ်နိုင်ဘူးဆိုတာကိုလည်း စည်းမျဉ်းတွေ ထုတ်တယ်။ ပြန်သန့်ရှင်းလာဖို့ လူတွေလိုက်နာရမယ့် လုပ်ထုံးလုပ်နည်းတွေကိုလည်း စည်းမျဉ်းတွေ ထုတ်တယ်။
“သင်၏တပည့်များသည် ရှေးလူကြီးများ၏ ထုံးတမ်းစဉ်လာအတိုင်း မကျင့်ဘဲလျက် အဘယ်ကြောင့် ညစ်ပေသောလက်နှင့် အစာစားကြပါသနည်း” လို့ ယေရှုရဲ့ ရန်သူတွေ မေးကြတယ်။ (မာ. ၇:၅) အဲဒီဖာရိရှဲတွေက လက်မဆေးဘဲ အစာစားရင် ကျန်းမာရေးထိခိုက်မယ်လို့ ဆိုလိုနေတာမဟုတ်ဘူး။ အစာမစားခင် လက်ပေါ် ရေလောင်းရမယ်လို့ ဖာရိရှဲတွေ ထုတ်ထားတဲ့ စည်းမျဉ်းကို ဆိုလိုနေတာဖြစ်တယ်။ “ရေလောင်းတဲ့အခါမှာလည်း ဘယ်အိုးကို သုံးရမယ်၊ ဘယ်ရေအမျိုးအစားမှ သင့်တော်မယ်၊ ဘယ်သူ လောင်းပေးရမယ်၊ လက်ရဲ့ ဘယ်အပိုင်းအထိ ရေလောင်းရမယ် ဆိုတာတွေကို ရဗ္ဗိတွေ အငြင်းပွားကြတယ်” လို့ အထက်မှာကိုးကားခဲ့တဲ့ စာအုပ်မှာ ဖော်ပြထားတယ်။
လူတွေထုတ်တဲ့ အပိုစည်းမျဉ်းတွေကို ယေရှု ဘယ်လိုတုံ့ပြန်ခဲ့သလဲ။ ပထမရာစု ဂျူးဘာသာရေးခေါင်းဆောင်တွေကို ယေရှု အခုလိုပြန်ပြောတယ်– “အချင်းကြောင်သူတော်တို့၊ ဟေရှာယသည် သင်တို့အကြောင်းကို လျောက်ပတ်စွာ ဤသို့ပရောဖက်ပြု၍ ရေးသားထားလေပြီ။ ‘ဤလူမျိုးသည် နှုတ်ဖြင့်သာ ငါ့ကိုရိုသေကြ၏။ သူတို့၏စိတ်နှလုံးမူကား ငါ [ယေဟောဝါ] နှင့်ဝေးလှ၏။ သူတို့သည် လူတို့၏အယူဝါဒများကို သွန်သင်သောကြောင့် ငါ့ကို ကိုးကွယ်နေခြင်းမှာ အချည်းနှီးသာဖြစ်၏။’ သင်တို့သည် ဘုရားသခင်၏ပညတ်တော်ကိုပယ်၍ လူတို့၏ထုံးတမ်းစဉ်လာကို စွဲကိုင်ထားကြသည်။”—မာ. ၇:၆-၈။
(မာကု ၇:၃၂-၃၅) အဲဒီမှာ နားမကြား၊ စကားမပြောနိုင်တဲ့ လူတစ်ယောက်ကို ယေရှုဆီ ခေါ်လာပြီး သူ့အပေါ်မှာ လက်တင်ဖို့ အသနားခံကြတယ်။ ၃၃ ယေရှုက သူ့ကို လူအုပ်ထဲကနေ သီးသန့်ခေါ်ထုတ်သွားပြီး သူ့နားနှစ်ဖက်ထဲ လက်ညှိုးကို သွင်းလိုက်တယ်။ အဲဒီနောက် တံတွေးထွေးပြီး သူ့လျှာကို တို့တယ်။ ၃၄ ကောင်းကင်ကို မော့ကြည့်ရင်း အသက်ပြင်းပြင်းရှူပြီး “ဧဖသ” လို့ပြောတယ်။ “ပွင့်စေ” ဆိုတဲ့ အဓိပ္ပာယ်ရှိတယ်။ ၃၅ အဲဒီအချိန်မှာပဲ အဲဒီလူ နားကြားပြီး စကားပြောနိုင်လာတယ်။
“ခရစ်တော်၏စိတ်” သင်၌ ရှိသလော
၉ ထိုသူသည် နားပင်း၍ စကားပင်ကောင်းစွာ မပြောနိုင်ချေ။ ဤသူ၏ အထူးကြောက်ရွံ့တတ်စိတ် သို့မဟုတ် ရှက်တတ်သည့်သဘောကို ယေရှုခံစားမိပေမည်။ ထိုအခါ လုပ်လေ့လုပ်ထမရှိသည့်အမှုတစ်ခုကို ကိုယ်တော်ပြုလုပ်တော်မူ၏။ ထိုသူကို ဆိတ်ကွယ်ရာအရပ်သို့ လူအုပ်ကြားမှ ခေါ်ထုတ်သွားသည်။ ထို့နောက် ယေရှုသည် သူ့အား အဘယ်အရာပြုပေးမည်ကို သိရှိစေရန် အရိပ်အယောင်ပြခဲ့သည်။ ကိုယ်တော်သည် “လက်ညှိုးတော်ကို သူ၏နားပေါက်၌ သွင်းတော်မူ၏။ တံထွေးနှင့်ထွေး၍ သူ၏လျှာကိုလည်း တို့တော်မူ၏။” (မာကု ၇:၃၃) ၎င်းနောက် ယေရှုသည် ကောင်းကင်သို့ မျှော်ကြည့်၍ ရေရွတ်ကာဆုတောင်းခဲ့သည်။ ဤအမူအရာများကို ဖော်ပြပြုလုပ်ခြင်းက ‘မင်းအတွက် ငါပြုလုပ်ပေးမယ့်အရာဟာ ဘုရားသခင့် တန်ခိုးတော်ကြောင့်ဖြစ်တယ်’ ဟု ထိုသူအား ဆိုရာရောက်မည်ဖြစ်သည်။ အဆုံးတွင် ယေရှုက “ပွင့်စေ” ဟုမိန့်တော်မူ၏။ (မာကု ၇:၃၄) ထိုအခါ ထိုသူသည် ပြန်ကြားရပြီး ပုံမှန်အတိုင်း စကားပြောဆိုလာနိုင်၏။
၁၀ အခြားသူများကို ယေရှု တကယ်ထောက်ထားစာနာခဲ့လေခြင်း! ကိုယ်တော်သည် သူတို့၏ခံစားချက်များကို အကင်းပါးပါးဖြင့်သိတော်မူပြီး ဤထောက်ထားစာနာမှုက တစ်ဖန် သူတို့၏ခံစားချက်များကို ငဲ့ညှာပေးသည့်နည်းဖြင့် လုပ်ဆောင်ရန် စေ့ဆော်ပေးသည်။ ခရစ်ယာန်များအနေဖြင့် ကျွန်ုပ်တို့သည် ဤကိစ္စနှင့်ပတ်သက်၍ ခရစ်တော်၏စိတ်ကို မွေးမြူ၍ ဖော်ပြသင့်သည်။ သမ္မာကျမ်းစာက ကျွန်ုပ်တို့ကို ဤသို့ဆုံးမထားသည်– “သင်တို့အပေါင်းသည် စိတ်တညီတညွတ်တည်း ရှိကြလော့။ စိတ်ကြင်နာခြင်း၊ ညီအစ်ကိုချင်းကဲ့သို့ချစ်ခြင်း၊ သနားစုံမက်ခြင်း၊ စိတ်နှိမ့်ချခြင်းရှိကြလော့။” (၁ ပေတရု ၃:၈) ယင်းက အခြားသူတို့၏ ခံစားချက်များကို ထောက်ထားစာနာ၍ ပြောဆိုပြုမူရန် ကျွန်ုပ်တို့ထံမှ အမှန်ပင်တောင်းဆိုသည်။
၁၁ အသင်းတော်၌ အခြားသူတို့ကို ဂုဏ်တင်ခြင်း၊ ကိုယ့်ကိုသူတစ်ပါးဆက်ဆံစေလိုသကဲ့သို့ သူတို့ကို ဆက်ဆံခြင်းအားဖြင့် အခြားသူတို့၏ခံစားချက်များကို ထောက်ထားစာနာကြောင်း ဖော်ပြနိုင်ကြပါသည်။ (မဿဲ ၇:၁၂) ယင်းတွင် ကျွန်ုပ်တို့ပြောဆိုသည့်စကားအပြင် မည်သို့ပြောဆိုသည်ကို ဂရုစိုက်ခြင်းလည်း ပါဝင်ပေသည်။ (ကောလောသဲ ၄:၆) ‘မစဉ်းစားဘဲပြောဆိုသောစကားသည် သန်လျက်နှင့်ထိုးသကဲ့သို့ဖြစ်’ ကြောင်း သတိရပါ။ (သု. ၁၂:၁၈) မိသားစုအတွင်း၌ကော။ အမှန်တကယ်ချစ်ကြသော ခင်ပွန်းနှင့်ဇနီးတို့သည် အချင်းချင်း၏ခံစားချက်များကို အကင်းပါးစွာ သိရှိကြသည်။ (ဧဖက် ၅:၃၃) ရုန့်ရင်းကြမ်းတမ်းသောစကားများ၊ ညှာတာမှုကင်းမဲ့သောဝေဖန်ချက်နှင့် နာကြည်းစေသည့် ခနဲ့တဲ့တဲ့ပြောဆိုခြင်းများကို သူတို့ရှောင်ရှားကြသည်၊ ထိုအရာအားလုံးမှာ လွယ်လွယ်ကူကူဖြင့် မမေ့ပျောက်နိုင်သည့် နာကြည်းစေသောခံစားချက်များကို ဖြစ်ပေါ်စေသည်။ ကလေးများမှာလည်း ခံစားချက်များရှိရာ မေတ္တာရှိသောမိဘများက ယင်းတို့ကို ထည့်သွင်းစဉ်းစားတတ်သည်။ ပဲ့ပြင်မှုလိုအပ်သောအခါ ထိုသို့သောမိဘများသည် မိမိသားသမီးများ၏ ဂုဏ်သိက္ခာကို လေးစားသည့်နည်းဖြင့် ပဲ့ပြင်တတ်ကြရာ သူတို့ကို မလိုအပ်သောစိတ်အနှောင့်အယှက် ရရှိစေမည်မဟုတ်ပါ။ (ကောလောသဲ ၃:၂၁) ဤနည်းဖြင့် အခြားသူတို့ကို ထောက်ထားစာနာမှု ပြသကြသောအခါ ကျွန်ုပ်တို့၌ ခရစ်တော်၏စိတ်ရှိကြောင်း ဖော်ပြရာကျပေသည်။
