ကျမ်းစာရဲ့ အဓိကအကြောင်းက ဘုရားသခင့်နိုင်ငံတော် ဖြစ်တယ်။ ယေဟောဝါဘုရားက ကမ္ဘာမြေနဲ့ပတ်သက်တဲ့ မူလရည်ရွယ်ချက်ကို နိုင်ငံတော်အားဖြင့် ပြည့်စုံစေမယ်။ နိုင်ငံတော်ဆိုတာ ဘာလဲ။ နိုင်ငံတော် အုပ်ချုပ်နေကြောင်း ဘယ်လို သိနိုင်သလဲ။ နိုင်ငံတော်က ဘာတွေ လုပ်ပေးခဲ့ပြီလဲ။ အနာဂတ်မှာ ဘာတွေ လုပ်ပေးဦးမလဲ။ ဒီမေးခွန်းတွေကို ဒီသင်ခန်းစာနဲ့ နောက်သင်ခန်းစာနှစ်ခုမှာ ဖြေဆိုပေးပါမယ်။

၁။ ဘုရားသခင့်နိုင်ငံတော်ဆိုတာ ဘာလဲ။ ဘုရင်က ဘယ်သူလဲ။

နိုင်ငံတော်ဆိုတာ ယေဟောဝါဘုရား တည်ထောင်ထားတဲ့အစိုးရ ဖြစ်တယ်။ ဘုရင် ယေရှုခရစ်က ကောင်းကင်ကနေ အုပ်စိုးမယ်။ (မဿဲ ၄:၁၇။ ယောဟန် ၁၈:၃၆) ယေရှုနဲ့ပတ်သက်ပြီး ‘သူ ထာဝစဉ် အုပ်စိုးလိမ့်မယ်’ လို့ ကျမ်းစာ ဆိုတယ်။ (လုကာ ၁:​၃၂၊ ၃၃) ဘုရားနိုင်ငံတော်ဘုရင် ယေရှုက ကမ္ဘာသူကမ္ဘာသားတွေကို အုပ်စိုးပါတော့မယ်။

၂။ ယေရှုနဲ့အတူ ဘယ်သူတွေ အုပ်စိုးမလဲ။

ယေရှုတစ်ဦးတည်း အုပ်စိုးမှာ မဟုတ်ဘူး။ ‘လူမျိုးနွယ်၊ ဘာသာစကား၊ လူစုနဲ့ လူမျိုးတွေထဲက လူတွေလည်း ဘုရင်အဖြစ် ကမ္ဘာမြေကို အုပ်စိုးကြမယ်။’ (ဗျာဒိတ် ၅:​၉၊ ၁၀) အရေအတွက် ဘယ်လောက် ရှိသလဲ။ ယေရှု ကမ္ဘာပေါ် လာချိန်ကစပြီး နောက်လိုက်ဖြစ်လာသူ သန်းပေါင်းများစွာ ရှိတယ်။ ဒါပေမဲ့ သူတို့ထဲက ၁၄၄,၀၀၀ ပဲ ကောင်းကင်သွားပြီး ယေရှုနဲ့အတူ အုပ်ချုပ်မယ်။ (ဗျာဒိတ် ၁၄:​၁-၄ ကို ဖတ်ပါ။) ကမ္ဘာပေါ် ကျန်တဲ့လူတွေကတော့ နိုင်ငံတော်ရဲ့ လက်အောက်ခံတွေ ဖြစ်လာမယ်။​—ဆာလံ ၃၇:၂၉။

၃။ ဘုရားနိုင်ငံတော်က လူ့အစိုးရတွေထက် ဘယ်လို သာလွန်သလဲ။

ကောင်းကျိုးဆောင်ချင်တဲ့ လူ့အုပ်စိုးရှင်တွေတောင် ဆန္ဒရှိသလောက် လုပ်ပေးနိုင်စွမ်း မရှိဘူး။ ပြည်သူ့အကျိုး စိတ်မဝင်စားတဲ့ အုပ်စိုးရှင်တွေ နေရာဆက်ခံသွားနိုင်တယ်။ ဘုရားနိုင်ငံတော် အုပ်စိုးရှင် ယေရှုကိုတော့ ဘယ်သူမှ ဖယ်ရှားလို့ မရဘူး။ ဘုရားက “ဘယ်တော့မှ မပျက်စီးမယ့် နိုင်ငံတစ်ခုကို တည်ထောင်” ထားပြီ။ (ဒံယေလ ၂:၄၄) ယေရှုက ကမ္ဘာကို အုပ်ချုပ်မယ်။ အားလုံးကို တန်းတူဆက်ဆံမယ်။ မေတ္တာပြည့်ဝပြီး ကြင်နာတဲ့၊ တရားမျှတတဲ့ ယေရှုက လူလူချင်း အဲဒီအတိုင်း ဆက်ဆံတတ်အောင် သင်ပေးပါလိမ့်မယ်။​—ဟေရှာယ ၁၁:၉ ကို ဖတ်ပါ။

