ခရစ်ယာန်အသက်တာနဲ့ အမှုဆောင်လုပ်ငန်း လေ့ကျင့်ခန်းစာစောင် မှာပါတဲ့ အညွှန်းများ
ဇူလိုင် ၆-၁၂
ကျမ်းစာထဲက အဖိုးတန်ဘဏ္ဍာများ | ထွက်မြောက်ရာ ၆-၇
“ဖာရောကို ငါဘာလုပ်မယ်ဆိုတာ မင်း အခု တွေ့ရလိမ့်မယ်”
(ထွက်မြောက်ရာ ၆:၁) ယေဟောဝါက “ဖာရောကို ငါဘာလုပ်မယ်ဆိုတာ မင်း အခု တွေ့ရလိမ့်မယ်။ ငါ့ရဲ့အားကြီးတဲ့ လက်နဲ့ အစ္စရေးတွေကို လွှတ်ပေးအောင် လုပ်မယ်။ ငါ့ရဲ့ အားကြီးတဲ့ လက်ကြောင့် ဖာရောက သူတို့ကို တိုင်းပြည်ကနေ ထွက်သွားခိုင်းလိမ့်မယ်” ဆိုပြီး မောရှေကို ပြောတယ်။
(ထွက်မြောက်ရာ ၆:၆၊ ၇) “ဒါကြောင့် အစ္စရေးတွေကို ပြောပါ– ‘ငါဟာ ယေဟောဝါပဲ။ အီဂျစ်တွေကို ငါပြင်းပြင်းထန်ထန် ဒဏ်ခတ်မယ်။ မင်းတို့ကို အီဂျစ်တွေရဲ့ ဖိနှိပ်ခံကျွန်ဘဝကနေ ကယ်လွှတ်မယ်။ တန်ခိုးကြီးတဲ့ လက်ရုံးနဲ့ ကယ်တင်မယ်။ ၇ မင်းတို့ကို ငါ့လူမျိုးအဖြစ် သိမ်းယူမယ်။ ငါဟာ မင်းတို့ရဲ့ ဘုရားသခင် ဖြစ်မယ်။ ငါဟာ မင်းတို့ကို အီဂျစ်တွေရဲ့ ဖိနှိပ်မှုအောက်ကနေ ခေါ်ထုတ်လာတဲ့ဘုရား ယေဟောဝါပဲဆိုတာ မင်းတို့ သိကို သိရလိမ့်မယ်။
it-2 ၄၃၆ ပိုဒ်. ၃
မောရှေ
အစ္စရေးတွေအတွက်လည်း ထူးခြားတဲ့ ပြောင်းလဲမှုကြီးပါပဲ။ အစပိုင်းမှာတော့ မောရှေကို သူတို့ လက်ခံကြပေမဲ့ ဖာရောရဲ့ အမိန့်ကြောင့် ပိုပြီး ပင်ပင်ပန်းပန်း အလုပ်လုပ်ရတဲ့အခါ မောရှေကို အပြစ်တင်ကြတယ်။ အဲဒါကြောင့် မောရှေလည်း စိတ်ပျက်လက်ပျက်နဲ့ ယေဟောဝါကို အသနားခံ တောင်းပန်တော့တယ်။ (ထွ ၄:၂၉-၃၁။ ၅:၁၉-၂၃) အဲဒီအချိန်မှာ အမြင့်ဆုံးဘုရားက အာဗြဟံ၊ အိဇက်၊ ယာကုပ်တို့ စောင့်မျှော်ခဲ့တာကို မိမိ ဖြည့်ဆည်းပေးတော့မယ်၊ တစ်နည်းအားဖြင့် အစ္စရေးတွေကို ကယ်တင်ခြင်း၊ ကတိထားရာပြည်မှာ လူမျိုးကြီးတစ်မျိုး တည်ထောင်ခြင်းအားဖြင့် ယေဟောဝါဆိုတဲ့ မိမိနာမည်ရဲ့အဓိပ္ပာယ်ကို အပြည့်အဝ ဖော်ပြတော့မယ်လို့ ပြောပြီး မောရှေကို အားပေးခဲ့တယ်။ (ထွ ၆:၁-၈) အဲဒီအချိန်အထိ အစ္စရေးတွေဟာ မောရှေရဲ့ စကားကို နားမထောင်ခဲ့ကြဘူး။ ကပ်ဘေးကိုးခု ပြီးသွားတဲ့အချိန်မှာတော့ သူတို့ မောရှေဘက်မှာ ရပ်တည်လာကြပြီ။ ဒါကြောင့် ဆယ်ခုမြောက် ကပ်ဘေး ပြီးသွားတဲ့အခါ မောရှေဟာ အစ္စရေးတွေကို ဦးဆောင်ပြီး “တပ်ဖွဲ့ပုံစံနဲ့” စနစ်တကျ ဖွဲ့စည်း၊ ထွက်ခွာနိုင်ခဲ့တယ်။—ထွ ၁၃:၁၈။
(ထွက်မြောက်ရာ ၇:၄၊ ၅) မင်းတို့ပြောတာကို ဖာရော နားထောင်မှာ မဟုတ်ဘူး။ ဒါကြောင့် အီဂျစ်ပြည်ကို ငါ့လက်နဲ့ ပြင်းပြင်းထန်ထန် ဒဏ်ခတ်ပြီးမှ ငါ့လူမျိုး အစ္စရေးလူစုကြီးကို ခေါ်ထုတ်မယ်။ ၅ အီဂျစ်ပြည်ကို ငါ့လက်နဲ့ ဒဏ်ခတ်ပြီး အစ္စရေးတွေကို ခေါ်ထုတ်တဲ့အခါ ငါဟာ ယေဟောဝါပဲဆိုတာ အီဂျစ်တွေ ကောင်းကောင်း သိရလိမ့်မယ်။”
it-2 ၄၃၆ ပိုဒ်. ၁-၂
မောရှေ
အီဂျစ်ဘုရင် ဖာရောရှေ့။ မောရှေနဲ့ အာရုန်ဟာ ‘ဘုရားတွေရဲ့ အားပြိုင်မှု’ မှာ အဓိကကျသူတွေ ဖြစ်လာတယ်။ မှော်ဆရာတွေထဲမှာ ခေါင်းဆောင်က ယန္နေနဲ့ ယံဗြေ (၂တိ ၃:၈) ဖြစ်နိုင်တယ်။ ဖာရောဟာ ယေဟောဝါရဲ့ တန်ခိုးကို ဆန့်ကျင်ဖို့ အီဂျစ်ဘုရားအားလုံးရဲ့ တန်ခိုးကို ဆင့်ခေါ်လိုက်တယ်။ မောရှေရဲ့ လမ်းညွှန်မှုနဲ့ ဖာရောရှေ့မှာ ပထမဆုံး အံ့ဖွယ်အမှုကို အာရုန် လုပ်တဲ့အခါ ယေဟောဝါဟာ အီဂျစ်ဘုရားတွေထက် ပိုတန်ခိုးကြီးကြောင်း သက်သေပြခဲ့တယ်။ ဖာရောကတော့ ခေါင်းမာနေတုန်းပဲ။ (ထွ ၇:၈-၁၃) နောက်ပိုင်း တတိယကပ်ဘေး ကျရောက်တဲ့အခါ မှော်ဆရာတွေကတောင် “ဒါဟာ ဘုရားသခင်ရဲ့ တန်ခိုးကြောင့်ပဲ” လို့ ဝန်ခံခဲ့တယ်။ အနာစိမ်း ပေါက်စေတဲ့ ကပ်ဘေးမှာ မှော်ဆရာတွေလည်း အနာစိမ်း ပေါက်နေတဲ့အတွက် မောရှေကို ဆန့်ကျင်ဖို့ ဖာရောရှေ့ကို မလာနိုင်ကြဘူး။—ထွ ၈:၁၆-၁၉။ ၉:၁၀-၁၂။
