Fomba Telo Azonao Ampisehoana hoe Miantehitra Amin’i Jehovah Ianao

Nandresy an’i Goliata i Davida satria niantehitra tamin’i Jehovah izy. (1Sa 17:45) Te hampiasa ny heriny mba hanampiana ny mpanompony tsirairay i Jehovah. (2Ta 16:9) Ahoana no hampisehoantsika hoe miantehitra amin’ny fanampiany isika fa tsy amin’ny fahaizantsika na amin’ny traikefa ananantsika? Ireto misy fomba telo:

• Mivavaha matetika. Mangataha famelan-keloka raha nanao fahadisoana ianao. Mivavaha koa anefa mba hahazo hery rehefa misy fakam-panahy. (Mt 6:12, 13) Mivavaha mba hotahin’i Jehovah ny fanapahan-kevitra noraisinao. Mivavaha koa anefa mba homen’i Jehovah tari-dalana sy fahendrena alohan’ny handraisana fanapahan-kevitra.​—Jk 1:5

• Vakio sy ianaro tsy tapaka ny Baiboly. Vakio isan’andro ny Baiboly. (Sl 1:2) Makà fotoana hisaintsainana ny tantaran’ny olona ao, ary ampiharo izay nianaranao. (Jk 1:23-25) Aza matoky tena rehefa hanompo fa manomàna tsara ary manaova fikarohana. Omano koa ny fivoriana dia handray soa feno ianao

• Miaraha miasa amin’ny fandaminan’i Jehovah. Fantaro ny toromarika farany omen’ny fandaminana ary araho avy hatrany izany. (No 9:17) Araho tsara ny torohevitra sy toromarika avy amin’ny anti-panahy.​—He 13:17

JEREO ILAY VIDEO HOE TSY MISY ANTONY TOKONY HATAHORANA FANENJEHANA. VALIO IRETO AVY EO:

• Inona no natahoran’ireo rahalahy sy anabavy?

• Inona no nanampy azy ireo?