• Jeremia 50:9
    Ny Soratra Masina—Fandikan-tenin’ny Tontolo Vaovao

    •  9 Fa hiantso firenena lehibe maromaro avy any avaratra+ aho

      Mba hanafika an’i Babylona.

      Hilahatra hiady aminy izy ireny,

      Ka avy any no hahazoany azy.

      Ny zana-tsipìkan’izy ireny, dia toy ny an’ny miaramila

      Izay mahatonga ny ray aman-dreny hamoy ny zanany.+

      Tsy miverim-potsiny izy ireny.

  • Jeremia 51:27, 28
    Ny Soratra Masina—Fandikan-tenin’ny Tontolo Vaovao

    • 27 “Manangàna famantarana* ao amin’ilay tany!+

      Tsofy any amin’ireo firenena ny anjombona.

      Tendreo* ireo firenena hanafika azy.

      Antsoy hamely azy ny fanjakan’i Ararata+ sy Miny ary Askenaza.+

      Manendre manamboninahitra hiantso olona ho miaramila hiady aminy.

      Asaivo miakatra toy ny andiana kijeja ireo soavaly.

      28 Tendreo* hanafika azy, ireo firenena,

      Izany hoe ireo mpanjakan’i Media,+ ny governorany, ny solontenam-panjakana rehetra ao aminy,

      Ary ny tany rehetra anjakan’izy ireo.