ကပ်ဘေးတွေက စိတ်ပျော့ပျောင်းစေတယ်၊ ခေါင်းမာစေတယ်။ မောရှေနဲ့ အာရုန်ဟာ ကပ်ဘေးဆယ်ခုကို ကြေညာတဲ့သူတွေ ဖြစ်လာတယ်။ ကြေညာတဲ့အတိုင်း ကပ်ဘေးတွေ ကျရောက်တာက မောရှေကို ယေဟောဝါရဲ့ ကိုယ်စားလှယ်အဖြစ် တာဝန်ပေးထားတယ်ဆိုတာ သက်သေပြတယ်။ အီဂျစ်ပြည်မှာ ယေဟောဝါရဲ့ နာမည်ကို လူတွေသိလာပြီး အဲဒီနာမည်အကြောင်း ပြောဆိုလာကြတယ်။ အဲဒါက အစ္စရေးတွေနဲ့ အီဂျစ်လူတချို့ရဲ့ စိတ်ကို ပျော့ပျောင်းစေပြီး ဖာရောနဲ့ သူ့ရဲ့အကြံပေးတွေ၊ သူ့ကို ထောက်ခံသူတွေကို ခေါင်းမာစေတယ်။ (ထွ ၉:၁၆။ ၁၁:၁၀။ ၁၂:၂၉-၃၉) သူတို့ရဲ့ဘုရားတွေ စိတ်ဆိုးတာကြောင့်လို့ မယုံကြည်ကြဘဲ ယေဟောဝါက သူတို့ဘုရားတွေကို ဒဏ်ခတ်တယ်ဆိုတာ အီဂျစ်တွေ သိကြတယ်။ ကယ်ဘေးကိုးခု ကျရောက်ပြီးတဲ့အခါ “အီဂျစ်ပြည်မှာရှိတဲ့ မင်းမှုထမ်းတွေ၊ လူတွေက မောရှေကို လေးစားလာကြတယ်။”—ထွ ၁၁:၃။
ရှာဖွေလေ့လာ ဘုရားရေးရာရတနာ
(ထွက်မြောက်ရာ ၆:၃) အာဗြဟံ၊ အိဇက်၊ ယာကုပ်တို့ကို ယေဟောဝါဆိုတဲ့ ငါ့နာမည်နဲ့ပတ်သက်ပြီး အပြည့်အဝ အသိမပေးခဲ့ပေမဲ့ အနန္တတန်ခိုးရှင်အနေနဲ့တော့ ငါထင်ရှားပြခဲ့ဖူးတယ်။
it-1 ၇၈ ပိုဒ်. ၃-၄
အနန္တတန်ခိုးရှင်
ယေဟောဝါဟာ အာဗြဟံကို အိဇက် မွေးလာမယ့်အကြောင်း ကတိပေးတဲ့အခါ “အနန္တတန်ခိုးရှင်” (အဲလ် ရှဒ်ဒိုင်) ဆိုတဲ့ ဂုဏ်ပုဒ်ကို သုံးခဲ့တယ်။ အဲဒီကတိကို ပြည့်စုံစေမယ့် ဘုရားရဲ့ တန်ခိုးတော်ကို အာဗြဟံ ယုံကြည်ဖို့ လိုတယ်။ အဲဒီနောက်ပိုင်း အာဗြဟံပဋိညာဉ်ရဲ့ အမွေခံတွေ ဖြစ်တဲ့ အိဇက်နဲ့ ယာကုပ်ကို ကောင်းချီးပေးမယ့်အကြောင်း ပြောတဲ့အခါမှာလည်း ဘုရားသခင်က အဲဒီဂုဏ်ပုဒ်ကို သုံးခဲ့တယ်။—က ၁၇:၁။ ၂၈:၃။ ၃၅:၁၁။ ၄၈:၃။
ဒါကြောင့် နောက်ပိုင်း ယေဟောဝါက မောရှေကို “အာဗြဟံ၊ အိဇက်၊ ယာကုပ်တို့ကို ယေဟောဝါဆိုတဲ့ ငါ့နာမည်နဲ့ပတ်သက်ပြီး အပြည့်အဝ အသိမပေးခဲ့ပေမဲ့ အနန္တတန်ခိုးရှင်အနေနဲ့တော့ ငါထင်ရှားပြခဲ့ဖူးတယ်” လို့ ပြောခဲ့တယ်။ (ထွ ၆:၃) အဲဒီလို ပြောလို့ အဲဒီရှေးဘိုးဘေးတွေ ယေဟောဝါကို မသိဘူးလို့ မဆိုလိုပါဘူး။ ဘိုးဘေးတွေ မတိုင်ခင်က တခြားသူတွေကော ဘိုးဘေးတွေ ကိုယ်တိုင်ပါ ယေဟောဝါနာမည်ကို မကြာခဏ အသုံးပြုခဲ့ကြတယ်။ (က ၄:၁၊ ၂၆။ ၁၄:၂၂။ ၂၇:၂၇။ ၂၈:၁၆) တကယ်တော့ ဘိုးဘေးတွေရဲ့ အသက်တာအကြောင်း ဖော်ပြထားတဲ့ ကမ္ဘာဦးကျမ်းမှာ “အနန္တတန်ခိုးရှင်” ဆိုတဲ့ စကားလုံးကို ၆ ကြိမ်ပဲ တွေ့ရတယ်။ ဒါပေမဲ့ “ယေဟောဝါ” ဆိုတဲ့ နာမည်ကျတော့ မူရင်းကျမ်းစာမှာ ၁၇၂ ကြိမ် ပါတယ်။ “အနန္တတန်ခိုးရှင်” ဆိုတဲ့ ဂုဏ်ပုဒ်ကို ဘုရား ပိုင်ဆိုင်ခွင့် ရှိတယ်၊ အဲဒီဂုဏ်ပုဒ်အတွက် အရည်အချင်း ပြည့်မီတယ်ဆိုတာ ဘိုးဘေးတွေ နားလည်ခဲ့ကြပေမဲ့ ယေဟောဝါဆိုတဲ့ နာမည်ရဲ့ အဓိပ္ပာယ် အပြည့်အဝနဲ့ သက်ဆိုင်တဲ့ အကြောင်းအရာတွေကိုတော့ နားလည်ခွင့် မရခဲ့ကြဘူး။ ဒါနဲ့ပတ်သက်ပြီး အဘိဓာန်တစ်အုပ် (The Illustrated Bible Dictionary) မှာ ဒီလို ပြောတယ်– “ရှေးဘိုးဘေးတွေကို ဝေးလံတဲ့ အနာဂတ်နဲ့ ပတ်သက်တဲ့ ကတိတွေအကြောင်း ဖော်ပြတဲ့အခါ ယာဝေးဟာ အဲဒီကတိတွေကို ပြည့်စုံစေနိုင်စွမ်းရှိတဲ့ ဘုရား ဖြစ်တယ်ဆိုတာ သူတို့ ယုံကြည်စိတ်ချသင့်တယ်။ မီးလောင်နေတဲ့ ချုံပုတ်မှာ ဖော်ပြခဲ့တာကတော့ ပိုအရေးပါပြီး အသေးစိတ်ကျတယ်။ ဘုရားရဲ့ တန်ခိုးတော်ကိုရော ယာဝေးဆိုပြီး သူတို့ အကျွမ်းတဝင်ရှိတဲ့ ဘုရားနာမည်ရဲ့ အဓိပ္ပာယ် အပြည့်အဝကိုပါ သူတို့ တွေ့မြင်ရတော့မယ်။ အဲဒီဘုရားက လက်ရှိနဲ့ လာမယ့်အချိန်တွေမှာ သူတို့နဲ့အတူ ရှိနေမှာဖြစ်တယ်။”
(ထွက်မြောက်ရာ ၇:၁) ယေဟောဝါက မောရှေကို မိန့်မှာတယ်– “ဖာရောအတွက် ဘုရားသခင်အဖြစ် မင်းကို ငါခန့်လိုက်ပြီ။ မင်းအစ်ကိုအာရုန်က မင်းရဲ့ ပရောဖက် ဖြစ်လိမ့်မယ်။
it-2 ၄၃၅ ပိုဒ်. ၅
မောရှေ
မောရှေ ရှက်ကြောက်တတ်ပေမဲ့ အရည်အချင်း ပြည့်မီ။ မောရှေဟာ ရှက်ကြောက်လို့ စကားပြောသွက်လက်သူ မဟုတ်ဘူးဆိုပြီး စောဒကတက်ခဲ့တယ်။ အခုတော့ မောရှေဟာ အစ္စရေးတွေကို ကယ်တင်နိုင်မယ်လို့ မိမိကိုယ်ကို ထင်ခဲ့တဲ့ လွန်ခဲ့တဲ့ အနှစ် ၄၀ နဲ့ ကွာသွားပြီ။ ယေဟောဝါကို အကျိုးအကြောင်း ရှင်းပြပြီး မိမိကို တာဝန် မပေးဖို့ တောင်းဆိုနေတယ်။ အဲဒါကြောင့် ဘုရားသခင် ဒေါသထွက်ပေမဲ့ မောရှေကို မပစ်ပယ်လိုက်ဘူး။ မောရှေကိုယ်စား စကားပြောဖို့ အစ်ကိုအာရုန်ကို ထည့်ပေးလိုက်တယ်။ မောရှေဟာ ဘုရားရဲ့ ကိုယ်စားလှယ် ဖြစ်တယ်။ ဒါကြောင့် ဘုရားသခင့် ကိုယ်စားလှယ် ဖြစ်တဲ့ မောရှေဟာ အာရုန်ရဲ့ “ဘုရား” ဖြစ်လာတယ်။ အစ္စရေးအကြီးအကဲတွေနဲ့ တွေ့တဲ့အခါ၊ ဖာရောနဲ့ ရင်ဆိုင်ရတဲ့အခါမှာ ဘုရားက မောရှေကို လမ်းညွှန်ချက်၊ မိန့်မှာချက်တွေ ပေးပြီး မောရှေက အာရုန်ကို ပြန်ပြောပြတယ်။ အဲဒါကြောင့် အာရုန်ဟာ ဖာရော (လွန်ခဲ့တဲ့ အနှစ် ၄၀၊ မောရှေ ထွက်ပြေးချိန်တုန်းက အုပ်ချုပ်တဲ့ ဖာရောကို ဆက်ခံသူ) ရှေ့မှာ စကားပြောဆိုသူ ဖြစ်တယ်။ (ထွ ၂:၂၃။ ၄:၁၀-၁၇) နောက်ပိုင်း ယေဟောဝါက အာရုန်ကို မောရှေရဲ့ “ပရောဖက်” လို့ ပြောခဲ့တယ်။ အဓိပ္ပာယ်က မောရှေဟာ ဘုရားရဲ့ ပရောဖက် ဖြစ်လို့ ဘုရားရဲ့ ညွှန်ကြားမှုကို ခံယူသလို အာရုန်လည်း မောရှေရဲ့ ညွှန်ကြားမှုကို ခံယူသင့်တယ်။ မောရှေဟာ “ဖာရောအတွက် ဘုရား” ဖြစ်တယ်လို့လည်း ပြောခဲ့တယ်။ ဆိုလိုတာက မောရှေဟာ ဖာရောထက် သာလွန်တဲ့ ဘုရားပေး တန်ခိုးနဲ့ အာဏာ ရရှိထားလို့ အီဂျစ်ဘုရင်ကို ကြောက်စရာ မလိုဘူးဆိုတဲ့ အဓိပ္ပာယ် ဖြစ်တယ်။—ထွ ၇:၁၊ ၂။
ကျမ်းစာဖတ်ရှုခြင်း
ဇူလိုင် ၁၃-၁၉
ကျမ်းစာထဲက အဖိုးတန်ဘဏ္ဍာများ | ထွက်မြောက်ရာ ၈-၉
“မာနကြီးတဲ့ ဖာရောဟာ မထင်မှတ်ဘဲ ဘုရားရည်ရွယ်ချက်ကို ပြည့်စုံစေခဲ့”
(ထွက်မြောက်ရာ ၈:၁၅) ဖားတွေ မရှိတော့မှန်း ဖာရော မြင်တဲ့အခါ ခေါင်းမာလာပြန်တယ်။ ယေဟောဝါ ပြောခဲ့သလိုပဲ သူတို့စကားကို နားမထောင်ဘူး။
it-2 ၁၀၄၀-၁၀၄၁
ခေါင်းမာမှု
ယေဟောဝါဟာ တစ်ယောက်ချင်းစီနဲ့ဖြစ်စေ၊ လူမျိုးလိုက်ဖြစ်စေ လူသားတွေနဲ့ ဆက်ဆံရာမှာ သေထိုက်သူဖြစ်တယ်ဆိုရင်တောင် ဆက်အသက်ရှင်ခွင့် ပေးပြီး စိတ်ရှည်မှု တင်ပြခဲ့တယ်။ (က ၁၅:၁၆။ ၂ပ ၃:၉) တချို့က ကောင်းစွာ တုံ့ပြန်ကြလို့ ကရုဏာ ခံစားရတယ်။ (ယရ ၂:၈-၁၄။ ၆:၂၂၊ ၂၃။ ၉:၃-၁၅) တချို့ကျတော့ ယေဟောဝါနဲ့ ကိုယ်တော့်လူမျိုးကို ခေါင်းမာမာနဲ့ ပိုပြီး ခက်ခက်ထန်ထန် ဆန့်ကျင်ကြတယ်။ (တရ ၂:၃၀-၃၃။ ယရ ၁၁:၁၉၊ ၂၀) ယေဟောဝါဟာ လူတွေ ခေါင်းမာတာကို မတားဆီးတဲ့အတွက် ဘုရားနဲ့ပတ်သက်ပြီး ပြောတဲ့အခါ ဘုရားက ‘ခေါင်းမာတာကို ခွင့်ပြု’ တယ်လို့ ဖော်ပြထားတယ်။ နောက်ဆုံး၊ ခေါင်းမာသူတွေကို ဘုရား တရားစီရင်တဲ့အခါမှာတော့ ဘုရားရဲ့ ကြီးမြတ်တဲ့ တန်ခိုးနဲ့ နာမတော် ထင်ရှားလာတယ်။—ထွ ၄:၂၁။ ယဟ ၁၂:၄၀။ ရ ၉:၁၄-၁၈ တို့နဲ့ နှိုင်းယှဉ်ပါ။
(ထွက်မြောက်ရာ ၈:၁၈၊ ၁၉) မှော်ဆရာတွေလည်း မှော်ပညာ သုံးပြီး မှက်တွေ ဖြစ်လာအောင် ကြိုးစားပေမဲ့ မလုပ်နိုင်ကြဘူး။ မှက်တွေက လူနဲ့တိရစ္ဆာန်ကို ကိုက်တယ်။ ၁၉ မှော်ဆရာတွေက “ဒါဟာ ဘုရားသခင်ရဲ့ တန်ခိုးကြောင့်ပဲ” လို့ ပြောပေမဲ့ ဖာရောကတော့ ခေါင်းမာနေတုန်းပဲ။ ယေဟောဝါ ပြောခဲ့သလို သူတို့စကားကို နားမထောင်ဘူး။
(ထွက်မြောက်ရာ ၉:၁၅-၁၇) အခု ငါက မင်းနဲ့ မင်းရဲ့ လူတွေကို ဆိုးရွားတဲ့ ကပ်ရောဂါနဲ့သာ ဒဏ်ခတ်လိုက်ရင် မင်းတို့အားလုံး မြေပေါ်ကနေ ပျောက်ကွယ်သွားလိမ့်မယ်။ ၁၆ ဒါပေမဲ့ ငါ့တန်ခိုးကို ပြဖို့၊ ငါ့နာမည်ကို မြေတစ်ပြင်လုံး သိစေဖို့ မင်းကို ငါအသက်ရှင်ခွင့် ပေးနေတာ။ ၁၇ ဒါကိုများ မင်းက ငါ့လူမျိုးကို မလွှတ်ပေးဘဲ မောက်မာနေတုန်းပဲကိုး။
it-2 ၁၁၈၁ ပိုဒ်. ၃-၅
ဆိုးညစ်မှု
ဆိုးညစ်သူတွေ မထင်မှတ်ဘဲ ဘုရားရဲ့ ရည်ရွယ်ချက်ကို ပြည့်စုံစေဖို့ အခြေအနေတွေကို ယေဟောဝါဘုရား အသုံးပြုတယ်။ သူတို့က ဘုရားကို ဆန့်ကျင်ကြပေမဲ့ မိမိကျေးကျွန်တွေ သမာဓိစောင့်သိနိုင်တဲ့ အခြေအနေကို ကျော်လွန်သွားတဲ့အထိတော့ သူတို့ကို ဘုရား ခွင့်မပြုဘူး။ ဆိုးညစ်သူတွေရဲ့ လုပ်ရပ်တွေကြောင့် ဘုရားရဲ့ဖြောင့်မတ်မှု ထင်ရှားသွားတာမျိုးတောင် ဖြစ်နိုင်တယ်။ (ရ ၃:၃-၅၊ ၂၃-၂၆။ ၈:၃၅-၃၉။ ဆ ၇၆:၁၀) ဒီသဘောတရားကို ပညာအလိမ္မာ ၁၆:၄ မှာ တွေ့ရတယ်– “ယေဟောဝါက မိမိရည်ရွယ်ချက် ပြည့်စုံလာဖို့ အရာရာကို စီစဉ်ထားတယ်။ လူဆိုးတွေကို ဒုက္ခနေ့ရက် ကြုံတွေ့စေဖို့တောင် စီစဉ်ထားတယ်။”
