Misy Vokany Tsara ny Fitondran-tena Madio sy ny Fanajana Lalina

Efa nanambady ny vehivavy sasany vao lasa Vavolombelona. Raha tsara fitondran-tena izy, dia mety hanaiky ny fahamarinana ny vadiny. Mety hila hiaritra mandritra ny taona maro anefa aloha ilay anabavy. (1Pe 2:21-23; 3:1, 2) Miezaha handresy ny ratsy amin’ny tsara, raha iharan’ny tsy rariny ianao. (Ro 12:21) Mety hisy vokany kokoa noho ny zavatra lazainao mantsy ny zavatra tsara ataonao.

Miezaha hahatakatra ny heviny. (Fi 2:3, 4) Mahaiza mipetraka eo amin’ny toerany ary miezaha hangoraka. Ataovy tsara koa ny andraikitrao ao an-trano. Hajao izy ary henoy tsara. (Jk 1:19) Manàna faharetana, ary omeo toky izy hoe tena tianao. Mety tsy hanaja na ho tsara fanahy hoatr’anao ny vadinao. Tadidio anefa hoe faly i Jehovah mahita anao tsy mivadika.—1Pe 2:19, 20.

JEREO ILAY VIDEO HOE HANAMPY ANTSIKA I JEHOVAH REHEFA MAFY NY MAHAZO ANTSIKA, ARY VALIO IRETO:

• Nanao ahoana ny fiainan’ny Ranabavy Grace Li tamin’izy vao avy nanambady kelikely?

• Inona no nahatonga azy ho liana tamin’ny fahamarinana?

• Ahoana no niatrehany ny fitsapana nahazo azy taorian’ny batisany?

• Inona no nolazain’ny Ranabavy Li, rehefa nivavaka momba ny vadiny izy?

• Inona no fitahiana azony noho izy nanana fitondran-tena madio sy nanaja lalina ny vadiny?