ǁNaeǁgaudi Sida Xristeǁî ûib tsî aoǁnâ sîsenni ǂkhanib
MAARTI 4-10
ELOBMÎSA XU HÂ ǂÛǂÛSA MÎDI | ROMEǁÎN 12–14
“Xristeǁî ǀnamma ǁgaus tae-e ra ǂâibasens”
(Romeǁîn 12:10) ǃGâsa ǀnamgusa as ǂgaob ǀkha ī. ǃGôagus ǀkha aiǃgûbagu re.
it-1-E 55
ǀNamgus [ǀNamma ǁgaus]
ǃGâsa ǀnamgus (Gr., phi·la·del·phiʹa, “nēs ge ǃgâsa-e ǀnams di ra ǂâibasen”) tsî nē ǀnammi ge Xristeǁî ǀhaohâb ǁanin ǁaegu nî mûhe. (Rom. 12:10; Heb. 13:1; mû re 1Pet. 3:8.) Xristeǁî ǀhaohâb ge kaise ǀgaisa ǀhōsagusisa ǁîn ǁaegu nî ūhâ hîna omaris ǁanin ǁaegu ra hōǃâ-esa. Xristeǁîn ga ǁîn ǁaegu ǀnai ǀnamma ga ra ūhâ xawen ge noxoba ra ǂkhâǃnâ-e nēsa ǀoasase dīsa.—1Tes. 4:9, 10.
Grikegowab mîs phi·loʹstor·gos ge ‘ǀnamxaǃnâsi-e’ ūhâs di ra ǂâibasen. Tsîs ge nēsa khoen hîna ǀgaisa ǀhōsagusisa ūhân ǃoa ra ǁnaeǁgau. Tsî sterʹgo di hâs ge khoeǃgâgun ǁaegu hâ ǀhōsagusis ǃoa ra ǁnaeǁgau. Apostel Paulub ge Xristeǁîna ge mîba în nē ǀgauba omkhâi. (Rom. 12:10) Paulub tsîn ge ge mî ǀuniga tsēdi ǃnâb ǃhūbaiba “ǀnamoǃnâ” (Gr., aʹstor·goi) khoen xa nî ǀoasa tsîn ǁîna ǁōsa ǃoaǂuihâsa.—2Tim. 3:3; Rom. 1:31, 32.
(Romeǁîn 12:17-19) Tā khoe-e ǂkhaba-i ama ǂkhaba-e dīdawa-am re. Îǂhôase sîsen re khoen hoan aiǃâ.18 Ī ǁkhā i kao, sadu tawa i hâs kōse, hoa khoen ǀkha ǂkhîb ǃnâ ûi re.19 Tā aitsama ǀkhaobasen, ǀnamsabedo, î ǁaixasiba ǃkhai-e mā re; xoamâihe hâ xuige: ǀKhaob ge a ti, tita ge nî dīdawa-am, tib ra ǃKhūba mî.
w09-E 10/15 8 ¶3
“Hoa khoen ǀkha ǂkhîb ǃnâ ûi re”
3 Khomai re Romeǁîn 12:17. Paulub ge ge mî ǁaiba da ga hōǃâ o, o da ge tā ǁaib ǀkhā nî madawa-am. Nē ǀapemāsa ǁnâuǀnams ge kaise a ǂhâǂhâsa, ǃgōsase ǂgom di ǃnâ a ǀgorasa omaridi ǃnâ. ǃGame hâ khoen ge kaise ǀgaisase nî dītsâ în tā tsū mîsan ga mîhe o, ǁî-i tsîna ǁnā mîsa mîǃoa. ‘ǂKhaba-i ama ǂkhaba-e khoe-e dīdawa-amsa’ xu i ge ǃgâi xū-e hō-e tama. ǁNāti-i ǂūb ge mâsiba tsūtsūs ǀguisa nî dī.
w07-E 7/1 24-25 ¶12-13
“Tā khoe-e ǂkhaba-i ama ǂkhaba-e dīdawa-am re”
12 Paulub ge sao rase mati da Jehovaba ǃoaba tama hâ khoena nî hâ-ū ǀgaub xa ge mî: “Tā ǂkhaba-i ama ǂkhaba-e dīdawa-am.” Nēs ge ǂguroseb ge mî i ǀkha ra ǃgûǀhao, mî rase: “ǂKhababa ǁkhan” re. Nēn hoan ǂam-ai i khoe-e mati nî mî ǁî-i ǂkhababa ǃhui hâ ti xawe noxoba ǂkhababa ra dī ǃoa naun ǃoagu? Nēsa dīs ge nî ǂâibasen nē khoe-i “hînaoǃnâ” ǀnamma ūhâsa. Tsîb ge Pauluba ge mî: “Îǂhôase sîsen re khoen hoan aiǃâ.” (Romeǁîn 12:9, 17) Nē mîde da mati nî sîsen-ū?
13 ǁÎb di ǂguro sîǂkhanis hînab ge Korinteǁîn ǃoa a xoas ǃnâb ge Pauluba matin ge Xristeǁîna gere mâǃoahe ǀgaub xa ge xoa. ǁÎb ge ge mî: “ǃGapaǀîxū kaiba ge ge sige ǃhūbaib tsî ǀhomǃgāgu tsî khoen tsîna xui-ao . . . ǀauhe ge ra, xawe ge ra ǀkhae; ǃgôaǃgonhe ge ra xawe ge ra taniǀnam.” (1 Korinteǁîn 4:9-13) ǁNās ǁkhās khamin ge Xristeǁîn tsîna nētsē ǃhūbaib khoen xa ra kō-e. Khoen ga mû o mati da ǂhanuoǃnâse ra hâ-ūhe ǀgauba xawe ǂkhababa dīǃoa tama hâ ǃkhaisa on ge ǁîna ǃgâiǂhôasa ǃgâs di ǁkhoaba nî ūhâ.—1 Petrub 2:12.