ကျွန်ခံနေရတဲ့ အစ္စရေးတွေကို လွတ်ပေးဖို့ ဖာရောကို မောရှေနဲ့ အာရုန်ကနေတစ်ဆင့် ယေဟောဝါ သတိပေးချိန်မှာ အဲဒီအတိုင်း ဖြစ်ခဲ့တယ်။ ဘုရားက အီဂျစ်အုပ်စိုးရှင်ကို ဆိုးညစ်အောင် မလုပ်ခဲ့ဘူး။ ဒါပေမဲ့ ဖာရောဟာ ဆိုးညစ်တယ်၊ သေထိုက်တယ်ဆိုတာ သူကိုယ်တိုင် ထင်ရှားပြဖို့ ဘုရားက ဆက်အသက်ရှင်ခွင့် ပြုခဲ့တယ်၊ အခြေအနေတွေ ပေါ်ပေါက်စေခဲ့တယ်။ ယေဟောဝါ အဲဒီလို ခွင့်ပြုရတဲ့ ရည်ရွယ်ချက်ကို ထွက်မြောက်ရာ ၉:၁၆ မှာ ဖော်ပြထားတယ်– “ငါ့တန်ခိုးကို ပြဖို့၊ ငါ့နာမည်ကို မြေတစ်ပြင်လုံး သိစေဖို့ မင်းကို ငါအသက်ရှင်ခွင့် ပေးနေတာ။”
အီဂျစ်ပြည်အပေါ် ကပ်ဘေးဆယ်ခု ကျရောက်ခဲ့တယ်။ ဖာရောနဲ့ သူ့ရဲ့ စစ်တပ် ပင်လယ်နီမှာ ဖျက်ဆီးခံရချိန်မှာ ယေဟောဝါရဲ့ တန်ခိုးပြမှု အထွတ်အထိပ် ရောက်ခဲ့တယ်။ (ထွ ၇:၁၄–၁၂:၃၀။ ဆ ၇၈:၄၃-၅၁။ ၁၃၆:၁၅) နှစ်တွေ အတော်ကြာပြီးတဲ့နောက်မှာတောင် ပတ်ဝန်းကျင်လူမျိုးတွေဟာ အဲဒီအကြောင်းကို ပြောနေကြတုန်းပဲ။ အဲဒီနည်းနဲ့ ဘုရားရဲ့ နာမည်ဟာ ကမ္ဘာတစ်ခွင် ထင်ရှားကျော်စောခဲ့တယ်။ (ယရ ၂:၁၀၊ ၁၁။ ၁ရှ ၄:၈) ယေဟောဝါသာ ဖာရောကို ချက်ချင်း ကွပ်မျက်ခဲ့မယ်ဆိုရင် ဘုရားရဲ့ တန်ခိုးနဲ့ ဘုန်းတော်ဟာ ကြီးမြတ်တဲ့ နည်းနဲ့ ထင်ရှားမှာ မဟုတ်သလို ဘုရားလူမျိုး လွတ်မြောက်လာခြင်း ဆိုတာလည်း ရှိမှာမဟုတ်ဘူး။
ရှာဖွေလေ့လာ ဘုရားရေးရာရတနာ
(ထွက်မြောက်ရာ ၈:၂၁) ငါ့လူမျိုးကို မလွှတ်ပေးရင် မင်းနဲ့ မင်းမှုထမ်းတွေ၊ လူတွေ၊ နန်းဆောင်တွေဆီ ယင်ရဲတွေ လွှတ်လိုက်မယ်။ အီဂျစ်တွေရဲ့ အိမ်နဲ့ မြေတစ်ပြင်လုံးမှာ ယင်ရဲတွေ ပြည့်နေမယ်။
it-1 ၈၇၈
ယင်ရဲ
အီဂျစ်ပြည်ပေါ် ကျရောက်တဲ့ စတုတ္ထကပ်ဘေး ပိုးကောင်ကို မူရင်း ဟီဘရူး စကားလုံးအရ ဘာအကောင်လဲဆိုတာ တိတိကျကျ မပြောနိုင်ဘူး။ ဒီကပ်ဘေးကစပြီး နောက်ပိုင်း ကပ်ဘေးတွေကို ဂေါရှင်ပြည်မှာနေတဲ့ အစ္စရေးတွေ မခံစားရတော့ဘူး။ (ထွ ၈:၂၁၊ ၂၂၊ ၂၄၊ ၂၉၊ ၃၁။ ဆ ၇၈:၄၅။ ၁၀၅:၃၁) ‘အရို’ ကို “ယင်ရဲ” (ကဘ၊ ယုဒသန်ကျမ်း)၊ “မှက်” (ခေတ်သုံးမြန်မာ၊ သမ)၊ “ဖြုတ်ကောင်” (သမ္မာ) လို့ အမျိုးမျိုး ပြန်ဆိုကြတယ်။
“ယင်ရဲ” လို့ ပြန်ဆိုတဲ့ အင်္ဂလိပ် စကားလုံးမှာ မှက်အမျိုးမျိုး ပါဝင်တယ်။ မှက်အမတွေဟာ တိရစ္ဆာန်တွေနဲ့ လူတွေရဲ့ အရေပြားကို ထိုးဖောက်ပြီး သွေးစုပ်ကြတယ်။ မှက်သားပေါက်တွေဟာ တိရစ္ဆာန်နဲ့ လူတွေရဲ့ကိုယ်ခန္ဓာမှာ တွယ်ကပ်နေကြတယ်။ လူတွေကို ဒုက္ခပေးတဲ့ မှက်တွေကို အပူပိုင်းဒေသတွေမှာ တွေ့ရတယ်။ ဒါကြောင့် ယင်ရဲကပ်ဘေးဟာ အီဂျစ်လူတွေနဲ့ သူတို့ရဲ့ တိရစ္ဆာန်တွေကို အတော် ဒုက္ခပေးခဲ့တယ်။ သေတောင် သေစေနိုင်တယ်။
(ထွက်မြောက်ရာ ၈:၂၅-၂၇) နောက်ဆုံး၊ ဖာရောက “ဒီပြည်မှာပဲ မင်းတို့ဘုရားဆီ ပူဇော်သက္ကာ ဆက်သကြ” လို့ မောရှေနဲ့ အာရုန်ကို ခေါ်ပြောတယ်။ ၂၆ မောရှေက “မင်းကြီး၊ မဖြစ်ဘူး ထင်ပါတယ်။ ကျွန်တော်တို့ရဲ့ဘုရား ယေဟောဝါဆီ ဆက်သမယ့် ပူဇော်သက္ကာတွေဟာ အီဂျစ်တွေအတွက် ရွံမုန်းစရာ ဖြစ်နေပါတယ်။ အီဂျစ်တွေ ရွံမုန်းတာကို သူတို့ရှေ့မှာပဲ ပူဇော်မယ်ဆိုရင် ကျွန်တော်တို့ကို ကျောက်ခဲနဲ့ ပေါက်ကြမှာပါ။ ၂၇ ဒါကြောင့် တောကို သုံးရက်ခရီးသွားပြီး ယေဟောဝါဘုရား မိန့်မှာတဲ့အတိုင်း ပူဇော်ချင်ပါတယ်” လို့ လျှောက်တင်တယ်။
ထွက်မြောက်ရာကျမ်းမှ ပေါ်လွင်ချက်များ
၈:၂၆၊ ၂၇—မောရှေက ဣသရေလလူတို့၏ ပူဇော်ရာယဇ်များသည် “အီဂျစ်လူတို့၏ ရွံရှာဖွယ်သောအရာ” ဖြစ်မည်ဟု အဘယ်ကြောင့် ဆိုသနည်း။ အီဂျစ်ပြည်တွင် တိရစ္ဆာန်အမျိုးမျိုးကို ကိုးကွယ်ကြသည်။ ထို့ကြောင့် ယဇ်ပူဇော်ခြင်းအကြောင်း ပြောခြင်းက ယေဟောဝါကို ယဇ်ပူဇော်ဖို့ ထွက်သွားခွင့်ပြုရန် သာ၍ တွန်းအားဖြစ်စေပြီး မောရှေ၏ အခိုင်အမာ တောင်းဆိုချက်ကို သာ၍ လက်ခံချင်စရာ ဖြစ်စေသည်။
ကျမ်းစာဖတ်ရှုခြင်း
ဇူလိုင် ၂၀-၂၆
ကျမ်းစာထဲက အဖိုးတန်ဘဏ္ဍာများ | ထွက်မြောက်ရာ ၁၀-၁၁
“မောရှေနဲ့ အာရုန် ရဲစွမ်းသတ္တိ ပြခဲ့”
