ယင်းက ကျောင်းသင်ခန်းစာ တင်ဆက်မှုအတွက် အထောက်အကူပြုခဲ့

ဂျာမနီနိုင်ငံမှ သက်မွေးပညာသင်ကျောင်းတစ်ကျောင်းတွင် နိုင်ငံရပ်ခြားမှလာသောကျောင်းသူကျောင်းသား အမြောက်အမြားရှိသည်။ ၎င်းတို့သည် ဂျော်ဂျီယာ၊ တောင်အာဖရိက၊ ပိုလန်၊ ပြင်သစ်၊ ဗီယက်နမ်၊ ယခင်ယူဂိုဆလားဗီးယား၊ ယူကရိန်း၊ ရုရှား၊ လက်ဘနွန်နှင့် အိန္ဒိယနိုင်ငံတို့မှဖြစ်သည်။

ကျောင်းသူတစ်ဦးက ဤသို့ရေးသည်– “ကျောင်းသင်ခန်းစာတင်ဆက်မှုအတွက် အခွင့်အရေးပေါ်လာလို့ ကျွန်မ စေတနာ့ဝန်ထမ်းလုပ်လိုက်တယ်။ လူငယ်များအမေး—တာသွားသည့်အဖြေ ဆိုတဲ့စာအုပ်ကိုအခြေခံပြီး ‘လူငယ်များအမေးအတွက် လက်တွေ့ကျအဖြေများ’ ဆိုတဲ့အကြောင်းအရာကို ကျွန်မရွေးလိုက်တယ်။ စာအုပ်မှာပါတဲ့ အကြောင်းအရာနဲ့ အကြံပြုချက်ကောင်းတွေကို ကျောင်းသားတွေ သဘောကျသွားတယ်။

“ကျွန်မရဲ့တင်ဆက်မှုပြီးသွားတဲ့အခါ ကျောင်းသားတွေက ကျယ်ကျယ်လောင်လောင် ဩဘာပေးပြီး ကျေးဇူးတင်လေးမြတ်ကြောင်း ဖော်ပြကြတယ်။ သူတို့အားလုံးဟာ ဘာသာစကားတွေကို သင်ယူနေလို့ အင်္ဂလိပ်စာကို ကောင်းကောင်းနားလည်တဲ့အတွက် သူတို့ကို အင်္ဂလိပ်လို လူငယ်များအမေး စာအုပ် ၃၀ ဝေငှနိုင်ခဲ့ပြီး ဆရာမကိုလည်း ဂျာမန်လို တစ်အုပ်ပေးလိုက်တယ်။”

နောက်နေ့များတွင် ဤကျောင်းသူသည် အတန်းသားအချို့နှင့် ကျမ်းစာအကြောင်း ဆက်ဆွေးနွေးခဲ့ပြီး ၎င်းတို့က စိတ်ဝင်တစားတုံ့ ပြန်ခဲ့ကြ၏။ သူသည် ကျောင်းသားများအား ဂျော်ဂျီယာ၊ စပိန်၊ ပိုလန်၊ ဗီယက်နမ်၊ ဘင်ဂါလီ၊ ရုရှားနှင့် အာရဗီဘာသာစကားတို့ဖြင့်ထုတ်ဝေသော ကျမ်းစာအခြေပြုစာပေများကိုလည်း ဝေငှခဲ့သည်။

လူငယ်များအမေး စာအုပ်မှအကျိုးရရှိနိုင်မည့် လူငယ်တစ်ဦးဦးကို သင်သိပေမည်။ ယင်းစာအုပ်၏ အခန်း ၃၉ ခန်းတွင် “မိတ်ဆွေစစ် ဘယ်လိုဖွဲ့နိုင်မလဲ၊” ‘လက်မထပ်ခင် လိင်မှုကိစ္စပြုတာကို ဘယ်လိုပြောမလဲ’ နှင့် “အချစ်စစ်၊ အချစ်မှန်ဖြစ်မှန်း ငါဘယ်လိုလုပ် သိနိုင်မလဲ” စသောအကြောင်းအရာများပါဝင်သည်။ သင်သည် ပူးတွဲပါကူပွန်ကိုဖြည့်၍ အောက်တွင်ဖော်ပြထားသောလိပ်စာ သို့မဟုတ် ဤမဂ္ဂဇင်း၏ စာမျက်နှာ ၅ ပါသင့်လျော်ရာလိပ်စာသို့ စာတိုက်မှပေးပို့ကာ တစ်အုပ်မှာယူနိုင်ပါသည်။

□ ဤတွင်ဖော်ပြထားသောစာအုပ်ကို မေတ္တာလက်ဆောင်ရလိုပါသည်။

□ အခမဲ့အိမ်တွင်းကျမ်းစာသင်အံမှု ပြုလိုပါသဖြင့် ကျေးဇူးပြု၍ ကျွန်ုပ်နှင့်ဆက်သွယ်ပါ။