Desemberi

Jesub ge ǁîb ǁkhāǁkhāsaben ǀkhab ge ūhâ i ǀhōsagusisa. ǃÛi-aob tsî ǁîb gūn ǁaegu hâ. ǀGū ǀhōsagusis ǀkha ge ǀgōpeǀnō. (Jhn. 10:14) ǁNā ǀgopeǀnōs ge a ǃgâi. Gūn ge ǁîn ǃûi-aoba a ǂan. Tsî ǁîb di domma ra ǃgâ. ǃNarimâra-aob ge nēsa ge a mû. ǁÎb ge gere mî: “Khoen ge gūn ǀkha fotosa gere ǃkhō ǂgao. Tsî gere dī în ǁîn ǀgūse sī. Xawen ge sida ǃoa ge ǀkhī tama hâ i. Sida domman a ǀū amaga. Tsîb ge ǂkham gū ǃûi-aoba ge ǀkhī. Tsî ǁîna ge ǂgai, on ge ǁîba ge sao tsoatsoa.” Nē ǃnari-aob aiǁgaus ge, Jesub mîdi xa ra ǂâi kai da. ǁÎb gūn tamas ka io ǁkhāǁkhāsaben xa hâde. ǁÎb ge ge mî: ‘Tsîn ge ti domma nîra ǃgâ.’ Xawe Jesub ge ǀhommi ǃnâ hâ. Mati da ǁîba ǃoa da ra ǃgâ ti a mî ǁkhā? ǂHâǂhâsa ǀgaub ǁîba da ra ǃgâ ǃkhaisa ǁgaus dib ge. ǁÎb ge ǁkhāǁkhā da xūna, da ga dī o.—Mat. 7:24, 25. w21.12 16 ¶1-2

ǂGurob ge apostel Pauluba ge ǃgari dana i. Tsî Xristeǁîna gere ǃgôaǃgon. Xaweb ge ega ǁîb di ǃnubusiga ge ǂanǃgâ. Tsîb ge māsenxase ǁîb di ǂūba ge tawa. (1Tim. 1:12-16) Jehovab huib ǀkhab ge Pauluba ge ǀnamxaǃnâ, ǀkhomxaǃnâ, ǃgamǃgamsenxa ǀhaohâb ǃûi-ao kai. Xaweb ge gere ǂgom, Jehovab ǁîba nî ǀûba ǃkhaisa. (Rom. 7:21-26) ǀOasa kurusab ūhâ tib ge ge ǂâi tama hâ i. Xaweb ge ǃgarise sîsen tsî ǁîb Xristeǁî ǀgauba ge ǀkharaǀkhara. Tsî ǃgamǃgamsenxase Jehovab ai ge ǂgomaiǂnûi. Îb ǁîb sîsengu ǀkha huihe. (1Kor. 9:27; Fil. 4:13) ǀHaohâb ǃûi-aogu ge ǀoasa kurusagu ūhâ, amaga ǁgaumâihe tama hâ. Xaweb ge Jehovaba ǁîga xu ra ǂgaoǀkhā. Î gu ǁîgu dīsāde ǂanǃgâ tsî Xristeǁî ǀgauga omkhai. (Efe. 4:23, 24) ǀHaohâb ǃûi-aob ge Elobmîsa nî sîsenū. Tsî ǁnās xa nî huihe îb ǀkharaǀkharana dī. ǁNāsab ga dī, ob ge Jehovaba nî hui bi. Îb ǂkhî tsî ǃgâi ǀhaohâb ǃûi-ao kai.—Jak. 1:25. w22.03 29-30 ¶13-15

Tae-e da nî dī nau ǃgâse-e da ra. ǀGoraǃgâ tsoatsoa ǃkhaisa da ga mûǂan o. ǂÂihō re sada ǃgâsana da nî ǀnamsa. (Jak. 2:8) Tsî da ge Jehovaba ǃoa ǂgaob ǃgâmsiba xu nî ǀgore. Îb huida î da sada ǃgâsana ǀgoraǃgâ ǀû. Sada ǀgoredi ǃoagu sîsen. Tsî da ge sada ǃgâsan hîna da ra ǀgoraǃgân ǀkha ǁaeba nî ūhâ. ǁÎ-e da ge a ǂgan ǁkhā î i sada ǀkha. Aoǁnâ sîsenni ǃnâ ǂoa tamas ka io ǂûǀhao. Sada ǃgâsa-e da ra ǃgâise ǂan khami da ge. Jehovab tsî Jesub tsîn di aiǁgausa a ǁgae ǁkhā. Tsî ǃgâina ǁîn ǃnâ a mû ǁkhā. Nē ǀgaub ai da ge ra ǁgau. ǃGâi ǃûi-aoba ǃoa da ra ǃgâsa. Tsî da ǀgoraǃgâ tama hâsa. Ama gūn ǁîn ǃûi-aob domma ra ǃgâ. ǁKhās khamin ge Jesub saosabena ǁîb domma ra ǃgâ. Nēsi da ga “ǂkhari gūron” tamas ka io “ǀnî gūn” di ǃâ. Xawe da ge ǃgâi ǃûi-aob di domma ǃgâ tsî nî ǁnâuǀnam.—Luk. 12:32; Jhn. 10:11, 14, 16. w21.12 19 ¶11; 21 ¶17-18

Rehabeammi ge Israelǁaes di gao kai. On ge khoena ǁîb tawa ǂgan i ǀkha ge sī. ǁÎn ge ge ǂganbi îb ǁîb ǁgûb. Salomob gere ǂgaoǀkhā nî xūna ǀoroǀoro, khoenab ra ǂgaoǀkhāna. Rehabeammi ge ǃgâi xū-e ge dī. Tsî ǁnās ǀkha Israelǁaes di kaikhoega ge dî. Matib nî ǁîba khoena ǃeream ǃkhaisa. Nē kai khoegu ge gao-aoba ge ǀapemā. Khoen ra mî xū-eb ga dī o. O gu ǁîba hoaǁae nî ǂkhâǃnâ ǃkhaisa. (1Gao. 12:3-7) Mûsen i ra ǀgaus aib ge Rehabeamma ge ǂkhî tama hâ i. ǀApemās hînab ge hōs ǀkha. Tsîb ge ǁnās ǃaroma khoegu hînab ge a ǀguiba kai ū gu tawa ǀapemāsa ge ôa. ǁÎgu ge ge ǂkhâǃnâbi îb noxoba ǃnāsa xūna khoena xu ǂgaoǀkhā. (1Gao. 12:9-11) Rehabeammi ge Jehovaba ǃoa ǀgore tsî ga dî hâ. Mâ ǀapemāsab nî saosa. Xaweb ge ǂkhamkhoe ga ge ǃgâ. Tsî ǀamǂoas ge kaise ge ǁgai i, Rehabeammi ǃaroma. Tsî khoen Israelǁaes din ǃaromas tsîna. Xawe sida ǃâb ai i ge ǀnîsi ǀapemās hîna da ra hōsa. Hoaǁae da ra sida ǁnâu ǂgao ǀapemā tide. Xawe i ga Elobmîs ai ǃgaoǃgaosa o. O da ge nî ūǃoas ge. w22.02 9 ¶6