(ထွက်မြောက်ရာ ၁၀:၃-၆) မောရှေနဲ့ အာရုန်လည်း ဖာရောဆီ သွားပြောတယ်- “ဟီဘရူးတွေရဲ့ ဘုရားသခင် ယေဟောဝါ ပြောတာက ‘ဘယ်အချိန်အထိ ငါ့ကို မနာခံဘဲ နေဦးမှာလဲ။ ငါ့ကို ဝတ်ပြုဖို့ ငါ့လူမျိုးကို လွှတ်ပေးပါ။ ၄ မလွှတ်ပေးရင် မနက်ဖြန် မင်းရဲ့ တိုင်းပြည်ဆီ ကျိုင်းကောင်တွေ လွှတ်လိုက်မယ်။ ၅ ကျိုင်းကောင်တွေ များလွန်းလို့ မြေပြင်ကိုတောင် မြင်ရမှာ မဟုတ်ဘူး။ မိုးသီးဒဏ်ကြောင့် မပျက်စီးဘဲ ကျန်ခဲ့သမျှကို ကျိုင်းကောင်တွေ စားပစ်လိမ့်မယ်။ လယ်ထဲက အပင်ရှိသမျှကိုလည်း စားပစ်လိမ့်မယ်။ ၆ မင်းရဲ့ နန်းဆောင်တွေ၊ မင်းမှုထမ်းတွေရဲ့ အိမ်တွေ၊ အီဂျစ်တစ်ပြည်လုံးက အိမ်တွေမှာ ကျိုင်းကောင်တွေ ပြည့်နေမယ်။ မင်းရဲ့ဘိုးဘေးခေတ်ကစပြီး ဒီနေ့အထိ ဒီလောက်များတဲ့ ကျိုင်းကောင်တွေကို တစ်ခါမှ မြင်ဖူးမှာမဟုတ်ဘူး။’” မောရှေက အဲဒီလိုပြောပြီး ဖာရောရှေ့ကနေ ထွက်သွားတယ်။
ရဲရင့်စွာ ဟောပြောခြင်းဖြင့် ယေရှုကို တုပပါ
၆ ဖာရောနှင့် စကားပြောဆိုရာတွင် မောရှေ တင်ပြခဲ့သော ရဲရင့်မှုကိုလည်း စဉ်းစားကြည့်ပါ၊ ဖာရောက မိမိသည် နတ်ဘုရားတစ်ပါးကို ကိုယ်စားပြုသည်ဟူ၍သာ မရှုမြင်ဘဲ နေနတ်ဘုရား ရာ၏သားတော် နတ်ဘုရားတစ်ပါးဖြစ်သည်ဟု ရှုမြင်သူ အုပ်စိုးရှင်တစ်ဦး ဖြစ်သည်။ ဖာရောသည် အခြားဖာရောတို့ကဲ့သို့ပင် မိမိကိုယ်တိုင်၏ ရုပ်တုကို ကိုးကွယ်ခဲ့ပုံရသည်။ ဖာရော၏ စကားများသည် ပညတ်ဥပဒေ ဖြစ်ပြီး သူသည် အမိန့်အာဏာဖြင့် အုပ်ချုပ်ခဲ့သည်။ တန်ခိုးကြီးပြီး၊ မာနထောင်လွှားကာ ခေါင်းမာသူ ဖြစ်သော ဖာရောကို အခြားသူတို့က ဤအရာလုပ်ပါဟု ပြောသည့် ထုံးစံ မရှိခဲ့ပါ။ ထိုသို့သော ပုဂ္ဂိုလ်ရှေ့မှောက်သို့ နူးညံ့သိမ်မွေ့သော သိုးထိန်း ဖြစ်သူ မောရှေသည် ဖိတ်ခေါ်ခြင်း၊ ကြိုဆိုခြင်း မခံရဘဲ အကြိမ်ကြိမ် သွားခဲ့သည်။ မောရှေ အဘယ်အရာကို ကြိုပြောခဲ့သနည်း။ သိမ်းရုံးဖျက်ဆီးမည့် ကပ်ဘေးများအကြောင်း ဖြစ်သည်။ မောရှေ အဘယ်အရာ တောင်းဆိုခဲ့သနည်း။ သန်းချီရှိသော ဖာရော၏ ကျွန်များကို နိုင်ငံမှ ထွက်ခွင့်ပြုရန် ဖြစ်သည်။ မောရှေသည် ရဲရင့်မှု လိုအပ်ခဲ့သလော။ အမှန် လိုအပ်ခဲ့သည်။—တော. ၁၂:၃; ဟေဗြဲ ၁၁:၂၇။
(ထွက်မြောက်ရာ ၁၀:၂၄-၂၆) အဲဒီအခါ ဖာရောက မောရှေကို ခေါ်ပြီး “ယေဟောဝါကို ဝတ်ပြုဖို့ သွားကြ။ သားသမီးတွေကိုပါ ခေါ်သွားကြ။ သိုးနွားတွေကိုတော့ ထားခဲ့” လို့ ပြောတယ်။ ၂၅ မောရှေကလည်း “ကျွန်တော်တို့ရဲ့ဘုရား ယေဟောဝါဆီ အလှူတွေ၊ ပူဇော်သက္ကာတွေ ဆက်သရမှာမို့လို့ တိရစ္ဆာန်တွေကိုပါ ခေါ်သွားခွင့်ပြုပါ။ ၂၆ ယေဟောဝါဘုရားကို ဝတ်ပြုတဲ့အခါ တိရစ္ဆာန်တွေထဲကတချို့ကို ပူဇော်ရမှာ ဖြစ်လို့ တစ်ကောင်မှ ချန်ခဲ့လို့ မဖြစ်ဘူး။ ယေဟောဝါကို ဝတ်ပြုတဲ့အခါ ဘယ်အကောင်တွေ ပူဇော်ရမယ်ဆိုတာ အဲဒီနေရာ ရောက်မှ သိနိုင်မှာပါ” လို့ ပြောတယ်။
(ထွက်မြောက်ရာ ၁၀:၂၈) ဒါကြောင့် ဖာရောက မောရှေကို “ငါ့ရှေ့က ထွက်သွားစမ်း။ မင်း ကြပ်ကြပ်သတိထား။ ငါ့ရှေ့မှာ ထပ်ပေါ်မလာနဲ့။ ပေါ်လာတဲ့နေ့ မင်းအသေပဲ” လို့ ပြောတယ်။
(ထွက်မြောက်ရာ ၁၁:၄-၈) မောရှေက “ယေဟောဝါ ပြောတယ်– ‘ညသန်းခေါင်ကျရင် အီဂျစ်ပြည်ကို ငါဖြတ်သွားမယ်။ ၅ နန်းထိုင်နေတဲ့ ဖာရောရဲ့ သားဦးကနေ ကြိတ်ဆုံကြိတ်တဲ့ ကျွန်မရဲ့ သားဦးအထိ၊ တိရစ္ဆာန်တွေရဲ့ သားဦးပါမကျန် အီဂျစ်ပြည်မှာရှိတဲ့ သားဦးမှန်သမျှ သေရမယ်။ ၆ အီဂျစ်တစ်ပြည်လုံးမှာ အကြီးအကျယ် ငိုကြွေးကြလိမ့်မယ်။ ဒီလိုအဖြစ်မျိုး အရင်တုန်းက မရှိခဲ့ဖူးသလို နောင်လည်း ရှိမှာမဟုတ်ဘူး။ ၇ အီဂျစ်တွေနဲ့ အစ္စရေးတွေကို ယေဟောဝါ သီးခြား ခွဲထားနိုင်မှန်း သိစေဖို့ အစ္စရေးတွေနဲ့ သူတို့ရဲ့ တိရစ္ဆာန်တွေကို ခွေးတောင် ဟောင်ရဲမှာ မဟုတ်ဘူး။’ ၈ ဒါကြောင့် မင်းမှုထမ်းအားလုံး ကျွန်တော့်ဆီ လာပျပ်ဝပ်ပြီး ‘ခင်ဗျားနဲ့ ခင်ဗျားလူတွေ ထွက်သွားကြပါတော့’ လို့ ပြောရလိမ့်မယ်။ အဲဒီအခါကျမှ ကျွန်တော် ထွက်သွားမယ်” လို့ ပြောပြီး ဖာရောရှေ့ကနေ စိတ်ဆိုးဆိုးနဲ့ ထွက်သွားတယ်။
it-2 ၄၃၆ ပိုဒ်. ၄
မောရှေ