၄။ ဘုရားနိုင်ငံတော် ကမ္ဘာတစ်ခွင် အုပ်စိုးတော့မယ်

ယေရှုခရစ်က လူ့အုပ်စိုးရှင်မှန်သမျှထက် တန်ခိုးအာဏာ ပိုရှိတယ်။ မဿဲ ၂၈:၁၈ ကို ဖတ်ပါ။ ပြီးတဲ့နောက် ဒီမေးခွန်းကို သုံးသပ်ပါ။

• ယေရှုရဲ့ အခွင့်အာဏာက လူ့အုပ်စိုးရှင်တွေရဲ့ အခွင့်အာဏာထက် ဘယ်လို သာသလဲ။

လူ့အစိုးရတွေက မကြာခဏ ပြောင်းလဲလေ့ရှိတယ်။ ကိုယ့်မင်းကိုယ့်ချင်း အုပ်ချုပ်ကြတယ်။ ဘုရားနိုင်ငံတော်ကကော။ ဒံယေလ ၇:၁၄ ကို ဖတ်ပါ။ ပြီးတဲ့နောက် ဒီမေးခွန်းတွေကို သုံးသပ်ပါ။

• ဘုရားနိုင်ငံတော် “ပျက်စီးမှာ မဟုတ်” တဲ့အတွက် ဘယ်လို အကျိုးရှိသလဲ။

• ဘုရားနိုင်ငံတော် ကမ္ဘာတစ်ခွင် အုပ်စိုးတဲ့အတွက် ဘာအကျိုးခံစားရမယ် ထင်သလဲ။

၅။ လူ့အုပ်ချုပ်မှုကို ဖယ်ရှားပစ်ရမယ်

ဘုရားနိုင်ငံတော်က လူ့အစိုးရတွေကို ဘာကြောင့် ဖယ်ရှားရမလဲ။ ဗီဒီယို ဖွင့်ပါ။ ပြီးတဲ့နောက် အောက်ပါမေးခွန်းကို သုံးသပ်ပါ။

ဗီဒီယို။ ဘုရားနိုင်ငံတော်ဆိုတာ ဘာလဲ​—ကောက်နုတ်ချက် (၁:၄၁)

• လူ့အုပ်ချုပ်မှုကြောင့် ဘာတွေ ကြုံခဲ့ရသလဲ။

ဒေသနာ ၈:၉ ကို ဖတ်ပါ။ ပြီးတဲ့နောက် ဒီမေးခွန်းတွေကို သုံးသပ်ပါ။

• ဘုရားနိုင်ငံတော်က လူ့အစိုးရတွေကို ဖယ်ရှားသင့်တယ်လို့ ထင်သလား။ ဘာကြောင့်လဲ။

၆။ ဘုရားနိုင်ငံတော်မှာ ကျွန်တော်တို့ကို နားလည်ပေးနိုင်တဲ့ အုပ်စိုးရှင်တွေ ရှိ

ဘုရင်ယေရှုဟာ လူသားဖြစ်ခဲ့ဖူးလို့ ‘ကျွန်တော်တို့ရဲ့ အားနည်းချက်တွေကို စာနာ’ ပေးနိုင်တယ်။ (ဟီဘရူး ၄:၁၅) ယေရှုနဲ့အတူ အုပ်ချုပ်မယ့် သစ္စာရှိ အမျိုးသား/သမီး ၁၄၄,၀၀၀ ကိုလည်း ‘လူမျိုးနွယ်၊ ဘာသာစကား၊ လူစုနဲ့ လူမျိုးတွေထဲကနေ’ ယေဟောဝါ ရွေးချယ်ထားတယ်။​—ဗျာဒိတ် ၅:၉။

• ယေရှုနဲ့ တွဲဖက်အုပ်စိုးသူတွေဟာ လူတွေကို နားလည်ပေးမှန်း သိရလို့ စိတ်ချမ်းသာသလား။ ဘာကြောင့်လဲ။

၇။ ဘုရားနိုင်ငံတော်မှာ အကောင်းဆုံးဥပဒေတွေ ရှိ

အစိုးရက ပြည်သူကို အကျိုးပြုမယ့်၊ ကာကွယ်ပေးမယ့် ဥပဒေတွေ ပြဋ္ဌာန်းတယ်။ ဘုရားနိုင်ငံတော်မှာလည်း ပြည်သူတွေ လိုက်နာရမယ့် ဥပဒေတွေ ရှိတယ်။ ၁ ကောရိန္သု ၆:၉-၁၁ ကို ဖတ်ပါ။ ပြီးတဲ့နောက် ဒီမေးခွန်းတွေကို သုံးသပ်ပါ။

• ဘုရားရဲ့ ပညတ်ဥပဒေတွေကို လူတိုင်း လိုက်နာရင် ကမ္ဘာကြီး ဘယ်လိုနေမယ် ထင်သလဲ။a

• ဒီဥပဒေတွေကို လိုက်နာကြဖို့ ယေဟောဝါ တောင်းဆိုပိုင်ခွင့် ရှိတယ် ထင်သလား။ ဘာကြောင့်လဲ။