Khoe-i hîna a ǃgamǃgamsenxa-i ge. ǂKhamkhoe-i ūhâ tama hâ ǂans ai kō tama hâ. Xawe ǁî-i di ǀgaib ai ra kō. ǁÎgu ge ǁîna ǀnûgu-aon ase mû tide. Xawe sîsenǁae aon ase nî mû. Kaira ǃgâsan ge ǂkham ǃgâsana. Jehovaba xu hâ ǀkhaeb ase ra mû. Tsîn ge a ganganxa ǂkham ǃgâsan a dī ǁkhā xūn xa. ǁÎn di ǀgaib ga ra ǂkhabu. On ge kaira ǃgâsana kaise ra gangan. ǀGaiba ūhâ ǂkhamkhoen māsenxase. ǁNā ǂhâsib hîna ǀhaohâb ǃnâ hâba a dīǀoaǀoa ǁkhāsa. Elobmîs ǃnâ i ge Naomisa a ǃgâi aiǁgau. Kaira khoe-i hîna ge ganganxase. Huiba ǂkhamkhoe-e xu a ūǃoas diba. ǂGuroses, ge Naomisa ǁîs di ǃoaǀgôas. Rutsa ge mîba îs ǁîs di khoena ǃoa oa. Xawes ge Rutsa ge ǂhā Naomisa ǁnāxusa. Tsî ǁîs ǀkha Betlehemsa ǃoa ge oa. Naomis ge kaise ge ǂkhî i Ruts ge ǁîs ǀkha ī ǃkhaisa. Tsîs ge huiba Rutsa xu ge ūǃoa. (Rut. 1:7, 8, 18) Tsî ǁnās ge hoa ǀgam khoera. ǃAroma kai ǀkhaeb ase ge i. (Rut. 4:13-16) Kaira ǃgâsan hîna ǃgamǃgamsenxan ge. Naomis aiǁgausa ra sao. w21.09 10-11 ¶9-11

Sida di ǀhomsi ǁGûb ge, mâ khoe-i hoa-i di mâsiga ra ǁnâuǃā. ǀNîsi du ge ǂgui xūna a dī ǁkhā ǂan tsî du a ǀnam khoen xa. Tamas ka io du ge ǀnîsi ǀorose naun xa a dī ǁkhā. ǀNîsi kurin, ǂurusib tsî omaris di mâsib xa ǃaromahe hâse. Tā ǂkhabuǂâi re. (Gal. 6:4) Jehovab ge sadu sîsen-e tātsē ǀuru tide. Aiǃgû tsî du ga ǁkhā du a i hoa-e ǁîba mā o. ǃGâi ǃaromas ǃgao du ga ǁnāsa dī, ob ge kaise nî ǂkhî. Jehovab ge sadu ǂgaogu tae-e ra dī ǂgaos tsîna a ǂan. ǁÎb ge ra ǂhâba î du ǂkhî tsî ǃgâise tsâ sadu di ǃoabas ǃnâ. ǃGâi ǃaromasa da ge ūhâ, ǀnamxaǃnâ ǁGûba da ra ǃoaba amaga. Hîna “ǂkhaisib tsî ǃgôasib . . . tsîna māhesa” anu hâba ǁîb kuru hâ xūn hoan xa.—J.ǂHa. 4:11. w22.03 24 ¶16; 25 ¶18

Jesuba da ge ra ǁgae ǂgao, xawe da ge tā nî ǂkhabuǂâi. Jesuba da ga ǀoasase ǁgae hō tama io. (Jak. 3:2) ǃOm kuru-ao i ge tātsēs tsîna ǀoasase. ǁÎ-i di ǁkhāǁkhā-ao-i di sîsen-e a ǁgae ǁoa. Xawe i ǁî-i di dīsade xu ra ǁkhāǁkhāsen hîna. Î ge nî ǁgae hō ǁkhāǁkhā-ao i di sîsen-e. ǁNās khami da ga, aitsama Elobmîsa ôaǃnâsa xu da go ǁkhāǁkhāsen xūna dī o. Tsî ǁkhā da a ǀgaub hoab ai dīsadi hîna da dī hâde gara dī-ūnu o. O da ge ǀoasase Jesub mâiba da hâ aiǁgausa a ǁgae ǁkhā. (Psa. 119:59) ǂGui khoen hîna nē ǃhūbaib ǃnâ. Nētsē hân ge a ǁîn xa ǀgui ra ǂâi. Xawe Jehovab di ǃoaba-aon ge ǁnā ǀgauba ūhâ tama hâ. Sida hoada ge Jesub di māsenxasib xa tsâǀkhāhe hâ. Tsî da ge ra ǁgūtsâ î da ǁîb di aiǁgausa ǁgae. (1Pet. 2:21) ǁKhā da a ǀgaub hoab ai da. Jesub di māsenxa ǀgauba ra ǁgae hîna da ge nî hōǃâ. ǂKhîba Jehovab di ǂkhâǃnâsa da ūhâ ǃkhais ǃaroma. w22.02 24 ¶16; 25 ¶18

ǀGui ǀgaub Jehovab ǁîb khoena daoǁgausa ra mās ge, Elobmîs ǃnâ-ūsa. ǁAeba ū tsî da ga Jehovab ra ǁkhāǁkhā da xūna ǂâiǃgâ. O da ge ǁîb di daoǁgaude a sao ǁkhā. Tsî sada aoǁnâ sîsen-e ǃgâise nî dī. (1Tim. 4:15, 16) ǀNî hâ ǀgaub Jehovab daoǁgausa ra mā dab ge. “ǂGomǂgomsa tsî gā-ai ǃgāb” ǃnâ-ūsa. (Mat. 24:45) ǀNî ǁaegu aib ge gā-ai ǃgāba. ǁNâuǃā tama da hâ daoǁgaude a mā da ǁkhā. Aiǁgause, da ge sada ǂharis ǃnâ nî ī di da ǂâi tama hâ. Daoǁgaude a ǃkhōǃoa ǁkhā hîna. Tsūkēǃgâgu ǃgao nî aiǂhomi da na. Tae-e da nî dī māhe da hâ daoǁgaudi gā-ai tama di da ga ǂâi o? ǂÂi re Elobmîs ǃâgu hîna da ra khomai gu xa tsî da ge a ǂâiǃgâ ǁkhā. Xawe ega ǁîn ûiga gere sâude.—ǂHǂh. 7:7; 8:10. w22.03 18-19 ¶15-16

