ǁNaeǁgaudi Sida Xristeǁî ûib tsî aoǁnâ sîsenni sîsen ǂkhanib
MEIB 7-13
ELOBMÎSA XU HÂ ǂÛǂÛSA MÎDI | MARKUB 7-8
‘Î du sadu ǃgâuhaiba ūkhâi tsî tita sao’
(Markub 8:34) Tsî ǂnubisa ǁkhāǁkhāsabegu âb ǀkha ǂgaihā tsîb ge ǁîna ge mîǀî: Tita ga sao ǂgao-e a-i ǁî-aitsama ǀūxūsen, î-i ǃgâuhaib â-e ūkhâi, tsî tita sao.
nwtsty study note Mrk. 8:34
a-i ǁî-aitsama ǀūxūsen: Tamas ka io “ǁnāxūǃnâsen.” Nēs ge khoe-i hîna Elob ai ra māǁnâsen tsî ra aitsama ǀūxūsen-e ǃoa ra ǁnaeǁgau. Grike mîs ge ‘hî-î di aitsama’ mîsen dis tsîna a ǂâibasen ǁkhā. Nēs ge sa turagu tsî ǂgaoǀkhādi tsîna ǃoa hî-î di mîsa ǃkhōǂgā hâ. (2Kor. 5:14, 15) Markub ge nē mîsa Paulub ge Jesuba gere ǀūxū ǃnaeǃkhais tawas tsîna ra sîsen-ū.—Mrk. 14:30, 31, 72.
w92-E 8/1 17 ¶14
Mati du ûiba ǃoa garu daob ai ra ǃkhoe?
14 “Tita ga sao ǂgao-e, a-i ǁî-aitsama ǀūxūsen, î-i ǃgâuhaib â-e ūkhâi, tsî tita sao” dib ge Jesuba ǁîb ǁkhāǁkhāsabega ǃoa ge mî. (Mrk. 8:34) Nē ǁkhauǂuisa da ga ra ǃkhōǃoa o, o da ge nēsa hoaǁae nî dī ǂhâǂhâsasib ga ra hâ o ǀguis ose. ǁAe tamase xūna dīs ge ǁgai ǀgoraǃgâhes ǀamǂoasa ūhâ tsî sida ǀamo ûib tsîna ǂoaǃnâ kai da ǁkhā. Gagasise aiǃgûs ge ǁaeba ra ū xawe ǃhaese a ǁgaiǁgaihe ǁkhā hoaǁae da ga ǂkhaikari hâ tama io.
(Markub 8:35-37) ǁÎ-i ûiba ga sâu ǂgao-i ge ǁîb xa nîra kāhe-e, tsî ǁî-i ûib xa ga tita tsî ǃgâiǂhôas ǃaroma kāhe-i ge ǁîba nîra hō-e xuige. 36 Tare-e kha khoe-e nî harebeba ǃhūbaib hoaba i ga hō, tsî i ga ǀoms â-i tawa ǂkhôaba hō-o? 37 Tsî mâ xoremari-e i kha khoe-e nî mā ǁî-i ǀoms ama?
w08-E 10/15 25-26 ¶3-4
Tae-e da nî mā î da ûi ǀgara?
3 Jesub ge ǀgam ǂâi kai ra dî ra ge dî: “Tare-e kha khoe-e nî harebeba ǃhūbaib hoaba i ga hō, tsî i ga ǀoms â-i tawa ǂkhôaba hō-o?” “Tsî mâ xoremari-e i kha khoe-e nî mā ǁî-i ǀoms ama?” (Markub 8:36, 37) ǂGuro dîs ǃereams ge khoesi ǂâi ǀgauba xu hâ. Khoe-i ge xū-e a ǀama ǁoa ǃhūbaiba xu ǁî-i ûiba î ga ra ǂoaǃnâ o. ǃKhūsiba xuts ge ûits ra hîna ǀgui a ǀama ǁkhā. Jesub ǀgamǁî dîs: “Mâ xoremari-e i kha khoe-e nî mā ǁî-i ǀoms ama?” Nēs ge Satanni ǂgāri-ams hînab ge Joba ǃoa a mîsa ǃoa ra ǂâi kai da. ǁÎb ge mî xui-ao: “Mâ xū-i khoe-i ūhâ-i hoa-e i ge ra mā ǁî-i di ûib ǃaroma.” (Job. 2:4) Jehovaba ǃoaba tama hâ khoen ge nē mîdi xa a amaba-e. ǂGuin ge tsoatsoade nî ǁnâuǀnamoǃnâ ûi ǂgaon ra amaga. Xawe Xristeǁin ge nēsa ǀnî hâse ra mû.
4 ǂAn da as ge Jesub ge ǃhūbaib ai ge hā tama hâ î, îb ǂurusib, ǃkhūsib tsî gaxu ûib tsîna mā da. ǁÎb ge ge hā îb ǃâubasensa hānîǁaeb xa mā da î da ǀamosib kōse ûi ǁkhā. Nēsa da ge kaise ra ǃgôaǃgâ. (Johaneb 3:16) Xristeǁî-i ge Jesub ǂguro dîs ǂâibasensa nî ǁnâuǃā, “khoe-e tae-e a ǀama ǁkhā ǃhūbaiba xu, ǁî-i ǀamo ûiba î nî ǂoaǃnâs kōse?” Nē dîs ǃereamsa xu da ge a ǀama ǁoa. (1 Johaneb 2:15-17) Jesub ǁgamǁî dîsa ǃereams ǃgao da ge sao ra dîsa a dîsen ǁkhā. ‘Matikōse ta nî māǁnâsen î-i ti ǃâubasens hānîǁaeb disa ama kai?’ Sida ǃereams nē dîs ais ge nē ǃâubasens ǃnâ da ūhâ ǀgaiba nî ǁgau.—Jhn. 12:25 sa ǀgopeǀnō re.
(Markub 8:38) Tita tsî ti mîde ga tao-i nē ǃgamekhôaxa tsî ǁorexa ǃhaos ǃnâ, ǁî-eb kom ǁkhāti Khoen Ôaba nîra tao-o, ǁîb îb di ǂkhaisib ǃnâ tsî ǁîb di ǃanu ǀhomǃgāgu ǀkhab ga hāo.
jy-E 143 ¶4
Hama a Khoen Ôa?
Jesub mā-amsa da ga ra ǂgao o, o da ge nî ǁkhoaǂgaoxa tsî nî ǁî aitsama māsenxa. Jesub ge ge mî: “Tita tsî ti mîde ga tao-i nē ǃgamekhôaxa tsî ǁorexa ǃhaos ǃnâ, ǁî-eb kom ǁkhāti Khoen Ôaba nîra tao-o, ǁîb îb di ǂkhaisib ǃnâ tsî ǁîb di ǃanu ǀhomǃgāgu ǀkhab ga hāo.” (Markub 8:38) Jesub ge hāb ga ra o, “mâ-i hoa-e ǁî-i dīb ǃoa nîra mā.”—Mateub 16:27.
