HARENA AVY AO AMIN’NY TENIN’ANDRIAMANITRA | GENESISY 12-14
Fifanekena Iray Mahakasika Anao
Nanao fifanekena tamin’i Abrahama i Jehovah. Io fifanekena io no antoka tamin’izany fa tena hisy ilay Fanjakana any an-danitra
Tamin’ny 1943 T.K. no nanomboka nanan-kery ilay fifanekena, rehefa niampita ny Reniranon’i Eofrata i Abrahama mba ho any Kanana
Tsy hanan-kery intsony io fifanekena io rehefa horinganin’ny Fanjakan’ny Mesia ny fahavalon’Andriamanitra. Hahazo fitahiana mantsy ny firenena rehetra eto an-tany amin’izay
Notahin’i Jehovah i Abrahama satria tena nanam-pinoana. Raha manam-pinoana koa isika dia hahazo fitahiana, noho ilay fifanekena nataon’i Jehovah taminy. Inona ny sasany amin’izany fitahiana izany?