ǀOasa ǂgomǃgâsib ǀkhab ge Jesuba nētsēs di mîde ge mî. Jesub ge ge ǂan i ǁîb di hāniǁaeb Jehovab xa ǀgui nî ī ǁkhā kaihesa. Tsîb ge ǁîba ge ǂan i ǁîb ǁgûb nî ǂâi hōbi ǃkhaisa. Tae-e da Jesub ge mî mîde xu a ǁkhāǁkhāsen ǁkhā? Māsenxase sadu ûiba Jehovab ǃomman ǃnâ mâi re. ǁNāsa dīs ǃaroma da ge nî ‘ǂgomaiǂnûi ǃKhūb ai sida ǂgaob hoab ǀkha’ (ǂKhm. 3:5) Joshua di ǀon hâ ǃgâsab 15 kurixab di aiǁgausa kō re. Hîna ǁkhōǁkhōsa ǀaeba ūhâba. ǁÎb ge ǀaeǃkhōs hîna Jehovab di ǂhanuga nî khôasa ge ūǃoa ǂgao tama hâ i. ǁŌb nîs aiǃgâb ge ǁîb di mamasas nēti ge mîba: “Ti ma Jehovab ge nî kōǃgâ te. Nēsa ta ge a mîba du ǁkhā ti ma ǀgaisa ǂgomǃgâsiba ta ge ūhâ. Jehovab nî ǁōba xu ūkhâi te ǃkhaisa. ǁÎb ge ti ǂgaoba ra khomai, tsî ta ge ǁîba amabes ǃnâ a ǀnam.” Hoada ge nî dītsâ i da dîsen, ‘ǃaoǃaosa mâsib hîna sida ǂgomsa ra ǃâitsâb. ǃNâ da ga ǂgâ o, o da sida di ûiba Jehovab di ǃomman ǃnâ nî ǁnāxu. Tsî ǂgomǃgâ ǁîb nî ǂâi hō da ǃkhaisa?’ w21.04 12-13 ¶15-16

Jehovab ǃoaba-aon ge aoǁnâ sîsenni xa ra ǀgaiǀgaihe. Sida ga Elobmîs di amaba nau khoen ǀkha ga ra ǀgoragu o. O da ge ǃgâise ra tsâ khoen ga ǃgâ tamas ka io ǃgâ tama i xawes tsîna. ǁÎn ūhâ mâsigu ǃoagun ge ǀnîna a tsâ ǁkhā. ǁÎn ǃnāsase aoǁnâ sîsen-i ǃnâ a dī ǁoasa. Sadu tsîn ga ǁnāti ga ra tsâ o. ǂÂi hō re Jehovab ge ǁkhā du a e du ga dī o. O kaise a ǂkhî. Jehovab ge a ǂan aoǁnâ ǂgao da ra sa. Xaweb ge ǁnās ǀkhas tsîna ǂan omsa xu da a ī ǁoasa. ǀAegu xa ǃaromahe hâse. ǁNā-amagab ge huiba mā da ǁkhā. Î da ǁnān hîna ra sida kōǃgâ dana aoǁnâba ǁkhā. Aiǁgause dokterna ǃkhōǂgā hâse tamas ka io ǀaeǃkhōsa ra mā da khoena. Sada aoǁnâ sîsen-e da ga nîsi da ra dī i. Tsî ǃkharu ge ǁaeb ǃnâ da gere dīn ǀkha ga ra ǀgopeǀnō o. O da ge a ǂkhabuǂâi tsoatsoa ǁkhā. Xawe da ga ra mûǂan o matib Jehovaba ra hui dasa. O da ge ǀgaiba nî ūhâ î da ǃgomsin hîna da ra hōǃâna ǂkhîb ǀkha mâǃkharu. ǀŪ da ge a mâ ǃkhoms amab dis nî nî ǃnomaga hō tsî ǂoaxa ǃkhaisa.—Aoǁn. 11:6. w21.05 24-25 ¶14-17

Xūǃgunuxasib ge Gao-aob Daviba ge ǀūru kai. Jehovab ge ǁîba a mā xūna. ǃKhūsib, ǂguin xa ǂanhes tsî ǂgui dandi khākhoega xus. Xaweb ge ǁîb tsîna ǂanǃgâ tsî ge mî. Elob di ǀkhaeb ‘ǃhoab nîs ǂamai a ǂguisa.’ (Psa. 40:5) Xaweb ge ǀgui ǃnās ai ge ǀūru. Jehovab ge ǁîba mâ hâ i e. Davib ge ǂgui tarade ūhâ i xaweb ge ǃgâi tama turaba. ǀNî hâ khoeb di tarasa ge omkhâiba ǁîb di ǂgaob ǃnâ. Nē taras di ǀons ge ge Batseba i. ǁÎs di aob di ǀons ge ge Uria i Hetiǁîba. Davib ge ǁîb xa ǀgui gere ǂâi. Tsî Batsebas ǀkha sorosise ge ǂharugu. Tsîs ge ǁîsa ge ǀgamǀā. Davib ge dī i ge kaise ge ǁgai i. Xaweb ge ǁnā i xa kaise kai xū-e ge dī. ǁNās ge Uriaba ǃkham kaisa. (2Sam. 11:2-15) Daviba tae-e gere ǂâi? ǁÎba ge ǂâi hâ i Jehovab mûbi tama hâ di? Davib ge Jehovaba ǂgomǂgomsase ǃoaba hâ i. Xaweb ge ge xūǃgunuxa tsoatsoa. Tsî nēs ge ǂgui ǃgomsina ge ǃaroma. Xaweb ge ega Daviba ǁîb di ǁorena ge ǁguiǁnâ tsî ge ǃhōbasen. ǁÎb ge kaise ge ǃgâiaǂgao hâ i Jehovab ge ǀûbabi o.—2Sam. 12:7-13. w21.06 17 ¶10

ǀNîsi da ge a ǂâi ǁkhā Elobmîs ǁkhāǁkhāsa da mā hō tide di. ǀNîsi da ge ra tsâ ǃnāsa ǂans. Tsî ǁkhāǁkhā ǀgauba da nî ūhâsa. ǃGâi ǁkhāǁkhā-ao kai ǂgao da nîs ga o. Khoe-e ra ǁkhāǁkhā-e. O ǃnona xūna kō re. Hîna a hui da ǁkhāna. Î da nau khoe-e ǁkhāǁkhā. ǂGurose, Jehovab ge khoena da a ǁkhāǁkhā ǁkhāsa a ǂan. ǀGamǁîse, Jesub hîna ǀhommi. Tsî ǃhūbaib ai ǀgaiba ūhâb ge ra mî, î da ǁkhāǁkhā. (Mat. 28:18) Tsî ǃnonaǁîse, da ge sida ǃgâsan ai a kō ǁkhā, huib ǃaroma. Jesub ge ǁîb di Pab ge ǁkhāǁkhā bi. Îb mî xūn ai ge ǂgomǃgâ hâ i. Tsî da ge sada tsîna ǁnāsa a dī ǁkhā. (Jhn. 8:28; 12:49) ǀNîsi da ge aoǁnâ sîse-e ra mûǂam ǃgâsaba a dî ǁkhā. ǂAnsa ūhâ aimâba-ao-e. Tamas ka io ǂansa, ūhâ aoǁnâ-ao-e a dî ǁkhā. Mati i, ǁî-e a hui da ǁkhāsa. Î da Elobmîs ǁkhāǁkhāsa tsoatsoa. ǀGui ǀgaub hîna da a ǃgâi ǁkhāǁkhā-ao kai ǁkhāb ge. ǀNî ǃgâsan ra Elobmîsa ǁkhāǁkhā ǁaeb ai. ǁÎn ǀkha ǀguiba sîsensa. w21.07 6 ¶12