• ဒီဥပဒေတွေကို မလိုက်နာသူတွေ ပြောင်းလဲနိုင်မှန်း ဘယ်လို သိရသလဲ။​—အခန်းငယ် ၁၁ ကို ကြည့်ပါ။

အနှစ်ချုပ်

ဘုရားနိုင်ငံတော်ဆိုတာ ကမ္ဘာတစ်ခွင်လုံးကို အုပ်စိုးမယ့် ကောင်းကင်အစိုးရ ဖြစ်တယ်။

ပြန်လည်သုံးသပ်ခြင်း

• ဘုရားနိုင်ငံတော်ရဲ့ အုပ်စိုးရှင်တွေဟာ ဘယ်သူတွေလဲ။

• ဘုရားနိုင်ငံတော်က လူ့အစိုးရတွေထက် ဘယ်လို သာလွန်သလဲ။

• ဘုရားနိုင်ငံတော် လက်အောက်ခံတွေဆီကနေ ယေဟောဝါ ဘာမျှော်လင့်သလဲ။

လေ့လာစရာ ထပ်ဖွေရှာ

နိုင်ငံတော် အခြေစိုက်တဲ့နေရာအကြောင်း ယေရှု ဘာသင်ပေးသလဲ သုံးသပ်ပါ။

‘ဘုရားနိုင်ငံတော်ဆိုတာ စိတ်နှလုံးထဲမှာ ရှိတဲ့အရာလား’ (ဝက်ဘ်ဆိုက် ဆောင်းပါး)

ယေဟောဝါသက်သေတွေက လူ့အုပ်ချုပ်မှုထက် ဘုရားနိုင်ငံတော်ကို ဘာကြောင့် သစ္စာစောင့်သိကြသလဲ။

ဘုရားနိုင်ငံတော်အတွက် ဆက်ကပ်ထား (၁:၄၃)

ယေရှုနဲ့အတူ အုပ်စိုးဖို့ ယေဟောဝါ ရွေးချယ်တဲ့ ၁၄၄,၀၀၀ အကြောင်း ကျမ်းစာအဆိုကို ဖတ်ကြည့်ပါ။

“ဘယ်သူတွေ ကောင်းကင်သွားမလဲ” (ဝက်ဘ်ဆိုက် ဆောင်းပါး)

ကမ္ဘာမှာ တရားမျှတမှု ရှိအောင် ဘုရားပဲ လုပ်ပေးနိုင်ကြောင်း ထောင်ကျနေတဲ့အမျိုးသမီး သိလာပုံကို ဖတ်ပါ။

“မတရားမှုအတွက် အဖြေရှာတွေ့ခဲ့ပုံ” (နိုးလော့! စာစောင်)

၁၉၁၄ ခုနှစ်ကစပြီး ကောင်းကင်မှာ ဘုရားနိုင်ငံတော် အုပ်စိုးနေပါပြီ။ ဒါဟာ လူ့အုပ်ချုပ်မှု ဆုံးခန်းရဲ့ အစလည်း ဖြစ်တယ်။ ဘယ်လို သိရသလဲ။ ကျမ်းစာကြိုဟောချက်အပြင် ၁၉၁၄ ကစပြီး ကမ္ဘာ့အခြေအနေနဲ့ လူတွေရဲ့ စိတ်သဘောထား ပြောင်းလဲသွားပုံကို သုံးသပ်ကြည့်ပါ။

၁။ ကျမ်းစာမှာ ဘာတွေ ကြိုဟောထားသလဲ။

“ခုနစ်ကာလ” အဆုံးမှာ ဘုရားနိုင်ငံတော် စတင်အုပ်စိုးမယ်လို့ ဒံယေလကျမ်းက ဆိုတယ်။ (ဒံယေလ ၄:​၁၆၊ ၁၇) ရာစုနှစ်တွေကြာပြီးနောက် ယေရှုက “လူမျိုးခြားတွေအတွက် သတ်မှတ်ထားချိန်” လို့ ခေါ်တဲ့ အဲဒီကာလ မကုန်သေးဘူးလို့ ပြောတယ်။ (လုကာ ၂၁:၂၄) ၁၉၁၄ မှာ ခုနစ်ကာလ ကုန်ဆုံးကြောင်း လေ့လာကြပါမယ်။

