5. Fanomezana avy Amin’Andriamanitra ny Vidim-panavotana

1 MILA VIDIM-PANAVOTANA DAHOLO ISIKA

‘Ny Zanak’olona dia tonga mba hanome ny ainy ho vidim-panavotana ho takalon’ny maro.’—Matio 20:28

Nahoana isika no mila vidim-panavotana?

Genesisy 3:17-19

Rehefa tsy nankatò i Adama, dia tsy naman’i Jehovah intsony. Lasa mpanota izy, ary tsy nahazo nipetraka tao amin’ny Paradisa.
Romanina 5:12

Lasa mpanota sy maty isika noho ny nataon’i Adama.
Efesianina 1:7

Ny fomba anafahan’i Jehovah ny olombelona amin’ny ota sy ny fahafatesana no atao hoe vidim-panavotana.

‘Nirahin’Andriamanitra ho amin’izao tontolo izao ny Zanany lahitokana mba hahazoantsika fiainana amin’ny alalany.’—1 Jaona 4:9

Ahoana no nanomezan’i Jehovah an’ilay izy?

Salamo 49:7, 8

Tsy afaka mandoa ny vidim-panavotana isika, satria aina lavorary no nafoin’i Adama.
Lioka 1:35

Nalefan’i Jehovah tetỳ an-tany ilay Zanany tena tiany. Lavorary izy rehefa teraka.
Romanina 3:23, 24; Hebreo 9:24

Niverina tany an-danitra i Jesosy rehefa natsangana. Nomeny an’i Jehovah ny vidin’ilay ainy lavorary mba ho vidim-panavotana.

“Hofafany ny ranomaso rehetra amin’ny mason’izy ireo, ka tsy hisy fahafatesana intsony.”—Apokalypsy 21:4

Inona ny soa azo amin’ny vidim-panavotana?

1 Jaona 1:8, 9

Hamela ny fahotantsika i Jehovah.
Hebreo 9:13, 14

Hihavana amin’Andriamanitra isika ka hilamina tsara ny eritreritsika.
Romanina 6:23

Afaka ny hiaina mandrakizay isika.
Galatianina 2:20

Ny vidim-panavotana no porofo hoe tena tia antsika i Jehovah sy Jesosy.

‘Nomen’Andriamanitra ny Zanany lahitokana mba hanana fiainana mandrakizay izay rehetra maneho finoana azy.’—Jaona 3:16

Ahoana no hisaorantsika an’i Jehovah noho izy nanome ny vidim-panavotana?

Jaona 17:3

Mianara momba an’i Jehovah sy Jesosy ary tahafo ny toetrany.
Lioka 22:19

Tongava manatrika ny Fahatsiarovana isan-taona.
Jaona 3:36; Jakoba 2:26

Ataovy izay asain’i Jesosy atao, satria tsy ampy ny miteny hoe mino azy.