Nē ǁgai ǃhūbaib di xūn hoan di ǀams ge go ǀgū. Tsî da ge ǁnās ǀkha Jehovab ra xūna di ǀgaub ǃnâ, ǂgomǃgâsiba nî ūhâ. Tae-i ǃaroma? Kai ǁgaiǀāb di ǁaeb ǃnâ da ge. Daoǁgaudi hîna da ǃgâise ǁnâuǃā tama. Tamas ka io ǃgâise ǀōba da tama de nî hō. Ama as ge Jehovab mâ ǀguiǀguibe i hoa-i ǀkha ǃhoa tidesa. ǁÎb ge ǁnā daoǁgausa ǁgaumâib hâ. ǃGâsagu ǃnâ-ū a dī ǁkhā. ǁNāb ge ǁae tide ba ǀgam ǃnāra da daoǁgaus hîna māhe hâs xa nî ǂâisa. Tamas ka io ǀnîsi a ǂâi tsoatsoa ǁkhāsa. ‘Nē daoǁgausa amabes ǃnâ Jehovaba xu i ra ǀkhī. Tamas ka io ǁgaumâisa ǃgâsaga aitsama nē mîǁguiga ra dī?’ Jehovab tsî ǁîb ǀapeǂhumis ǃnâ du nî ǂgomǃgâ ǁnāti i ǂhâǂhâsa ǁaeb ai? ǁNā ǃereams ge nētsē da ra hō daoǁgaudi ǃoagu da ra tanisen. ǀGauba xu a ǃereamhe ǁkhā. Sadu ga daoǁgaudi hîna da nētsē ra hō de. Māsenxase du gara ǁnâuǀnam o. O du ge ǁnās tsîna kai ǁgâiǀāb di ǁaeb ǃnâ a dīhō ǁkhā. w22.02 6 ¶15

Jehovab ge Gideonni tsî ǁîb di 300 khoegu tsîna ge a hui îgu toroba dan. Hîna ga ǁîga ǀgapiǂâixa kai hâ-e. Efraimmi ǃhaos khoegu ge Gideonni ǀkha ge ǀhao tama hâ i. Î gu ǁîba koa xawe ǁîb ǀkha gere ǂkhaba. ǁÎgu ge ge tsûaǂgao, Gideonni ge ǁîga ǁkhau tama hâ io. Î gu Jehovab di khākhoena sī ǃkham-ū. (ǂHǂh. 8:1) Gideonni ge ge ǂanǂan. Matib ge Jehovaba ǁîna a huisa în kai xūna dī. Nē mîde gu ge ǁnā khoega ǁnâu o. O i ge ǁîgu di ‘ǁaiba ge toa.’ (ǂHǂh. 8: 3) Gideonni ge māsenxase ge ǃgamǃgamsen. Îb ǂkhîba Elob di khoen ǁaegu hâ. Efraimǁîna xu da ge ra ǁkhāǁkhāsen, î da tā sida xa ǀgui ǂâi. Xawe sida ǂâisa Jehovab ai nî ǂnûisa. Oms danagu tsî ǀhaohâb ǃûi-aogu tsîn ge. ǂGui xūna Gideonna xu a ǁkhāǁkhāsen ǁkhā. ǃGâsa-i ga sago dī hâ xū-i ǃaroma ga ra ǁaixa o. O ǃgâsa-i di mûǂuiba xu xūna mû re. Tsî Oms danagu tsîn ge ǁnāsa nî dī. ǁNā ǃgâsa-i tamas ka io omaris khoe-e koa re. ǁÎ-i dī hâ ǃgâi xūn ǃaroma. ǁNās ge ǃgamǃgamsensa sida ǀkhāba xu nî ǁgau. Xawe ǂkhîba ūhâs ge kaise a ǃgâi. ǃGamǃgamsen tama is xa. Tsî ǁgausa sida a ǂhanusa. w21.07 16-17 ¶10-12

Jehovab ge ǃgôasib ǀkha ge sîsenū da. ǁÎb ūhâ ǀgaugu ǀkhab ge sida a kuru o. Elob īsib ǃoa da kuruhe hâ. Amaga da ge ǁîb di ǃgâi ǀgauga. Omkhâi tsî a ǁgauǂui ǁkhā. Aiǁgause ǀnammi, ǀkhomxaǂgaosib, ǂgomǂgomxasib. Tsî ǂhanu-aisib tsîna. (Psa. 86:15; 145:17) Nēti i ǀgauga da ga omkhâi o. O da ge Jehovaba ǃgôasiba ra mā. Tsî ra ǁgau ǁîba da ra gangansa. (1Pet. 1:14-16) Sida ǀhomsi ǁgûba ra ǂkhî kai. ǀGaub ǃnâ da ga tanisen o. O da ge ra ǃgâiaǂgao. Jehovab ǀgauga da ūhâ amaga da ge. ǁÎb omaris ǃnâb ǂhâba hâ khoen khami a ī ǁkhā. Jehovab ge ǀō-aisa omsa aiǂhomiba da hâ. ǂGuro khoebab nî kurus ai ǃâb ge. Jehovaba ǃhūbaiba khoena ge aiǂhomiba. (Job. 38:4-6; Jer. 10:12) Jehovab ge ǃgâi tsî a māxa. ǁNā-amagab ge ǂgui ǃgâi xūn. Hîna ra ǃgâiaǂgao kai da na ge kuruba da. (Psa. 104:14, 15, 24) ǁÎb ge ǁaeba ū tsî ge ǂâiǃgâ kurub ge xūn xa. Tsî ge mû “ǃgâi i a ǃkhaisa.”—Gen. 1:10, 12, 31. w21.08 3 ¶5-6

Hoada ge aoǁnâ tsî ǁkhāǁkhāsabedīs ǁgaumâisa ūhâ. (Mat. 28:19, 20; Rom. 10:14) Sadu ǂansa du nē ǂhâǂhâsa. Sîsen-i ǃnâ ra ǀāǀā ǂgao? Khomais tsî ǁkhāǁkhās ǃnâ ǁguiǂgāsens ǂkhaniba khomai re. Tsî ǁnāpaxu mîǁguigu hîna a hui du ǁkhā ga dī re. ǁKhāǁkhāsen du go xūn xa. Mîǁguiga du ga dī ǂgao o. O du ge tā kaise ǂhâǂhâsa mîǁguiba nî ǀuru. ǁNāb ge Eloba ra ǂkhî kai ǀgauga ūhâsa. (Kol. 3:12; 2Pet. 1:5-8) Hoada ge kaise Jehovaba nēsi da ra dīs xa. ǃNāsase dībasa ra ǁkhōre. Elob ǀasa ǃhūbaib ǃnâ da ge ǁîba ǀoasase a ǃoaba ǁkhā. ǁNā-amaga da ge nēsi da a dī ǁkhā i hoa-e nî dī. O da ge sida ǃgâiaǂgaob ai a ǀaro ǁkhā. Tsî ǂâiǂhansendi tsâsiga a ǀoroǀoro ǁkhā. Tsî kaise ǂhâǂhâsa i ge ǃgôasib tsî koas. Tsîna da ge Jehovab ai nî ǀkhī ū. Sida di “ǃgâiǃō hâ Elob” ai. (1Tim. 1:11) ǁNā-amaga a da ǃgâiaǂgaoba hō re. Aiǂhanugu hîna da ūhâ gu ǃnâ. w21.08 25 ¶18-20