Gagasi xūna ǀō-aisase ôaǃnâs
(Markub 7:5-8) O gu ge Farisegu tsî xoaǂansabegu tsîga ge dî bi: Tare xū-i ǃaroma gu ǁnâi ǁkhāǁkhāsabegu âtsa kaigu di ǂnûiǂgās ǃoa tanisen tama hâ, tsî ǁāhe tama ǃomgu ǀkha ra pereǂû? 6 Ob ge ǁîgu ǃoa ge mî: ǃGâiseb ge Jesajaba sago hînaxaǃnâgo xa gere kēbo, xoahe hâ khami: Nē ǁaes ge amǁgaugu ǀkha ra ǃgôa te, xawe ǂgaob ân ge tita xu ǃnū hâ; 7 ǁausen ra ǃgôa te, ǁkhāǁkhāde ra ǁkhāǁkhāǃâ, khoen xa ǂnûiǂgāhe hâde. 8 Elob di mîmāsa ǁnāxū, tsî go kom khoen di ǂnûiǂgāsa ra ǃkhōǀgaipeo.
w16-E.08 30 ¶1-4
Khomai-aon dîdi
ǃOmkha ǁāsa tae-i ǃaroma Jesub mâǃoa-aona ge kaiba i?
▪ Nēb ge ge ǀgui ǀgau i hînan ge Jesub khākhoena ǁîb tsî ǁîb ǁkhāǁkhāsabegu di ǃnubusina gere ôasa. Moseb ǂhanub ge ǂgui ǁgaraga ǃhaoǃnâbe ǁnaetigu xa ge ūhâ i, aiǁgause, ǃgaroǂnûs ǃomamaxa ǁōs tsî ǁō hâ khoen tsî xamanin tsîn di sorodi ǀkhan nî khoena sîsen ǀgausa ge ǃkhōǂgā hâ i. Nēs ge ǃanuoǃnâsib mati nî ūbēhe ǀgaus ǁgaragu tsîna gere mā. Nēs ge ǁguibadi, ǁās tamas ka io ǀgapihes ǃnâ-ū gere dīhe.—Lev. 11-15ǁî danaǃâdi; Num.19ǁî danaǃâs.
Jodeǁî ǁkhāǁkhā-aogu ge nē ǂhanub ǁgaragu hoaga ǂōrisase gere khoraǂui. ǀGui ôaǃnâ-aob ge ǃanuoǃnâsib xa ge mî, “ǃanuoǃnâsib ge khoe-i ra dī xūna xu hâ, mati kōse tsî mâpa î nē ǃanuoǃnâ xū-e ra ūkhâis tsî xūn hîna ra sîsen-ūhen tsîna ǃkhōǂgā hâ.”
Jesub khākhoen ge ǁîba ge dî: “Tare xū-i ǃaroma gu ǁnâi ǁkhāǁkhāsabegu âtsa kaigu di ǂnûiǂgās ǃoa tanisen tama hâ, tsî ǁāhe tama ǃomgu ǀkha ra pereǂû?” (Markub 7:5) Nē khākhoen ge ǃanusib xa ge ǃhoa tama hâ i. ǁNaetib ase gu ge Jodeǁî ǁkhāǁkhā-aoga ge ǂgaoǀkhā hâ i, î-i ǁgam-e ǃomdi ai ǁkhōhe ǂûhe î nîs aiǃgâ. Ôaǃnâ-aob ge ra ǀaro: “Mâ xaba-i nî sîsen-ūhes, mâ ǁgami a ǃgâis tsî ǃomdi matikō ǁgam-e nî hōs tsîn ge gere kō-e.”
Jesub ge ǃaromasa ge ūhâ i nē ǂnûiǂgāsab ge ǁnâuǀnamba tama hâ isa. ǁÎb ge Jodeǁî ǁkhāǁkhā-aoga ge mîba: “ǃGâiseb ge Jesajaba sago hînaxaǃnâgo xa gere kēbo, xoahe hâ khami: Nē ǁaes ge amǁgaugu ǀkha ra ǃgôa te, xawe ǂgaob ân ge tita xu ǃnū hâ; ǁausen ra ǃgôa te, ǁkhāǁkhāde ra ǁkhāǁkhāǃâ, khoen xa ǂnûiǂgāhe hâde. Elob di mîmāsa ǁnāxū, tsî go kom khoen di ǂnûiǂgāsa ra ǃkhōǀgaipeo.”—Markub 7:6-8.
(Markub 7:32-35) Tsîn ge ǃgome tsî ǂganaǂgae hâ khoeba ǁîb ǃoa ūhā tsî ge ǀkhomma bi, îb ǃomma ǁgui-ai bi. 33 Ob ge ǁîba ǁaesa xu ǀguri ūbē, tsî ǀkhunugu âba ǁîb ǂgaera ǃnâ ǂgā, tsî ǂara tsî ǂāb ǀkha nammi âba ge tsâǀkhā. 34 Tsîb ge ǀhommi ǃoa kōǃapa tsî ǀhâimâinǀom tsî ge mîǀî bi: Efata, ǁnās ge ǁkhowa-amsen ti mîsa. 35 Os ge ǁnâus âba ge ǁkhowa-amsen tsî ǃgae-ūdab nammi âb dib ge ge oresen tsîb ge ǂhanuse ge ǃhoa.
w00-E 2/15 17-18 ¶9-11
“Xristub di ǂâisa” ū da hâ?
9 Aob ge ge ǃgome tsî ǂganaǂgae hâ i. Jesub ge ǀnîsi nē aob ǃhurib tamas ka io taoba ge hōǃâ. ǁÎb ge ǂgom-e ǁoasa xū-e ge dī. ǁÎb ge aoba ǀguri hâ ǃkhaisa ǃoa ge ī-ū. Tsî ǁnāpaxū aoba ǁgauǁgaude ge mā tae-eb nî dīsa. ǁÎb ge “ǀkhunugu âba ǁîb ǂgaera ǃnâ ǂgā, tsî ǂara tsî ǂāb ǀkha nammi âba ge tsâǀkhā.” (Markub 7:33) Jesub ge ǁnāpaxū ǀhomma ǃoa kō tsî ge ǀgore. Nēs ge aoba gere ǁgau, ‘nē ta ra dī xūn hoan ge Elob ǀgaiba xu hâ di.’ Jesub ge ǁnāpaxū ge mî: “ǁkhowa-amsen.” (Markub 7:34) Aob ǂgaedi ge ge ǁkhowa-amsen tsîb ge ǃgâise ge ǃhoa tsoatsoa.
10 Jesub ge nau khoena gere tsâba. ǁÎb ge ge tsâxaǃnâ tsî khoexaǃnâ i tsî nēs ǀkha khoena a ǃgâiba ǀgaub ǃnâ gere tanisen. Xristeǁîn ase da ge Jesub ǂâi ǀgauba nî ôaǃnâ tsî ǁgae. Elobmîs ge ra mî: “Î du ǀams ai sadu hoado ǀguiǂâixa, ǀkhomxa, ǃgâsaǀnamxa, ǀkhomxaǃnâ, ǃgamǃgamsenxa.” (1 Petrub 3:8) Nēs ge ra ǂâibasen î da ǃhoa da ga ra o tsî xū-e da ga ra dīs tsîna nau khoen tsâsiga ǂâis ǃnâ ūhâ.