ကျမ်းစာဖတ်ရှုခြင်း
(မာကု ၇:၁-၁၅) ဂျေရုဆလင်မြို့က ဖာရိရှဲနဲ့ ကျမ်းတတ်တချို့ဟာ ယေရှုဆီ ရောက်လာတဲ့အခါ၊ ၂ တပည့်တချို့ မသန့်ရှင်းတဲ့လက်နဲ့ တစ်နည်းအားဖြင့် လက်မဆေးဘဲနဲ့ အစာစားနေတာကို မြင်တယ်။ ၃ (ဖာရိရှဲတွေနဲ့ ဂျူးတွေက ရှေးလူကြီးတွေရဲ့ ထုံးတမ်းစဉ်လာကို လိုက်ပြီး တံတောင်ဆစ်အထိ လက်ဆေးပြီးမှ အစာစားလေ့ရှိတယ်။ ၄ စျေးကနေ ပြန်လာတဲ့အခါမှာ ကိုယ်လက်မဆေးဘဲ အစာမစားကြဘူး။ ခွက်၊ ကရား၊ ကြေးဖလားတွေကို ရေနှစ်ဆေးတဲ့ ဓလေ့ထုံးတမ်းတွေကိုလည်း လိုက်နာကျင့်သုံးကြတယ်။) ၅ ဒါကြောင့် ဖာရိရှဲနဲ့ ကျမ်းတတ်တွေက “ရှေးလူကြီးတွေရဲ့ ထုံးတမ်းစဉ်လာကို ခင်ဗျားရဲ့တပည့်တွေ ဘာလို့ မလိုက်နာတာလဲ။ မသန့်ရှင်းတဲ့လက်နဲ့ ဘာလို့ အစာစားနေကြတာလဲ” ဆိုပြီးမေးတော့၊ ၆ ယေရှုက “သူတော်ကောင်း ယောင်ဆောင်သူတို့၊ ခင်ဗျားတို့အကြောင်း ဟေရှာယ ပရောဖက်ပြုခဲ့တဲ့ စကားတွေဟာ သိပ်မှန်တာပဲ– ‘ဒီလူမျိုးက ငါ့ကို နှုတ်နဲ့ပဲ ရိုသေတယ်။ သူတို့ရဲ့စိတ်ကတော့ ငါနဲ့ဝေးလှတယ်။ ၇ သူတို့က လူ့ထုံးတမ်းစဉ်လာကို ငါ့အယူဝါဒသဖွယ် သွန်သင်တဲ့အတွက် ငါ့ကိုကိုးကွယ်နေတာ အချည်းနှီးပဲ’ လို့ သူရေးခဲ့တယ်။ ၈ ခင်ဗျားတို့က ဘုရားသခင်ရဲ့ပညတ်ကို ပယ်ပြီး လူ့ထုံးတမ်းစဉ်လာကိုတော့ လိုက်နာတယ်” လို့ပြောတယ်။ ၉ ဒါ့အပြင် ယေရှုက “ထုံးတမ်းစဉ်လာကို လိုက်ဖို့အတွက် ခင်ဗျားတို့က ဘုရားသခင်ရဲ့ပညတ်ကို မလိမ့်တပတ်နဲ့ ပယ်ကြတယ်။ ၁၀ ဥပမာ၊ ‘မိဘကို ရိုသေပါ။ မိဘကို ရင့်ရင့်သီးသီး ပြောဆိုတဲ့သူ သေဒဏ်ခံရမယ်’ လို့ မောရှေပြောခဲ့တယ်။ ၁၁ ဒါပေမဲ့ ခင်ဗျားတို့ကျတော့ ‘“အဖေနဲ့အမေကို ထောက်ပံ့မယ့်ပစ္စည်းတွေက ကော်ဘန် (ဘုရားသခင်ဆီ ဆက်ကပ်တဲ့အလှူ) ဖြစ်သွားပြီ” ဆိုပြီး မိဘကို ပြောတဲ့သူဟာ၊ ၁၂ မိဘအတွက် ဘာမှလုပ်ပေးစရာ မလိုတော့ဘူး’ လို့ပြောကြတယ်။ ၁၃ အဆက်ဆက် ကျင့်သုံးလာတဲ့ ထုံးတမ်းစဉ်လာကို လိုက်ဖို့အတွက် ဘုရားသခင်ရဲ့ တရားစကားကို ခင်ဗျားတို့ ဘေးချိတ်လိုက်တယ်။ အဲဒီလိုမျိုး လုပ်တာတွေ အများကြီး ရှိသေးတယ်” လို့ပြောတယ်။ ၁၄ လူအုပ်ကို အနားခေါ်ပြီး “ခင်ဗျားတို့အားလုံး ကျွန်တော်ပြောတာကို နားထောင်ပြီး ဆိုလိုရင်းကို နားလည်ကြပါ။ ၁၅ ခံတွင်းထဲဝင်တဲ့အရာက လူကိုညစ်ညူးစေတာ မဟုတ်ဘူး။ စိတ်နှလုံးထဲက ထွက်တဲ့အရာကသာ လူကိုညစ်ညူးစေတာ” လို့ပြောတယ်။
မေ ၁၄-၂၀
ကျမ်းစာထဲက အဖိုးတန်ဘဏ္ဍာများ | မာကု ၉-၁၀
“ယုံကြည်ခြင်း ခိုင်ခံ့စေတဲ့ စိတ်အာရုံတစ်ခု”
(မာကု ၉:၁) “အဲဒီနောက် ယေရှုက “ကျွန်တော် မှန်တာကိုပြောမယ်။ ဒီမှာရပ်နေသူတချို့ဟာ တန်ခိုးနဲ့ရောက်နှင့်နေတဲ့ ဘုရားသခင့်နိုင်ငံတော်ကို မမြင်ရခင် သေဆုံးမှာ မဟုတ်ဘူး” လို့ သူတို့ကို ပြောတယ်။
ခရစ်တော်—ပရောဖက်ပြုချက်၏ အာရုံစိုက်ရာ
၉ မိမိသည် မေရှိယဖြစ်ကြောင်း ယေရှု သက်သေပြခဲ့သည်မှာ တစ်နှစ်ကျော်သွားပေပြီ။ စီ.အီး. ၃၂ ခုနှစ်၏ ပသခါပွဲတော် ကျင်းပပြီးစီးသွားခဲ့ပြီ။ ယုံကြည်သူများစွာတို့သည် ညှဉ်းပန်းနှိပ်စက်မှု၊ ရုပ်ပစ္စည်းလိုက်စားမှု၊ သို့မဟုတ် ဘဝ၏စိုးရိမ်ပူပန်မှုတို့ကြောင့် ကိုယ်တော်၏နောက် ဆက်မလိုက်ကြတော့ချေ။ ယေရှုအား ဘုရင်တင်မြှောက်လိုသူတို့၏ ကြိုးစားမှုများကို ကိုယ်တော် ငြင်းပယ်လိုက်သောကြောင့် အခြားသူများမှာမူ ဇဝေဇဝါဖြစ်သွားကြ သို့မဟုတ် စိတ်ပျက်သွားကြပေမည်။ မိမိကို ဂုဏ်တက်စေမည့် ကောင်းကင်နိမိတ်တစ်ခုပြရန် ဂျူးဘာသာရေးခေါင်းဆောင်များက စိန်ခေါ်တောင်းဆိုသည့်အခါ ကိုယ်တော်ငြင်းပယ်လိုက်သည်။ (မဿဲ ၁၂:၃၈၊ ၃၉) ဤသို့ငြင်းလိုက်ခြင်းကြောင့် အချို့သူများ တွေဝေသွားပေမည်။ ထို့ပြင် ယေရှုက မိမိသည် “ယေရုရှလင်မြို့သို့ သွားရမည်။ လူအကြီးအကဲ၊ ယဇ်ပုရောဟိတ်အကြီး၊ ကျမ်းပြုဆရာတို့လက်၌ များစွာခံရမည်။ အသေသတ်ခြင်းကိုလည်း ခံရမည်” ဟူသော တပည့်များ နားလည်ရခက်သွားစေသည့်အချက်ကို ဖွင့်ပြောခဲ့လေသည်။—မဿဲ ၁၆:၂၁-၂၃။
၁၀ နောက်ကိုးလ၊ ဆယ်လခန့်အကြာတွင် “ယေရှုသည် ဤလောကမှ ခမည်းတော်ထံသို့ ပြောင်းရသောအချိန်” ရောက်လာတော့မည်။ (ယောဟန် ၁၃:၁) တည်ကြည်သောတပည့်များကို အလွန်စိုးရိမ်မကင်းဖြစ်နေသော ယေရှုသည် ယုံကြည်ခြင်းကင်းမဲ့သည့် ဂျူးများကို ပြသဖို့ ငြင်းခဲ့သည့် ကောင်းကင်နိမိတ်တစ်ခုကို ပြမည်ဟု တပည့်တချို့ကို ကတိပြု၏။ ယေရှုက “ငါအမှန်ဆိုသည်ကား၊ လူသားသည် နိုင်ငံတော်တည်လျက် ကြွလာတော်မူသည်ကို ဤအရပ်၌ရှိသောသူအချို့တို့သည် မမြင်မီ သေခြင်းသို့မရောက်ရကြ” ဟုမိန့်တော်မူ၏။ (မဿဲ ၁၆:၂၈) ယေရှု၏တပည့်အချို့သည် မေရှိယနိုင်ငံတော် တည်ထောင်မည့် ၁၉၁၄ ခုနှစ်တိုင်အောင် အသက်ရှင်ကြလိမ့်မည်ဟု ကိုယ်တော် မိန့်ဆိုနေခြင်းမဟုတ်ပါ။ ယေရှုသည် ကိုယ်တော်၏အရင်းနှီးဆုံး တပည့်သုံးဦးအား ဘုရားသခင့်နိုင်ငံတော်တန်ခိုးဖြင့် ကိုယ်တော့်ဘုန်းတော်၏ အံ့မခန်းဖွယ် ကြိုတင်မြင်ကွင်းကို တွေ့မြင်စေလို၏။ အဆိုပါကြိုတင်မြင်ကွင်းကို ကိုယ်ယောင်ပြောင်းခြင်းဟု ခေါ်သည်။
