• Zakaria 9:9, 10
    Ny Soratra Masina—Fandikan-tenin’ny Tontolo Vaovao

    •  9 Mifalia, ry Ziona zanakavavy ô!

      Manaova horakora-pandresena, ry Jerosalema zanakavavy ô!

      Iny tonga atỳ aminao iny ny mpanjakanao.+

      Manao ny marina izy sady mamonjy.*

      Manetry tena+ izy ka mitaingina ampondra.

      Zanak’ampondra* no taingenany, dia zanaky ny ampondravavy.+

      10 Hesoriko ny kalesy fitondra miady ao Efraima,

      Sy ny soavaly ao Jerosalema.

      Hesorina koa ny tsipìka fiadiana.

      Hiresaka momba ny fihavanana* any amin’ireo firenena izy.+

      Hanjaka hatrany amin’ny ranomasina ka hatrany amin’ny ranomasina izy,

      Ary hatrany amin’ny Renirano* ka hatrany amin’ny faran’ny tany.+