‘Aoka Hamirapiratra ny Fahazavanareo’

1. Ny fahazavantsika,

Aoka mba hiseho;

Hampisinda an’izay

Haizim-pito eo.

Ho toy ny masoandro,

Tsisy tsy iantefany;

Ny Soratra Masina,

Torio eran-tany.

2. ’Zay manaiky hihaino

Dia mba ampionòny,

Ka ny vaovao tsara,

Hanako ao am-pony.

Aleo izy hifidy

Raha tia ny mazava,

Fa ny fahamarinana,

Torio lalandava.

3. Ny fahazavantsika

Tsy hoe teny ihany,

Hatsaram-panahy koa,

Anehoana izany;

Fa ny asa tsara

Toy ny diamondra

Mampamirapiratra

An’ilay mitondra.