(မာကု ၉:၂-၆) “ခြောက်ရက်ကြာတဲ့အခါ ယေရှုက ပေတရု၊ ယာကုပ်နဲ့ ယောဟန်တို့ကိုပဲ ခေါ်ပြီး အလွန်မြင့်တဲ့တောင်ပေါ် တက်သွားတယ်။ အဲဒီနောက် သူတို့ရှေ့မှာ ယေရှု ကိုယ်ယောင်ပြောင်းသွားတယ်။ ၃ ယေရှုရဲ့ဝတ်လုံဟာ ဖြူဖွေးတောက်ပနေတယ်။ အဲဒီလောက် ဖြူဖွေးအောင် ဘယ်သူမှ မလျှော်နိုင်ဘူး။ ၄ ဧလိယနဲ့ မောရှေတို့လည်း ပေါ်လာပြီး ယေရှုနဲ့ စကားပြောတယ်။ ၅ အဲဒီအခါ ပေတရုက “ဆရာ၊ ကျွန်တော်တို့ ဒီမှာရှိနေရတာ အခွင့်ထူးပါ။ ဒီမှာ တဲသုံးလုံး ဆောက်ပေးပါရစေ။ ဆရာ့အတွက် တစ်လုံး၊ မောရှေအတွက် တစ်လုံး၊ ဧလိယအတွက် တစ်လုံးပေါ့” လို့ပြောတယ်။ ၆ တကယ်တော့ ပေတရု ဘာပြောရမှန်းမသိ ဖြစ်နေတာ။ သူတို့ တော်တော် ကြောက်နေကြတယ်။
ခရစ်တော်—ပရောဖက်ပြုချက်၏ အာရုံစိုက်ရာ
၁၁ နောက်ခြောက်ရက်အကြာတွင် ဟေရမုန်တောင်ရိုးဖြစ်ဖွယ်ရှိသည့် မြင့်လှသောတောင်ပေါ်သို့ ပေတရု၊ ယာကုပ်နှင့် ယောဟန်တို့ကို ယေရှု ခေါ်သွားသည်။ ထိုတွင် ယေရှုသည် “သူတို့ရှေ့၌ ထူးခြားသောအဆင်းအရောင်နှင့် ပြည့်စုံသည်ဖြစ်၍ မျက်နှာတော်သည် နေကဲ့သို့ထွန်းတောက်လျက် အဝတ်တော်သည် အလင်းကဲ့သို့ဖြူလျက်ရှိ၏။” ပရောဖက်မောရှေနှင့် ဧလိယတို့သည်လည်း ပေါ်လာ၍ ယေရှုနှင့် စကားပြောနေကြသည်။ ဤအံ့ဖွယ်ဖြစ်ရပ်သည် ညအချိန်တွင် ဖြစ်ပျက်ခဲ့ပုံရှိရာ အထူးပေါ်လွင်ထင်ရှားခဲ့သည်။ ပကတိနှင့်အလွန်တူနေရာ ပေတရုက ယေရှု၊ မောရှေနှင့် ဧလိယတို့အတွက် တဲတစ်ဆောင်စီ သုံးဆောင်ဆောက်ပေးပါရစေဟု လျှောက်လေ၏။ ထိုသို့ပေတရုဆိုနေစဉ် ထွန်းလင်းသောမိုးတိမ်သည် သူတို့ကို လွှမ်းမိုး၍ “ဤသူသည် ငါနှစ်သက်မြတ်နိုးရာ ငါ၏ချစ်သားပေတည်း။ သူ၏စကားကို နားထောင်ကြလော့” ဟုမိုးတိမ်က အသံတော်ထွက်လာ၏။—မဿဲ ၁၇:၁-၆။
(မာကု ၉:၇) အဲဒီအချိန်မှာ တိမ်တိုက်ပေါ်လာပြီး သူတို့ကို ဖုံးလွှမ်းသွားတယ်။ ပြီးတော့ “သူဟာ ငါ့ရဲ့ချစ်သားပဲ။ သူ့စကားကို နားထောင်ကြ” ဆိုတဲ့အသံ တိမ်တိုက်ထဲကနေ ထွက်လာတယ်။
nwtsty မာ ၉:၇ လေ့လာမှု မှတ်စု
အသံ– လူသားတွေကို ယေဟောဝါ တိုက်ရိုက်စကားပြောတဲ့အကြောင်း ခရစ်ဝင်ကျမ်းမှတ်တမ်း သုံးခုထဲက ဒုတိယတစ်ခုဖြစ်တယ်။—nwtsty မာ ၁:၁၁။ ယဟ ၁၂:၂၈ လေ့လာမှု မှတ်စုကို ကြည့်ပါ။
nwtsty မာ ၁၀:၄ လေ့လာမှု မှတ်စု
ကွာရှင်းစာချုပ်– မ ၁၉:၇ လေ့လာမှု မှတ်စုကို ကြည့်ပါ။
nwtsty မာ ၁၀:၁၁ လေ့လာမှု မှတ်စု
ဇနီးကို ကွာရှင်း– ဒါမှမဟုတ် “ဇနီးကို နှင်ချ။” မာကု မှတ်တမ်းတင်ခဲ့တဲ့ ယေရှုရဲ့စကားတွေကို အချက်အလက် ပိုပြည့်စုံတဲ့ မ ၁၉:၉ အတိုင်း နားလည်ရမယ်။ အဲဒီကျမ်းချက်မှာ “လိင်အကျင့် ယိုယွင်းမှုကြောင့် မဟုတ်ဘဲ” ဆိုတဲ့ စကားစု ပါတယ်။ (မ ၅:၃၂ လေ့လာမှု မှတ်စုကို ကြည့်ပါ။) ကွာရှင်းခြင်းနဲ့ ပတ်သက်တဲ့ မာကုရဲ့ ဒီစကားတွေဟာ ကိုယ့်ဇနီးကို “လိင်အကျင့် ယိုယွင်းမှု” (ဂရိ၊ ပေါ်နီယာ) ကြောင့်မဟုတ်ဘဲ တခြားအကြောင်းရင်းကြောင့် ကွာရှင်းတာနဲ့လည်း သက်ဆိုင်တယ်။
အိမ်ထောင်ရေး ဖောက်ပြန်သူ၊ ကိုယ့်ဇနီးကို ပြစ်မှားသူ– “ဘာအကြောင်းနဲ့ပဲ ဖြစ်ဖြစ်” ကိုယ့်ဇနီးကို ကွာရှင်းခွင့်ပြုတဲ့ ဂျူးဘာသာရေးဆရာတွေရဲ့ သွန်သင်ချက်ကို ယေရှု ဆန့်ကျင်နေတာဖြစ်တယ်။ (မ ၁၉:၃၊ ၉) ဇနီးကို ပြစ်မှားတာက အိမ်ထောင်ရေး ဖောက်ပြန်တာပဲဆိုတဲ့ ယူဆချက်ဟာ ဂျူးအများစုနဲ့ စိမ်းနေတယ်။ ခင်ပွန်းတစ်ဦးဟာ ကိုယ့်ဇနီးကို ဘယ်တော့မှ သစ္စာဖောက်မှာမဟုတ်ဘူး၊ ဇနီးကပဲ သစ္စာဖောက်မှာလို့ ဂျူးဘာသာရေးဆရာတွေက သင်ပေးတယ်။ ခင်ပွန်းကို ဇနီးနဲ့ တန်းတူကျင့်ဝတ်စံနှုန်းတွေ လိုက်နာစေခြင်းအားဖြင့် ယေရှုဟာ အမျိုးသမီးတွေကို ဂုဏ်တင်ပြီး သူတို့ရဲ့ အနေအထားကို မြှင့်တင်ပေးတယ်။
ရှာဖွေလေ့လာ ဘုရားရေးရာရတနာ
(မာကု ၁၀:၆-၉) တကယ်တော့ ဖန်ဆင်းခြင်းအစမှာ ‘ဘုရားသခင်က ယောက်ျားနဲ့ မိန်းမကို ဖန်ဆင်းခဲ့တယ်။ ၇ ဒါကြောင့် ယောက်ျားက မိဘကို ထားခဲ့ပြီးနောက်၊ ၈ သူတို့နှစ်ယောက်ဟာ တစ်သားတစ်ကိုယ်တည်း ဖြစ်လိမ့်မယ်။’ နှစ်ယောက် မဟုတ်တော့ဘဲ တစ်သားတစ်ကိုယ်တည်း ဖြစ်သွားပြီ။ ၉ ဒါကြောင့် ဘုရားသခင် တွဲဖက်ထားသူတွေကို ဘယ်သူမှ မခွဲကြနဲ့” လို့ပြောတယ်။
မာကုကျမ်းမှ ပေါ်လွင်ချက်များ
၁၀:၆-၉။ အိမ်ထောင်ဖက်များ တစ်ဦးကိုတစ်ဦးသစ္စာရှိရန် ဘုရားသခင်ရည်ရွယ်ထားသည်။ ထို့ကြောင့် ဇနီးမောင်နှံတို့သည် အလွယ်တကူ ကွာရှင်းမည့်အစား အိမ်ထောင်တွင် ပေါ်ပေါက်လာနိုင်သည့် မည်သည့်ပြဿနာကိုမဆို ဖြေရှင်းနိုင်ရန် ကျမ်းစာမူများကို ကြိုးစားလိုက်လျှောက်သင့်သည်။—မ. ၁၉:၄-၆။
(မာကု ၁၀:၁၇၊ ၁၈) “ယေရှု လမ်းမှာသွားနေတုန်း လူတစ်ယောက် ပြေးလာပြီး ရှေ့မှာ ဒူးထောက်ရင်း “ကောင်းမြတ်တဲ့ဆရာ၊ ထာဝရအသက်ကို အမွေရဖို့ ကျွန်တော် ဘာလုပ်ရမလဲ” လို့မေးတဲ့အခါ၊ ယေရှုက “ကျွန်တော့်ကို ကောင်းမြတ်တဲ့ ဆရာဆိုပြီး ဘာလို့ခေါ်တာလဲ။ ဘုရားသခင်ကလွဲလို့ ကောင်းမြတ်တဲ့သူ ဘယ်သူမှမရှိဘူး။
nwtsty မာ ၁၀:၁၇၊ ၁၈ လေ့လာမှု မှတ်စု