Jehovab di ǃoaba-ao i ase du ga kai kaihe o. O du ge ǂkhamsisa xu Jehovab xa ge ǁkhāǁkhāhe. Kuru-aob a ǃkhaisa tsîb ǃgâi ǀgauga ūhâsa. Tsîb ǃhūbaiba paradais ǃnâ ra dī ǂgaosa. (Gen. 1:1; ǃNǃkh. 17:24-27) ǂGui khoen ge ǂgom tama hâ Elob hâ ǃkhaisa. Tamas ka iob ge hoa xūna a kurusa. Xawen ge ra ǂgom ûib ge di ǀgui a hāsa. Tsî aitsama ûib di xūna xu a kurusen ǃkhaisa. ǀNî khoen hîna ǀgapi ǁkhāǁkhāsensa. Ūhân ge nēti i ǂâiǀgauba ūhâ. ǁÎn ge ra mî kurus ǂans ra ǁgausa Elobmîs ǂhanu tama hâ di. Tsî i Kuru-aob ǃnâ ǂgomsa gâre ǂhabusa. Tsî ǃhaese ra ǂgaeǂhabuhe khoen di. Matikō gaxuse da ga Jehovaba ǃoaba xawe. Da ge sida di ǂgomsa nî ǀgaiǀgai ǀgara. Nēsa da ga dī o, o da ge ǂgaeǂhabuhe tide. Khoen ga Elobmîs ama tama hâ di mî o.—Kol. 2:8. w21.08 14 ¶1-3

Abeli, Noaxi, Abrammi tsî Jobi tsî gu ge ǁîgu ǃgôaǃgâsib. Tsî ǀnammi tsîna Jehovaba gere ǁgau. ǁÎgu ge Eloba gere ǁnâuǀnam. Tsî ǂgomsa ǁîb ǃnâ ge ūhâ i. Tsî ǁguibade ǁîba gere dība. ǁÎgu ge ǃgāsase Jehovaba ǂkhaisiba gere mā. Tsî ǁîgu ǃoabas ge Elob xa gere ūǃoahe. Egab ge Jehovaba Israelǁîna Moseb ǂhanuba ge mā. Nē ǂhanub ǃnâ-ūb ge Jehovaba ǁgaraga gere mā. Matib ra ǃoabahe ǂgaosa. Jesub ǁōb tsî khâis khaoǃgâb ge, Jehovaba ǂgaoǀkhā tama hâ. În khoena ǁîba Moseb ǂhanub ǃoagu ǃoaba. (Rom. 10:4) Xristeǁîn ge ǀasa ǂhanub ‘Xristub diba’ ra sao (Gal. 6:2) ǁÎn ge nē “ǂhanub” hîna ǂgui ǁgaraga ūhâba nî ǁnâuǀnam. Jesub aiǁgausa ǁgae tsî ǁîb di ǁkhāǁkhāde nî sao. Nētsēs tsînan ge Xristeǁîna ǃgâise ra dī. Xristuba saos tsî Jehovaba ǂkhîǂkhîs ǃnâ-ū. Tsî nēs ǃnâ-ū aitsama ‘koasa’ ra hōbasen.—Mat. 11:29. w22.03 20-21 ¶4-5

Jehovab ge ǁîb ôana ra ǃgâ. Jesub ge ǃhūbaib ai hâ iob gere ǀgore, ǂgui ǀgoredeb ge Jehovaba gere ǁnâu. ǁÎb ge Jesuba ge ǁnâu ǂhâǂhâsa, mîǁguigu ǃaromab gere ǀgore o. Aiǁgause ǁîb 12 Apostelgab gere ǁhûi o. (Luk. 6:12, 13) Jehovab tsîn ge Jesuba ge ǁnâu. Kaise ǂâiǂhansen tsîb gere ǀgore o. Jesub ge Judab xab nî ǀapexuhes aiǃâ, ǁîb dadasab ǃoa ge ǀgore. ǃGom ǃâitsâgu hînab nî ǃkharuǃnâgu ǃaroma. Jehovab ge Jesub ǀgorede ǁnaûs ǀguisa ge dī tama hâ i. Xaweb ge ǀhomǃgāba ge sî. Îb ǁîb ǀnamǀnamsa ǀgôaba ǀgaiǀgai. (Luk. 22:41-44) Nētsēs tsînab ge Jehovaba. ǁÎb di ǃoaba-aon ǀgorede ra ǃgâ. Tsî ǁîna ǂhanu ǁaeb tsî ǃgâi ǀgaub ǃnâ ra ǃeream. (Psa. 116:1, 2) Indiab ǃnâ hâ ǃgâsas ge ge mû, matib ge Jehovaba ǁîs di ǀgorede ǁnâu-amsa. ǁÎs ge kaise ǂâiǂhansens ǃgomsiba ge ūhâ i. Tsîs ge ǂgaoba xu Jehovab ǃoa ge ǀgore nē ǃgomsib ǃaroma. ǁÎs ge xoa tsî ge mî: “Meib 2019 JW Broadcastings hîna ge. ǂÂiǂhansen da ga ra o, da tae-e nî dī di hâ ǃhoaǃâsa ūhâ îs ge. Tita ǃaroma ge ǃgâi-i ǂhâ ta ge hâ i ge. Ti ǀgoredi ǃereams ge ge i.” w21.09 21-22 ¶6-7

Mûnanai ǁkhā î du a. Matikōse i ge ǁnā ǂguro Xristeǁîna ǃgomba isa. Hoa xūna ǁnāxu tsî ǁkhāba tsoatsoasa? ǂGomsan ge ge ǂhâ hâ i în Jehovab ai ǂgomǃgâ. ǁÎb nî ǂhân hâ xūna mā nî ǃkhaisa. Xawe xū-i ge ge hâ i, ǁîna ge hui ǁkhā i-e. Koro kurigu ais ai Romeǁîn Jerusalemsa nî ǁnāǂams ais ai. Îb ge apostel Pauluba Hebreǁîna ǂhâǂhâsa daoǁgausa ge mā. “Tanisensa as xūǃgunuxasib ose ī. Î du ū du hân ǀkha ǂâu; ǁîb ge mî xuige.” “Tita ge ǁnāxū tsi tide, tsî ta satsa xu ūdawasen tide.” “O da kom ǁkhoaǂgaose a mî ǁkhāo: ‘ǃKhūb ge a ti Hui-ao, o ta ǃao tide; tare-e i kha khoe-e nî dī te?’” (Heb. 13:5, 6) ǁNān hîna ge Romeǁîn nî ǁnāǂams ais ai a ǃgân ge ge supubahe i. ǀOro xūna ǁîn di ûib ǃnâ ūhâs ǀkha ǂâusa. ǁÎn ge ge ǂan i Jehovab ǂhân hâ xūna nî mā nî ǃkhaisa. w22.01 4 ¶7, 9

