• Isaia 40:9
    Ny Soratra Masina—Fandikan-tenin’ny Tontolo Vaovao

    •  9 Miakara any an-tendrombohitra avo,

      Ry vehivavy mitondra vaovao tsara ho an’i Ziona.+

      Ataovy mafy ny feonao,

      Ry vehivavy mitondra vaovao tsara ho an’i Jerosalema.

      Mitenena mafy ary aza matahotra!

      Lazao amin’ireo tanànan’i Joda hoe: “Iny ilay Andriamanitrareo!”+

  • Jeremia 31:12
    Ny Soratra Masina—Fandikan-tenin’ny Tontolo Vaovao

    • 12 Dia ho avy izy ireo ka hihoby eny amin’ny havoanan’i Ziona.+

      Ary ho miramirana izy ireo noho ny hatsaran-toetran’i* Jehovah,

      Noho ny varimbazaha sy ny divay vaovao+ sy ny menaka,

      Ary noho ny zanaky ny ondry aman’osy sy ny zanak’omby.+

      Ho toy ny tanimboly azon-drano tsara izy ireo,+

      Ka tsy ho reraka intsony mihitsy.”+

  • Jeremia 33:10, 11
    Ny Soratra Masina—Fandikan-tenin’ny Tontolo Vaovao

    • 10 “Izao no lazain’i Jehovah: ‘Eto amin’ity toerana lazainareo hoe ngazana tsy misy olona na biby fiompy ity, izany hoe ao amin’ireo tanànan’i Joda sy ny lalan’i Jerosalema izay tsy misy olona na mponina na biby fiompy, dia mbola handrenesana 11 feon’olona mifaly sy miravoravo,+ feona mpampakatra sy ampakarina, ary feon’ireo olona milaza hoe: “Misaora an’i Jehovah Tompon’ny tafika fa tsara+ i Jehovah. Be fitiavana izy sady tsy mivadika mandrakizay!”’+

      “‘Hitondra fanatitra fisaorana ao an-tranon’i Jehovah+ izy ireo, satria hampodiko izay mponin’ity tany ity lasa babo ka ho lasa toy ny taloha izy ireo’, hoy i Jehovah.”