(Romeǁîn 12:20, 21) Sa khākhoe-i ga ǃâo, ǁî-e ǂûmā re; ǁgâ-i kao, ǁî-e āsi re. Nēsats ga dīo, ots ge ǀaexa ǂnomde ǁî-i danas ai nî ǀhaoǀhao.21Tā ǂkhabab xa dankaisen, î ǂkhababa ǃgâib ǀkha dan.
w12-E 11/15 29 ¶13
Māsenxase ǀûbagu re
13 ǀNî ǁaeb ai du ge ǀnîsi ra ǂâi sado ge tsūdi khoe-e huisa î-i Xristeǁîn di ǁgaraga ǁkhāǁkhāsen. Apostel Paulub ge ge xoa: “Sa khākhoe-i ga ǃâo, ǁî-e ǂûmā re; ǁgâ-i kao, ǁî-e āsi re. Nēsats ga dīo, ots ge ǀaexa ǂnomde ǁî-i danas ai nî ǀhaoǀhao.” “Tā ǂkhabab xa dankaisen, î ǂkhababa ǃgâib ǀkha dan.” (Rom. 12:20, 21) Sadu di khoexaǃnâsib ǃnâ-ū du ge ǃkhāǃkhā-ao-i di ǀgauba a tsautsau ǁkhā tsî ǁî-i di ǃgâi ǀgaugu tsîna a mûǂan kai-i ǁkhā. ǁNâuǃāxasib, ǀkhomxasib tsî khoexaǃnâsib tsîna tsûtsû du go khoe-e ǁgaus ge ǁî-e a hui ǁkhā î-i Elobmîs amaba ǁkhāǁkhāsen. Tae-i ǀgui-i ga ī xawe i ge ǃgâi ǃereamsa khoe-e ǃēsa ra mā î-i sadu di ǃgâi tanisen ǀgaub xa ǂâiǃgâ.—1Pet. 2:12; 3:16.
Gagasi xūna ǀō-aisase ôaǃnâs
(Romeǁîn 12:1) O ta ra ǁnama du, ǃgâsado, Elob di ǀkhomxaǂgaosiga xu du sadu sorode nî mâi ǃkhaisa ûitsama tsî ǃanu tsî Eloba ǃgâiba ǁguibase, ǁîs ge a sadu gā-ai eloǃoaba.
lvs-E 76-77 ¶5-6
ǁKhoaxa ǁaeba ūhâsa ǁhûis
5 Dī da ra xūn hoan ge sida ǀgoreǀîs ǀkha ra ǃgûǀhao. Paulub ge nēsa ge ǁguiǃā, mîb ge o: “Sadu sorode . . . ûitsama tsî ǃanu tsî Eloba ǃgâiba ǁguibase” mâi di. (Romeǁîn 12:1) Jesub ge ge mî: “Tsîts ge ǃKhūb sa Eloba nî ǀnam sa ǂgaob hoab ǀkha, sa ǀoms hoas ǀkha, sa ǁnâuǃāb hoab ǀkha tsî sa ǀgaib hoab ǀkha.” (Markub 12:30) Sida tsîn ge Jehovaba sida ūhâ i hoa-e ra mā ǂgao. ǂGurokham ǁaeb ǃnân ge khoena ǁguiba-en gere mā o, o gere ǂgaoǀkhāhe în ǂuru xamani-e ǁguibas ase mā. ǁÎn ǁguibas ge ǃgomsiba gere ūhâ o, ob ge Eloba nē ǁguibasa ge ūǃoa tama hâ i. (Levitikus 22:18-20) ǁNās khami î ge sida ǃoabas tsîna Jehovab xa a ūǃoa-e ǁkhā. Mâ ǀgaub ǃnâ?
6 Jehovab ge ra mî: “ǃAnu, tita a ǃanu xuige.” (1 Petrub 1:14-16; 2 Petrub 3:11) Sida di ǃoabas ga ra ǃanu o, o ǀguib ge Jehovaba nî ūǃoasi. (Deuteronomium 15:21) Jehovab ǁkhan hâ xūna da ga ra dī o, os ge sida ǃoabasa ǃanu tide, aiǁgause, xūn hîna a ǁgau-oǃnân, ǂkhawadība ǃkhōǂgāhân tamas ka io ǁgôatsuiǁgoaǃoabasa ǃkhōǂgā hân tsîna. (Romeǁîn 6:12-14; 8:13) Jehovab ge ǂkhîǂâixa tide sîda ga nē xūn xa ǃgâibahe o. Nēs ge sida di ǃoabasa nî ǃanu-oǃnâ kai tsîs ge Jehovab xa ūǃoahe tide tsî ǁnās ǀkha sida ǀhōsagusis Jehovab ǀkha da ūhâsa a ǀam kai ǁkhā.
(Romeǁîn 13:1) Mâ-i hoa-e a-i ǂamkhoega ǃnaga hâba, ǁî-i ǂama ǀgaiba ūhâga. ǂAmkhoegu ge Elob ǀguiba xu hâ xuige; tsî hâ a ǂamkhoegu kom Elob xa ǂnûiǂgāhe hâo.
w08-E 6/15 31 ¶4
Romeǁîn ǂkhanisa xu ra mâǂoa xūn
13:1—Mā ǀgaub ǃnâ gu ‘ǂamkhoega’ Elob xa ǂnûiǂgāhe hâ? “ǂAmkhoegu kom Elob xa ǂnûiǂgāhe hâo,” ǁîgu ge Elob di mā-ams ǀkha ra ǂgaeǂgui tsî ǀnî mâsigu ǃnâb ge Eloba ǁîgu ǂgaeǂguisa ǀnai ge aimûǀgaru. Nēsa da ge Elobmîs ge ǂgaeǂgui-aogu di ǃgôab xa a mîsa xu ra mû.