၂။ ၁၉၁၄ ကစပြီး ကမ္ဘာ့အခြေအနေနဲ့ လူတွေရဲ့ စိတ်သဘောထား ဘယ်လို ရှိသလဲ။

တပည့်တွေက “သခင် ရောက်ရှိနေပြီ၊ လောကစနစ် နိဂုံးပိုင်းကို ရောက်နေပြီဆိုတဲ့ နိမိတ်ဟာ ဘာလဲ” လို့ ယေရှုကို မေးကြတယ်။ (မဿဲ ၂၄:၃) ယေရှုရဲ့ အဖြေမှာ ဘုရားနိုင်ငံတော်ဘုရင်အဖြစ် ကောင်းကင်မှာ စတင် အုပ်ချုပ်ပြီးနောက် ဖြစ်လာမယ့်အရာတွေအကြောင်း ကြိုဟောချက်တွေ ပါတယ်။ စစ်ပွဲ၊ အစာခေါင်းပါးတာ၊ ငလျင်လှုပ်တာတွေ ပါတယ်။ (မဿဲ ၂၄:၇ ကို ဖတ်ပါ။) “နောက်ဆုံးကာလ” မှာရှိတဲ့ လူတွေရဲ့ သဘောထားကြောင့် ဘဝက “အလွန် ခက်ခဲ” လာမယ်လို့လည်း ကျမ်းစာမှာ ကြိုဟောတယ်။ (၂ တိမောသေ ၃:​၁-၅) ၁၉၁၄ ကစပြီး ဒီအခြေအနေတွေ၊ ဒီသဘောထားတွေကို တွေ့မြင်နေရတယ်။

၃။ ဘုရားနိုင်ငံတော် အုပ်ချုပ်ချိန်ကစပြီး ကမ္ဘာ့အခြေအနေ ဘာလို့ ဆိုးလာသလဲ။

ယေရှုက ဘုရားနိုင်ငံတော်ဘုရင် ဖြစ်လာပြီး မကြာခင် ကောင်းကင်မှာ စာတန်နဲ့ နတ်ဆိုးတွေကို စစ်တိုက်တယ်။ စာတန် စစ်ရှုံးပြီး “မြေကြီးပေါ် ပစ်ချခံရတယ်။ သူနဲ့အတူ သူ့ရဲ့ ကောင်းကင်တမန်တွေလည်း ပစ်ချခံရတယ်” လို့ ကျမ်းစာက ဆိုတယ်။ (ဗျာဒိတ် ၁၂:​၉၊ ၁၀၊ ၁၂) ဖျက်ဆီးခံရတော့မယ်ဆိုတာ သိလို့ စာတန် ဒေါသူပုန်ထတယ်။ ကမ္ဘာပေါ်မှာ စိတ်ဆင်းရဲစရာတွေ၊ ဒုက္ခတွေ ဖြစ်ပေါ်စေတယ်။ ဒါကြောင့် ကမ္ဘာ့အခြေအနေ ဒီလောက် ဆိုးနေရတာ။ ဘုရားနိုင်ငံတော်က ဒီပြဿနာအားလုံးကို ဖြေရှင်းပေးတော့မယ်။

ရှာဖွေလေ တွေ့ရှိလေ

၄။ ကျမ်းစာကြိုဟောချက်က ၁၉၁၄ ကို ညွှန်ပြ

ဗီဒီယို။ ၁၉၁၄ မှာ ဘုရားနိုင်ငံတော် စတင်အုပ်ချုပ် (၅:၀၂)

ဘုရားက ရှေးဗာဗုလုန်ဘုရင် နေဗုခဒ်နေဇာကို ရှေ့ဖြစ်မယ့်အရာတွေအကြောင်း အိပ်မက်ပေးတယ်။ အိပ်မက်နဲ့ ဒံယေလပြောတဲ့ အိပ်မက်အနက်အရ နေဗုခဒ်နေဇာရဲ့ အုပ်ချုပ်မှုရော ဘုရားရဲ့အုပ်ချုပ်မှုနဲ့ပါ သက်ဆိုင်တယ်။​—ဒံယေလ ၄:၁၇ ကို ဖတ်ပါ။a

ဒံယေလ ၄:၂၀-၂၆ ကို ဖတ်ပါ။ ပြီးတဲ့နောက် ပုံကို ကြည့်ပြီး အောက်ပါမေးခွန်းတွေကို ဖြေပါ။

• (က) အိပ်မက်မှာ နေဗုခဒ်နေဇာ ဘာမြင်သလဲ။​—အခန်းငယ် ၂၀ နဲ့ ၂၁ ကို ကြည့်ပါ။

• (ခ) သစ်ပင် ဘာဖြစ်သွားမလဲ။​—အခန်းငယ် ၂၃ ကို ကြည့်ပါ။

• (ဂ) “ခုနစ်ကာလ” အဆုံးမှာ ဘာဖြစ်မလဲ။​—အခန်းငယ် ၂၆ ကို ကြည့်ပါ။

သစ်ပင်အိပ်မက်နဲ့ ဘုရားနိုင်ငံတော် သက်ဆိုင်ပုံ

ကြိုဟောချက် (ဒံယေလ ၄:​၂၀-၃၆)

အုပ်ချုပ်မှု

(က) သစ်ပင်ကြီး

အုပ်ချုပ်မှု ပြတ်တောက်

(ခ) သစ်ပင်ကို “ခုတ်ပစ်” ပြီး “ခုနစ်ကာလ” ကုန်လွန်စေ

အုပ်ချုပ်မှု ပြန်လည်စတင်

(ဂ) “နိုင်ငံကို ပြန်အုပ်ချုပ်ရမယ်”