ဖာရောကို ရင်ဆိုင်ဖို့ ရဲစွမ်းသတ္တိနဲ့ ယုံကြည်ခြင်းလိုအပ်။ မောရှေနဲ့ အာရုန်ဟာ ယေဟောဝါ ပေးတဲ့ ခွန်အားနဲ့ ကိုယ်တော့် စွမ်းအားတော်ရဲ့ လုပ်ဆောင်မှုကြောင့်သာ ဘုရားပေးတာဝန်တွေကို ထမ်းဆောင်နိုင်တာ ဖြစ်တယ်။ အဲဒီခေတ်အခါက ကမ္ဘာ့အာဏာရှင် ဖြစ်တဲ့ ဖာရောဘုရင်ရဲ့ နန်းတော်ကို မြင်ယောင်ကြည့်လိုက်ပါ။ နန်းတော်ကလည်း ကြီးကျယ်ခမ်းနားတယ်။ ကိုယ့်ကိုယ်ကိုယ် ဘုရားလို့ ယူဆတဲ့ မောက်မာသူ ဖာရောမှာ အကြံပေးအရာရှိတွေ၊ စစ်တပ်အရာရှိတွေ၊ အစောင့်ရဲမက်တွေ၊ ကျွန်တွေ ဝိုင်းရံနေတယ်။ အဲဒီအပြင် မောရှေကို ဆန့်ကျင်တဲ့ ဘာသာရေးခေါင်းဆောင်တွေ၊ မှော်ဆရာတွေ၊ ပညာရှိတွေလည်း ရှိသေးတယ်။ အဲဒီလူတွေဟာ ဖာရောပြီးရင် ဩဇာအာဏာအရှိဆုံးသူတွေ ဖြစ်တယ်။ အဲဒါတွေအားလုံးက ဖာရောဟာ အီဂျစ်ဘုရားတွေရဲ့ ကူညီထောက်မမှုလည်း ရထားတယ်ဆိုတဲ့ သဘောပဲ။ မောရှေနဲ့ အာရုန် ဖာရောဆီ သွားတာ တစ်ခါတည်း မဟုတ်ဘူး။ အကြိမ်ကြိမ် သွားခဲ့ရတယ်။ ဖာရောဟာ သူ့ရဲ့အဖိုးတန် ဟီဘရူးကျွန်တွေကို လက်မလွှတ်ဖို့ ဆုံးဖြတ်ထားလို့ အကြိမ်တိုင်း ခေါင်းမာနေတယ်။ ရှစ်ခုမြောက်ကပ်ဘေးကို ကြေညာပြီးနောက်မှာတော့ မောရှေနဲ့ အာရုန်ဟာ ဖာရောရှေ့ကနေ မောင်းထုတ်ခံခဲ့ရတယ်။ ကိုးခုမြောက်ကပ်ဘေးကို ကြေညာပြီးနောက် ထပ်ပေါ်လာရင် အသေပဲလို့ ကျိန်းဝါးခံခဲ့ရတယ်။—ထွ ၁၀:၁၁၊ ၂၈။
ရှာဖွေလေ့လာ ဘုရားရေးရာရတနာ
(ထွက်မြောက်ရာ ၁၀:၁၊ ၂) အဲဒီနောက် ယေဟောဝါက မောရှေကို “ဖာရောဆီ သွားပါ။ သူနဲ့ မင်းမှုထမ်းတွေ ခေါင်းမာတာကို ငါခွင့်ပြုထားတာက အံ့ဖွယ်အမှုတွေ ပြဖို့၊ ၂ အီဂျစ်ပြည်ကို ငါပြင်းပြင်းထန်ထန် ဒဏ်ခတ်ခဲ့တဲ့အကြောင်း၊ ငါပြခဲ့တဲ့ အံ့ဖွယ်အမှုတွေအကြောင်း မင်းတို့သားမြေးတွေကို ပြောပြနိုင်ဖို့ပဲ။ ငါဟာ ယေဟောဝါပဲဆိုတာ မင်းတို့ ကောင်းကောင်း သိရလိမ့်မယ်” လို့ ပြောတယ်။
မှောက်မှားသောဘုရားများ တစ်ဖက်ရှိ သက်သေခံများ
၁၁ ဣသရေလလူမျိုးသည် အီဂျစ်ပြည်တွင် ရှိနေစဉ်က မောရှေအား ဖာရောထံ ယေဟောဝါ စေလွှတ်တော်မူ၍ ဤသို့မိန့်တော်မူသည်– “သင်သည် ဖာရောဘုရင်ထံသို့ ဝင်လော့။ ငါသည် ဤနိမိတ်တို့ကို သူရှေ့၌ ပြခြင်းငှာလည်းကောင်း၊ အဲဂုတ္တုပြည်၌ ငါပြုသောအမှု၊ အဲဂုတ္တုလူတို့တွင် ငါပြသော နိမိတ်တို့ကို သင်၏သားမြေးတို့အား ကြားပြောသဖြင့် ငါသည် ထာဝရဘုရား ဖြစ်ကြောင်းကို သင်တို့ သိစေခြင်းငှာလည်းကောင်း၊ သူ၏နှလုံး၊ သူ၏ကျွန်တို့နှလုံးကို ငါခိုင်မာစေပြီ။” (ထွက်မြောက်ရာ ၁၀:၁၊ ၂) နာခံမှုရှိသော ဣသရေလလူမျိုးတို့သည် သားသမီးများအား ယေဟောဝါ၏ တန်ခိုးပါသော အမှုတော်များကို ပြောပြကြမည်။ သားသမီးများကလည်း သူတို့၏ သားသမီးများကိုတစ်ဆင့် ထပ်မံပြောပြလိမ့်မည်။ ဤသို့ လူမျိုးတစ်ဆက်မှတစ်ဆက် ပြောပြကြမည် ဖြစ်သည်။ သို့ဖြင့် ယေဟောဝါ၏ တန်ခိုးပါသော အမှုတော်များကို မှတ်မိနေကြမည် ဖြစ်သည်။ ယနေ့လည်း မိဘများသည် သားသမီးများကို သက်သေခံရန် တာဝန်ရှိသည်။—တရားဟောရာ ၆:၄-၇; သု. ၂၂:၆။
(ထွက်မြောက်ရာ ၁၁:၇) အီဂျစ်တွေနဲ့ အစ္စရေးတွေကို ယေဟောဝါ သီးခြား ခွဲထားနိုင်မှန်း သိစေဖို့ အစ္စရေးတွေနဲ့ သူတို့ရဲ့ တိရစ္ဆာန်တွေကို ခွေးတောင် ဟောင်ရဲမှာ မဟုတ်ဘူး။’
it-1 ၇၈၃ ပိုဒ်. ၅
ထွက်မြောက်ရာ
ယေဟောဝါဟာ ကြီးကျယ်ခမ်းနားတဲ့ တန်ခိုးကို ပြခြင်းအားဖြင့် မိမိရဲ့နာမည်ကို ဂုဏ်တင်ခဲ့တယ်၊ အစ္စရေးတွေကို ကယ်လွှတ်ခဲ့တယ်။ ပင်လယ်နီကို ဘေးကင်းကင်းနဲ့ ဖြတ်ပြီးနောက်မှာ မောရှေဟာ အစ္စရေးတွေကို ဦးဆောင်ပြီး သီချင်းဆိုတယ်။ အစ်မဖြစ်သူ ပရောဖက်မ မိရိအံက ချူတပ်ဗုံတီးတော့ မိန်းမတွေကလည်း ချူတပ်ဗုံတီးပြီး ကကြတယ်။ ယောက်ျားတွေဆိုတဲ့ သီချင်းကို ထပ်ကျော့ပြီး လိုက်ဆိုကြတယ်။ (ထွ ၁၅:၁၊ ၂၀၊ ၂၁) အစ္စရေးတွေဟာ ရန်သူတွေနဲ့ လုံးလုံး သီးခြား ဖြစ်သွားပြီ။ အီဂျစ်ပြည်က ထွက်လာချိန်မှာ သူတို့ဟာ လူတွေ၊ တိရစ္ဆာန်တွေရဲ့ ရန်မူခြင်းကို မခံခဲ့ရဘူး။ သူတို့ကို ခွေးတောင် မာန်ဖီပြီး မဟောင်ရဲဘူး။ (ထွ ၁၁:၇) ဖာရောဟာ သူ့စစ်တပ်နဲ့အတူ ပင်လယ်နီထဲ ဆင်းသွားပြီး ဖျက်ဆီးခံခဲ့ရတဲ့အကြောင်း ထွက်မြောက်ရာကျမ်းမှာ မဖော်ပြပေမဲ့ ဆာလံ ၁၃၆:၁၅ မှာ ယေဟောဝါက “ဖာရောနဲ့ သူ့စစ်တပ်ကို ပင်လယ်နီထဲ ခါချပစ်တယ်” လို့ ဖော်ပြထားတယ်။
ကျမ်းစာဖတ်ရှုခြင်း
ဇူလိုင် ၂၇–ဩဂုတ် ၂
ကျမ်းစာထဲက အဖိုးတန်ဘဏ္ဍာများ | ထွက်မြောက်ရာ ၁၂
“ပသခါပွဲက ခရစ်ယာန်တွေအတွက် ဘာအဓိပ္ပာယ်ရှိ”
