7 Daoǁgaudi

NĒSA TAE-E RA ǂÂIBASEN

ǀGaugu ge sadu ra ǁhūi masigu, mâ ǀgaub ai du sado ra ûi ǂgaos diga. Aiǁgause dītsâ i du ra hoaǁae amaba ǃhoasa? Nē ǃgâi ǀgauga du ge sadu ǀgôana ra ǁkhāǁkhā ǂgao.

ǀGaugu ge daoǁgaude ǃkhōǂgā hâ. Aiǁgause khoe-i hîna ǃgâi daoǁgaude ūhâ i ge ǃgari sîsen-ao. Tsî nau khoena ǃgâi ǀgaub ǃnâ ra hâ-ū​—Khoe-i noxoba a ǂkham hîna nē ǀgauga ūhâs ge kaise a ǃgâi.

ELOBMÎS DAOǁGAUDI: “ǀGôaba ǂguro ge tsoatsoana ǁkhāǁkhā, ǁîb di daob nî ī xase; tsî kairab ka, xaweb ge ǁîna xu ǁgôa tide.”​—ǂKhoamîdi 22:6, ǀamiros.

TAE-I ǃGAO I A ǂHÂǂHÂSA

Nē texnoloxib ǁaeb ǃnâ i ge daoǁgaude kaise a ǂhâǂhâsa. “ǃGâi tama ǂkhabadib xūn ge sadu selfongu ai a hōhe ǀkhā māǁaeb hoab ai” tis ge mamas Karyn tira ǂaihesa ra mî. “Sim ǀgôan ge sim ǀhūse ǂnû tsî ǁgai xūna ra kō”

ELOBMÎS DAOǁGAUDI: “kaiǀoa hân,. . . ǁîn ǁnaetiba xu, mâ-i a ǃgâi tsî mâ-i a tsūsa ǀgoraǃā ǁkhā ǂâide ūhâna”​—Hebreǁîn 5:​14.

Daoǁgaudi ge kaise a ǂhâǂhâsa. Nēs ge ǂkhari xūrona ǃkhōǂgâ ha (aiǁgause “toxoba” ti mîs tsî “gangans” ti mîs tsîna) tsî nau khoena tsâbas​—khoen di ǁgauoǃnâsib xan ge ǀnî khoena selfongu tsî internets ai xūn ǃnâ ǃgâiǃgâibasensa ge omkhai tsoatsoa.

ELOBMÎS DAOǁGAUDI: “Tsî khoen nî sado dī-ū, ti du ǂgao hâs ǁkhās khami sadu ona ǁîna dī-ū.”​—Lukab 6:​31.

TAE-E DU NÎ DĪ

Elobmîs daoǁgaude sadu ūhâde ûiǂgui re. Aiǁgausen ,ge ôaǃna–aona ra mî ǂkham khoen ga ǃgamme tamase ǁgoe ūgus di haisi-ams, ǂkhânu tamasa ga ǁnâu o, on ge ǁnâsa ra ǂanǃgâ.

ǀAPEDI: I ge xū-e ǃhoaǃgao re hîna daoǁgaude ǃkhōǂgā hâ-e. Aiǁgauseb ga ǂhôaǂkhanib ǃnâ, ǂkhabadīb xa ǃhoahe o, o du ge a mî ǁkhā: “Kaise i ge a ǁgai ǀnî khoen ǁîn ǀgaiba nau khoen ǃoagu ra ūǂgui ǀgausa. Mati du ra tsâ khoe-i ga ǁnati i o?”

“ǀGôan ge kaise a ǃgombahe ǃgâin tsî tsū xūn ǁaegub ǃnâ ǀgorasa. ǁÎn ga ǀū o tae-i ǃgâi tsî tae-i a tsūsa.”​—Brandon.

Daoǁgaude ǁkhāǁkhā re. ǂKhariro ǀgôaron tsîn ge a ǁkhāǁkhāsen ǁkhā “toxoba”,tsî “gangans” di mîsa. Tsî nau khoena ǃgôasiba ǁgausa. “ǀGôan ga mû o, ǁîn tsîn kai ǃgâba ra ǀhurusa nē xūn ǃnâ​—ǀaokhoen, skoli, ǀhaohâb​—nē daoǁgauden ga ǁnâuǀnam o, on ge khoexasiba hoa khoen ǃoagu ra ǁgau ǁîn ǀguin ose” dis ge ǂkhanis Parenting Without Borders sa ra mî.

ǀAPEDI: ǀGôana oms tsî ǃaugab ai sîsen-e mā re, în ǃgôaǃgâxasiba nau khoena ǁgau.

“Sadu ǀgôan ga nēsi omsi sîsensa ǂan o, on ge ǀgurin gasī hâ o ǃao tide, sîsene dīsa. ǃEreamsa tanis ge ǀnai nî ǁîn di ûib ǃâ kai.”​—Tara.