11 ǀHaohâb ǃnâs tsîna da ge khoen tsâsiga ǂâis ǃnâ nî ūhâ tsî ǁîna sida ra hâ-ūhē ǂgao khami nî hâ-ū. (Mateub 7:12) Nēs ge ra ǂâibasen mî ǂgao da ra xūn xa da ge aibe nî ǂâiǃgâ di. (Koloseǁîn 4:6) ǂÂis ǃnâ ūhâ re ‘ǂâioǃnâ mîdi ge gôab khami ra ǃkhā’ di. (ǂKhoamîdi 12:18) O omaris ǃnâs? Aob tsî taras hîna a ǀnamgu ra ge ǁîra tsâsigu ǃgao ra tsâba gu. (Efeseǁîn 5:33) Khoena ǁgaise ra tsâ kai mîn, ǁîna ǀgoraǃgâs tsî khoe-e ǂkharirose tsâ kais tsîna da ge nî ǀû. ǀGôan tsîn ge tsâsiga ūhâ tsîn ge ǁgûna nēsa ǂâis ǃnâ nî ūhâ. ǀGôanan ga ra ǁnama o, on ge ǁgûna nēsa ǃgâi ǀgaub ǃnâ ra dī ǀgôan di tsâsiga ǂâis ǃnâ ūhâse. Nēs ge ǁîna taoba xu a sâu ǁkhā. (Koloseǁîn 3:21) Khoen xa da ga ra ǂâi o, o da ge ra ǁgau Xristub ǂâi ǀgauba da ūhâsa.
Elobmîs khomai ǃâs
(Markub 7:1-15) Tsî gu ge Farisegu tsî ǀnîgu xoaǂansabegu digu Jerusalemsa xu go hāga ǁîb tawa ge ǀhao. 2 Tsî mû gu geo, ǀnî ǁkhāǁkhāsabegu âb ǀurixa ǃomgu, ǁnās ge ǁāhe tamagu, ǀkha ra pereǂûsa, o gu ge ǁnās xa ge tsūbahe. 3 Farisegu tsî Jodeǁîn hoan kom ǂû tamao aiben ga ǃomga ǂōrisase ǁā tama io, kaigu di ǂnûiǂgāsan ra ǃkhōǀgaipe xui-ao. 4 Tsî ǁamaxūǃkhaisa xun ra hāo, on kom ǁkhāti ǂû tamao, aiben ga ǁāsen tama io; tsî ǁkhāti ǀnî xūn ǂguin hâ, ǃkhōǀgaipe nîsen ge ǃkhōǃoana: ǀGabidi tsî xapan tsî ǂaisūdi tsîn di ǁāsa. 5 O gu ge Farisegu tsî xoaǂansabegu tsîga ge dî bi: Tare xū-i ǃaroma gu ǁnâi ǁkhāǁkhāsabegu âtsa kaigu di ǂnûiǂgās ǃoa tanisen tama hâ, tsî ǁāhe tama ǃomgu ǀkha ra pereǂû? 6 Ob ge ǁîgu ǃoa ge mî: ǃGâiseb ge Jesajaba sago hînaxaǃnâgo xa gere kēbo, xoahe hâ khami: Nē ǁaes ge amǁgaugu ǀkha ra ǃgôa te, xawe ǂgaob ân ge tita xu ǃnū hâ; 7 ǁausen ra ǃgôa te, ǁkhāǁkhāde ra ǁkhāǁkhāǃâ, khoen xa ǂnûiǂgāhe hâde. 8 Elob di mîmāsa ǁnāxū, tsî go kom khoen di ǂnûiǂgāsa ra ǃkhōǀgaipeo. 9 Tsîb ge ǁîgu ǃoa ge mî: Ama ǃgâise gu Elob mîmāsa ra ǁaudī, sago ǂnûiǂgāsa go nî dīga. 10 Moseb kom ge mîo: Saob tsî saos tsîrats ge nî ǃgôa! Tsî ǁgûb tsîra ga ǀâxare-i ge ǁōba nî tsâ-e. 11 Xawe go sago ra mî: ǁGûb tsî ǁgûs tsîra ǃoa: “Korbans” ǁnās ge ǁguibas, “tita xu ga harebeba tsisa” ti ga mî khoe-i ge ra ǂâuǂâu, 12 tsî go ge ǁnāti ǁî-e ǃaruǀî ǁî-i îb tsî îs tsîra xū-i xare-e dība kai tama hâ. 13 Tsî go ge Elob mîsa ra ǀgaioǃnâ kai sago di ǂnûiǂgās ǀkha; tsî ǂguin nēti īna go kom ra dīo. 14 Tsî ǂnubis hoasa ǁkhawa ǂgaihā tsîb ge ǁîn ǃoa ge mî: Tita ǁnâu hoado, î du ǁnâuǃā! 15 Xū-i khoe-i ǃauga hâ-i tsî ǁî-i ǃnâ ra ǂgâ-i ge ǁî-e ǀuriǀuri tama-e, xawe ǁî-e xu ra ǂoan ge khoe-e ra ǀuriǀurina.
MEIB 14-20
ELOBMÎSA XU HÂ ǂÛǂÛSA MÎDI | MARKUB 9–10
“ǂGomsa ra ǀgaiǀgai ǁkhapos”
(Markub 9:1) Tsîb ge ǁîn ǃoa ge mî: Amase ta ra mîba du, ǀnîn ge hâ nē mân xa, ǁōba tsâ tidena, Elob gaosiban nî ǁîb ǀgaib ǃnâb hâse mûs kōse.
w05-E 1/15 12 ¶9-10
Xristub ge kēbodi ǃoa ra ǁnaeǁgau
9 Jesub ge kuriga ǃkharu hâse ǁîb a Mesia ǃkhaisa ge ǁgauǁgau. Pasxab 32ǁî kurib dib ge hā tsî ge ǃgû ī. ǂGui khoen ge Xristuba ge sao ǀû mâǃoahes, ǃkhū ǂgaos tsî ǂâiǂhansendi ûib didi ǃgao. ǀNîn ge ge ǂkhabuǂâi Jesub ge gao-aose ǁgaumâihe ǂgao tama hâ i ǃkhais ǃgao. Jodeǁî ǁkhāǁkhā-aogu ge gere mâǃoa bi xaweb ge ǁîba ge ǀgapiǃgôasen tama hâ i. (Mateub 12:38, 39) Jesub ge ǁîb ǁkhāǁkhāsabega xū-e ge mîba hîna gu ǁnâuǃā tama hâ-e, ǁîb ge ge mî: “Jerusalems ǃoa ǃapa tsîb nî kaise tsâsa kaigu, ǀgapipristergu tsî xoaǂansabegu tsîga xu, tsîb nî ǃgamhesa”—Mateub 16:21-23.
10 Khoese tamas ka io disi ǁkhâgu ǃnâb ge Jesuba ‘ǃhūbaiba xu tsî ǁGûb ǃoa nî ǃgû.’ (Johaneb 13:1) Jesub ge ǁîb ǁkhāǁkhāsabega Jodeǁîgab ge mîba tama hâ i ǁgauǁgausa ge mîba. Jesub ge ge mî: “Amase ta ra mîba go, ǀnîn ge hâ nē mân xa, ǁōba tsâ tidena, Khoen Ôaban nî ǁîb gaosib ǃnâ ǃgoaxase mûs aiǃâ.” (Mateub 16:28) Xaweb ge Jesuba ǂâibasen tama hâ ǁîb ǁkhāǁkhāsabegu Mesiab Gaosib nî ǂnûikhâihe kurib 1914 nî ǃnâ nî ûisa. Jesub ge ǁîb ǃnona ǀgū ǁkhāǁkhāsabega ǁgauǁgausa ge ǁgau ǁîb Gaosib di ǀgaib ǀkha tae-e nî dīsa. Nēs ge ǀkharaǀkharasens di ra ǂâibasen.