(ထွက်မြောက်ရာ ၁၂:၅-၇) အနာအဆာ မရှိတဲ့ တစ်နှစ်သားအရွယ် သိုးထီး ဖြစ်ရမယ်။ သိုးဖြစ်ဖြစ်၊ ဆိတ်ဖြစ်ဖြစ် ရတယ်။ ၆ အဲဒီသိုးကို ဒီလ ၁၄ ရက်နေ့အထိ စောင့်ရှောက်ထားပါ။ နေဝင်ချိန် ရောက်တဲ့အခါ အစ္စရေးမိသားစုတိုင်း သိုးကို သတ်ရမယ်။ ၇ သွေးတချို့ကို ယူပြီး အိမ်ရဲ့ တံခါးတိုင်နှစ်ဖက်နဲ့ တံခါးထုပ်ပေါ်မှာ သုတ်ရမယ်။
‘သင်သည် အမှန်ရွှင်လန်းခြင်းကို ပြုရမည်’
၄ အေဒီ ၃၃၊ နိသန်လ ၁၄ ရက်နေ့တွင် ယေရှု သေဆုံးခဲ့သည်။ ဣသရေလပြည်တွင် နိသန် ၁၄ ရက်နေ့သည် ပသခါပွဲ ကျင်းပသည့် ပျော်ရွှင်ဖွယ်နေ့ ဖြစ်သည်။ နှစ်စဉ် ထိုနေ့ရက်တွင် မိသားစုတို့သည် အပြစ်အနာ ကင်းသော သိုးသငယ်သားကို စားသုံးကြသည်။ ဤနည်းဖြင့် သူတို့သည် ဘီစီ ၁၅၁၃၊ နိသန်လ ၁၄ ရက်နေ့၌ အီဂျစ်လူတို့၏ သားဦးများကို ကောင်းကင်တမန် သတ်ချိန်တွင် သိုးသငယ်၏ အသွေးကြောင့် ဣသရေလလူတို့၏ သားဦးများ လွတ်မြောက်ခြင်း ဖြစ်ကြောင်း ပြန်သတိရကြသည်။ (ထွက်မြောက်ရာ ၁၂:၁-၁၄) ပသခါသိုးသငယ်သည် ယေရှု၏ ရှေ့ပြေးပုံရိပ် ဖြစ်ပြီး ကိုယ်တော်နှင့်ပတ်သက်၍ တမန်တော်ပေါလုက ဤသို့ဆို၏– “ခရစ်တော်တည်းဟူသော ငါတို့ပသခါသိုးသငယ်သည် ငါတို့အဖို့ ယဇ်ပူဇော်ရာ ဖြစ်၏။” (၁ ကောရိန္သု ၅:၇) ပသခါသိုးသငယ်၏ အသွေးကဲ့သို့ပင် ယေရှု သွန်းလောင်းသော အသွေးသည် များစွာသောသူတို့အတွက် ကယ်တင်ခြင်းဖြစ်စေသည်။—ယောဟန် ၃:၁၆၊ ၃၆။
(ထွက်မြောက်ရာ ၁၂:၁၂၊ ၁၃) အဲဒီညမှာ အီဂျစ်ပြည်ကို ငါဖြတ်သွားမယ်။ အီဂျစ်ပြည်မှာရှိတဲ့ လူနဲ့ တိရစ္ဆာန် သားဦးမှန်သမျှကို ကွပ်မျက်မယ်။ အီဂျစ်နတ်ဘုရားအားလုံးကိုလည်း တရားစီရင်မယ်။ ငါဟာ ယေဟောဝါ ဖြစ်တယ်။ ၁၃ မင်းတို့အိမ်မှာ သုတ်ထားတဲ့ သွေးဟာ အမှတ်အသားပဲ။ အဲဒီသွေးကို ငါမြင်တဲ့အခါ ကျော်သွားမယ်။ အီဂျစ်ပြည်ကို ဒဏ်ခတ်တဲ့အခါ မင်းတို့အပေါ် ဖျက်ဆီးခြင်းဘေး ကျရောက်မှာ မဟုတ်ဘူး။
it-2 ၅၈၃ ပိုဒ်. ၆
ပသခါ
ပသခါပွဲရဲ့ ထူးခြားတဲ့အချက်တချို့ ယေရှုဆီမှာ ပြည့်စုံခဲ့တယ်။ ပြည့်စုံမှုတစ်ခုက အီဂျစ်ပြည်မှာ သွေးသုတ်ထားတဲ့ အိမ်တွေမှာရှိတဲ့ သားဦးတွေဟာ ကောင်းကင်တမန်လက်ချက်နဲ့ ဖျက်ဆီး မခံခဲ့ရဘူး။ ပေါလုက ဘိသိက်ခံခရစ်ယာန်တွေဟာ သားဦးတွေရဲ့ အသင်းတော် (ဟီ ၁၂:၂၃) ဖြစ်တယ်၊ ခရစ်တော်ရဲ့ အသွေးကြောင့် ကယ်တင်ခံရတယ်လို့ ပြောခဲ့တယ်။ (၁သ ၁:၁၀။ ဧ ၁:၇) ပသခါသိုးသငယ်ရဲ့ အရိုးတွေကို မချိုးရဘူး။ ယေရှုရဲ့အရိုးတွေ တစ်ချောင်းမှ မကျိုးဘူးလို့ ပရောဖက်ပြုထားတယ်။ ယေရှု သေဆုံးချိန်မှာ အဲဒီအချက် ပြည့်စုံခဲ့တယ်။ (ဆ ၃၄:၂၀။ ယဟ ၁၉:၃၆) ဒါကြောင့် ဂျူးတွေ ရာစုနှစ်များစွာ ကျင်းပခဲ့တဲ့ ပသခါပွဲဟာ ပညတ်တရားမှာ ဖော်ပြထားတဲ့ နောင်လာမယ့်အရာတွေရဲ့ အရိပ်ထဲကတစ်ခု ဖြစ်တယ်။ “ဘုရားသခင်ရဲ့ သိုးသငယ်” ဖြစ်တဲ့ ယေရှုခရစ်ကို ညွှန်ပြပေးတယ်။—ဟီ ၁၀:၁။ ယဟ ၁:၂၉။
(ထွက်မြောက်ရာ ၁၂:၂၄-၂၇) “ဒီပွဲကို ခင်ဗျားတို့နဲ့ သားမြေးတွေ လိုက်နာစောင့်ထိန်းရမယ်။ ဒါဟာ အမြဲတည်တဲ့ စည်းမျဉ်းပဲ။ ၂၅ ယေဟောဝါ ပေးမယ့် ပြည်ထဲ ဝင်တဲ့အခါ ဒီပွဲတော်ကို လုပ်ရမယ်။ ၂၆ သားမြေးတွေက ‘ဒီပွဲတော်ကို ဘာလို့ လုပ်တာလဲ’ လို့ မေးလာရင်၊ ၂၇ ‘ယေဟောဝါဘုရားအတွက် ပသခါပူဇော်သက္ကာ ဆက်သဖို့ပေါ့။ အီဂျစ်တွေကို ဒဏ်ခတ်တုန်းက အီဂျစ်ပြည်မှာရှိတဲ့ အစ္စရေးတွေရဲ့ အိမ်ကို ကျော်သွားပြီး ငါတို့အိမ်သားတွေကို ဘုရား ကယ်နုတ်ခဲ့တယ်’ လို့ ပြောပြရမယ်။” လူတွေလည်း ဦးညွှတ်ပျပ်ဝပ်ကြတယ်။
‘အဲဒါက သင်တို့အတွက် အောက်မေ့ဖွယ် ဖြစ်ရမယ်’
၁၃ အစ္စရေးလူတွေဟာ တစ်ဆက်ပြီးတစ်ဆက် သူတို့ရဲ့သားသမီးတွေကို ပသခါပွဲနဲ့ပတ်သက်တဲ့ အရေးကြီးတဲ့ သင်ခန်းစာတွေကို သင်ပေးခဲ့ကြတယ်။ သင်ခန်းစာတစ်ခုက ယေဟောဝါဟာ မိမိကို ဝတ်ပြုတဲ့သူတွေကို ကာကွယ်နိုင်တယ်ဆိုတဲ့ အချက်ပဲ။ ယေဟောဝါဟာ တကယ် တည်ရှိပြီး အသက်ရှင်တဲ့ ဘုရားသခင် ဖြစ်တယ်၊ မိမိရဲ့လူတွေကို ဂရုစိုက်ပြီး ကာကွယ်ပေးတယ်ဆိုတာကို ကလေးတွေ သင်ယူခဲ့ကြတယ်။ အီဂျစ်ပြည်ပေါ် ကျရောက်ခဲ့တဲ့ ဆယ်ခုမြောက်ကပ်ဘေးမှာ အစ္စရေးလူတွေရဲ့ သားဦးတွေကို ကာကွယ်ပေးချိန်မှာ ကိုယ်တော် ဒီအချက်ကို သက်သေပြခဲ့တယ်။