ကောင်းမြတ်တဲ့ဆရာ– “ကောင်းမြတ်တဲ့ဆရာ” ဆိုတာကို မြှောက်ပင့်တဲ့၊ ထုံးစံအရခေါ်တဲ့ ဂုဏ်ပုဒ်အဖြစ် သုံးတာဖြစ်ကြောင်း ထင်ရှားတယ်။ ဘာသာရေးခေါင်းဆောင်တွေက အဲဒီလို အခေါ်ခံချင်ကြတယ်။ “ဆရာ၊” “သခင်” လို့ သဘောရိုးနဲ့ခေါ်တာကို ယေရှု မကန့်ကွက်ခဲ့ပေမဲ့ (ယဟ ၁၃:၁၃) သူ့ဖခင်ကိုပဲ ဂုဏ်တင်စေတယ်။
ဘုရားသခင်ကလွဲလို့ ကောင်းမြတ်တဲ့သူ ဘယ်သူမှ မရှိဘူး– ယေဟောဝါဟာ အကောင်းမြတ်ဆုံး စံနှုန်းချမှတ်ရှင်ဖြစ်ကြောင်း၊ အကောင်းအဆိုးနဲ့ ပတ်သက်တဲ့ စံနှုန်းတွေကို ချမှတ်ပိုင်ခွင့်ရှိတဲ့ အချုပ်အခြာအာဏာရှင်ဖြစ်ကြောင်း ယေရှု အသိအမှတ်ပြုနေတာဖြစ်တယ်။ အာဒံနဲ့ ဧဝ ပုန်ကန်ပြီး အကောင်းအဆိုး သိကျွမ်းရာအပင်ရဲ့ အသီးကို ယူစားလိုက်ခြင်းအားဖြင့် အဲဒီလုပ်ပိုင်ခွင့်ကို သူတို့ကိုယ်တိုင် ရယူဖို့ ကြိုးစားခဲ့တယ်။ ယေရှုဟာ သူတို့နဲ့မတူဘဲ စံနှုန်းချပိုင်ခွင့်ကို ဖခင်ထံ နှိမ့်ချစွာ ထားရှိခဲ့တယ်။ သမ္မာကျမ်းစာမှာပါတဲ့ မိန့်မှာချက်တွေအားဖြင့် ဘာက အကောင်းလဲဆိုတာကို ဘုရားသခင် သတ်မှတ် ဖော်ပြခဲ့တယ်။—မာ ၁၀:၁၉။
ကျမ်းစာဖတ်ရှုခြင်း
(မာကု ၉:၁-၁၃) “အဲဒီနောက် ယေရှုက “ကျွန်တော် မှန်တာကိုပြောမယ်။ ဒီမှာရပ်နေသူတချို့ဟာ တန်ခိုးနဲ့ရောက်နှင့်နေတဲ့ ဘုရားသခင့်နိုင်ငံတော်ကို မမြင်ရခင် သေဆုံးမှာ မဟုတ်ဘူး” လို့ သူတို့ကို ပြောတယ်။ ၂ ခြောက်ရက်ကြာတဲ့အခါ ယေရှုက ပေတရု၊ ယာကုပ်နဲ့ ယောဟန်တို့ကိုပဲ ခေါ်ပြီး အလွန်မြင့်တဲ့တောင်ပေါ် တက်သွားတယ်။ အဲဒီနောက် သူတို့ရှေ့မှာ ယေရှု ကိုယ်ယောင်ပြောင်းသွားတယ်။ ၃ ယေရှုရဲ့ဝတ်လုံဟာ ဖြူဖွေးတောက်ပနေတယ်။ အဲဒီလောက် ဖြူဖွေးအောင် ဘယ်သူမှ မလျှော်နိုင်ဘူး။ ၄ ဧလိယနဲ့ မောရှေတို့လည်း ပေါ်လာပြီး ယေရှုနဲ့ စကားပြောတယ်။ ၅ အဲဒီအခါ ပေတရုက “ဆရာ၊ ကျွန်တော်တို့ ဒီမှာရှိနေရတာ အခွင့်ထူးပါ။ ဒီမှာ တဲသုံးလုံး ဆောက်ပေးပါရစေ။ ဆရာ့အတွက် တစ်လုံး၊ မောရှေအတွက် တစ်လုံး၊ ဧလိယအတွက် တစ်လုံးပေါ့” လို့ပြောတယ်။ ၆ တကယ်တော့ ပေတရု ဘာပြောရမှန်းမသိ ဖြစ်နေတာ။ သူတို့ တော်တော် ကြောက်နေကြတယ်။ ၇ အဲဒီအချိန်မှာ တိမ်တိုက်ပေါ်လာပြီး သူတို့ကို ဖုံးလွှမ်းသွားတယ်။ ပြီးတော့ “သူဟာ ငါ့ရဲ့ချစ်သားပဲ။ သူ့စကားကို နားထောင်ကြ” ဆိုတဲ့အသံ တိမ်တိုက်ထဲကနေ ထွက်လာတယ်။ ၈ ပတ်လည်ကို ကြည့်လိုက်တော့ ယေရှုကလွဲလို့ ဘယ်သူ့ကိုမှ မတွေ့ဘူး။ ၉ တောင်ပေါ်ကနေ ပြန်ဆင်းလာတဲ့အခါ ယေရှုက သူတို့မြင်ခဲ့တာတွေကို လူသား သေရာကနေ အသက်ပြန်ရှင်လာချိန်မတိုင်ခင် ဘယ်သူ့ကိုမှ မပြောဖို့ အသေအချာ မှာတယ်။ ၁၀ သူတို့လည်း ဘယ်သူ့ကိုမှ ပြန်မပြောပြဘူး။ ဒါပေမဲ့ သေရာကနေ အသက်ပြန်ရှင်တယ်ဆိုတာ ဘာကိုပြောတာလဲဆိုပြီး ဆွေးနွေးကြတယ်။ ၁၁ အဲဒီနောက် “ဧလိယ အရင်ပေါ်ထွန်းမယ်ဆိုပြီး ကျမ်းတတ်တွေ ဘာလို့ပြောတာလဲ” လို့မေးတဲ့အခါ၊ ၁၂ ယေရှုက “ဧလိယဟာ အရင်ပေါ်ထွန်းပြီး အရာအားလုံးကို နဂိုအတိုင်းဖြစ်အောင် လုပ်ပေးမယ်။ ဒါပေမဲ့ လူသားဟာ ဝေဒနာအများကြီး ခံစားပြီး မထီလေးစားလုပ်တာ ခံရလိမ့်မယ်ဆိုတဲ့ ကျမ်းစကားနဲ့ ဘယ်လိုဆက်စပ်နေသလဲ။ ၁၃ ကျွန်တော် ပြောမယ်။ တကယ်တော့ ဧလိယ ပေါ်ထွန်းပြီးသွားပြီ။ သူနဲ့ပတ်သက်ပြီး ရေးထားတဲ့အတိုင်း လူတွေက သူ့ကို လုပ်ချင်သလို လုပ်ခဲ့ကြတယ်” လို့ပြောတယ်။
မေ ၂၁-၂၇
ကျမ်းစာထဲက အဖိုးတန်ဘဏ္ဍာများ | မာကု ၁၁-၁၂
“ဒီမုဆိုးမရဲ့ အလှူငွေဟာ တခြားသူအားလုံးရဲ့ အလှူငွေထက် ပိုများတယ်”
(မာကု ၁၂:၄၁၊ ၄၂) ယေရှုက အလှူငွေပုံးတွေကို လှမ်းမြင်ရတဲ့နေရာမှာ ထိုင်ပြီး လူတွေ အလှူငွေထည့်တာကို ကြည့်နေတယ်။ ချမ်းသာသူတွေက ဒင်္ဂါးအများကြီး ထည့်ကြတယ်။ ၄၂ အဲဒီအခါ ဆင်းရဲတဲ့ မုဆိုးမတစ်ယောက် ရောက်လာပြီး တန်ဖိုးသိပ်မရှိတဲ့ ဒင်္ဂါးငယ်နှစ်ပြားကို ထည့်လိုက်တယ်။
nwtsty မာ ၁၂:၄၁၊ ၄၂ လေ့လာမှု မှတ်စု
အလှူငွေပုံးတွေ– ရှေးခေတ် ဂျူးအဆိုအရ ဒီအလှူငွေပုံးတွေ၊ အလှူငွေသေတ္တာတွေဟာ အော်လန်တွေ၊ တံပိုးခရာတွေလို ပုံသဏ္ဌာန် ရှိတယ်။ လူတွေက အဲဒီထဲကို အလှူအမျိုးမျိုး ထည့်ကြတယ်။ “ဘဏ္ဍာတိုက်” လို့ပြန်ဆိုတဲ့ ယဟ ၈:၂၀ မှာလည်း ဒီဂရိစကားလုံးကို သုံးထားတယ်။ ဒါက အမျိုးသမီးရင်ပြင်မှာရှိတဲ့ နေရာတစ်ခုကို ရည်ညွှန်းပုံရတယ်။ (nwtsty မ ၂၇:၆ လေ့လာမှု မှတ်စုနဲ့ နောက်ဆက်တွဲ ခ၁၁ ကိုကြည့်ပါ။) ရဗ္ဗိမှတ်တမ်းတွေအရ အဲဒီရင်ပြင်နံရံအနီးတစ်ဝိုက်မှာ အလှူငွေသေတ္တာ ၁၃ ခုချထားတယ်။ အလှူငွေသေတ္တာတွေထဲက အလှူငွေတွေကို စုသိမ်းတဲ့ အဓိကဘဏ္ဍာတိုက်တစ်ခုလည်း ရှိတယ်လို့ ပြောကြတယ်။
ဒင်္ဂါးငယ် နှစ်ပြား– ဂရိစကားလုံး လက်တန်ရဲ့ အများကိန်း လက်တာနှစ်ပြားဟာ သေးငယ်၊ ပါးလွှာ ဆိုတဲ့ အဓိပ္ပာယ်ရှိတယ်။ တစ်လက်တန်ဟာ ဒေနာရိတစ်ပြားရဲ့ ၁၂၈ ပုံ ၁ ပုံနဲ့ ညီမျှတဲ့ ဒင်္ဂါးတစ်ပြားဖြစ်ပြီး အစ္စရေးမှာ သုံးတဲ့ အသေးငယ်ဆုံး ကြေးနီပြားဖြစ်တယ်။—ခက်ဆစ်၊ “လက်တာ” နဲ့ နောက်ဆက်တွဲ ခ၁၄ ကိုကြည့်ပါ။
တန်ဖိုးသိပ်မရှိ– “ကွာဒရန်။” ဂရိစကားလုံး ko·dranʹtes (ကွာဒရန် ဆိုတဲ့ လက်တင်စကားလုံးက ဆင်းသက်လာ) ဟာ ဒေနာရိတစ်ပြားရဲ့ ၆၄ ပုံ ၁ ပုံနဲ့ ညီမျှတဲ့ ရောမ ကြေးနီပြားကို ပြောတာဖြစ်တယ်။ ဒီနေရာမှာ မာကုက ဂျူးတွေ သုံးနေတဲ့ ဒင်္ဂါးပြားတွေရဲ့ တန်ဖိုးကို ရောမငွေကြေးနဲ့ တွက်ပြနေတာဖြစ်တယ်။—နောက်ဆက်တွဲ ခ၁၄ ကိုကြည့်ပါ။