ǂÂi re, ǀkhomxaǂgaosiba ūhâ khoe-i xa. ǁÎ-i ge tsaura, ǃgâi ǂgaoxa, ǀkhomxaǂgaoxa tsî auxa khoe-e. Samariaǁî khoeb ǃâs hînab ge Jesuba gere ǃhoas xa da ge a ǂâi ǁkhā. ǀNî hâ ǃhaos di khoeb ge Jodeǁî khoeb. Hîna ge ǃnari-aogu xa a ǁnāǂamheba ‘ǀkhomma’ ge a ǁgau. Samariaǁî khoeb ge Jodeǁî khoeba ‘ǀkhomxaǂgaosiba’ ge a ǁgau. Tsî ǁîba ǀnamxaǃnâ ǀgaub ǃnâ ge kōǃgâ. (Luk. 10:29-37) ǁNā aiǁgaus ge Jehovab di ǀkhomxaǂgaosiba ra ǁgau. Jehovab ge ǀnam dab a amaga ra ǀkhom da. Tsî nē ǀkhomab ge ǂgui ǀgaugu ǃnâ tsēs hoasa ra ǁgau. ǀNî hâ ǀgaub ǀkhomxaǂgaosiba da a ǁgau ǁkhāb tsîn ge hâ. ǀKhomxaǂgao ǃgâsa-i ge ǁkharahe nîse-i, ǃgâsa-e ǁkhara tama hâ. ǁNā ǀgaub ǃnâb ge Jehovaba ǀkhomxaǂgaosiba ra ǁgau da. “ǁÎb ge sada ǁorena ǃoa sîsenū da tama hâ.” Psalmdi xoa-aob ra mî khami. (Psa. 103:10) Xawe ǀnî ǁaegu aib ge Jehovaba ǁore ra ǃgâsa-e ǀgaisase a ǁnama ǁkhā. w21.10 8 ¶1-2

Jehovab ge ǁîb ǂgomǂgomsa ǀnamma. ǁÎb ǃoaba-aon hîna ǁîb ǀkha ǀgu ǀhōsagusisa ūhâna ra ǁgau. Nēsa da ge Gao-aob Davib tsî kēbo-aob Danieli ge mî xūna xu a mû ǁkhā. Aiǁgause, Davib ge ge mî: ‘Sa ǃgâixasib tamas ka io ǂgomǂgomsa ǀnamma satsa ǂan hân ǂama hâ kai re.’ ‘Xawe ǀkhomxaǂgaosib tamas ka io ǂgomǂgomsa ǀnammi ǃKhūb dib ge ǀamosiba xu ǀamosib kōse ra hâ ǁnān, ǁîba ra ǃaoǃgân ǂama.’ Tsî Danieli ge ge mi: ‘Jehovatse sats ǁnān satsa ǂgomǂgomsase ǀnam hâ tsî sa mîmādi âtsa ra dīna ra ǃkhōǀgaipebatsa.’ (Psa. 36:10; 103:17; Dan. 9:4) Nē mîdi ǃoagub ge Jehovaba ǁîb ǂgomǂgomsa ǀnamma. ǁÎb ǃoaba-aon ǁîba ǂan, ǃaoǃgâsib tsî ǀnamma ǁîba ūba hân. Tsî ǁîb mîmāde ra ǁnâuǀnamna ra ǁgau. Jehovab ge ǁîb di ǂgomǂgomsa ǀnamma. ǁNān hîna ǁîba ǂhanu ǀgaub ǃnâ ra ǃoaban ǀguina ra ǁgau. Jehovaba da nî ǃoaba tsoatsoas aiǃâ da ge ǁîb hoa khoena ra mā ǀnamma ra hō. (Psa. 104:14) Xawe da ge ǁîb di ǃoaba-ao da ase, ǁîb di ǂgomǂgomsa ǀnamma ra ǃkhōǃoa. w21.11 4 ¶8-9

Mati ǀgui gara ī xawe, da ge sida Jesub di mîdi hîna ǀgapise hâde nî ǁnâuǀnam. ǂGui khoen ge nētsē ǂanǂansa aoǁnâ-aoga ǃoa ra ǃgâ. ǀNî khoen ge ǁnātikōse nē ǂanǂansa aoǁnâ-aogu xa a ǃgâibahe. Tsî ǁîga ra ǀgoreǀî. ǂGui khoen ge ǁîgu kerkhegu ǀkha ra ǃgû. ǁÎgu ǂkhanina ra ǁama tsî ǂgui mari-e ǁîga ra mā tamas ka io ǁîgu ra ǂgaeǂgui ǀapeǂhumide. ǀNî khoen ge nē aogu ra mî mîdi hoade ra ǂgom. ǁÎn ge nē aoǁnâ-aogan ga mû o. Kaise a ǂkhî, Jesuba go mû khami. Xawe ǁnān hîna Eloba ǂhanu ǀgaub ai ra ǃoaban ge khoeba sao tama hâ. ǂGaeǂgui ra na da ǃgôasiba ra ǁgau. Xawe da ge Jesub di mîde ra ūǃoa: ‘Hoa du ge a khoeǃgâgu.’ (Mat. 23:8-10) Sida ge khoena ǀgoreǀî tama hâ. Nēsi i ga ǂgom-i tamas ka io ǂgīǂgōsi (politik) ǂgaeǂgui-ao xawe. Tsî da ge ǁîn di ǂgomdi tamas ka io ǁaxasiga ǂkhâǃnâ tama hâ. ǀKhā-e da ge ǁhûi tama tsî nē ǃhūbaib ǃnâ ǃâ-e ūhâ tama hâ. Nē ǀgaugu ǃnâ da ge nau Xristeǁîna xu ra mâǂoa. Hîna ama Xristeǁîn a di ra mîna.—Jhn. 18:36. w21.10 20 ¶6-7