(Markub 9:2-6) Tsî ǃnani tsēdi khaoǃgâb ge Jesuba Petrub tsî Jakobub tsî Johaneb tsîga ū, tsî ǁîga ǀgapi ǃhommi ǃoa ǀguri ge ūǃapa; tsîb ge ǁnāpa ǁîgu aiǃâ ge ǀkharaǀkharahe. 3 Tsî saran âb ge ge ǂkhai tsî kaise ǃuri tsamaros khami ǃuriǃuri-ao-i ǃhūbaib ai ǁnāti a ǃuriǃuri ǁoas kōse. 4 Tsî Eliab ge Moseb ǀkha ǁîga ge ǂhai, tsî kha ge Jesub ǀkha gere ǃhoa. 5 Ob ge Petruba ǃeream tsî Jesub ǃoa ge mî: Rabitse, sage nēpa hâs ge a ǃgâi; a ge ǃnona ǁhaode dībasen, satsa ǀguis, Moseba ǀguis tsî Eliaba ǀguisa. 6 Tare-eb ra mîsab ge ge ǀū i, ǃao gu ge hâ i xui-ao.
w05-E 1/15 12 ¶11
Xristub ge kēbodi ǃoa ra ǁnaeǁgau
11 Jesub ge ǃnona tsēde ǃkharu hâse Petrub, Jakobub tsî Johaneb tsîna ǃhomma ǃoa ge ī ū. Jesub ge ǁnāpa “ǁîgu aiǃâ ge ǀkharaǀkharahe, tsîs ge ais âba sores khami ge ǂkhai, tsîn ge ǁîb sarana ǃnâb khami ge ǃuri.” Kēbo-aogu Moseb tsî Eliab tsîn ge Jesub ǀkha gere ǃhoa. Nē ǃnaeǃkhais ge ǃuia ge hâ tsîs ge nēsa kaise ge ǃgāsa i. Petrub ge ge ǂgan îb ǃnona tente omkhâi Jesub, Moseb tsî Eliab ǃaroma. Petrub noxoba ra ǃhoa hîna î ge kai ǃâusa ge hā tsî domma nē ǃâusa xu ge mî: “Nēb ge ti ǀnamǀnamsa ǀGôab, ǃgâiǃgâibasensa ta ūǃnâ hâba; ǁîba ǁnâu!”—Mateub 17:1-6.
(Markub 9:7) “Tsî i ge ǀnanu-e hā tsî ǁîga ge somsomǂam. Tsî ǀnanusa xu i ge dom-e ge ǀkhī: Nēb ge ti ǀnamǀnamsa ǀGôaba; ǁîba ǁnâu! ti ra mî-e.”
nwtsty study note Mrk. 9:7
dom-e: Nēs ge ǀgamǁî ǃās hînab Jehovaba aitsama khoen ǀkha ra ǃhoasa, hîna ǃGâiǂhôas ǃnaeǃkhaidi ǃnâ xoahe hâsa.—Mû re study notes Mrk. 1:11; Jhn. 12:28.
Gagasi xūna ǀō-aisase ôaǃnâs
(Markub 10:6-9) Xawe tsoatsoas kurusaben disa xub ge Eloba aob ase tsî taras ase ǁîra ge kuru. 7 ǁNā-amagab ge khoeba ǁgûb tsî ǁgûs tsîra ǁnāxū, tsî taras âb ai nî ǂgāmâisen. 8 Tsî ra ge ǁîǀgamra nî ǀgui ǁgan. ǁNā-amaga ra ge ǃaruǀî ǀgam tama tsî a ǀgui ǁgan. 9 Elob xa ǁnâi ǃgaeǀhaohe hâ-e i ge khoe-e ǀgora tide.
w08-E 2/15 30 ¶8
Markub ǂkhanisa xu ra mâǂoa mîdi
10:6-9. Elob ge ra ǂgao în ǃgame hâ khoena hoaǁae ǀguiba hâ. ǁNā-amagan ge ǃgame hâ khoena tā ǃhaese nî ǀgora ǂgao. Aob tsî taras tsîn ge Elobmîs tsoatsoade ǁîra ûib ǃnâ nî ûiǂui î ra ǃgomsigu hîna ra ǃgameb ǃnâ ra hōǃâna sîsenǂam ǁkhā.—Mat. 19:4-6.
(Markub 10:17, 18) Tsî daob ǃoab ra ǂoa, hîab ge ǀguiba ǃkhoehā tsî ǁîb aiǃâ ǃhon tsî ge dî bi: ǃGâi ǁkhāǁkhā-aotse, tare-e dī tsî ta ǀamo ûiba nî ǀumi? 18 Ob ge Jesuba ǁîb ǃoa ge mî: Tarexats “ǃgâi” ti ra ǂgai te? Khoe-i xare-i kom ǃgâi tamao, Elob ǀguib.
nwtsty study notes Mrk. 10:17, 18
ǃGâi ǁkhāǁkhā-aotse: Khoeb ge “ǃGâi ǁkhāǁkhā-aotse” dib ge mî o, nēsa ǂhanu-ams tsî ǂgai ǀondi ai ǃkhōǀgaras tsîna ǃoa gere ǁnaeǁgau. Jesub ge ǃgâi ǀgaub ǃnâ “ǁkhāǁkhā-aob” tamas ka io “Elo” di gere ǂanhe ǂgao. (Jhn. 13:13) ǁÎb ge hoa ǂhaisiba Jehovaba gere mā.
Khoe-i xare-i kom ǃgâi tamao, Elob ǀguib: Jesub ge ge mûǂan Jehovab ǀguib ǁnā ǁkhāsiba ūhâsa tae-i a ǃgâi tsî tsûs tsîna mîsa. Adammi tsî Evas tsîn ge nē ǂhaisiba Jehovaba xu ge ūbē ǂkhāsa haisa xu ra ge ǂû o. Xaweb ge Jesuba nē ǂhaisiba Jehovaba ra mā. Elob ge tae-i ǃgâisa ǁîb mîs ǃnâ ge xoa mâi.—Mrk. 10:19.