ကြိုဟောချက်ရဲ့ ကနဦးပြည့်စုံမှု

• (ဃ) သစ်ပင်က ဘယ်သူ့ကို ဆိုလိုသလဲ။​ —အခန်းငယ် ၂၂ ကို ကြည့်ပါ။

• (င) သူ့အုပ်ချုပ်မှု ဘယ်လို ပြတ်တောက်ခဲ့သလဲ။ ​—ဒံယေလ ၄:၂၉-၃၃ ကို ဖတ်ပါ။

• (စ) “ခုနစ်ကာလ” အဆုံးမှာ နေဗုခဒ်နေဇာ ဘာဖြစ်သွားသလဲ။ ​—ဒံယေလ ၄:၃၄-၃၆ ကို ဖတ်ပါ။

ကနဦး ပြည့်စုံမှု

အုပ်ချုပ်မှု

(ဃ) ဗာဗုလုန်ဘုရင် နေဗုခဒ်နေဇာ

အုပ်ချုပ်မှု ပြတ်တောက်

(င) ဘီစီ ၆၀၆ နောက်ပိုင်း နေဗုခဒ်နေဇာ စိတ်ဖောက်သွားပြီး ခုနစ်နှစ် နန်းကျသွား

အုပ်ချုပ်မှု ပြန်လည်စတင်

(စ) နေဗုခဒ်နေဇာ စိတ်ပုံမှန် ဖြစ်လာပြီး ပြန်နန်းထိုင်

ကြိုဟောချက်ရဲ့ ဒုတိယပြည့်စုံမှု

• (ဆ) သစ်ပင်က ဘယ်သူ့ကို ဆိုလိုသလဲ။ ​—၁ ရာဇဝင်ချုပ် ၂၉:၂၃ ကို ဖတ်ပါ။

• (ဇ) လူ့အုပ်ချုပ်မှု ဘယ်လို ပြတ်တောက်ခဲ့သလဲ။ ယေရှု ကမ္ဘာပေါ် ရှိစဉ်မှာ မင်းဆက်ပြတ်နေဆဲ ဖြစ်မှန်း ဘယ်လို သိရသလဲ။ ​—လုကာ ၂၁:၂၄ ကို ဖတ်ပါ။

• (စျ) ဘယ်အချိန်၊ ဘယ်နေရာမှာ အုပ်ချုပ်မှု ပြန်လည် စတင်သလဲ။

ဒုတိယ ပြည့်စုံမှု

အုပ်ချုပ်မှု

(ဆ) ဘုရားအုပ်ချုပ်မှုကို ကိုယ်စားပြုတဲ့ အစ္စရေးဘုရင်တွေ

အုပ်ချုပ်မှု ပြတ်တောက်

(ဇ) ဂျေရုဆလင် ဖျက်ဆီးခံရ၊ အစ္စရေးမင်းဆက် နှစ်ပေါင်း ၂,၅၂၀ ပြတ်သွား

အုပ်ချုပ်မှု ပြန်လည်စတင်

(ဈ) နိုင်ငံတော်ဘုရင်အဖြစ် ကောင်းကင်မှာ ယေရှု စတင်အုပ်ချုပ်

၅။ ၁၉၁၄ ကစပြီး ဒီလောက ပြောင်းလဲသွား

ဗီဒီယို ဖွင့်ပါ။

ဗီဒီယို။ ၁၉၁၄ ကစပြီး ဒီလောက ပြောင်းလဲသွား (၁:၁၀)

ယေရှု ဘုရင်ဖြစ်ပြီးတာနဲ့ ကမ္ဘာ့အခြေအနေ ပြောင်းသွားမယ်လို့ ကြိုဟောခဲ့တယ်။ လုကာ ၂၁:၉-၁၁ ကို ဖတ်ပါ။ ပြီးတဲ့နောက် ဒီမေးခွန်းကို သုံးသပ်ပါ။

• ဒီကျမ်းပိုဒ်ထဲက ဘယ်အခြေအနေတွေ မြင်နေ၊ ကြားနေရသလဲ။

နောက်ဆုံးကာလမှာ တွေ့ရမယ့် လူတွေရဲ့အခြေအနေကို တမန်တော် ပေါလု ပြောခဲ့တယ်။ ၂ တိမောသေ ၃:၁-၅ ကို ဖတ်ပါ။ ပြီးတဲ့နောက် ဒီမေးခွန်းကို သုံးသပ်ပါ။

• အခုခေတ် လူတွေမှာ ဘယ်သဘောထား တွေ့နေရသလဲ။

၆။ ဘုရားနိုင်ငံတော် အုပ်ချုပ်နေပြီဆိုတာ ယုံကြည်ကြောင်း ဖော်ပြပါ

မဿဲ ၂၄:၃၊ ၁၄ ကို ဖတ်ပါ။ ပြီးတဲ့နောက် ဒီမေးခွန်းတွေကို သုံးသပ်ပါ။

• ဘယ်အရေးကြီးအလုပ်က ဘုရားနိုင်ငံတော် အုပ်ချုပ်နေကြောင်း ဖော်ပြသလဲ။

• ဒီအလုပ်မှာ သင် ဘယ်လို ပါဝင်နိုင်သလဲ။

ဘုရားနိုင်ငံတော် အုပ်ချုပ်နေပြီ၊ မကြာခင် ကမ္ဘာမြေကို အုပ်ချုပ်တော့မယ်။ ဟီဘရူး ၁၀:၂၄၊ ၂၅ ကို ဖတ်ပါ။ ပြီးတဲ့နောက် ဒီမေးခွန်းကို သုံးသပ်ပါ။