(မာကု ၁၂:၄၃) ယေရှုက တပည့်တွေကို ခေါ်ပြီး “ကျွန်တော် မှန်တာကိုပြောမယ်။ ဆင်းရဲတဲ့ ဒီမုဆိုးမရဲ့ အလှူငွေဟာ တခြားသူအားလုံးရဲ့ အလှူငွေထက် ပိုများတယ်။
ယေဟောဝါသည် သင်၏ စိုးလ်အကြွင်းမဲ့ လုပ်ဆောင်မှုကို မြတ်နိုးတော်မူ၏
၁၆ နောက်ရက်အနည်းငယ်အကြာ နိသန်လ ၁၁ ရက်နေ့တွင် ဗိမာန်တော်၌ ကြာရှည်စွာနေတော်မူပြီး ထိုတွင် ကိုယ်တော့်လုပ်ပိုင်ခွင့်အာဏာအပေါ် မေးမြန်းခံရကာ အခွန်ပေးခြင်း၊ ထမြောက်ခြင်းနှင့် အခြားကိစ္စရပ်များနှင့်စပ်လျဉ်း၍ ယုံမှားဖွယ်မေးခွန်းများကို လက်တန်းဖြေဆိုခဲ့သည်။ အခြားအရာများအပြင် “မုဆိုးမအိမ်ကိုလုယူသိမ်းစား” ခြင်းနှင့်စပ်လျဉ်း၍ ကျမ်းတတ်များနှင့် ဖာရိရှဲတို့ကို ကိုယ်တော် ပြစ်တင်ရှုတ်ချတော်မူ၏။ (မာကု ၁၂:၄၀) ထို့နောက် ဂျူးထုံးတမ်းအရ အလှူငွေသေတ္တာ ၁၃ ခုထားရှိသည့်နေရာဖြစ်သော အမျိုးသမီးများစုဝေးရာတံတိုင်းတော်၌ ယေရှုထိုင်တော်မူခဲ့သည်။ ကိုယ်တော်သည် ခဏထိုင်ကာ လူတို့သည် မိမိတို့၏အလှူဒါနများကို လှူဒါန်းစဉ် ဂရုတစိုက်ကြည့်ရှုတော်မူ၏။ ငွေကြေးချမ်းသာသူ အမြောက်အမြားရောက်လာကြပြီး အချို့မှာ မိမိကိုယ်ကို ဖြောင့်မတ်ကြောင်း ထင်ရှားစေရန်နှင့် လူအထင်ကြီးစေရန်ပင် ရောက်လာကြပုံရသည်။ (မဿဲ ၆:၂ နှိုင်းယှဉ်။) ယေရှု၏အကြည့်သည် အမျိုးသမီးတစ်ဦးအပေါ် အာရုံရောက်သွားသည်။ သာမန်မျက်စိဖြင့် သူမနှင့် သူမ၏လှူဖွယ်ပစ္စည်းနှင့်ပတ်သက်သော တစ်စုံတစ်ရာထူးခြားမှုကို သတိပြုမိမည်မဟုတ်ပေ။ သို့သော် ယေရှုသည် အခြားသူများ၏နှလုံးကို သိရှိနိုင်သူဖြစ်ရာ သူမသည် “ဆင်းရဲသောမုဆိုးမတစ်ယောက်” ဖြစ်ကြောင်း သိလိုက်သည်။ သူမ၏လှူဖွယ်ပစ္စည်းဖြစ်သော “တစ်ပဲလောက်တန်သော ကြေးနီဒ င်္ဂါးနှစ်ပြား” ဖြစ်သော တိကျသောပမာဏကိုလည်း ကိုယ်တော်သိရှိတော်မူ၏။—မာကု ၁၂:၄၁၊ ၄၂။
၁၇ ယေရှုသည် တပည့်တော်များအား မိမိသွန်သင်ပေးတော့မည့်ဆဲဆဲ သင်ခန်းစာကို မျက်မြင်ကိုယ်တွေ့ တွေ့ရှိစေလိုတော်မူသောကြောင့် သူတို့ကို ခေါ်လိုက်သည်။ သူမသည် “ဘဏ္ဍာတိုက်ထဲသို့ သွင်းချသောသူအပေါင်းတို့ထက် ထိုဆင်းရဲသောမုဆိုးမသည် သာ၍သွင်းချခဲ့ပြီ” ဟုယေရှုဆို၏။ ကိုယ်တော့်အမြင်တွင် သူမသည် တခြားသူများထည့်သည့် အားလုံးပေါင်းထက် သာ၍ထည့်သွင်း၏။ သူမ၏နောက်ဆုံးကျန်ငွေဖြစ်သော “ဥစ္စာရှိသမျှကို” ပေးခဲ့သည်။ ထိုသို့ပြုခြင်းဖြင့် ယေဟောဝါ၏ ကြည့်ရှုမှုလက်တော်တွင် မိမိကိုယ်ကို ထားရှိလိုက်သည်။ တန်ဖိုးမရှိသလောက်ဥစ္စာကို လှူဒါန်းခဲ့သောသူအား ဘုရားသခင်ထံ ပေးကမ်းခြင်း၏စံနမူနာအဖြစ် ရွေးထုတ်ခဲ့သည်။ သို့ရာတွင် ယင်းသည် ဘုရားသခင့်မျက်မှောက်တော်၌ တန်ဖိုးမဖြတ်နိုင်ခဲ့ချေ!—မာကု ၁၂:၄၃၊ ၄၄; ယာကုပ် ၁:၂၇။
(မာကု ၁၂:၄၄) ဘာလို့လဲဆိုတော့ တခြားသူတွေက ပိုလျှံတဲ့ငွေကို ထည့်ကြတာ။ ဒီမုဆိုးမကတော့ ဆင်းရဲပေမဲ့ ရှိစုမဲ့စု ဝမ်းစာကို အကုန်ထည့်လိုက်တာ” လို့ပြောတယ်။
ယေဟောဝါသည် သင်၏ စိုးလ်အကြွင်းမဲ့ လုပ်ဆောင်မှုကို မြတ်နိုးတော်မူ၏
၁၇ ယေရှုသည် တပည့်တော်များအား မိမိသွန်သင်ပေးတော့မည့်ဆဲဆဲ သင်ခန်းစာကို မျက်မြင်ကိုယ်တွေ့ တွေ့ရှိစေလိုတော်မူသောကြောင့် သူတို့ကိုခေါ်လိုက်သည်။ သူမသည် “ဘဏ္ဍာတိုက်ထဲသို့ သွင်းချသောသူအပေါင်းတို့ထက် ထိုဆင်းရဲသောမုဆိုးမသည် သာ၍သွင်းချခဲ့ပြီ” ဟုယေရှုဆို၏။ ကိုယ်တော့်အမြင်တွင် သူမသည် တခြားသူများထည့်သည့် အားလုံးပေါင်းထက် သာ၍ထည့်သွင်း၏။ သူမ၏နောက်ဆုံးကျန်ငွေဖြစ်သော “ဥစ္စာရှိသမျှကို” ပေးခဲ့သည်။ ထိုသို့ပြုခြင်းဖြင့် ယေဟောဝါ၏ ကြည့်ရှုမှုလက်တော်တွင် မိမိကိုယ်ကို ထားရှိလိုက်သည်။ တန်ဖိုးမရှိသလောက်ဥစ္စာကို လှူဒါန်းခဲ့သောသူအား ဘုရားသခင်ထံ ပေးကမ်းခြင်း၏စံနမူနာအဖြစ် ရွေးထုတ်ခဲ့သည်။ သို့ရာတွင် ယင်းသည် ဘုရားသခင့်မျက်မှောက်တော်၌ တန်ဖိုးမဖြတ်နိုင်ခဲ့ချေ!—မာကု ၁၂:၄၃၊ ၄၄; ယာကုပ် ၁:၂၇။
w87-E ၁၂/၁ ၃၀ ပိုဒ်. ၁
သင် ပေးကမ်းတာက ပူဇော်သက္ကာလား
ဒီမှတ်တမ်းကနေ သင်ခန်းစာများစွာ ရနိုင်ပါတယ်။ အထူးခြားဆုံး သင်ခန်းစာက ကျွန်တော်တို့ရဲ့ ပိုင်ဆိုင်ရာတွေနဲ့ စစ်မှန်တဲ့ ဝတ်ပြုရေးကို ထောက်ပံ့ဖို့ အခွင့်အရေး အားလုံးမှာ ရှိတယ်၊ ဒါပေမဲ့ ဘုရားတကယ်တန်ဖိုးထားတာက ကိုယ့်မှာ မရှိလည်းဖြစ်တဲ့အရာကို ပေးတာမဟုတ်ဘဲ ကိုယ်တန်ဖိုးထားတာကို ပေးတာဖြစ်တယ်။ နောက်တစ်နည်းပြောရရင် ကိုယ်အသုံးမလိုတာကို ပေးတာလား ဒါမှမဟုတ် တကယ်စွန့်လွှတ် အနစ်နာခံပြီး ပေးတာမျိုးလား ဆိုတာပါ။
“ဘုရားသခင့်နှုတ်ကပါဌ်တော်” ရှိ ဉာဏ်ပညာ
၁၅ ထိုနေ့၌ ဗိမာန်တော်သို့ လာရောက်သူအားလုံးတို့တွင် ဤမုဆိုးမကို ရွေး၍ သမ္မာကျမ်းစာထဲတွင် ဖော်ပြထားခြင်းမှာ မထူးခြားပေလော။ ယေဟောဝါသည် ကျေးဇူးသိတတ်သောဘုရားသခင်ဖြစ်ကြောင်း ဤဥပမာအားဖြင့် ကျွန်ုပ်တို့ကို သိရှိစေသည်။ အခြားသူတို့ ပေးဆက်နိုင်သည့်အရာနှင့် နှိုင်းယှဉ်ကြည့်လျှင် မည်မျှပင်ရှိပါစေ၊ ကျွန်ုပ်တို့ စိတ်ရောကိုယ်ပါပေးဆက်သောအရာကို ကိုယ်တော် နှစ်သက်တော်မူ၏။ ယေဟောဝါသည် ဤစိတ်ကြည်နူးအားရဖွယ် အမှန်တရားကို သွန်သင်ပေးရန် အခြားသာ၍ကောင်းသောနည်းလမ်း မရှိနိုင်တော့ချေ!