Elobmîs khomai ǃâs
(Markub 9:1-13) Tsîb ge ǁîn ǃoa ge mî: Amase ta ra mîba du, ǀnîn ge hâ nē mân xa, ǁōba tsâ tidena, Elob gaosiban nî ǁîb ǀgaib ǃnâb hâse mûs kōse. 2 Tsî ǃnani tsēdi khaoǃgâb ge Jesuba Petrub tsî Jakobub tsî Johaneb tsîga ū, tsî ǁîga ǀgapi ǃhommi ǃoa ǀguri ge ūǃapa; tsîb ge ǁnāpa ǁîgu aiǃâ ge ǀkharaǀkharahe. 3 Tsî saran âb ge ge ǂkhai tsî kaise ǃuri tsamaros khami ǃuriǃuri-ao-i ǃhūbaib ai ǁnāti a ǃuriǃuri ǁoas kōse. 4 Tsî Eliab ge Moseb ǀkha ǁîga ge ǂhai, tsî kha ge Jesub ǀkha gere ǃhoa. 5 Ob ge Petruba ǃeream tsî Jesub ǃoa ge mî: Rabitse, sage nēpa hâs ge a ǃgâi; a ge ǃnona ǁhaode dībasen, satsa ǀguis, Moseba ǀguis tsî Eliaba ǀguisa. 6 Tare-eb ra mîsab ge ge ǀū i, ǃao gu ge hâ i xui-ao. 7 Tsî i ge ǀnanu-e hā tsî ǁîga ge somsomǂam. Tsî ǀnanusa xu i ge dom-e ge ǀkhī: Nēb ge ti ǀnamǀnamsa ǀGôaba; ǁîba ǁnâu! ti ra mî-e. 8 Tsî ǁnātimîsi, kōǂnamipe gu geo, o gu ge ǀnî khoe-e ǁîgu ǀkha mû tama ge i, Jesub ǀguiba. 9 Tsî ǃhomma xu gu ra ǁgôaxa hîab ge ǁîga ge ǃkhâi, khoe-i xawe-e gu mû gu gon xa mîba tidesa, Khoen Ôab nî ǁō hâna xu khâis kōse. 10 O gu ge nē mîsa ǁîgu ǃnâ ūhâbasen, tsî ge dîǃnâgu, tares a ǁō hâna xu khâisa ǃkhaisa. 11 O gu ge ǁîba dî tsî ge mî: Xoaǂansabegu kom ra mîo, Eliab nî aibe hāsa? 12 Ob ge ǃeream tsî ge mîǀî gu: Eliab kom aibe hā tsî hoana nîra dī-unuo; tsî Khoen Ôab xa xoahe hâ khami i kom nîra īo, kaise tsâ tsîb nîra ǃharaxūhe ǃkhaisa. 13 Xawe ta ra mîba go: Eliab ge ǀnai ge hā, tsîn ge ǂgaon ra khami ge sîsenū bi ǃkhaisa, ǁîb xa xoahe hâ khami.
MEIB 21-27
ELOBMÎSA XU HÂ ǂÛǂÛSA MÎDI | MARKUB 11–12
ǀGâsa ǃoataras ge “hoan xa ǃnāsase” ge aoǂgā
(Markub 12:41, 42) Tsîb ge Jesuba ǁuiǂgaes ǃoagu ǂnû tsî ge kō, matis ǁaesa mari-e ǁuiǂgaes ǃnâ ra aoǂgā ǃkhaisa; on ge ǂgui ǃkhū hâna ǂguina gere aoǂgā. 42 Tsîs ge ǀgui ǃoataras ǀgâsasa hā tsî ǀgam peningra ge aoǂgā, ǁnāra ge ǂkhari mariǃnôara.
nwtsty study notes Mrk. 12:41, 42
ǁuiǂgaes [marin ra aoǂgāǃnâhe boksis]: Jodeǁîn ge ge mî nē ǁuiǂgaes ge ǁnâb khami a kurusa di tsî ǀgapise ge ǁkhowa-amsa i di. Khoen ge ǁnāpa ǂgui xūna gere aoǂgā. Nē Grikegowab mîs ge Jhn. 8:20 tawas tsîna ra sîsen-ūhe tsî “ǁuiǂgaes” di ra ǁgâiǂuihe. Nē mîs ge tempeli ǃâb tarekhoedi ra hâba ǃoas tsîna ra ǁnaeǁgau. (Mû re Mat. 27:6 tsî App. B11.) Jodeǁî ǁkhāǁkhā-aogu ǃoagu î ge 13 ǁuiǂgaede ǁnā tempeli ǃâb ǃnâ ge hâ i. Tempeli ge kai ǁuiǂgaes tsîna ge ūhâ i mari-i hîna ǁuisa xu ra hān gere ǂgā ǃnâhesa.
ǀgam peningra: “ǀGam ǂkhari marirora.” Grikegowab mîs le·ptons ge kaise ǂkhariro xū-e ǃoa gere ǁnaeǁgau. Leptons ge 1/128 denarius ǀkha ge ǀgui-i tsî ge ǂkhariro mari-i hîna ge Israelǁaes xa gere sîsen-ūhesa.—Mû re Glossary, “Lepton,” tsî App. B14.
ǂkhari mariǃnôara: “ǃKhare penib.” Grikegowab mîs ko·dranʹtes ge Romeǁîn koper-e ǃoa ra ǁnaeǁgau hîna a 1/64 denariusa. Markub ge nēpa Romeǁîn mari-e gere ǁguiǃā Jodeǁîn gere hoaǃnâ-aixase sîsen-ū-e.—Mû re App. B14.
(Markub 12:43) Ob ge ǁîb ǁkhāǁkhāsabega ǂgaihā tsî ge mîǀî gu: Amase ta ra mîba go, nē ǀgâsa ǃoataras ǁuiǂgaes ǃnâ go aoǂgān hoan xa ǃnāsase go aoǂgā ǃkhaisa.
w97-E 10/15 16-17 ¶16-17
Jehovab ge sadu ǃoabasa ra ǃgôaǃgâ
16 Tsēde ǃkharu hâse Nisan 11, ob ge Jesuba tempeli ǃnâ tsēsa ge hâ, ǁîb ǀgaib ge ǁnāpa gere ôaǃnâhe. Tsîb ge ǁgui-aimari-i, khâis tsî ǀnî hâ xūn xas tsîna gere dîhe. ǁÎb ge xoaǂansabegu tsî Farisegu hîna ge ‘ǃoataradi di omde a hapuga’ ge ǀgoraǃgâ. (Markub 12:40) Jesub ge ǁnāpaxū tempeli ǃnâ taradi ǃâb ǃnâ sī ge ǂnû, Jodeǁîn ǂhanub ǃoagu î ge nēba 13 ǁuiǂgaede ge hâ i. ǁÎb ge ǁaeroba ǁnāpa ge ǂnû tsî khoena gere kō ǁuiǂgaedi ǃnân mari-e ra aoǂgā hîna. ǂGui ǃkhū hâ khoen ge gere sī tsî ǀnîn ge gere mûmûsen ǂgao. (ǀGopeǀnō re Mateub 6:2.) Jesub ge ǀgui kaikhoes ǀguisa gere kō. Khoen ge nē ǀō-aisa xūna nē kaikhoes ǃnâ ga mû tama hâ. Xawe Jesub hîna khoen ǂgaoga ra mûb ge ge ǂan i nēs a ‘ǀgâsa ǃoatara’ ǃkhaisa. ǁÎb ge ǁîs ǁguibas tsîna ge ǂan i, “ǀgâsa ǃoataras ǁuiǂgaes ǃnâ go aoǂgān hoan xa ǃnāsase go aoǂgā ǃkhaisa.”—Markub 12:41, 42.
17 Jesub ge ǁnās ǀkha ǁîb ǁkhāǁkhāsabega ge ǂgai îgu aitsama hā mûbasen tsî ǁkhāǁkhāsen. Nē ǀgâsa ǃoataras ge ǁuiǂgaes ǃnâ go aoǂgān hoan xa ǃnāsase go aoǂgā’ dib ge Jesuba ge mî. ǁÎb ge mûs ǃoagus ge ǁîsa nau khoen hoan xa ǃnāsase ge aoǂgā. Nē ǃoataras ge ‘ūs hân hoana ge aoǂgāo.’ Nēsa dīs ǃnâ-ūs ge ǁîsa Jehovab ai ge ǂgomaiǂnûi ǁîb nî kōǃgâsise. Nē ǃoataras ge hoa khoen xa ǃgâi aiǁgausa ge ǁgau ǁnās ǀkha î ge ǁîs aiǁgausa kaise a ǂoaǂamsa. Elob mûǁaes ge nēsa kaise ge ǀō-aisa i.—Markub 12:43, 44; Jakobub 1:27.