Elobmîs khomai ǃâs
(Romeǁîn 13:1-14) Mâ-i hoa-e a-i ǂamkhoega ǃnaga hâba, ǁî-i ǂama ǀgaiba ūhâga. ǂAmkhoegu ge Elob ǀguiba xu hâ xuige; tsî hâ a ǂamkhoegu kom Elob xa ǂnûiǂgāhe hâo. 2 ǁNā-amaga ǂamkhoega ra mâǃoa-i hoa-i ge Elob di ǂnûiǂgāsa ra mâǃoa-e, tsî mâǃoa ran ge ǁî-aitsama ǀgoraǃgâ-e nî ūhābasen. 3 ǂAmkhoegu ge a ǃaoǃaosaba ǃgâi sîsenga tama, xawe ǂkhabaxa xui-ao. ǂAmkhoegats ga ǃao ǂgao tama io, ǃgâiba dī, ots ge ǁîgu xa nî koahe. 4 Elob di ǃgāgu ge ǁîga xui-ao, sa ǃgâiba ǃoa; xawe ǂkhababats ga dīo, ǃao; gôaba gu ǁause tani tama xuige. Elob ǃgāgu tsî ǂkhababa ra dīn di ǀkhao-aogu kom ǁîgao. 5 ǁNā-amagats ge ǃnaga hâsa ǂhâba hâ, ǁkharab ǀguib ǃaroma tama i, tsî ǂâis tsîn ǃaroma. 6 ǁNā-amaga du ǁkhāti ǁguibasa nî mā; Elob di ǃoabasabegu ge ǁîga xui-ao, nēs ǃnâ hugaǀgui ra sîsenga. 7 Mâ-i hoa-e ǁnâi surude du hâ-e mā: ǁGuibasa anu hâ-e ǁguibasa, mari-e anu hâ-e mari-e, ǃoabasa anu hâ-e ǃoabasa, ǃgôasiba anu hâ-e ǃgôasiba. 8 Î du tā khoe-e xū-e surude, ǀnamgus ǀguis; nau-e ra ǀnam-i ge ǂhanuba dīǀoaǀoa hâ xuige. 9 Nēn: ǃGamebats ge khôa tide! ǃGamts ge tide! ǃNarits ge tide! ǂKhabasets ge ǂgā-am tide! Turats ge tide! tsî ǀnî mîmā-i ga hâo, ǁîn kom nē mîs ǃnâ ra ǃkhōǀhaoheo: Sa ǀgūkhoebats ge nî ǀnam sats ǁkhāts khami. 10 ǀNammi ge ǀgūkhoeba tsū xū-e dī tama hâ, tsîb ge ǀnamma a ǂhanub di dīǀoaǀoasi. 11 Î du ǁîsa dī, ǁaeba du a ǂan xuige, ǁnā iri a ǃkhaisa, ǁîb ǃnâ du nî ǂomsa xu ǃnoaǂkhaiba; ǃgâiǃōsib ge nēsi aibe da ge ǂgomsa kai ǁaeb xa ǀgūse hâ amaga. 12 Tsuxub ge ge ǃgû-ī, tsî tsēs ge a ǀgū; a da ǁnâi ǁguiǁnâ ǃkhaenab di sîsenga, î da ǃnâb di ǁâtanina ana. 13 A da îǂhôase tanisen, tsēs ǃnâs axase; î da tā ûi ōb tsî āb ǃnâ, ǁomǃnâ omdi tsî ǂūǁoasigu ǃnâ, ǂnoagus tsî surigus ǃnâ; 14 ǃKhūb Jesub Xristuba ana î du sorosa ǂhansenba, xawe tā turagu ǃoa.
MAART 11-17
ELOBMISA XU HÂ ǂÛǂÛSA MÎDI | ROMEǁÎN 15-16
“Mâǀgais tsî ǁkhaeǂgaos ǃgao Jehovab ǃoa kō re”
(Romeǁîn 15:4) Aiga xoahe hân ge sada ǁkhāǁkhās ǃoa xoahe hâ, sada nî xoas di sâsasib tsî ǁkhaeǂgaos tsîra xu ǃâubasensa ūhâga.
w17-E.07 14 ¶11
“ǃOa ran ǀkha ǃoa”
11 Elobmîs ǃnâ da ge ǂgui ǁkhaeǂgaora xoade ra hō, aiǁgause Jesub ge Lasarub di ǁōb tawa gere ǃoa ǀgaub tsîna. Kai ǂkhâǃnâs ge nēsa, “aiga xoahe hân ge sada ǁkhāǁkhās ǃoa xoahe hâ, sada nî xoas di sâsasib tsî ǁkhaeǂgaos tsîra xu ǃâubasensa ūhâ” amaga. (Rom. 15:4) Saora xoade xu du ge kaise ǃgâi ǁkhaeǂgaode a hōǁkhā ǃoa du ra ǁaeb ai:
▪ “ǃKhūb ge ǀgūse hâba ǁnān, khôaǂkhūsa ǂgaoga ūhâna, tsîb ge khôaǂkhūsa ǂâidi â-ina ra sâu. ǂHanu-ai-i ge ǂgui tsūǃōna ra ǃoa, xawe ǃKhūb ge ǁî-e ǁîn hoana xu ra huiǂui.”—Psa. 34:18, 19.
▪ “Ti ǂâidi ge ti ǃnâ ǂguio, o di ge sa [Jehova, NW] ǁkhaeǂgaode ti ǀomsa ge khoakhoa.”—Psa. 94:19.
▪ “Tsî ǁîb, sada ǃKhūb Jesub Xristub, tsî sada Elob tsî ǁgûb, sada ge ǀnammi, tsî ǀamo ǁkhaeǂgaosen-i tsî ǃgâi ǃâubasen-e ǀkhommi ǃnâ ge māba, ab ǁîba sadu ǂgaoga ǁkhaeǂgao, îb ǀgaiǀgai du hoa ǃgâi mîs tsî dīb tsîra ǃnâ.”—2Tes. 2:16, 17.