• “ဘုရားသခင်ရဲ့နေ့ရက် နီးလာတာကို သိနေတဲ့အတွက်” ဘာလုပ်သင့်သလဲ။

အနှစ်ချုပ်

ကျမ်းစာကြိုဟောချက်၊ ကမ္ဘာ့အခြေအနေတို့က ဘုရားနိုင်ငံတော် အုပ်ချုပ်နေပြီဆိုတာ သိစေတယ်။ ဒါကို ယုံကြောင်း ဟောပြောခြင်း၊ အစည်းအဝေးတွေ တက်ခြင်းအားဖြင့် ပြကြတယ်။

ပြန်လည်သုံးသပ်ခြင်း

• ဒံယေလကျမ်းမှာ ကြိုပြောထားတဲ့ ခုနစ်ကာလ အဆုံးမှာ ဘာဖြစ်ခဲ့သလဲ။

• ၁၉၁၄ မှာ ဘုရားနိုင်ငံတော် စတင်အုပ်ချုပ်ပြီဆိုတာ သင် ဘာကြောင့် လက်ခံသလဲ။

• ဘုရားနိုင်ငံတော် အုပ်ချုပ်နေပြီဆိုတာ ယုံကြောင်း ဘယ်လို ပြနိုင်သလဲ။

လေ့လာစရာ ထပ်ဖွေရှာ

၁၉၁၄ ကစပြီး ကမ္ဘာ့အပြောင်းအလဲအကြောင်း သမိုင်းပညာရှင်နဲ့ တခြားသူတွေရဲ့အဆိုကို သုံးသပ်ပါ။

“ကိုယ်ကျင့်တရား အကြီးအကျယ် ပျက်ပြားခဲ့ချိန်” (နိုးလော့! ဧပြီ ၂၀၀၇)

မဿဲ ၂၄:၁၄ ပါ ကြိုဟောချက်က လူတစ်ဦးကို ပြောင်းလဲစေပုံအကြောင်း ဖတ်ကြည့်ပါ။

“ဘေ့စ်ဘောကို အရာရာထက် ကြိုက်နှစ်သက်” (ကင်းမျှော်စင် အမှတ် ၃၊ ၂၀၁၇)

ဒံယေလ အခန်းကြီး ၄ ပါ ကြိုဟောချက်က ဘုရားနိုင်ငံတော်နဲ့ သက်ဆိုင်ကြောင်း ဘယ်လို သိနိုင်သလဲ။

‘ဘုရားနိုင်ငံတော် ဘယ်အချိန်မှာ စတင် အုပ်ချုပ်သလဲ (အပိုင်း ၁)’ (ကင်းမျှော်စင် အောက်တိုဘာ ၁၊ ၂၀၁၄)

ဒံယေလ အခန်းကြီး ၄ မှာပါတဲ့ “ခုနစ်ကာလ” က ၁၉၁၄ မှာ ကုန်ဆုံးကြောင်း ဘယ်လို သိရသလဲ။

‘ဘုရားနိုင်ငံတော် ဘယ်အချိန်မှာ စတင် အုပ်ချုပ်သလဲ (အပိုင်း ၂)’ (ကင်းမျှော်စင် နိုဝင်ဘာ ၁၊ ၂၀၁၄)

ဘုရားသခင့်နိုင်ငံတော် အုပ်ချုပ်နေပါပြီ။ မကြာခင် ကမ္ဘာပေါ် မှာ အပြောင်းအလဲကြီးတွေ လုပ်ဆောင်ပေးတော့မယ်။ နိုင်ငံတော်အုပ်ချုပ်မှုအောက် ရရှိမယ့် ကောင်းချီးတချို့အကြောင်း သုံးသပ်ကြစို့။

၁။ ဘုရားနိုင်ငံတော်က ကမ္ဘာပေါ်မှာ ငြိမ်သက်မှုနဲ့ တရားမျှတမှု ဘယ်လို ရှိစေမလဲ။

နိုင်ငံတော်ဘုရင် ယေရှုက ဆိုးညစ်တဲ့ လူတွေ၊ အစိုးရတွေကို အာမဂေဒုန်စစ်ပွဲမှာ ဖျက်ဆီးတော့မယ်။ (ဗျာဒိတ် ၁၆:၁၄၊ ၁၆ ) “မကြာခင် လူဆိုးတွေ လုံးဝ ရှိတော့မှာ မဟုတ်ဘူး” ဆိုတဲ့ ကျမ်းစကား အဲဒီအချိန်မှာ ပြည့်စုံလာမယ်။ (ဆာလံ ၃၇:၁၀) နိုင်ငံတော်အားဖြင့် ကမ္ဘာတစ်ခွင် ငြိမ်သက်မှုနဲ့ တရားမျှတမှု ရှိအောင် ယေရှု လုပ်ပေးတော့မယ်။—ဟေရှာယ ၁၁:၄ ကို ဖတ်ပါ။