ရှာဖွေလေ့လာ ဘုရားရေးရာရတနာ
(မာကု ၁၁:၁၇) “‘ငါ့အိမ်ကို လူမျိုးအားလုံး ဆုတောင်းရာအိမ်လို့ ခေါ်ကြမယ်’ ဆိုပြီး ကျမ်းစာမှာ ရေးထားပေမဲ့ ခင်ဗျားတို့က အိမ်တော်ကို ဓားပြခိုအောင်းတဲ့နေရာ ဖြစ်စေကြပြီ” ဆိုပြီး လူတွေကို ဆုံးမတယ်။
nwtsty မာ ၁၁:၁၇ လေ့လာမှု မှတ်စု
လူမျိုးအားလုံး ဆုတောင်းရာအိမ်– ခရစ်ဝင်ကျမ်းရေးသူ သုံးယောက်က ရှာ ၅၆:၇ ကို ကိုးကားခဲ့ပေမဲ့ မာကုတစ်ယောက်ပဲ “လူမျိုးအားလုံး” ဆိုတဲ့စကားစုကို ထည့်တယ်။ (မ ၂၁:၁၃။ လု ၁၉:၄၆) ဂျေရုဆလင်မှာရှိတဲ့ ဗိမာန်တော်ဟာ အစ္စရေးလူမျိုးရော ဘုရားကိုကြောက်ရွံ့တဲ့ လူမျိုးခြားတွေပါ ယေဟောဝါကို ဝတ်ပြု၊ ဆုတောင်းနိုင်တဲ့နေရာ ဖြစ်တယ်။ (၁ဘု ၈:၄၁-၄၃) ဗိမာန်တော်ကို ရောင်းဝယ်ဖောက်ကားတဲ့နေရာ၊ ဓားပြခိုအောင်းတဲ့နေရာ ဖြစ်စေတဲ့ ဂျူးတွေကို ယေရှု အပြစ်တင်ခဲ့တယ်။ သူတို့ရဲ့လုပ်ရပ်က ဆုတောင်းရာအိမ်မှာ ယေဟောဝါထံ ချဉ်းကပ်ဖို့ လူမျိုးအားလုံးအတွက် အဟန့်အတားဖြစ်စေတယ်၊ ဘုရားကို သိကျွမ်းတဲ့အခွင့်အရေး ဆုံးရှုံးစေတယ်။
(မာကု ၁၁:၂၇၊ ၂၈) အဲဒီနောက် ယေရှုနဲ့ တပည့်တွေ ဂျေရုဆလင်မြို့ကို ပြန်လာတယ်။ ယေရှုက ဗိမာန်တော်ဝင်းထဲမှာ လမ်းလျှောက်နေတုန်း ပုရောဟိတ်ကြီးတွေ၊ ကျမ်းတတ်တွေ၊ အကြီးအကဲတွေ ရောက်လာပြီး၊ ၂၈ “ခင်ဗျားက ဘာအခွင့်အာဏာနဲ့ ဒါတွေကို လုပ်နေတာလဲ။ ဘယ်သူက ဒီအခွင့်အာဏာ ပေးထားလို့လဲ” ဆိုပြီး မေးတယ်။
သဖန်းပင်ကိုသုံးပြီး ယုံကြည်ခြင်းအကြောင်းသွန်သင်
ခဏကြာတော့ ယေရှုနဲ့တပည့်တွေ ဂျေရုဆလင်မြို့ထဲ ဝင်လာတယ်။ ယေရှုက ထုံးစံရှိတဲ့အတိုင်း ဗိမာန်တော်ကိုသွားပြီး စတင်သွန်သင်တယ်။ ဗိမာန်တော်မှာ ငွေလဲလှယ်ပေးသူတွေကို မနေ့က ယေရှုဘာလုပ်ခဲ့မှန်း ပုရောဟိတ်ကြီးတွေ၊ အကြီးအကဲတွေ သတိရသွားပုံပဲ။ ဒါကြောင့် ယေရှုဆီရောက်လာပြီး ‘ခင်ဗျားက ဘာအခွင့်အာဏာနဲ့ ဒါတွေကို လုပ်တာလဲ။ ဘယ်သူ့ဆီက အခွင့်အာဏာနဲ့လဲ’ ဆိုပြီး မေးခွန်းထုတ်တော့တယ်။—မာကု ၁၁:၂၈၊ ကဘ။
ကျမ်းစာဖတ်ရှုခြင်း
(မာကု ၁၂:၁၃-၂၇) “နောက်တော့ သူတို့က ဖာရိရှဲတချို့နဲ့ ဟေရုဒ်ရဲ့ နောက်လိုက်တွေကို ယေရှုဆီ လွှတ်လိုက်တယ်။ ယေရှု စကားပြောမှားတာနဲ့ ဖမ်းဆီးဖို့ပဲ။ ၁၄ အဲဒီလူတွေ ရောက်လာပြီး “ဆရာ၊ ဆရာဟာ ရိုးဖြောင့်သူ၊ မျက်နှာမလိုက်သူ၊ အပြင်ပန်းကို မကြည့်သူ၊ ဘုရားသခင်ရဲ့ လမ်းစဉ်အကြောင်း အမှန်အတိုင်း သွန်သင်သူဆိုတာ ကျွန်တော်တို့ သိပါတယ်။ တစ်ခုလောက် မေးပါရစေ။ ဆီဇာကို အခွန်ဆောင်သင့်သလား၊ မဆောင်သင့်ဘူးလား။ ၁၅ ကျွန်တော်တို့ အခွန်ဆောင်ရမလား၊ မဆောင်ရဘူးလား” လို့မေးတယ်။ ယေရှုက သူတို့ရဲ့ပရိယာယ်ကို သိတဲ့အတွက် “ကျွန်တော့်ကို ဘာလို့ အကဲစမ်းနေတာလဲ။ ဒေနာရိ တစ်ပြား ယူလာခဲ့” လို့ပြောတော့၊ ၁၆ ဒေနာရိတစ်ပြား ယူလာပေးကြတယ်။ ယေရှုက “ဒီမှာ ဘယ်သူ့ပုံလဲ။ ဘယ်သူ့နာမည်လဲ” လို့မေးတဲ့အခါ “ဆီဇာပါ” ဆိုတော့၊ ၁၇ ယေရှုက “ဆီဇာနဲ့ဆိုင်တာ ဆီဇာကို ပေးပါ။ ဘုရားသခင်နဲ့ဆိုင်တာ ဘုရားသခင်ကို ပေးပါ” လို့ဖြေတယ်။ အဲဒီအခါ သူတို့ အံ့ဩသွားကြတယ်။ ၁၈ ရှင်ပြန်ထမြောက်ခြင်း မရှိဘူးလို့ ပြောကြတဲ့ ဇဒ္ဒုကဲတွေက ယေရှုဆီ လာပြီး၊ ၁၉ “ဆရာ၊ လူတစ်ယောက်ဟာ သားသမီးမရှိဘဲ ကွယ်လွန်သွားခဲ့ရင် သူ့အစ်ကို ဒါမှမဟုတ် ညီဖြစ်သူက ကျန်ရစ်သူဇနီးကို လက်ထပ်ပြီး ကွယ်လွန်သူရဲ့မျိုးဆက် မပြတ်အောင် ထိန်းသိမ်းရမယ်လို့ မောရှေ ရေးခဲ့ပါတယ်။ ၂၀ ကျွန်တော်တို့ဆီမှာ ညီအစ်ကို ခုနစ်ယောက် ရှိပါတယ်။ အကြီးဆုံးက အိမ်ထောင်ကျပြီး သားသမီးမရဘဲ သေဆုံးသွားတယ်။ ၂၁ ဒုတိယတစ်ယောက်က ကျန်ရစ်သူဇနီးနဲ့ လက်ထပ်တယ်။ သူလည်း သားသမီးမရဘဲ သေသွားပြန်တယ်။ တတိယတစ်ယောက်လည်း အဲဒီအတိုင်းပဲ။ ၂၂ ဒီလိုနဲ့ ညီအစ်ကို ခုနစ်ယောက်စလုံး သားသမီးမရဘဲ သေဆုံးသွားတယ်။ နောက်ဆုံး အဲဒီအမျိုးသမီးလည်း သေဆုံးသွားတယ်။ ၂၃ သူက ညီအစ်ကို ခုနစ်ယောက်စလုံးနဲ့ လက်ထပ်ခဲ့တဲ့အတွက် ရှင်ပြန်ထမြောက်လာတဲ့အခါ ဘယ်သူ့ဇနီး ဖြစ်မှာလဲ” လို့မေးတယ်။ ၂၄ ယေရှုက “ခင်ဗျားတို့ မှားနေပြီ။ ကျမ်းစကားကိုရော ဘုရားသခင်ရဲ့တန်ခိုး လုပ်ဆောင်ပုံကိုပါ နားမလည်ကြဘဲကိုး။ ၂၅ လူတွေ သေရာကနေ အသက်ပြန်ရှင်လာတဲ့အခါ ထိမ်းမြားပေးစားတာမျိုး မရှိတော့ဘူး။ ကောင်းကင်တမန်တွေလို ဖြစ်လိမ့်မယ်။ ၂၆ မီးလောင်နေတဲ့ ချုံပုတ်အကြောင်း မောရှေရေးခဲ့တဲ့ မှတ်တမ်းကို ခင်ဗျားတို့ မဖတ်ဖူးဘူးလား။ အဲဒီမှာ ‘ငါဟာ အာဗြဟံရဲ့ဘုရား၊ အိဇက်ရဲ့ဘုရား၊ ယာကုပ်ရဲ့ဘုရား’ ဆိုပြီး မောရှေကို ဘုရားသခင် ပြောတာဟာ သေလွန်သူတွေ ရှင်ပြန်ထမြောက်လာမယ့်အကြောင်းပဲ။ ၂၇ ဘုရားသခင်ဟာ သေလွန်သူတွေရဲ့ဘုရား မဟုတ်ဘူး။ အသက်ရှင်သူတွေရဲ့ဘုရား ဖြစ်တယ်။ ခင်ဗျားတို့ အမှားကြီး မှားနေပြီ” လို့ဖြေတယ်။”