(Romeǁîn 15:5) Ab Elob sâsasib tsî ǁkhaeǂgaos tsîra diba mā, î du sadu ǃnâ ǀguiǂâixa Xristub Jesub ǃoa
w16-E.04 14 ¶5
“Taniǀnamxasiba ab dīǀoaǀoasase sîsenni âba dī”
5 Jehovab ai kō re ǀgaib ǃaroma. Jehovab ge ‘Elob sâsasib tsî ǁkhaeǂgaos’ tsîna ra māba. (Rom. 15:5) Jehovab ge sida ra hōǃâ ǃgomsin ǀguina ǁnâuǃā tama hâ xaweb ge sida di ǂnāmipeb, tsâsigu tsî kuru-e da hâ ǀgaub tsîn matira tsâǀkhādas tsîna ra ǁnâuǃā. ǁÎb ǀguib ge sada nî hui i da mâǀgaibe ǁkhā. ‘ǁÎb ge ǁîba ra ǃaoǃgân ra tura xūna ra dī,’ dis ge Elobmîsa ra mî: ‘Tsîb ge ǂgais âna ǁnâu tsî ǁîna ra ore.” (Psa. 145:19) Matib Jehovaba sida ǀgaiba ra mā mâǀgais ǃaroma?
(Romeǁîn 15:13) Tsî Elob ǃâubasens diba ab sado ǀoaǀoa ǃgâiaǂgaob tsî ǂkhîb hoab ǀkha ǂgoms ǃnâ, ǃâubasens ǃnâ du nî ǃAnu Gagab di ǀgaiba xu ǃnāǂamga.
w14-E 6/15 14 ¶11
“ǃKhūb [Jehovab, NW] sa Elobats ge nî ǀnam”
11 Jehovab ge ‘ǃâubasens hîna ǃgâiaǂgaob tsî ǂkhîb ǀkha ra ǀoaǀoa’ da sa ra mā da. (Rom. 15:13) Elob xa da mā-e hâ ǃâubasens ge nî huida î da ǃâitsân ǃnâ māǀgai ǁkhā. ǂHauhesan hîna ‘ǂgomǂgomsase ǁōb kōse ra hân ge ûib di kronsa nîra māhe.’ (J.ǂHa. 2:10) ǂGomǂgomsa ǃoaba-aon hîna ǃhūbaisi ûib di ǃâubasensa ūhân ge ǂoaǂamsa mâsib ǃnâ Paradais ǃnâ nî ûi. (Lukab 23:43) Nēsa da mati ra ūǃoa? ǀNammi tsî ǂkhîb tsîn xa da ǀoahe tama hâ “mâ ǃgâi hō-i tsî mâ dīǀoaǀoasa hō-i” tsîn di Mā-aob ǃoagu? —Jak. 1:17
Gagasi xūna ǀō-aisase ôaǃnâs
(Romeǁîn 15:27) Nētin ge ge ǃgâiǂâi, tsî amasen ge a ǁîn di surude-ao. ǁÎn di gagasi xūnan ga ǀūbena amǃnâxao, on ge ǁkhāti surude hâ, sorosi xūn ǀkhan nî ǁîna ǃoaba ǃkhaisa xui-ao.
w89-E 12/1 24 ¶3
“Sadu di ǀnammi matikōse a amasa ǃâitsâ re”
Jodeǁî tama Xristeǁîn ge ge doe ūhe în ǃgomma xū bē. ǁÎn ge ǀō-aisa “surude-e” Jerusalems ǃnâ hâ Xristeǁîn ǃoa-ai ge ūhâ i. Jerusalemsa xū tama ge īsa ǃgâiǂhôas ge Jodeǁî tama Xristeǁîna ǃoa a sīsa? Paulub ge ge mî “Nētin ge ge ǃgâiǂâi, tsî amasen ge a ǁîn di surude-ao. ǁÎn di gagasi xūnan ga ǀūbena amǃnâxao, on ge ǁkhāti surude hâ, sorosi xūn ǀkhan nî ǁîna ǃoaba ǃkhaisa xui-ao.”—Romeǁîn 15:27, The New English Bible.
(Romeǁîn 16:25) Tsî ǁNāb sado ǀgaiǀgai ǁkhāb, ti ǃgâiǂhôasa ǃoa tsî Jesub Xristub di aoǁnâhesa ǃoa, ǂganǃgâsib di ǂhaiǂhaisa ǃoa, ǀamo ǁaeba xu ge ǂganǃgâsa ib
it-1-E 858 ¶5
Aibe ǂans, Aibe Mîǁguis
Mesiab tamas ka io Xristub ge ge mîmâisa ǃkhom [surib] i hînan, ǁnān ǂhanu-ain hoana ǀkhaeba nî hō xūba. (Gal. 3:8, 14) Nē “surib” ge ǂgurose Edenni ǃhanab ǃnâ ge hâ mâǃoas khaoǃgâ ge ǂnûiǂgāhe, ǁnās ge Abeli ǃnaes aiǃâ. (Gen. 3:15) Nēs ge 4 000 kuriga Mesianise “surib” di “ǂganǃgâsib” nî ǂhaiǂhaihes aiǃâ ge ī. Tsîs ge nēsa gaxu ‘ǁaeba xu ge ǂganǃgâsa’ tama hâ i.—Rom. 16:25-27; Efe. 1:8-10; 3:4-11.