Mâ Xristeǁî-i hoa-i hîna, ǃanuse ra hâ ǂgao i ge. Tā xū-e nî mā-am î-i. ǁÎ-i Jehovab ǀkha ūhâ ǀhōsagusis ǁaegu mâ. Jehovab di ǃoaba-aoda a amaga da ge, ǁîb ǀonsa a ǁgaiǁgai ǁkhā xūna xu ra ǂgōsen. (Lev. 19:12; Jes. 57:15) Israelǁaes ge Jehovaba ǁîn Elob ase ūǃoasa ǁgaus ǃnâ-ū. ǁÎb ǂhanuga gere ǁnâuǀnam. Levitikus 18:4 ge ra mî: ‘Ti ǂhanuga du ge nî dī tsî ti ǂnûiǂgāde nî ǃkhōǀgaipe. ǁÎn ǃnâ du nî tanisenga: Tita ge Jehovata sa Elota.’ 19ǁÎ danaǃâs ge Israelǁîn nî ‘ǃkhōǀgaipe’ ǂhanuga ge ūhâ i. Aiǁgause 5-8, 21, 22ǁî ǁaraǃādi ge xamani ǁguibadi xa ra ǃhoa. Israelǁîn ge nē ǁguibade ǃgâi ǀgaub ǃnâ nî dī în tā ‘Jehovab ǃanu xūna ǀuriǀuri.’ Nē ǁaraǃāde khomais ge Jehovaba ǂkhîǂkhîs ǀkha nî huida. Tsî ūǃoab nî ǃoabas hîna Hebreǁîn 13:15 ǃnâ ra ǂkhâǃnâhesa mābi. w21.12 5-6 ¶14-15

ǀAsase nētsē ǃgamme hâ khoen ge, Jehovab ai ǂgomâiǂnûisa ge ǁkhāǁkhāsen. Khoen aiǁgaude xu a ǁkhāǁkhāsen ǁkhā. ǀNî ǃgamme hâ khoen ge ǂgui kuriga Jehovaba ǀoasase aoǁnâs ǃnâ ge ǃoaba. ǁÎn ai huiba ǂgan re ǀkharaǀkharana du ga sadu mîǁguigu ǃnâ dī ǂgao o. Nēb ge ǀnî ǀgaub hîna du a ǁgau ǁkhāba Jehovab ǃnâ du ra ǂgomsa. (ǂKhm. 22:17, 19) ǂÂihō re ǃgammeb ge ǀkhaeba Jehovaba xu. (Mat. 19:5, 6) ǁÎb ge ǂhâba hâ în ǃgamme hâ khoena nē ǀkhaeba xu ǃgâiba hō. ǀAsase ǃgamme hâ khoedo tae-i ǃaroma du ôaǃnâ tama. Tae-e du sadu ûib ǀkha ra dīsa? Hoana du ra dī Jehovaba ǁgausa nē ǀkhaeba du ra ǃgôaǃgâsa? ǀGores ǃnâ Jehovab ǀkha ǃhoa re. ǁÎb mîs ǃnâ daoǁgauna ǃoa ôa re, sadu mâsib ǃaroma. ǁNāpaxu daoǁgaus hîna du Jehovaba xu ra hōsa sao re. ǂGomǃgâ ǁkhā du ge a sadu ǃgamme ûiba du ga Jehovaba ǃoabas ai mâi, o du ǂkhî ûiba nî ūhâsa. w21.11 19 ¶16, 18

Jakobub ge ǃgâi mûǂuiba ǁîb ǃoagu ge ūhâ i. Jakobub ge ge tsâ tama hâ i ǁîb omaris di khaoǃhūb. Tamas ka io ǁgaumâidi hînab ge ūhâ i di ge ǁîba ǀō-aisase gere mûsen kaisa. Tamas ka io ǁîba ǃgâsan ǂam-ai gere mâisa. ǁÎb ge nau Xristeǁîna nēti gere ǂgai “ti ǀnam ǃgâsado” ti. (Jak. 1:16, 19; 2:5) ǁÎb ge nau khoena ge tsâ kai tama hâ i ǁîb ǀoasa kurusa ūhâsa. ǁKhāǁkhāsen da ra xūn: ǂÂiho re hoada a ǁore-ao ǃkhaisa. Tā da ge nî ǂâi ǁnān hîna da ra, ǁkhāǁkhān xa da a ǀgapi ti. Tae-i ǃaroma? Sida ga Elobmîsa da ra ǁkhāǁkhā khoe-e. Tātsē da xū-e dīsa tama hâ di hâ ǂâiǀgauba gara mâ o. O i ge ǁî-e a ǂkhabuǂâi tsoatsoa ǁkhā. Tsî a ǂâi tsoatsoa ǁkhā Jehovaba i tātsē ǃgâise ǁnâuǀnam hō tide ti. Xawe da ga sida tsîna ǂhauǃnâse ǂanǃgâ tsî gara mî o. Hoaǁae i ge sida supuba tama hâ isa. Elobmîs di ǀapemāde saosa.Tsî da ga ǁguiǃā o matib ge Jehovaba huidasa îda ǁnā ǃgomsiga mâǃkharu. O da ge Elobmîsa da ra ǁkhāǁkhā khoe-e nî hui. Î-i mûǂan ǁî-i tsîn Jehovaba a ǃoaba hō ǁkhā ǃkhaisa. w22.01 11-12 ¶13-14

Jesub khami da ga ra ǂâi. O da ge ǁîb khami nî tanisen. Tsî da ge ǁnās ǀkha ǃnāsase ǁîb di ǀgauga a ǁgae ǁkhā. (Heb. 1:3) ǂÂi ǁkhā da ge a: ‘Jesub ge ǀoasa kurusa ūhâ. Tātsē ta ge ǁîb khami ī tide.’ ǁNāti du ga tsâ o, nē amaba ǂâihō re. ǂGurose, du ge Jehovab tsî Jesub khami ge kuruhe. ǁNā-amaga du ge a ǁhûi ǁkhā î du ǁîkha ǁgae. Tsî du ge ǁnāsa ǀnî ǃâb kōse a dīhō ǁkhā. (Gen. 1:26) ǀGamǁîse, Elob di ǃanu gagab ge kaise a ǀgaisa hoaraga ǃhūbaib ǃnâ. ǁNā ǃanu gagab di huib ǀkha du ge, dīǁoa du a di du ra ǂâi xūn tsîna a dīhō ǁkhā. Tsî ǃnonaǁîse, Jehovab ge ǃâubasen tama hâ. Î du gagab di ǂûga ǀoasase ǁgae nēsi. Tsî ǁnās ǃaromab ge sida di ǀnamxaǃnâ ǁGûba. ǀOadisi (1000) kuriga ǂnûiǂui hâ în ǁnān hîna ǃhūbaisi ǃâubasensa ūhâna, ǀoasase ǁgae bi ǁkhā. (J.ǂHa. 20:1-3) Nēsib Jehovaba sida xu ra ǂgaoǀkhās ge, sida di ǁkhāsib hoab ǀkha dītsâ. Tsî ǁîb ai ǂgomaiǂnûisa huihes ǃaroma. w22.03 9 ¶5-6