မေ ၂၈–ဇွန် ၃
ကျမ်းစာထဲက အဖိုးတန်ဘဏ္ဍာများ | မာကု ၁၃-၁၄
“လူကိုကြောက်ရွံ့ခြင်း ထောင်ချောက်ထဲ မကျအောင် ရှောင်ပါ”
(မာကု ၁၄:၂၉) ပေတရုက “တခြားသူတွေ သခင့်ကို စွန့်ခွာသွားရင်တောင် ကျွန်တော်ကတော့ မစွန့်ဘူး” လို့ပြောတော့၊
(မာကု ၁၄:၃၁) ဒါပေမဲ့ ပေတရုက “အတူသေရင် သေပါစေ။ သခင့်ကို မသိဘူးလို့ ဘယ်တော့မှ မငြင်းဘူး” ဆိုပြီး အခိုင်အမာ ပြောတယ်။ ကျန်တဲ့တပည့်တွေလည်း အဲဒီအတိုင်း လိုက်ပြောကြတယ်။
(မာကု ၁၄:၅၀) တပည့်အားလုံးက ယေရှုကိုထားခဲ့ပြီး ထွက်ပြေးကုန်တယ်။
(မာကု ၁၄:၄၇) အနားမှာရပ်နေတဲ့ လူတစ်ယောက်က ဓားကိုဆွဲထုတ်ပြီး ပုရောဟိတ်မင်းရဲ့ ကျွန်ကို ခုတ်လိုက်တာ နားရွက်ပြတ်သွားတယ်။
(မာကု ၁၄:၅၄) ပေတရုက ပုရောဟိတ်မင်းရဲ့ ခြံဝင်းထဲအထိ ခပ်လှမ်းလှမ်းကနေ လိုက်လာတယ်။ အိမ်စေတွေနဲ့အတူ ထိုင်ပြီး မီးလှုံနေတယ်။
(မာကု ၁၄:၆၆-၇၂) ပေတရုက ခြံဝင်းထဲမှာပဲ ရှိနေတုန်း ပုရောဟိတ်မင်းရဲ့ အစေခံမလေးတစ်ယောက် ရောက်လာတယ်။ ၆၇ မီးလှုံနေတဲ့ ပေတရုကို တွေ့တဲ့အခါ အသေအချာ ကြည့်ပြီး “ရှင်လည်း နာဇရက်မြို့သား ယေရှုနဲ့တစ်ဖွဲ့တည်း မဟုတ်လား” လို့ပြောတယ်။ ၆၈ ပေတရုက “သူ့ကို ကျွန်တော် မသိဘူး။ ခင်ဗျား ဘာတွေပြောနေမှန်းလည်း ကျွန်တော် နားမလည်ဘူး” လို့ငြင်းပြီး ခြံအဝင်ဝဘက်ကို ထွက်သွားလိုက်တယ်။ ၆၉ အစေခံမလေးက ပေတရုကို ထပ်တွေ့ပြန်တော့ အနားမှာ ရပ်နေသူတွေကို “ဒီလူဟာ ယေရှုရဲ့ တပည့်တစ်ယောက်ပဲ” လို့ပြောတယ်။ ၇၀ ပေတရုက မဟုတ်ဘူးလို့ ငြင်းပြန်တယ်။ ခဏကြာတော့ အနားမှာ ရပ်နေသူတွေက “ခင်ဗျားဟာ ဂါလိလဲပြည်သားပဲ။ သူတို့နဲ့တစ်ဖွဲ့တည်းဆိုတာ သေချာတယ်” လို့ပေတရုကို ပြောတယ်။ ၇၁ ဒါပေမဲ့ ပေတရုက ကျိန်တွယ်သစ္စာဆိုပြီး “ခင်ဗျားတို့ ပြောနေတဲ့လူကို ကျွန်တော် မသိဘူး” လို့ငြင်းတယ်။ ၇၂ အဲဒီအချိန်မှာပဲ ဒုတိယအကြိမ် ကြက်တွန်တယ်။ “ကြက်နှစ်ကြိမ်မတွန်ခင် ကျွန်တော့်ကို မသိပါဘူးလို့ ခင်ဗျား သုံးကြိမ်ငြင်းလိမ့်မယ်” ဆိုတဲ့ ယေရှုရဲ့စကားကို ပေတရုသတိရပြီး စိတ်မထိန်းနိုင်ဘဲ ငိုချတော့တယ်။
ခွင့်လွှတ်တတ်ဖို့ သခင့်ဆီကနေ သူသင်ယူခဲ့
၁၄ ပေတရုဟာ ယေရှုနောက် သတိနဲ့လိုက်သွားရင်း ဂျေရုဆလင်မြို့က ခမ်းနားကြီးကျယ်တဲ့ အိမ်တစ်အိမ်ရှေ့အထိ ရောက်သွားတယ်။ အဲဒီအိမ်ဟာ ချမ်းသာပြီး ဩဇာအာဏာကြီးတဲ့ ယဇ်ပုရောဟိတ်မင်းကြီး ကယာဖရဲ့ အိမ်ဖြစ်တယ်။ အဲဒီလိုအိမ်ကြီးတွေရဲ့ အလယ်မှာ ကွက်လပ်ကျယ်ကြီးရှိပြီး အိမ်ရှေ့မှာ ဂိတ်တံခါးတစ်ခုရှိတယ်။ အဲဒီဂိတ်တံခါးကို ပေတရု ရောက်တဲ့အခါ အထဲဝင်ခွင့်မရဘူး။ ယဇ်ပုရောဟိတ်မင်းကြီးနဲ့သိတဲ့ ယောဟန်က အထဲရောက်နေလို့ ပြန်ထွက်လာပြီး ပေတရုဝင်လို့ရအောင် တံခါးစောင့်ကို ခွင့်တောင်းပေးတယ်။ အထဲရောက်တဲ့အခါ ပေတရုဟာ ယောဟန်အနားမှာ နေပုံမရဘူး။ အဲဒီအပြင် အိမ်ထဲဝင်ပြီး သခင့်အနားမှာ မားမားမတ်မတ်ရပ်တည်ဖို့လည်း မကြိုးစားခဲ့ဘူး။ ချမ်းစိမ့်နေတဲ့ အဲဒီညမှာ မီးလှုံနေတဲ့ ကျေးကျွန်တွေ၊ အိမ်စေတွေနဲ့အတူ အိမ်အလယ်ကကွက်လပ်မှာ သူရှိနေတယ်။ အဲဒီနောက် ယေရှုအကြောင်း မဟုတ်မမှန် သက်သေထွက်ဆိုကြသူတွေ ဝင်ထွက်သွားလာနေတာကို သူ ကြည့်နေတယ်။—မာ. ၁၄:၅၄-၅၇; ယော. ၁၈:၁၅၊ ၁၆၊ ၁၈။
it-2 ၆၁၉ ပိုဒ်. ၆
ပေတရု
ပုရောဟိတ်မင်းရဲ့ အိမ်ကို အတူလိုက်သွားပုံရတဲ့ တပည့်နောက်တစ်ယောက်ရဲ့ အကူအညီနဲ့ ပေတရု ခြံဝင်းထဲ ဝင်ခဲ့တယ်။ (ယဟ ၁၈:၁၅၊ ၁၆) ပေတရုဟာ အမှောင်ရိပ်ထဲ ခိုမနေဘဲ မီးသွားလှုံခဲ့တယ်။ မီးအလင်းရောင်ကြောင့် သူဟာ ယေရှုရဲ့ အပေါင်းအဖော်ဖြစ်မှန်း လူတွေ မှတ်မိသွားတယ်။ ဂါလိလဲလေသံကြောင့်လည်း သူ့အပေါ် ပိုသံသယဝင်သွားတယ်။ လူတွေ မသင်္ကာဖြစ်တဲ့အခါ ပေတရုက ယေရှုကို မသိဘူးလို့ သုံးကြိမ် ငြင်းဆိုတယ်။ နောက်ဆုံးအကြိမ်မှာ အခိုင်အမာ ကျိန်ဆိုလိုက်သေးတယ်။ မြို့ထဲက ကြက်တစ်ကောင် ဒုတိယအကြိမ် တွန်လိုက်တဲ့အချိန်မှာ ယေရှုက “ပေတရုကို လှည့်ပြီးကြည့်တယ်။” အဲဒီအခါ ပေတရု အပြင်ထွက်ပြီး ရှိုက်ကြီးတငင် ငိုချတော့တယ်။ (မ ၂၆:၆၉-၇၅။ မာ ၁၄:၆၆-၇၂။ လု ၂၂:၅၄-၆၂။ ယဟ ၁၈:၁၇၊ ၁၈) ဒါပေမဲ့ ပေတရုအတွက် ယေရှုရဲ့ အသနားခံဆုတောင်းချက် ဖြေကြားခံရလို့ သူ့ရဲ့ ယုံကြည်ခြင်း လုံးဝပျောက်ဆုံးမသွားဘူး။—လု ၂၂:၃၁၊ ၃၂။