(Elobmîs khomai ǃâs)
(Romeǁîn 15:1-16) Xawe sada ǀgaisada ge a anuba ǀgaisa taman di ǂkhabusasiga tanisa, tsî sada ǃgâiǃgâibasen tidesa. 2 A-i mâ-i hoa-i âda ǀgūkhoe-e ǃgâiǃgâiba ǃgâib ǃoa, ǂnubikhâisa ǃoa. 3 Xristub on ge ǁîba ǃgâiǃgâibasen tama i, tsî xoamâihe hâ khami ge dī: “Satsa ra ǃkhāǃkhān di ǃkhāǃkhādi ge tita ai ge ǁnā,” timî. 4 Aiga xoahe hân ge sada ǁkhāǁkhās ǃoa xoahe hâ, sada nî xoas di sâsasib tsî ǁkhaeǂgaos tsîra xu ǃâubasensa ūhâga. 5 Ab Elob sâsasib tsî ǁkhaeǂgaos tsîra diba mā, î du sadu ǃnâ ǀguiǂâixa Xristub Jesub ǃoa; 6 î du ǀgui ǂâis tsî ǀgui ams ǀkha Elob tsî sada ǃKhūb Jesub Xristub di ǁGûba ǂkhaiǂkhai. 7 ǁNā-amaga ǃkhōǃoagu re, Xristub ge ǁkhāti sada Elob di ǂkhaisiba ǃoa ǃkhōǃoa khami. 8 Tsî ta ra mî, Jesub Xristub ge Elob amab ǃaroma ǃgaos di ǃgā kai ǃkhaisa, ǁgûga ge ǃnaeba mîmâideb nî ǀgaiǀgaiga, 9 xawe ǀūben ge Eloba ǂkhaiǂkhai ǃkhaisa, ǀkhomxaǂgaosib âb ǂama, xoamâihe hâ khami: “ǁNā-amaga ta ge nî satsa ǀūben ǃnâ kare, tsî nî sa ǀonsa ǁnaeba,” ti. 10 Tsî ǁkhawab ra mî: “ǃGâiaǂgao, ǀūbeǁaedo, ǁîb di ǁaes ǀkha.” 11 Tsî ǁkhawa: “Kare ǃKhūba, ǀūbeǁaeso hoaso, î so ǁîba koa, ǁaeso hoaso.” 12 Tsî ǁkhawab ra Jesajaba mî: “Isaib ǃnomab ge nî hâ tsîb ge khâi tsî ǀūben ǂama nî gao; ǁîban ge ǀūbena nîra ǃâu.” 13 Tsî Elob ǃâubasens diba ab sado ǀoaǀoa ǃgâiaǂgaob tsî ǂkhîb hoab ǀkha ǂgoms ǃnâ, ǃâubasens ǃnâ du nî ǃAnu Gagab di ǀgaiba xu ǃnāǂamga.Paulub di ǃoabas tsî ǁîb nî ǃgû ǃgûdaogu xa. 14 Tsî ta ge sadu xa ǂanǁapo hâ, ti ǃgâsado, sadu aitsama ǃgâisib xa ǀoa hâ ǃkhaisa, ǂans hoas ǀkha ǀoaǀoahe hâse, tsî ǁnamagu du nîsa ǁkhā hâse. 15 O ta ge ǃnā hâ ǁkhoaǂgaosib ǀkha go xoaba du, ǃgâsado, ǂâiǂâi du ta nîga, ǁnā ǀkhommi, Elob xa ta māhe hâb xa, 16 Xristub Jesub di ǃgā ta nîse ǀūben ǃnâ, ǃgâiǂhôas Elob disa ta nî ǃoabaga, ǀūben nî ǃgâi ǁguiba kaise, ǃAnu Gagab ǃnâ khaihe hâǃâ.
MAARTI 18-24
ELOBMÎSA XU HÂ ǂÛǂÛSA MÎDI | 1 KORINTEǁÎN 1–3
‘ǂŪsi [ǁgansi] khoe’ tamas ka io du a ‘gagasi khoe?’
(1 Korinteǁîn 2:14) Tsî i ge ǂūsi khoe-e Elob Gagab dina ǃkhā tama hâ; gâresise i ǁîna ūhâ xui-ao, tsî i ge ǁîna a ǁnâuǃā ǁoa, gagasisen nî ǁnâuǃāhe amaga.
Gagasi khoe-e di hâ mîde tae-e ra ǂâibasen?
4 ǂŪsi [ǁgansi] khoe-i di tanisen ǀgaub xa ǂâi re. Nē ǃhūbaib di ǀgaugu ge ǁgansi ǀgaub ai a ǃgaoǃgaosa. Paulub ge nēsa “ǁnā gagab, nēsi ǁnâuǁoasib di ôan ǃnâ ra sîsenni” di ge ǁguiǃā. (Efe. 2:2) Nē ǀgaub ge khoena ra ǂgaeǂhapu în tā mâǂoa. ǁÎn ge ǁgansi turab ai ǂâisa ra ǂnûi. Tsîn ge nēs xa ǃaromahe hâse ǃnāsana ǁîn mûdi ǃnâ ǂhanuse ra mûsen xūna ra dī xawe Elob di ǁgaragu ǃoagu ûi tama hâ. ǂŪsi tamas ka io ǁgansi khoe-i ge ǃnāsase ǃgôahe ǂgaos, ǃkhūsib tsî ǁî-i ǃnorasasiba ǃgambas xa ǀgui ra ǂâi.
5 ǂŪsi khoe-e du matis tsîna a ǂan ǁkhā? ǁNā khoe-i ge ‘ǁgans di sîsengu’ ǀguiga ra dī. (Gal. 5:19-21) Paulub di ǂguro sîǂkhanis hînab ge Korinteǁîna a sîbas ǃnâb ge ǁgansi khoe-i di ǀgauga ge xoa. Nēs ge sao rana ǃkhōǂgā hâ: ǀGorasa ǁgaus, ǀkhāga ǁhûis, ǂkhababa ǃkhōǃkhōs, ǁnâuǃgâ ǃkhaiba ǃoa ī-ūgus, ǃgôaǃgâsiba oms dana-e ǁgau tama is, kaise ǂû tsî ās. ǃÂitsâhen ga o, on ge ǁgansi khoena ǃâitsân ǃnâ ra māǁnâsen. (ǂKhm. 7:21, 22) Judab tsîn ge ǁnān xa xoa tsî ge mî ǁîn ge ‘gagasise’ nî ǁō di.— Judab 18, 19.