ǀGores ǀguis ge hâ tama hâ. Sida ǀhōsagusisa Jehovab ǀkha ǀgaiǀgais ǃnâ. Elobmîsa ǁkhāǁkhāsens tsî ǀhaohâb ǀhaode hâǃnâs. Tsîn ge a huida ǁkhā, î da Jehovab ǀgūse sī. ǀNî hâ xū-i tsîna hâ sadu ǁkhāǁkhāsens ǃnâ du a sîsenū ǁkhā-e. Î du ǃgâiba hō ǁaeb hîna du ǀhaohâb ǀhaode ra hâǃnâba xus tsîna? Dîsen re. ‘Tae-e ra ǂhani te ǀhaodi tawa tamas ka io ǁkhāǁkhāsen ta ra o?’ Nau khoe-i xa bel-esa, email na, sms na hîna sadu selfoni ai hâna? Tamas ka io ǀnî hâ elektronik xūn ai ra ǀkhīna? ǀHaohâb ǀhaos tawa tamas ka io ǁkhāǁkhāsen du ra hîna du ga mûǂan o sadu ǂâidi ǀnî hâba hâsa. O Jehovab ai huiba ǂgan re i du ǁkhāǁkhāsen du ra xu-i ai ǂâisa ǂnûi. Hoaǁae i ge supu tama hâ. Sadu ǂâiǂhansende xōǀkhā mâi tsî Elob di mîs ai ǂâisa ǂnûisa. Xawe i ge kaise a ǂhâǂhâsa. ǂKhîba ǀgorebasa hîna sadu ǂgaob ǀguiba ǁkhauba tideba. Xawe sadu di ‘ǂâiǀgaub’ tsîna nî ǁkhaubaba.—Fil. 4:6, 7. w22.01 29-30 ¶12-14

Gao-aob Usiab ge ǁnamasa ge ūǃoa tama hâ i. ǁÎb ge Jehovab di tempeli ǃnâ ge ǂgâ, pristergu ǀguigu ge mā-amhe hâ iba. Tsîb ge ǀanǀanǁguibasa ǁnāpa gere mā ǂgao. Jehovab di pristeri ge ǁîba ǃoa nēti ge mî: ‘Anuba tsi tama hâ, Usiatse, ǃKhūba ǀanǀanbasa, xawe pristergu ǀguiga i ge anuba.’ Usiaba mati ge tanisen? ǁÎb ga ǃgamǃgamsenxase ǁnā ǁnamasa ūǃoa. Tsî tempela xu ǃhaese ǁnā ǁaeb ai ǂoa hâ o. Ob ge Jehovaba ǁîba ga ǀûba hâ. Xawe îb ge ‘Usiaba ge ǁaixa.’ Tae-i ǃaromab ge ǁnamasa ūǃoa tama hâ i? ǁÎb ge gere tsâ gao-aob aseb ge ǁnā ǂhanuba ūhâ isa. Îb ǂgaob ra xū-i hoa-e dī. Xawe Jehovab ge ǁnā ǀgaub ai ge mû tama hâ i. ǁÎb ge mā-amhe tamab hâ xū-e a dī amagab ge. Usiaba ‘khōb ǀaeba ge hō tsî ǁnās ǀkha ǁōb nî tsēs kōse ge hâ.’ (2Kro. 26:16-21) Usiab di aiǁgaus ge ra ǁkhāǁkhā da. Mâ ǃnôa khoe da ga xawe da ga. Elobmîs ai ǃgaoǃgaosa ǁnamasa ūǃoa tama io. O da Jehovab di ǂkhâǃnâsa nî ǂoaǃnâsa. w22.02 9 ¶7

Khoe-i hîna ‘ǀoro ǂūgu xa ra’ ǂgaeǂhābuhe i ge. ǃNāsa ǁaeba ǁore kai i nî ǀgaub ǃnâ ra ǂâi. (Kol. 3:9) ǁÎ-i ge ǀnîsi ǁî-i xa ǀgui ǂâi, ǃhaese ǁaixa, ganganoǃnâ tsî a ǀgapiǂâixa ǁkhā. ǁÎ-i ge ǀnîsi a ǃgâibahe ǁgoe-ūgub di xūna kōs. Tsî ǃkhamǃnâhe ra muvina kōs xa. ǁÎn ge ǃgâi ǀgaugu tsîna ūhâ tsî ǁnās ǀkha ǀhapixase ra tsâ. Dī i ra ǃgâi tama xūn tsî mî i ra ǃgâi tama xūn xa. Xawe i ge ǁî-i ǂkhâǃnâsa ǁnātikōse ǀgaisa tama hâ. Î-i ǂâiǀgaub ǁî-i tiba dawa tsî dīgu tsîna. (Gal. 5:19-21; 2Tim. 3:2-5) ǀOasa kurusa da ge ūhâ tama hâ. Amaga da ge hoaraga ǃgâi tama ǂâiǀgaugu. Tsî tura-aigu tsîna sida di ǂgaogu tsî ǂâide xu a bē ǁoa. ǀNî ǁaegu ai da ge ega da si a ǃhausen ǁkhā xū-e a mî tsî dī ǁkhā. (Jer. 17:9; Jak. 3:2) Xawe ǀoro ǂūba da ga ǁhûǁnâ o. O i ge khoesi tanisen ǀgaugu. Tsî dīgu tsîna sida ǂgaeǂhabu tama hâ. Tsî da ge ǁnās ǀkha ra ǀasa khoe kai.—Jes. 55:7. w22.03 3 ¶4-5

ǀHaohâb ǃûi-ao go, ǃgâi ǀgaugu ǃgâsan ūhâ ga mû re. Hoa da ge ǀoasa kurusa ūhâ tama. Xawe i ge mâ i hoa-e ǃgâi ǀgaugu hîna da ǁgae ǁkhā ga ūhâ. Ama as ge ǀhaohâb ǃûi-aogu ge ǁaeba xu ǁaeb ǀkha ǃgâsana nî hui, în ǁîn ǂâiǀgauga ǃgâiǃgâi. Xawe apostel Paulub khami gu ge ǀhaohâb ǃûi-ao ga ra dītsâ. Î gu tā ǃgâsan di dīsā di ai ǀgui ǁîgu ǂâisa ǂnûi. Xawe gu ge ra dītsâ î gu ǁnā ǃgâsa-i Jehovaba ǀnam, mâǀgai. Tsî Jehovaba ra ǃoaba ǀgaub ai ǁîgu ǂâisa ǂnûi. Tsî dī i ra ǃgâi xūn ais tsîna. ǀHaohâb ǃûi-aogu hîna nau khoen ǃgâi ǀgaugu ai ǁîgu ǂâisa ra ǂnûi gu ge ǃgâsana ra hui. În ǀhaohâb ǃnâ ǀnamhe hâse tsâ. ǂÂis ǃnâ ūhâ re Jehovab ge sago xu ǀoasa kurusa ǃâubasen tama hâ. ǁÎb ge ra ǂhâba î go ǂgomǂgomsa. (1Kor. 4:2) ǂGomǃgâsiba du ge a ūhâ ǁkhā. Jehovab sadu ra dī sîsenni ǀkha a ǂkhîsa. Jehovab ge tātsēs tsîna ‘sadu sîsenni tsî ǀnammi ǁîb ǀons ǃnâ du ge ǁgauba ǀuru tide. ǃAnuna du gere ǃoaba tsî ganupe ra ǃoabas ǀkha.’—Heb. 6:10. w22.03 31 ¶19, 21