Elob ǂâibasensa a tae sada ǀkha?
ǂHÔAǂKHANIBA du ga khomai, ai-īsiǂhôaǂgaresa du ga kē, tamas ka io ǂhôaǂgaresa ǃgâo, o du ge mû tsî ra ǁnâu ǂgui ǂhôana tsūdīb, torogu, tsî teroresmeb tsîn xa. ǀNîsi du ge ǃgomsina ūhâ, ǀaeb tamas ka io sadu ǀgūkhoe-e go ǂoaǃnâ ǁōb ǃnâ.
Dîsen re:
Nēsa Elob ǂhâba hâsa tita tsî ti omaris ǀkha?
Huiba ta mapa hōǁkhā ûib di ǃgomsin ǃaroma?
Ama ǂkhîba xare hâ i nî?
Elobmîs ge amaba ra ǁgau nē dîdi ǃaroma.
ELOBMÎS GE RA ǁKHĀǁKHĀ ELOB NÎ DĪ BURUXA XŪNA NĒ ǃHŪBAIB AI.
Khoen ge tātsēs tsîna tsû-e hōǃâ tamas ka io kaira tsî ǁō tide.—ǂHaiǂhais 21:4
“ǁNāǃnubaib ge ǃhoraba ǁkhamab khami nîra uri.”—Jesajab 35:6
“ǁNāǃnubai di ge ǂgī hân di mûde nîra khowahe.”—Jesajab 35:5
ǁÔ hân ge ûiba ǃoa nî ǂkhaiǂkhaihe.—Johaneb 5:28, 29
Khoe-i xare-i ge ǀaesen ta hâ ti mî tide.—Jesajab 33:24
Khoen ǃhūbaib ai hân ge ǂgui ǂû-e nî ūhâ.—Psalmdi 72:16
ǀAMA RE ELOBMÎS RA ǁKHĀǁKHĀNA XU
Kaise i ge nî supu ǂâisa nē du tsoatsoas ǃnâ ra khomai ǀoro ǂhawegu nē ǂkhanis digu ǀnîsi ǁhapos ǀguisa isa. Xaweb ge Eloba mîmâi hâ ǀkharaǀkharanab nî dī nē ǃhūbaib ai tsî Elobmîs ge ra mîǃā matib nēsa nî dīsa.
Elobmîs ge nēs xa ǃnāsase ra dī. ǁÎs ge ra mîǃā taena da nî ǂansa î da ǂkhîb tsî ǃgâiaǂgaob ǃnâ nēsi ûi. ǂÂiro re xūn hîna ra ǂâiǂhansen kai du na. Nēs ge mari ǃgomsin, omaris ǃgomsin, ǀaeb tsî ǀnam da hân ǁōb tsîna ǃkhōǂgā hâ. Elobmîs ge nî hui du î du nē ǃgomsiga tani ǁkhā tsî nî ǁkhaeǂgao du sao ra dîdi ai:
Mati i io da ǃgomsina ra tsâ?
Mati da ûib di ǃgomsina a tani ǁkhā?
Sida omarisa ǂkhîba ūhâ ǁkhā-e?
Tae-e ra ī sada ǀkha ǁō da ga o?
ǀNam da a khoe-i ga ǁō o ǁkhaba ǁî-e mû î da nî?
Tae-i ǃaroma da kai ǂgomǃgâba a ūhâ ǁkhā Elob mîmâib ge xūna nî dīsa?
Nē ǂkhanisa du ra khomai ǃkhais ge ra ǁgau Elobmîsa du ra ǂanǂgao ǃkhaisa. Nē ǂkhanis ge nî hui du. Nēba di ge xoaǀgorade hâ dîde ūhâ de, hui du nî de Elobmîsa ǁnâuǃāsa. Miliundi khoen ge ra ǃgâiaǂgao Elobmîsa Jehovab di ǀHûǀguitimî-aon xa ǁkhāǁkhāhesa. ǃÂubasen da ge ra sadu tsîn nî ǃgâiaǂgaosa. Ab Eloba ǀkhae du Elobmîsa du ra ǁkhāǁkhāsen hînaǃ