(1 Korinteǁîn 2:15, 16) Xawe i ge gagasi khoe-e hoana ra ǀgoraǃgâ, xawe i ge ǁî-aitsama khoe-i xare-i xa ǀgoraǃgâhe tama hâ. 16 Tari-e kha ǃKhūb di ǂâisa ge ǂan, o i ga ǁîba ǁgauǃnâ? Xawe da ge sada Xristub di ǂâisa ūhâ.
Gagasi khoe-e di hâ mîde tae-e ra ǂâibasen?
6 “Gagasi khoe-e” di hâ mîde tae-e ra ǂâibasen? Gagasi khoe-i ge Elob ai ra ǂgāmâisen, ǁgansi khoe-i khamis ose. Gagasi khoen ge ra ǁgūtsâ “Elob di ǁgaeǁgae-ao” kaisa. (Efe. 5:1) Nēs ge ra ǂâibasen ǁîn ge ra ǁgūtsâ Jehovab ǂâi ǀgauba ūhâsa tsî xūna ǁîb ra mû ǀgaub ǃnâ ra mû. Tsî gagasi khoen ge ǁîn di ǀgaugu hoaga Jehovab di ǂgaoǀkhādi ǀkha ra ǀguiǃnâxa kai. (Psa. 119:33; 143:10) ǁÎn ge ǁgansi turagu ai ǁîn di ǂâisa mâi tama i tsî ra dītsâ ‘gagab di ǂûba’ ǁgausa. (Gal. 5:22, 23) “Gagasi khoe-i” di hâ mîsa ǁguiǃās ǃaroma sao ra aiǁgaus xa ǂâi re: Khoe-i hîna ǁamaxūs ǃnâ ǃgâi ǂansa ūhâ i ge ǁamaxū-ao-i di ra ǂgaihe. ǁNās khami i ge gagasi xūna kaise ǀō-aisase ra ôaǃnâ khoe-e gagasi khoe-i ti a ǂansa.
w18-E.02 22 ¶15
Gagasi khoe-e di hâ mîde tae-e ra ǂâibasen?
15 Mati da Jesuba a ǁgae ǁkhā? Elobmîs ge 1 Korinteǁîn 2:16 ǃnâ ra mî î da “ǃKhūb di ǂâisa” ūhâ. Tsî Romeǁîn 15:5 tsîn ge “sadu ǃnâ ǀguiǂâixa Xristub Jesub ǃoa” ti ra mî. ǁNā-amaga da ge Jesub khami da ga ī ǂgao o, ǁîb ra ǂâi ǀgaub tsî ǁîb di ǂūb tsîna nî ǁnâuǃā. ǁNās khaoǃgâ da ge ǁîb di daoba nî sao. Jesub ge ǁîb di ǂâisa Jehovab ǀkhab ūhâ ǀhōsagusis ai ge mâi hâ i. Jesub khami da ga ī o, o da ge Jehovab khamis tsîna ī. ǁNā-amaga i ge kaise a ǂhâǂhâsa î da ǁkhāǁkhāsen Jesub ra ǂâi ǀgaub ǃnâ sida tsîna ǂâisa.
Gagasi xūna ǀō-aisase ôaǃnâs
(1 Korinteǁîn 1:20) Mapa i gā-ai-e hâ? Mapa i xoaǂansabe-e hâ? Mapa i hâ ǂnoagu-ao-i nē hâ ǁaeb di-e? Eloba nē ǃhūbaib di gā-aisiba gâresib ase dī tamab hâ?
it-2-E 1193 ¶1
Gā-aisib
Jehovaba ǃoaba tama khoen ge Jehovab ge Jesub ǃnâ-ū a māda ǃēsa ge ūǃoa tama hâ i ǁîn ge ǂâi hâ i o Jehovab ge māda ǃēs ǃgâi tama ti tsîn ge ǁîna ǃKhūba ge “ǃgâu.” (1Kor. 1:18; 2:7, 8) Tsîb ge Eloba ǁîn ǃhūbaib gā-aisib ase ra mû xūna gâresib ase ra mû. Tsîb ge Eloba ǁîba “Elob . . gâresib” dib ase ra mû khoega ‘gâre, ǂkhabusa tsî taotaoxase’ ra ī kai îb ǁîb ǂâisa dīǀoaǀoa ǁkhā. (1Kor. 1:19-28) Paulub ge Korintes ǃnâ hâ Xristeǁîna ge mîba nē ‘ǃhūbaib’ tsî ǂamkhoegu’ di gā-aisib nî dīkakahesa tsî nēti ī gā-aisib ge ge aposteli di gagasi haisi-ams di ǃâ tama hâ i. (1Kor. 2:6, 13) ǁÎb ge Koloses ǃnâ hâ Xristeǁîna ge mîba: ‘Khoe-i xare-e tā ǃnarixū-i ase ǃgû-ū du, khoesi gā-aisib tsî ǁau ǂgaeǂhapus ǀkha khoen di ǂnûiǂgādi ǃoa.’—Kol. 2:8; ǀgopeǀnō re 20-23ǁî ǁāraǃāde.