၁၄ ခရစ်ယာန်မိဘတွေ ဖြစ်တဲ့ သင်တို့ဟာ ပသခါပွဲအကြောင်း ကလေးတွေကို နှစ်စဉ် ပြန်ပြောပြဖို့ မိန့်မှာ မခံရပါဘူး။ ဒါပေမဲ့ ပသခါပွဲကနေရတဲ့ သင်ခန်းစာ ဖြစ်တဲ့ ဘုရားသခင်က မိမိရဲ့လူတွေကို ကာကွယ်နိုင်တယ်ဆိုတဲ့ အချက်ကို သင့်ကလေးတွေကို သင်ပေးသလား။ ယနေ့အချိန်မှာလည်း ဘုရားသခင်ဟာ ကျွန်ုပ်တို့ကို ကာကွယ်ပေးနေတယ်ဆိုတာကို သင် တကယ်ယုံကြည်ကြောင်း သင့်ကလေးတွေ ရှင်းရှင်းလင်းလင်း သိမြင်ရသလား။ (ဆာ. ၂၇:၁၁; ဟေရှာ. ၁၂:၂) သူတို့ကို ပြစ်တင်ဆိုဆုံးမတဲ့ ပုံစံမျိုးနဲ့ မဟုတ်ဘဲ ပျော်ပျော်ရွှင်ရွှင် စကားစမြည် ပြောဆိုချိန်တွေမှာ အဲဒီသင်ခန်းစာကို သင်ပေးသလား။ အဲဒီသင်ခန်းစာက ယေဟောဝါကို ပိုယုံကြည်အားကိုးဖို့ သင့်မိသားစုကို ကူညီပေးပါလိမ့်မယ်။
ရှာဖွေလေ့လာ ဘုရားရေးရာရတနာ
(ထွက်မြောက်ရာ ၁၂:၁၂) အဲဒီညမှာ အီဂျစ်ပြည်ကို ငါဖြတ်သွားမယ်။ အီဂျစ်ပြည်မှာရှိတဲ့ လူနဲ့တိရစ္ဆာန်သားဦးမှန်သမျှကို ကွပ်မျက်မယ်။ အီဂျစ်နတ်ဘုရားအားလုံးကိုလည်း တရားစီရင်မယ်။ ငါဟာ ယေဟောဝါဖြစ်တယ်။
it-2 ၅၈၂ ပိုဒ်. ၂
ပသခါ
အီဂျစ်ပြည်ကို ကပ်ဘေးဆယ်ခု ကျရောက်တာက၊ အထူးသဖြင့် သားဦး သေဆုံးတဲ့ ဆယ်ခုမြောက် ကပ်ဘေးက အီဂျစ်ဘုရားအားလုံးကို တရားစီရင်လိုက်တာ ဖြစ်တယ်။ (ထွ ၁၂:၁၂) သိုးထီးက ရာ နတ်ဘုရားကို အထူးဆက်ကပ်ထားတာ ဖြစ်လို့ ပသခါသိုးသငယ်ရဲ့ သွေးကို တံခါးတွေမှာ သုတ်တာက အီဂျစ်လူတွေရဲ့အမြင်မှာ ဘုရားကို စော်ကားတာ ဖြစ်တယ်။ နွားထီးကလည်း ဆက်ကပ်ထားတာ ဖြစ်လို့ နွားထီးတွေရဲ့ သားဦးတွေ သေတာက ဘုရား အိုဆိုက်ရစ်ကို ရှုတ်ချစရာ ဖြစ်စေပါတယ်။ ဖာရောကိုယ်တိုင် နတ်ဘုရား ရာရဲ့ သားတော်အဖြစ် ကြည်ညိုလေးမြတ်ခံရသူ ဖြစ်တယ်။ ဖာရောရဲ့သားဦး သေဆုံးခြင်းက နတ်ဘုရား ရာရော ဖာရောမှာပါ အစွမ်းအစ မရှိဘူးဆိုတာ ဖော်ပြတယ်။
(ထွက်မြောက်ရာ ၁၂:၁၄-၁၆) အဲဒီနေ့ဟာ မင်းတို့အတွက် အထိမ်းအမှတ်နေ့ပဲ။ ယေဟောဝါအတွက် ပွဲတော်အဖြစ် လူမျိုးအစဉ်အဆက် ကျင်းပရမယ်။ ဒါဟာ အမြဲ တည်တဲ့ ဥပဒေပဲ။ ၁၅ တဆေးမဲ့မုန့်ကို ခုနစ်ရက်လုံး စားရမယ်။ ပထမနေ့မှာ တဆေးကို အိမ်ထဲကနေ ဖယ်ရှားရမယ်။ ပထမနေ့ကစပြီး ခုနစ်ရက်အတွင်း တဆေးပါတဲ့မုန့် စားသူကို ပယ်ရှင်းရမယ်။ ၁၆ ပထမနေ့မှာ မြင့်မြတ်တဲ့ အစည်းအဝေး ကျင်းပရမယ်။ ခုနစ်ရက်မြောက်နေ့မှာလည်း မြင့်မြတ်တဲ့ အစည်းအဝေး ထပ်ကျင်းပရမယ်။ အဲဒီနေ့တွေမှာ လူတိုင်းက လိုအပ်သလောက် အစားအစာ ချက်ပြုတ်တာကလွဲလို့ ဘာအလုပ်မှ မလုပ်ရဘူး။
it-1 ၅၀၄ ပိုဒ်. ၁
အစည်းအဝေး
အဲဒီ “မြင့်မြတ်တဲ့ အစည်းအဝေး” တွေရဲ့ ထူးခြားချက်က အစည်းအဝေးတွေအတွင်းမှာ ပင်ပန်းတဲ့အလုပ်မှန်သမျှ မလုပ်ရဘူး။ ဥပမာ၊ တဆေးမဲ့မုန့်ပွဲတော်ရဲ့ ပထမနေ့နဲ့ ခုနစ်ရက်မြောက်နေ့ဟာ “မြင့်မြတ်တဲ့ အစည်းအဝေး” ဖြစ်တယ်။ “အဲဒီနေ့တွေမှာ လူတိုင်းက လိုအပ်သလောက် အစားအစာ ချက်ပြုတ်တာကလွဲလို့ ဘာအလုပ်မှ မလုပ်ရဘူး” လို့ ယေဟောဝါ မိန့်မှာတယ်။ (ထွ ၁၂:၁၅၊ ၁၆) ဒါပေမဲ့ “မြင့်မြတ်တဲ့ စည်းဝေးပွဲတွေ” အတွင်းမှာ ပုရောဟိတ်တွေဟာ ယေဟောဝါအတွက် ပူဇော်သက္ကာတွေ ဆက်သဖို့ အလုပ်များကြတယ်။ (ဝ ၂၃:၃၇၊ ၃၈) အဲဒါက ပုံမှန်နေ့စဉ် အလုပ်လုပ်ခြင်းနဲ့ ပတ်သက်တဲ့ ဘယ်ပညတ်ကိုမှ ချိုးဖောက်ရာ မရောက်ဘူး။ အဲဒီအခါသမယတွေက သာမန်လူတွေအတွက် အလုပ်မရှိ ပျင်းရိငြီးငွေ့စရာကာလ မဟုတ်ဘဲ ဘုရားရေးရာမှာ အကျိုးကျေးဇူးများစွာ ရရှိစေတဲ့ အချိန်အခါတွေ ဖြစ်တယ်။ ပတ်စဉ် ဥပုသ်နေ့မှာတော့ လူတွေဟာ ဝတ်ပြုရေးနဲ့ လမ်းညွှန်ချက်တွေ ရရှိဖို့ အတူစုဝေးကြတယ်။ အဲဒီမှာ ကျမ်းစာဖတ်ရှုခြင်း၊ ရှင်းပြခြင်းကနေ သူတို့ အားပေးမှု ရကြတယ်။ နောက်ပိုင်း တရားဇရပ်တွေမှာ အဲဒီအတိုင်း လုပ်ဆောင်လာကြတယ်။ (တ ၁၅:၂၁) ဒါကြောင့် ဥပုသ်နေ့နဲ့ “မြင့်မြတ်တဲ့ အစည်းအဝေး” နေ့တွေမှာ လူတွေ အလုပ်မလုပ်ကြဘူးဆိုတာက ဆုတောင်းဖို့၊ ဖန်ဆင်းရှင်နဲ့ ကိုယ်တော့်ရည်ရွယ်ချက်တွေအကြောင်း တွေးတောဆင်ခြင်ဖို့အတွက် ဖြစ်တယ်။
ကျမ်းစာဖတ်ရှုခြင်း