24 Raha vao avy nanoratra ny teny rehetra ato amin’ity Lalàna ity tao amin’ny boky i Mosesy,+ 25 dia nandidy an’ireo Levita nilanja ny Vata misy ny fifanekena nataon’i Jehovah izy hoe: 26 “Alaivo ity boky misy ny Lalàna ity,+ dia apetraho eo akaikin’ilay Vata+ misy ny fifanekena nataon’i Jehovah Andriamanitrareo, fa eo izy io no ho vavolombelona hiampanga anareo.

8 Tatỳ aoriana, dia hoy i Hilkia mpisoronabe tamin’i Safana mpitan-tsoratra:+ “Hitako tao an-tranon’i Jehovah ny boky misy ny Lalàna.”+ Dia nomeny an’i Safana ilay boky, ka novakin’i Safana.+