(1 Korinteǁîn 2:3-5) Tsî ta ge sadu tawa ǂkhabusasib tsî ǃaob tsî kai ǀkhūb ǀkha ge hâ i. 4 Tsî ti mîs tsî ti aoǁnâs tsîra ge gongonǃnâsa mîdi khoesi gā-aisib didi ǃnâ hâ tama ge hâ i, tsî ra ge Gagab tsî ǀgaib tsîkha di ǁgauǂuis ǃnâ ge hâ i; 5 sadu ǂgoms khoesi gā-aisib ǃnâ mâ tidega, xawe Elob ǀgaib ǃnâ.
w08-E 7/15 27 ¶6
Korinteǁîn ǂkhanisa xu ra mâǂoa xūn
2:3-5. Korintes ǃnâb gere aoǁnâ o, Grike ǂgoms tsî ǁkhāǁkhās tsîn ǁaegu ob ge Pauluba ǀnîsi gere ǂâiǂhansen khoen ǁîba ǃgâ tidesa. Xaweb ge ǁîba ge mā-am tama hâ i îb ǃaoba ǁîba gaoǂam Elob ǂâisa dīs ǃnâ. ǁNās ǁkhās khami da ge tā nî mā-am î-i xū-e ǂhanida ǃgâiǂhôasa aoǁnâsa Elob Gaosib xa. Paulub khami da ge Jehovab ǃoa nî kō huib ǃaroma.
Elobmîs khomai ǃâs
(1 Korinteǁîn 1:1-17) Pauluta, ǂgaihesa apostelta Xristub Jesub di ta Elob di ǂâisa xu, tsî ǃgâsab Sosteneb tsîkhom. 2 ǀHaohâb Elob dib, Korintes ǃnâ hâba ǃoa, Xristub Jesub ǃnâ ǃanuǃanuhe hân, ǂgaihesa ǃanun tsî sada ǃKhūb Jesub Xristub di ǀonsa ra ǂgaiǀîn hoana, ǁîn tsî sada ǃkhaidi hoadi ai: 3 Ab ǀkhomma sadu ǀkha hâ, tsî ǂkhîba, Elob sada Îb tsî ǃKhūb Jesub Xristuba xu. 4 Ti Eloba ta ra gangan mâ ǁaeb hoab ai sadu ǂama, Xristub Jesub ǃnâ du māhe hâ ǀkhommi ǃaroma; 5 hoa xūn ǃnâ du ge ǁîb ǃnâ ǃkhū ǃkhais xa, hoa ǁkhāǁkhās tsî hoa ǂans tsîra ǃnâ; 6 Xristub xa hâ ǀhûǀguitimîs sadu ǃnâ ǀgaiǀgaihe hâ khami, 7 ǀkhommi mā-i xare-i ǃnâ du tôasi tidese, sada ǃKhūb Jesub Xristub di ǂhaiǂhaisensa du ra ǃâus kōse, 8 ǁîb sado ǁkhāti ǀams kōse nîra ǃkhōǀgaraba, sada ǃKhūb Jesub Xristub di tsēs ai du nî ǀanaǃgâhe ǁoasase iga. 9 ǂGomǂgomsab ge Elob, ǁîb xa du ǂgaihe hâba ǀhûhâsib ǁîb Ôab Jesub Xristub sada ǃKhūb diba ǃoa. 10 O ta ra ǁnama du, ǃgâsado, sadu ǃKhūb Jesub Xristub di ǀons ǃnâ, ǀguiǃnâxa du nî ǃkhaisa tsî ǀgoraǃāgudi sadu ǃnâ hâ tidesa, î du ǁkhā ǂâis tsî ǁkhā tsâsens ǀguis ǃnâ ǀhûpe hâ. 11 Tita ge sago xa ge ǂanǂanhe, ti ǃgâsago, Kloes oms din xa, ǂkhabagub sago ǁaegu hâ ǃkhaisa. 12 Tsî ta nēs xa ra mî, mâ-i hoa-i âdu ra mî ǃkhaisa: Tita ge Paulub di ta; tita ge Apolob di ta; tita ge Kefab di ta; tsî tita ge Xristub di ta. 13 Xristuba kha ǀgoraǃāheb hâ? Pauluba kha sado ǃgâubaheb hâ? Paulub di ǀons ǃnâ du kha ge ǁāǁnâhe? 14 Eloba ta ra gangan, sadu di ǀgui-i xare-e ta ǁāǁnâ tamasa, Krispub tsî Gajub tsîkha ǀguikha, 15 khoe-i xare-i mî tidese ti ǀons ǃnâ ta gere ǁāǁnâ ǃkhaisa. 16 Tsî ta ge Stefanab ommi din tsîna ge ǁāǁnâ; ǃaruǀî ta ǂan tama, ise ta ge ǀnî khoe-e ǁāǁnâsa. 17 Xristub tita sî tama hâ xui-ao, ǁāǁnâ ta nîse, tsîb ge ge sî te, ǃgâiǂhôasa ta nî aoǁnâse, mîdi di gā-aisib ǀkha tama, Xristub di ǃgâuhaib ǁauǁauhe tidega.
MAARTI 25-31
ELOBMÎSA XU HÂ ǂÛǂÛSA MÎDI | 1 KORINTEǁÎN 4–6
“ǂKhari ǀkhuruǀkhuruperero-i ǀâpereb hoaba ra ǀkhuru kai”
(1 Korinteǁîn 5:1, 2) Mâ ǃkhai-i hoa-i ai i ge ra ǁnâuhe, ǀaib sadu ǃnâ hâsa, tsî ǁnāti ī ǀai-ai-i, ǀūben xawen ǃnâ ǂgaihe tama-e, ǀguib ǁgûb âb di tarasa ūhâ ti. 2 Tsî du kha ganupe ra khūkhūsen ǁîs ǂama du nî ǃhausens ǃās ǃnâ, îb ǁnā sîsenna ge dība sadu ǁaeguba xu ūbēhe ti?
