16 “Hohariko amin’inona ity taranaka ity?+ Hoatran’ny ankizy mipetraka eny an-tsena, sady miresaka amin’ireo mpiara-milalao aminy hoe: 17 ‘Efa nitsoka sodina izahay, nefa ianareo tsy mba nandihy. Efa nanao hira fisaonana izahay, nefa ianareo tsy mba nikapo-tratra noho ny alahelo.’ 18 Hoatr’izany koa fa tonga i Jaona, nifady hanina sady tsy nisotro divay, nefa lazain’ny olona hoe: ‘Misy demonia izy.’ 19 Tonga kosa ny Zanak’olona, mihinana sy misotro,+ nefa hoy ihany ny olona: ‘Jereo! Olona tendan-kanina sy mpiboboka divay io, sady naman’ny mpamory hetra sy ny mpanota.’+ Izay ataon’ny olona anefa no ahitana raha hendry izy na tsia.”*+