(Markub 12:44) Hoan ge ǁîn di ǃnāǂamsiga xu go aoǂgā, xawes kom nēsa ǁîs di tôasiba xu ūs hân hoana go aoǂgāo, ǁîs di ûixū-i hoa-e.
w97-E 10/15 17 ¶17
Jehovab ge sadu ǃoabasa ra ǃgôaǃgâ
17 Jesub ge ǁnās ǀkha ǁîb ǁkhāǁkhāsabega ge ǂgai îgu aitsama hā mûbasen tsî ǁkhāǁkhāsen. Nē ǀgâsa ǃoataras ge ǁuiǂgaes ǃnâ go aoǂgān hoan xa ǃnāsase go aoǂgā’ dib ge Jesuba ge mî. ǁÎb ge mûs ǃoagus ge ǁîsa nau khoen hoan xa ǃnāsase ge aoǂgā. Nē ǃoataras ge ‘ūs hân hoana ge aoǂgāo.’ Nēsa dīs ǃnâ-ūs ge ǁîsa Jehovab ai ge ǂgomaiǂnûi ǁîb nî kōǃgâsise. Nē ǃoataras ge hoa khoen xa ǃgâi aiǁgausa ge ǁgau ǁnās ǀkha î ge ǁîs aiǁgausa kaise a ǂoaǂamsa. Elob mûǁaes ge nēsa kaise ge ǀō-aisa i.—Markub 12:43, 44; Jakobub 1:27.
w87-E 12/1 30 ¶1
Sadu māsa a ǁguiba?
Kaise da ge ǂgui xūna nē ǃnaeǃkhaisa xu a ǁkhāǁkhāsen ǁkhā. Hoa da ge aiǂhanuba ūhâ Elob di ǃoabasa ū da hâ xūn ǀkha mâxōǀkhāsa. Elob mûǁae a ǂhâǂhâsa î ge xū-e mās ǀguisa dī tama îsa xawe sida ǀō-aisase ūhâ xū-e māsa. ǀNî mîdi ǃnâ Eloba da ǂhâba oa da tide xū-e ra mā? Tamas ka io sida māsa ǂhauǃnâ-e?
cl-E 185 ¶15
Gā-aisiba “Elob mîs” ǃnâ
15 Kaise i ǂoaǂamsa tama hâ nē ǃoataras ge hoa khoen hîna ge tempeli ǃnâ hâ în xa a mûǂan-e tsî Elobmîs ǃnâ a xoa-esa? Nē aiǁgaus ǃnâ-ūb ge Jehovaba ra ǁkhāǁkhāda ǁîb a ǃgôaǃgâsib Elosa. ǁÎb ge kaise ra ǂkhî sida ǂgaoba xu hâ ǀkhaeba ūǃoasa nēs ga mati khoen xa ga ra mûhe xawe. Jehovab ge kaise îsa ǃnaeǃkhais ǃnâ-ū ǃgâi aiǁgau-e ra ǁkhāǁkhāda.
Gagasi xūna ǀō-aisase ôaǃnâs
(Markub 11:17) Tsî ǁkhāǁkhā tsîb ge ǁîn ǃoa ge mî: Xoahe tama i ǁnâi hâ: Ti ommi ge ǀgore-om ti nî ǂgaihe, hoa ǁaedi tawa, ti? Xawe du ge sado ǁîba ǃgamaon di ǁhāb ase dī hâ.
nwtsty study note Mrk. 11:17
ǀgore-ommi hoa ǁaedi ǃgao: ǃNona ǃGâiǂhôas ǂkhanidi xoa-aogu hîna ge Jes. 56:7 sa a ǁgaeǁgae gu ǃnâb ge Markub ǀguiba “hoa ǁaedi tawa” di hâ mîde ge sîsen-ū. (Mat. 21:13; Luk. 19:46) Jerusalems ǃnâ ge hâ i tempeli ǃnâ î ge Israelǁaes tsî Eloǃaoǃâxa khoen ǀguina Jehovaba gere ǃoaba tsî ǁîb ǃoa gere ǀgore. (1Gao. 8:41-43) ǁNās ǀkhab ge Jesuba Jodeǁîn hîna ge tempeli ǃnâ gere ǁamaxū na ge ǂgā în tā tempela ǃgamaon di ǁhāb ase dī. ǁÎn di dī xūn ge khoen hîna ge Jehovaba gere ǃoaba ǂgaona ge ǂgābē tsîn ge nē khoena Eloba ǂans aiǂhanuba ge ǂoaǃnâ.
(Markub 11:27, 28) Tsî gu ge ǁkhawa Jerusalems ǃoa ge hā. Tsî tempeli ǃnâb ra ǃgûma hîa gu ge ǀgapipristergu gu tsî xoaǂansabegu tsî kaigu tsîga ǁîb ǃoa hā 28 tsî ge mîǀî bi: Mâ ǀgaiba xuts ra nēna dī, tsî tari-e ge satsa nē ǀgaiba mā, nēnats nî dīse?
jy-E 244 ¶7
ǀNomahais [vye hais] ge ǂgomsa ra ǁkhāǁkhā
Jesub tsî ǁîb ǁkhāǁkhāsabe gu tsîn ge Jerusalems ǃnâ ge sī. Tsîb ge Jesuba ǁnaetib ase tempela ǃoa ī tsî ge ǁkhāǁkhā tsoatsoa. Tsî gu ge ǁkhāǁkhā-aogu tsî kaigu tsîna Jesuba ge dî ǃnâ tsoatsoa. ǁÎgu ge ge dî: “Mâ ǀgaiba xuts ra nēna dī, tsî tari-e ge satsa nē ǀgaiba mā, nēnats nî dīse.”—Markub 11:28.