၂။ ကမ္ဘာပေါ် ဘုရားအလိုတော် ပြည့်စုံလာချိန်မှာ ဘယ်လိုအသက်တာ ပိုင်ဆိုင်ကြမလဲ။

ဘုရားနိုင်ငံတော် အုပ်ချုပ်မှုအောက်မှာ “ဖြောင့်မတ်သူတွေဟာ ကမ္ဘာမြေကို ပိုင်ဆိုင်ပြီး ထာဝစဉ် နေထိုင်ရလိမ့်မယ်။” (ဆာလံ ၃၇:၂၉) ဖြောင့်မတ်မှန်ကန်သူ၊ ယေဟောဝါကို ချစ်တဲ့သူ၊ အချင်းချင်း ချစ်တဲ့သူတွေပဲ ရှိနေတဲ့ ကမ္ဘာကို မြင်ယောင်ကြည့်ပါ။ ဖျားနာတဲ့သူ မရှိတော့ဘူး။ လူတိုင်း ထာဝစဉ် အသက်ရှင်ကြမယ်။

၃။ လူဆိုးတွေကို ဖျက်ဆီးပြီးတဲ့နောက် ဘုရားနိုင်ငံတော်က ဘာတွေ လုပ်ပေးမလဲ။

လူဆိုးတွေကို ဖျက်ဆီးပြီးတဲ့နောက် ယေရှုဟာ ဘုရင်အဖြစ် နှစ်ပေါင်း ၁,၀၀၀ အုပ်ချုပ်မယ်။ အဲဒီအချိန်အတွင်း ယေရှုနဲ့ တွဲဖက်အုပ်ချုပ်သူ ၁၄၄,၀၀၀ တို့ဟာ ကမ္ဘာပေါ်က လူတွေကို အပြစ်မရှိတဲ့ ပြည့်ဝစုံလင်သူတွေ ဖြစ်လာအောင် ကူညီပေးကြမယ်။ အနှစ်တစ်ထောင်အဆုံးမှာ ကမ္ဘာမြေဟာ သာယာလှပတဲ့ ပရဒိသု ဖြစ်လာမယ်။ လူတိုင်း ယေဟောဝါရဲ့ပညတ်တွေကို နာခံတဲ့အတွက် ပျော်ရွှင်နေကြမယ်။ ယေရှုက နိုင်ငံတော်ကို အဖဘုရား ယေဟောဝါဆီ ပြန်အပ်မယ်။ အဲဒီအခါ ယေဟောဝါရဲ့ “နာမတော် သန့်ရှင်းမြင့်မြတ်” သွားပါလိမ့်မယ်။ (မဿဲ ၆:၉၊ ၁၀) ယေဟောဝါသာ လက်အောက်ခံပြည်သားတွေကို အလွန်ဂရုစိုက်တဲ့ အုပ်စိုးရှင်ကောင်း ဖြစ်ကြောင်း သက်သေထူပြီး ဖြစ်ပါလိမ့်မယ်။ အဲဒီနောက် ယေဟောဝါက စာတန်နဲ့ နတ်ဆိုးတွေကိုရော မိမိရဲ့အုပ်ချုပ်မှု ငြင်းပယ်သူတွေကိုပါ ဖျက်ဆီးမယ်။ (ဗျာဒိတ် ၂၀:၇-၁၀) ဘုရားနိုင်ငံတော် လုပ်ပေးမယ့် ဒီကောင်းချီးတွေကို ထာဝစဉ် ခံစားရပါလိမ့်မယ်။

ရှာဖွေလေ တွေ့ရှိလေ

၄။ ဘုရားနိုင်ငံတော်က လူ့အစိုးရတွေကို အဆုံးတိုင်စေမယ်

“လူလူချင်း အုပ်ချုပ်တာဟာ ထိခိုက်နစ်နာစရာတွေပဲ ဖြစ်စေတယ်။” (ဒေသနာ ၈:၉) ယေဟောဝါဟာ နိုင်ငံတော်အားဖြင့် ဒီမတရားမှုကို တည့်မတ်ပေးတော့မယ်။

ဒံယေလ ၂:၄၄ နဲ့ ၂ သက်သာလောနိတ် ၁:၆-၈ တို့ကို ဖတ်ပါ။ ပြီးတဲ့နောက် ဒီမေးခွန်းတွေကို သုံးသပ်ပါ။

• လူ့အစိုးရတွေ၊ ထောက်ခံသူတွေကို ယေဟောဝါနဲ့ ယေရှု ဘာလုပ်မလဲ။

• လေ့လာခဲ့ပြီးသလောက် ယေဟောဝါနဲ့ ယေရှုရဲ့ လုပ်ရပ်ဟာ တရားမျှတ၊ မှန်ကန်မယ်ဆိုတာ ဘယ်လို စိတ်ချနိုင်သလဲ။

