• Salamo 70:1-5
    Ny Soratra Masina—Fandikan-tenin’ny Tontolo Vaovao

    • 70 Vonjeo aho, Andriamanitra ô!

      Jehovah ô, mba ampio haingana aho!+

       2 Enga anie izay mitady hamono ahy*

      Mba ho menatra sy ho afa-baraka!

      Enga anie ireo faly amin’ny fahavoazako

      Handositra sady ho menatra!

       3 Enga anie izay miteny hoe: “Tsara ho azy izay!”

      Hiverin-dalana sady ho menatra.

       4 Fa aoka kosa izay mitady anao

      Hifaly sy hiravoravo aminao.+

      Enga anie ireo tia ny asa famonjenao hilaza foana hoe:

      “Hankalazaina anie Andriamanitra!”

       5 Fa tsy misy mpiaro aho sady mahantra;+

      Vonjeo haingana aho, Andriamanitra ô!+

      Ianao no mpanampy sy mpanafaka ahy;+

      Jehovah ô, aza ela loatra.+