Elobmîs khomai ǃâs
(Markub 12:13-27) Tsî gu ge ǀnîgu Farisegu tsî Herodeǁîgu diga ǁîb ǃoa ge sî, mîdi âb ǃnâ gu nî ǁîba ǃkhōse. 14 O gu ge hā tsî ǁîb ǃoa ge mî: ǁKhāǁkhā-aotse, ǂan ge ge a ama-aits a tsî khoe-i ǀkhats ǁae tama ǃkhaisa; khoen ai-ets kōǀî tama tsî daob Elob dibats ra amab ǃnâ ǁkhāǁkhā xui-ao: ǁNâi mā-amhe i hâ, Kaesara ǁgui-aimarisa māsa? Mā-amhe tama i hâ? Mā da nî? Mā da tide? 15 Tsî ǁîgu hînaxaǃnâsiba ǂan tsîb ge ǁîgu ǃoa ge mî: Tarexa go ra ǃâitsâ te? Denara hā-ūba te, î ta mû. 16 O gu ge ge hā-ū. Ob ge ǁîgu ǃoa ge mî: Nē īb tsî xoamâis tsîra tari-i dira? O gu ge: Kaesari dira kom ao, ti ge mî. 17 Ob ge Jesuba ǃeream tsî ǁîgu ǃoa ge mî: Kaesara ǁnâi mā Kaesari di-e, tsî Eloba Elob di-e. O gu ge ǁîb ǂama ge buru. 18 Tsî gu ge Sadusega ǁîb ǃoa ge hā, khâi-i hâ tama ti ra mîga, tsî ǁîba dî tsî ge mî: 19 ǁKhāǁkhā-aotse, Moseb ge sida ge xoaba: Khoeb di ǃgâsab ga ǁō tsîb ga tarasa ǁōǃgauo, ǀgôan ose, ob ge ǃgâsab âba tarasa nî ū, ǁîb ǃgâsabab nî suri-e ǀkhī kaibase. 20 O gu ge hû ǃgâsaga ge hâ i; tsîb ge ǂguroba tarasa ge ū, tsî ǁōb geo, ob ge suri-e ǁōǃgau tama ge i. 21 Ob ge ǀgamǁîba ǁîsa ge ū tsî ge ǁō, tsîb ge ǁkhāti suri-e ǁōǃgau tama ge i. Tsî ǃnonaǁîb ǁnās ǁkhās khami. 22 Tsî gu ge hûga suri-e ǁōǃgau tama ge i. Hoagu khaoǃgâs ge taras tsîna ge ǁō. 23 Khâis ǃnâ, khâin kao, mâb ǁîgu dib di tarases nî ī? Hûgu hoagu kom ǁîsa taras ase ge ūhâ io. 24 Ob ge Jesuba ǃeream tsî ǁîgu ǃoa ge mî: Nēs ǃaroma go ǁnâi ǁhabu tama hâ, xoasa go ǂan tama, tsî Elob ǀgaib tsîna go ǂan tamas ǃaroma? 25 ǁŌ hâna xun ga khâi on kom ǃgame tsî ǃgameb ǃoa māǂuihe tideo, tsî ǀhomǃgāgu ǀhommi ǃnâ hâ khami nîra io. 26 Tsî ǁō hân xasa, khâin ge nîra, ǁnâi khomai tama go hâ Moseb ǂkhanis ǃnâ, ǁnā ǁkhūhais xa, matib ge Eloba ǁîb ǃoa mîsa: “Tita ge Abrahammi Elota, tsî Isaki Elota tsî Jakob Elota?” 27 Elob kom ǁō hân di Elo tamao, tsîb kom a ûitsaman di Elo-o. O go kom kaise ra ǁha
MEIB 28–JUNIB 3
ELOBMÎSA XU HÂ ǂÛǂÛSA MÎDI | MARKUB 13-14
“Tā da ge khoena nî ǃao”
(Markub 14:29) Ob ge Petruba ǁîb ǃoa ge mî: Tsî gu ga hoaga sats ǃnâ ǁgonǁgonǃnâsen xawe ta ge tita dī tide.
(Markub 14:31) Ob ge ǁnās ǃgâ-ai ge mî: Tsî sats ǀkha ta ga ǁō, xawe ta ge tātsē ǀūxū tsi tide. ǁNās ǁkhās khami gu ge hoagu ona ge mî.
(Markub 14:50) O gu ge ǁkhāǁkhāsabegu hoaga ǁnāxū bi tsî ge ǁhâ.
(Markub 14:47) Ob ge mâǂnamipe hân di ǀguiba gôaba ǂgaeǂui, tsî ǀgapipristeri di ǃgāba ǂnau, tsî ǂgaes âba ge ǂnauǁnâ.
(Markub 14:54) Tsîb ge Petruba ǃnūseba xu ǁîba ge sao, ǀgapipristeri di ai-oms ǃnâs kōse. Tsîb ge ǃgān tawa ǂnûǀhao tsî ǀaesa gere sâ.
(Markub 14:66-72) Tsî Petrub ai-oms ǃnâ hâ hîas ge ǀgapipristeri ǃgādi di ǀguisa ge hā. 67 Tsî Petrubas ge mûo, sâb ra hîa, os ge ǃgapalî bi tsî ge mî: Sats on kom Jesub Nasareǁîb ǀkha go hâ io. 68 Xaweb ge ǀoa tsî ge mî: ǂAn tama ta hâ tsî ta ǁkhāti ǁnâuǃā tama, sas ra mî-e. Tsî ai-oms ǃoab ge ǂoa ǃnubaib ge aniba ge ā. 69 Tsî ǃgās ge ǃgapalî bio, os ge mâǂnamipe hân ǃoa ǁkhawa ge mîtsoatsoa: Nēb kom ǁîgu di ǀguibao. 70 Xaweb ge ǁkhawa ge ǀoa. Tsî ǂkharirose ǁnās khaoǃgân ge ǁnāpa mâna ǁkhawa Petrub ǃoa ge mî: Amase ǁîgu di ǀguits komo, Galileaǁîts komo tsî sa gowab kom ǁnāti īo. 71 Ob ge ǁî-aitsama ǀâxarexūsen tsî ge nūtsoatsoa: ǂAn tama ta hâ khoeb kom nēb sadu ra mîbao, ti. 72 Ob ge aniba ǁnātimîsi ǀgamǁî ǃnāsa ge ā. Ob ge Petruba Jesub go ǁîb ǃoa mî mîs xa ge ǂâi; Anib ǀgam ǃnāra ā tama hîats ge ǃnona ǃnādi kōse nî ǀūxū te, ti. Ob ge ǂâihō tsî ge ā.
ia-E 200 ¶14
ǁÎb ge khoena ǀûbasa ǁîb ǀhonkhoeba xu ge ǁkhāǁkhāsen
14 Petrub ge ǃamkuse gere ǃgû amagab ge Jerusalems ǂanǂansa dao-ams tawa ge sī. Nēs ge ge Kajafab om-i, ǁîb ge kaise ge ǃkhū hâ i. Nēti i omdi ge ai-ommi ǂnāmipe gere omhe, dao-amsa aisǀkhāb ai ūhâse. Petrub ge dao-ams tawab ge sī o, o ge ǂgâ kaihe tama hâ i. Johaneb hîna ge ǀgapipristera ǂan îb ge hā tsî dao-ams tawa ge hâ i aoba ge mîba îb Petruba ǂgâ. Petrub ge Johaneb ǀgūse ge hâ tama hâ i tsî ǁîb ǀhonkhoeb ǀgūseb nî hâ amagas tsîna ge ǂgâ tama hâ i. ǁÎb ge ai-ommi ǃnâ gere hâ, ǃgān tsîn ge ǁnāpa ǃuia gere hâ. Tsî Jesub mâǃoa-aona gere kō ǂgâ tsîn ra ǂoa hîna.—Mrk. 14:54-57; Jhn. 18:15, 16, 18.
it-2-E 619 ¶6
Petrub
ǀNî hâ ǁkhāǁkhāsabeb ge ǁîb ǀkha ge hâ i Petrub ge ǀgapipristeri omsa ǃoa a ī o. Petrub ge sīb ge khami ai-omi ǃnâ ge ǂgâ (Jhn. 18:15, 16) ǁÎb ge ge tao tama hâ i xawe ǀaes tawa sī ge ǀgamǀgamsen. ǀAes ge ǁîba Jesub ǀhōsab ase ge ǂanǂan tsî ǁîb ge Galileaǁî-i khami gere ǃhoa amagan ge khoena ge buru tsoatsoa. Petrub ge ǃnona ǃnādi kōse Jesuba ge ǀūxū tsî nēs ǀkha ǁîb ǀgaiba ge ǀâxare. ǂGui khoen ǁaegub ǃnâb ge Jesuba “ǂnan, tsî Petruba ge kōǀî.” Petrub ge ǃaugaba ǃoa ǂoa tsî ause ge ā tsoatsoa. (Mat. 26:69-75; Mrk. 14:66-72; Luk. 22:54-62; Joh 18:17, 18; mû re COCKCROWING; OATH.) Jesub ǀgores hînab ge Petrub xa dī hâ îs ge ge ǁnâu-amhe tsî î ge Petrub ǂgomsa hoase ge bē tama hâ i.—Luk. 22:31, 32.
