5 Nankany an-tranon’i Isboseta i Rekaba sy Bana, zanak’i Rimona Berotita. Nahamay be ny andro tamin’izay, ary nakanaka aina toy ny fanaony rehefa antoandro i Isboseta. 6 Niditra tao amin’ilay trano i Rekaba sy Bana+ rahalahiny, toy ny hoe haka varimbazaha. Dia nasian’izy ireo teo amin’ny kibony i Isboseta, ary lasa nandositra izy ireo. 7 Tamin’izy ireo niditra tao an-trano mantsy, dia natory teo am-pandriana tao amin’ny efitra fatoriany i Isboseta. Koa nasian’izy ireo izy ka matiny, ary notapahin’izy ireo ny lohany dia nentiny. Avy eo, dia nandeha tamin’ny lalana mankany Araba izy ireo nandritra ny alina. 8 Ary nentin’izy ireo tany amin’i Davida tany Hebrona ny lohan’i Isboseta.+ Dia hoy izy ireo tamin’ny mpanjaka: “Intỳ ny lohan’i Isboseta, zanak’i Saoly fahavalonao,+ izay nitady hamono anao.+ Androany i Jehovah no namaly faty an’i Saoly sy ny taranany, noho ny nataony tamin’ny mpanjaka tompoko.”

12 Nomen’i Davida baiko àry ireo tovolahy mba hamono azy roa lahy.+ Dia notapahin’izy ireo ny tanany sy ny tongony, ary nahantony+ teo akaikin’ilay dobo tao Hebrona ny fatiny. Nalain’izy ireo kosa ny lohan’i Isboseta, ka naleviny tao amin’ny fasan’i Abnera tao Hebrona.