ရှာဖွေလေ့လာ ဘုရားရေးရာရတနာ
(မာကု ၁၄:၅၁၊ ၅၂) “ဒါပေမဲ့ လူရွယ်တစ်ယောက်က ဝတ်ရုံတစ်ထည်ပဲခြုံပြီး နောက်ကနေ လိုက်လာတယ်။ လူတွေ လိုက်ဖမ်းတော့၊ ၅၂ သူလည်း ဝတ်ရုံကိုစွန့်ပြီး အတွင်းအင်္ကျီနဲ့ပဲ ထွက်ပြေးသွားတယ်။
မာကုကျမ်းမှ ပေါ်လွင်ချက်များ
၁၄:၅၁၊ ၅၂—‘အဝတ်မရှိဘဲထွက်ပြေး’ သောလုလင်ကား မည်သူနည်း။ မာကုတစ်ဦးတည်းသာ ဤဖြစ်ရပ်ကို ဖော်ပြသောကြောင့် သူ့ကိုယ်သူပြောနေခြင်းဖြစ်သည်ဟု ကောက်ချက်ချနိုင်ပါသည်။
(မာကု ၁၄:၆၀-၆၂) ဒါနဲ့ ပုရောဟိတ်မင်းက ထရပ်ပြီး “မင်း ဘာမှ ပြန်မပြောတော့ဘူးလား။ သူတို့ရဲ့ ထွက်ဆိုချက်ကို မင်း ဘာပြောမလဲ” လို့မေးပေမဲ့၊ ယေရှုက တစ်ခွန်းမှ ပြန်မဖြေဘဲ နှုတ်ဆိတ်နေတယ်။ ပုရောဟိတ်မင်းက “မင်းဟာ ခရစ်တော် ဟုတ်သလား၊ အမြင့်မြတ်ဆုံးအရှင်ရဲ့သား ဟုတ်သလား” လို့မေးတော့မှ၊ ယေရှုက “ဟုတ်တယ်။ လူသားဟာ တန်ခိုးကြီးတဲ့အရှင်ရဲ့ ညာဘက်မှာ ထိုင်နေတာ၊ မိုးတိမ်ခြံရံပြီး လာနေတာကို ခင်ဗျားတို့ မြင်ရလိမ့်မယ်” လို့ဖြေတယ်။
jy ၂၈၇ ပိုဒ်. ၄
အာနတ်ဆီ၊ ဒီနောက် ကယာဖဆီ ခေါ်သွား
ဘယ်သူပဲဖြစ်ဖြစ် ကိုယ့်ကိုယ်ကိုယ် ဘုရားရဲ့သားပါလို့ပြောရင် ဂျူးတွေ အရမ်းစိတ်ဆိုးမှန်း ကယာဖသိထားတယ်။ ယေရှုက ဘုရားကို အဖဘုရားလို့ခေါ်တုန်းက ‘မိမိကိုယ်ကို ဘုရားသခင်နဲ့ တန်းတူဖြစ်အောင် လုပ်နေ’ တယ်လို့ ဂျူးတွေစွပ်စွဲပြီး သူ့ကို သတ်ပစ်ချင်ခဲ့တာ။ (ယောဟန် ၅:၁၇၊ ၁၈; ၁၀:၃၁-၃၉၊ ကဘ) ကောက်ကျစ်တဲ့ကယာဖက အဲဒါကိုသိထားတော့ ‘အသက်ရှင်တဲ့ဘုရားကိုတိုင်တည်ပြီး သစ္စာဆိုပါ။ မင်းဟာ ဘုရားရဲ့သား၊ ခရစ်တော်ဆိုတာ အမှန်ပဲလား’ လို့မေးတယ်။ (မဿဲ ၂၆:၆၃၊ ကဘ) တကယ်တော့ ယေရှုက သူဟာ ဘုရားရဲ့သားဖြစ်မှန်း ဝန်ခံခဲ့ပြီးပြီ။ (ယောဟန် ၃:၁၈; ၅:၂၅; ၁၁:၄) အခုကျမှ ၀န်မခံဘူးဆိုရင် သူဟာ ဘုရားရဲ့သား၊ ခရစ်တော် မဟုတ်ဘူးလို့ ငြင်းလိုက်တာနဲ့တူသွားမယ်။ ဒါကြောင့် ‘ဟုတ်တယ်။ လူသားဟာ တန်ခိုးကြီးတဲ့အရှင်ရဲ့ ညာဘက်မှာထိုင်နေတာ၊ မိုးတိမ်ခြံရံပြီး လာနေတာကို ခင်ဗျားတို့မြင်ရလိမ့်မယ်’ လို့ပြန်ဖြေတယ်။—မာကု ၁၄:၆၂၊ ကဘ။
ကျမ်းစာဖတ်ရှုခြင်း
(မာကု ၁၄:၄၃-၅၉) အဲဒီလိုပြောနေတုန်းမှာပဲ တမန်တော် ၁၂ ယောက်ထဲက ယုဒက ဓားတွေ၊ တုတ်တွေကိုင်ထားတဲ့ လူတွေနဲ့အတူ ရောက်လာတယ်။ အဲဒီလူတွေကို ပုရောဟိတ်ကြီးတွေ၊ ကျမ်းတတ်တွေ၊ အကြီးအကဲတွေ လွှတ်လိုက်တာ။ ၄၄ သစ္စာဖောက်ယုဒက “ငါနမ်းတဲ့သူဟာ ယေရှုပဲ။ သူ့ကိုဖမ်းပြီး စောင့်ကြပ်ခေါ်သွားကြ” လို့အချက်ပေးထားပြီးပြီ။ ၄၅ သူရောက်လာတာနဲ့ ယေရှုဆီ တန်းသွားပြီး “ဆရာ” လို့ခေါ်ပြီး နမ်းတယ်။ ၄၆ လူတွေလည်း ယေရှုကို ဖမ်းဆီးလိုက်ကြတယ်။ ၄၇ အနားမှာရပ်နေတဲ့ လူတစ်ယောက်က ဓားကိုဆွဲထုတ်ပြီး ပုရောဟိတ်မင်းရဲ့ ကျွန်ကို ခုတ်လိုက်တာ နားရွက်ပြတ်သွားတယ်။ ၄၈ အဲဒီအခါ ယေရှုက “ဓားပြကိုဖမ်းသလို ကျွန်တော့်ကိုဖမ်းဖို့ ဓားတွေ၊ တုတ်တွေကိုင်ပြီး လာရသလား။ ၄၉ ကျွန်တော် ဗိမာန်တော်မှာ နေ့တိုင်း သွန်သင်တုန်းက ခင်ဗျားတို့ ရှိနေတာပဲ။ အဲဒီတုန်းက မဖမ်းကြပါလား။ ဒါပေမဲ့ ဒါဟာ ကျမ်းစာပြည့်စုံဖို့ပဲ” လို့ပြောတယ်။ ၅၀ တပည့်အားလုံးက ယေရှုကိုထားခဲ့ပြီး ထွက်ပြေးကုန်တယ်။ ၅၁ ဒါပေမဲ့ လူရွယ်တစ်ယောက်က ဝတ်ရုံတစ်ထည်ပဲခြုံပြီး နောက်ကနေ လိုက်လာတယ်။ လူတွေ လိုက်ဖမ်းတော့၊ ၅၂ သူလည်း ဝတ်ရုံကိုစွန့်ပြီး အတွင်းအင်္ကျီနဲ့ပဲ ထွက်ပြေးသွားတယ်။ ၅၃ လူတွေက ယေရှုကို ပုရောဟိတ်မင်းဆီ ခေါ်သွားတယ်။ အဲဒီမှာ ပုရောဟိတ်ကြီးတွေ၊ အကြီးအကဲတွေ၊ ကျမ်းတတ်တွေ စုဝေးနေတယ်။ ၅၄ ပေတရုက ပုရောဟိတ်မင်းရဲ့ ခြံဝင်းထဲအထိ ခပ်လှမ်းလှမ်းကနေ လိုက်လာတယ်။ အိမ်စေတွေနဲ့အတူ ထိုင်ပြီး မီးလှုံနေတယ်။ ၅၅ ပုရောဟိတ်ကြီးတွေနဲ့ ဂျူးတရားရုံးချုပ် အဖွဲ့ဝင်အားလုံးက ယေရှုကို သေဒဏ်စီရင်နိုင်ဖို့ သက်သေရှာပေမဲ့ မတွေ့ဘူး။ ၅၆ လူအတော်များများက မဟုတ်မမှန် သက်သေထွက်ဆိုပေမဲ့ သူတို့စကားက တစ်ယောက်တစ်မျိုးစီ ဖြစ်နေတယ်။ ၅၇ တချို့ကလည်း ရှေ့ကိုထွက်လာပြီး မမှန်မကန် သက်သေထွက်ဆိုကြတယ်- ၅၈ “‘လူတွေတည်ဆောက်တဲ့ ဒီဗိမာန်တော်ကို ဖြိုဖျက်ပြီး လူတွေ မတည်ဆောက်တဲ့ ဗိမာန်တော်ကို သုံးရက်တည်းနဲ့ တည်ဆောက်ပြမယ်’ လို့ သူပြောခဲ့တာကို ကျုပ်တို့ကြားတယ်” ဆိုပြီး ပြောကြတယ်။ ၅၉ ဒါပေမဲ့ ဒီစွဲချက်မှာလည်း သူတို့ရဲ့စကားတွေက တစ်ယောက်တစ်မျိုးစီ ဖြစ်နေတယ်။