၅။ ယေရှုဟာ အကောင်းဆုံး ဘုရင်ဖြစ်

နိုင်ငံတော်ဘုရင် ယေရှုဟာ ကမ္ဘာပေါ်က လက်အောက်ခံ ပြည်သားတွေရဲ့ အကျိုးအတွက် များစွာ လုပ်ဆောင်ပေးမယ်။ လူတွေကို ကူညီချင်တဲ့ဆန္ဒ ရှိမှန်း၊ ကူညီနိုင်တဲ့တန်ခိုး ဘုရားပေးထားမှန်း ယေရှု ပြခဲ့ပုံကို သိနိုင်ဖို့ ဗီဒီယို ဖွင့်ပါ။

ဗီဒီယို။ နိုင်ငံတော်လုပ်ပေးမယ့် အရာကို ယေရှုဖော်ပြ (၁:၁၃)

ကမ္ဘာပေါ် ရှိချိန် ယေရှု လုပ်ပေးခဲ့တာတွေက နိုင်ငံတော် လုပ်ပေးမယ့်အရာတွေကို ဖော်ပြတယ်။ ဒီကောင်းချီးတွေထဲက ဘယ်တစ်ခုကို အလိုချင်ဆုံးလဲ။ ဒီကောင်းချီးတွေအကြောင်း ပိုသိဖို့ ပူးတွဲပါ ကျမ်းချက်တွေကို ဖတ်ပါ။

၆။ ဘုရားနိုင်ငံတော်က လှပတဲ့အနာဂတ် ရှိစေမယ်

ဗီဒီယို။ လှပတဲ့အနာဂတ် အကြိုမြင်ကွင်း (၄:၃၈)

ဆာလံ ၁၄၅:၁၆ ကို ဖတ်ပါ။ ပြီးတဲ့နောက် ဒီမေးခွန်းကို သုံးသပ်ပါ။

• ယေဟောဝါဟာ “သက်ရှိအားလုံးရဲ့ လိုအင်ဆန္ဒကို ဖြည့်ဆည်းပေး” မယ်ဆိုတာ သိရလို့ ဘယ်လို ခံစားရသလဲ။

အနှစ်ချုပ်

ဘုရားနိုင်ငံတော်က အလိုတော် ပြည့်စုံအောင်၊ တစ်ကမ္ဘာလုံး သာယာလှပအောင် လုပ်ပေး တော့မယ်။ လူအားလုံး ယေဟောဝါကို ထာဝစဉ် ကိုးကွယ်ကြမယ်။

ပြန်လည်သုံးသပ်ခြင်း

• ယေဟောဝါရဲ့ နာမတော် သန့်ရှင်းမြင့်မြတ်စေဖို့ ဘုရားနိုင်ငံတော်က ဘယ်လို လုပ်ပေးမလဲ။

• ဘုရားနိုင်ငံတော်က ကျမ်းစာကတိတွေကို ပြည့်စုံစေမယ်ဆိုတာ ဘာကြောင့် စိတ်ချနိုင်သလဲ။

• နိုင်ငံတော်လုပ်ပေးမယ့်အရာတွေထဲမှာ ဘယ်တစ်ခုကို အလိုချင်ဆုံးလဲ။

လေ့လာစရာ ထပ်ဖွေရှာ

အာမဂေဒုန်ဆိုတာ ဘာလဲ ဖတ်ကြည့်ပါ။

“အာမဂေဒုန်စစ်ပွဲဆိုတာ ဘာကို ပြောတာလဲ” (ဝက်ဘ်ဆိုက် ဆောင်းပါး)

ယေရှု ကြိုတင်ပြောခဲ့တဲ့ “ကြီးစွာသောဒုက္ခ” အတွင်း ဘာတွေ ဖြစ်ပျက်မလဲဆိုတာ လေ့လာကြည့်ပါ။—မဿဲ ၂၄:၂၁။

“ကြီးစွာသောဒုက္ခဆိုတာ ဘာလဲ” (ဝက်ဘ်ဆိုက် ဆောင်းပါး)

နိုင်ငံတော်လုပ်ပေးမယ့် ကောင်းချီးတွေကို မိသားစုလိုက် ခံစားနေရတယ်လို့ မြင်ယောင် ကြည့်ပါ။

ပရဒိသုမှာ ရောက်နေတယ်လို့ မြင်ယောင်ကြည့်ပါ (၁:၅၀)

နိုင်ငံရေးသမားတစ်ဦး ဖြေရှင်းနည်း တွေ့သွားပုံကို “မေးခွန်းပေါင်းများစွာ ကျွန်တော့်ခေါင်းထဲ ဝင်လာ” ဆောင်းပါးမှာ ဖတ်ကြည့်ပါ။

‘ကျမ်းစာက အသက်တာတွေကို ပြောင်းလဲပေး’ (ကင်းမျှော်စင် ဇန်နဝါရီ ၁၊ ၂၀၁၂)