Gagasi xūna ǀō-aisase ôaǃnâs
(Markub 14:51, 52) Tsî ǀgui ǂanǂansa ǂkhamkhoeb ge ǁîba ge sao, ǃuri ǃkhaib ǀkha ǀōǀkhā soros âb ai anasen hâba; o gu ge ge ǃkhō bi. 52 Ob ge ǃuri ǃkhaiba ǁnāxū, tsî ǀōǀkhāse ǁîga xu ge ǃkhoeni.
w08-E 2/15 30 ¶6
Markub ǂkhanisa xu ra mâǂoa mîdi
14:51, 52—Mâ ǂkhamkhoeba sara-i ose ge ǃkhoebē? Markub ǀguib ge nē ǃnaeǃkhais xa ge xoa. ǁÎb ge ǀnîsi ǁîb xa aitsama gere ǃhoa.
(Markub 14:60-62) Ob ge ǀgapipristera ǁaegub ǃnâ khâi tsî Jesuba dî tsî ge mî: Xū-ets ǁnâi ǃeream tama? Tare-en ra nēna sats ǃoagu ǀhûǀguitimî? 61 Xaweb ge ǁîba ǃnō tsî xū-i xare-e ǃeream tama ge i. Ob ge ǀgapipristera ǁkhawa dî bi tsî ǁîb ǃoa ge mî: Xristuts, ǀGapiǃgôasab di ôatsa ǁnâi satsa? 62 Ob ge Jesuba ge mî: ǁÎ ta kom titao. Khoen Ôaba du ge Elob amǀkhāb tawa ǂnôase, tsî ǀhommi ǀnanudi ai ǃgoaxase nîra mû!
jy-E 287 ¶4
Jesub ge ǂgurose Anaba ǃoa ī ū-e tsî ǁnāpaxu Kajafaba ǃoa
Kajafab ge ge ǂan i Jodeǁîn ge ǃgâibahe tama hâ isa khoe-i ge Elob ǀgôab ti gere ǂgaisen o. Jesub ge Eloba ǁîb ǁGûb di a ǂgai o, on ge Jodeǁîna ǁîba gere ǃkham ǂgao ǁîb ge “Elob ǀkha ǀguiti-īse” ra mâisen ti mî tsî. (Johaneb 5:17, 18; 10:31-39) Nēsab a ǂan amagab ge Kajafaba Jesuba ge mîba: “Ûitsama Elob tawa ta ra nūba tsi, sigets nî mîba ǃkhaisa, īsets satsa Xristu Elob Ôa ǃkhaisa.” (Mateub 26:63) Jesub ge ge ǂan i ǁîb a Elob ǀGôasa. (Johaneb 3:18; 5:25; 11:4) ǁÎb ga nēsa mûǂan tama hâ o, ob ge Jesub a Elob ǀGôa tsî a Xristu ǃkhaisa ga ǀūxu hâ. ǁNās ǀkhab ge Jesuba ǃeream tsî ge mî: “ǁÎ ta kom titao. Khoen Ôaba du ge Elob amǀkhāb tawa ǂnôase, tsî ǀhommi ǀnanudi ai ǃgoaxase nîra mû!”—Markub 14:62.
Elobmîs khomai ǃâs
(Markub 14:43-59) Tsî ǁnātimîsi, ganupeb ra ǃhoa hîab ge Judab Iskarioǁîb, disiǀgamǀagu di ǀguiba ge hā, tsî ǁîb ǀkhas ge kai ǂnubisa ge hā gôagu tsî haigu ǀkha, ǀgapipristergu tsî xoaǂansabegu tsî kaigu tsîgu xa go sîhesa. 44 Tsî ǀapexū-aob ge ǂanǂansa sao-e māgu tsî ge mî: ǁOa ta nîb ge ǁîba; ǃkhō bi, î sâusase ūǃgû bi. 45 Tsî hāb geo, ob ge ǁnātimîsi ǁîb tawa sī tsî: Rabitse! ti mî tsî ge ǁoa bi. 46 O gu ge ǃomga ǁîb ai ǁgui tsî ge ǃkhō bi. 47 Ob ge mâǂnamipe hân di ǀguiba gôaba ǂgaeǂui, tsî ǀgapipristeri di ǃgāba ǂnau, tsî ǂgaes âba ge ǂnauǁnâ. 48 Ob ge Jesuba ǃeream tsî ǁîn ǃoa ge mî: ǃGamaob ǃoa ra ǃgû khami du go ǂoa, gôagu tsî haigu tsîgu ǀkha, tita du nî ǃkhōse? 49 Tsēkorobe ta ge sadu ǀkha tempeli ǃnâ hâ i, tsî gere ǁkhāǁkhā, tsî du ge ǃkhō te tama hâ i; xawe nēn ge go ī, Xoadi nî ǀoaǀoahese. 50 O gu ge ǁkhāǁkhāsabegu hoaga ǁnāxū bi tsî ge ǁhâ. 51 Tsî ǀgui ǂanǂansa ǂkhamkhoeb ge ǁîba ge sao, ǃuri ǃkhaib ǀkha ǀōǀkhā soros âb ai anasen hâba; o gu ge ge ǃkhō bi. 52 Ob ge ǃuri ǃkhaiba ǁnāxū, tsî ǀōǀkhāse ǁîga xu ge ǃkhoeni. Xristub Kajafab aiǃâ. 53 Tsî gu ge Jesuba ǀgapipristeri ǃoa ge ūǃgû. O gu ge ǀgapipristergu tsî kaigu tsî xoaǂansabegu hoaga ge ǀhao. 54 Tsîb ge Petruba ǃnūseba xu ǁîba ge sao, ǀgapipristeri di ai-oms ǃnâs kōse. Tsîb ge ǃgān tawa ǂnûǀhao tsî ǀaesa gere sâ. 55 Tsî ǀgapipristergu tsî ǀape-aogu di ǀhaos hoas ge ǀhûǀguitimî-e Jesub ǃoagu ge ôa, ǁîba gu nî ǃgamse, xawe gu ge hō tama ge i. 56 ǂGuin ge ǁîb ǃoagu ǂkhabase ge ǃkhō-am, xawe di ge ǃkhō-amdi âna ǀgui tama i xui-ao. 57 On ge ǀnîna khâi, tsî ǂkhabase ǁîb ǃoagu ǃkhō-am tsî ge mî: 58 Sida kom ge ǁnâuo, ǁîb ra mîsa: Tita ge nē tempeli ǃomgu ǀkha dīhe hâba khôaǁnâ tsî ǀkharab ǃomgu ǀkha dīhe tamaba ǃnona tsēdi ǃnâ nî omkhâi. 59 Xawe ǁkhāti ǁnātis ge ǃkhō-ams âna ǀgui tama ge i.