(1 Korinteǁîn 5:5-8) ǁNāti ība Satanna māǁnâsa, ǁgans di ǁgaoǁgaohesa ǃoa, gagas nî sâuhega, ǃKhūb Jesub di tsēs ai. 6 Sadu koasens ge ǃgâi tama hâ. ǂAn tama du kha hâ, ǂkhari ǀkhuruǀkhuruperero-i ǀâpereb hoaba ra ǀkhuru kai ǃkhaisa? 7 ǁNā-amaga ǀoro ǀkhuruǀkhurupereba ǃanuǃanuǂuiǃnâ, ǀasa ǀâpere kai du nîga, ǀkhuruoǃnâ du a khami; sada Pasxaǁkhaob on ge sada ǂābahe xuige, ǁnāb ge a Xristu. 8 A da ǁnâi Pasxakaitsēsa tsēdī ǀoro ǀkhuruǀkhurupereb ǀkha tama, tsî ǁkhāti ǁoreb tsî ǂkhabab tsîkha di ǀkhuruǀkhurupereb ǀkha tama, î da dī ǀkhuruoǃnâ peregu ǂhauǃnâsib tsî amab tsîkha digu ǃnâ.
(1 Korinteǁîn 5:13) Xawe ǃauga hânab ge Eloba nîra ǀgoraǃgâ. Nē ǂkhaba khoeba sadu ǁaeguba xu ǂoa kai.
it-2-E 230
ǀkhuruǀkhuruperero-i
Apostel Paulub ge ǁnā mîdi ǀguide ge sîsen-ū Xristeǁînab ge Korintes ǃnâ a mîba o: “ǂAn tama du kha hâ, ǂkhari ǀkhuruǀkhuruperero-i ǀâpereb hoaba ra ǀkhuru kai ǃkhaisa? ǁNā-amaga ǀoro ǀkhuruǀkhurupereba ǃanuǃanuǂuiǃnâ, ǀasa ǀâpere kai du nîga, ǀkhuruoǃnâ du a khami; sada Pasxaǁkhaob on ge sada ǂābahe xuige, ǁnāb ge a Xristu.” ǁÎb ge nēs ǀkha “ǀkhuruǀkhuruperero-i” tae-e ra ǂâibasensa ge ǁgau: “A da ǁnâi Pasxakaitsēsa tsēdī ǀoro ǀkhuruǀkhurupereb ǀkha tama, tsî ǁkhāti ǁoreb tsî ǂkhabab tsîkha di ǀkhuruǀkhurupereb ǀkha tama, î da dī ǀkhuruoǃnâ peregu ǂhauǃnâsib tsî amab tsîkha digu ǃnâ.”(1Kor. 5:6-8) Paulub ge nēba Jodeǁîn di ǀkhuruǀkhuruhe tama pereb di kaitsēs xa gere ǃhoa, hîna ge Pasxab kaitsēs khaoǃgâ gere dīhesa. ǂKhari ǀkhuruǀkhuruperero-i hoa ǀkhuruǀkhuruhe tama pereba a khū kai ǁkhā khami i ge ǀhaohâba a ǀurixa ǁkhā Jehovab mûǁae, tsūdi-ao-i ga ǂoa kai-e tama io. ǁÎn ge nî dītsâ “ǀkhuruǀkhuruperero-e” ǁîn ǁaeguba xu ūǂûisa, Israelǁaes ge ǀkhuruǀkhuruperero-e ǁîn omdi ǃnâ ūhâsa mā-amhe tama hâ i khami kaitsēs ǁaeb ai.
it-2-E 869-870
Satanni
‘Khoe-e Satanni ǃomǁae māsa’ tae-e ra ǂâibasen?
Korinteǁîn di ǀhaohâba ǃoab ge Pauluba xoa tsî ge mî în khoeb hîna ga ǁîb ǁgûb di taras ǀkha ǁgoeba sao rana dī: ‘ǁNāti ība Satanna māǁnâ, ǁgans di ǁgaoǁgaohesa ǃoa.’ (1Kor. 5:5) Nēs ge gere ǁgau în ǁnāti i khoeba ǀhaohâba xu ūǂûi tsî tā ǁîb ǀkha hâ ǀhao. (1Kor. 5:13) ǁÎba Satanni ǃomǁae māǁnâs ge ra ǂâibasen, ǀhaohâba xu ūǂûibi tsî Satanni a elo tsî gao-ao ǃhūbaib ǃnâ māǁnâbi. “ǂKhari ǀkhuruǀkhuruperero-i” khamib ge nē khoeba ‘ǁgansi’ ǂâi ǀgauba ge ūhâ i tsî nē tsūdi go khoeba ūǂûis ǃnâ-ūb ge ǀhaohâba ‘ǁgansi’ ǀgauba ra dīkākā. (1Kor. 5:6, 7) ǁNās khamib ge Pauluba Himeneub tsî Aleksanderi tsîkha Satanni ǃomǁae ge māǁnâ. ǁÎkha ge ǂgoms tsî ǃgâiǂâis tsîna a ǂkhābē amaga.—1Tim. 1:20.
(1 Korinteǁîn 5:9-11) Nau ǂkhanis ǃnâ ta ge sado ge xoaba, ǀai-aon ǀkha du habagu tide ǃkhaisa. 10 ǁNāti ta mî tama, hoaragase du nē ǃhūbaib di ǀai-aon, tsî xūǃgunuxan, tsî ǁkhâuǁnâ-aon, tsî ǁgôatsuiǁgoana ra ǃoaban tsîn ǀkha habagu tidesa; ǁnās karao, o du nî ǃhūbaiba xu ǂoa. 11 Xawe ta ge sado ge xoaba, habagu du tidesa, khoe-i ga ǃgâsase ǂgaisen, tsî i ga ǀai-ao, xūǃgunuxa, ǁgôatsuiǁgoaǃoaba-ao, ǃkhāǃkhā-ao, ǀhorosemâ tsî, ǁkhâuǁnâ-ao-o: ǁNāti ī-i ǀkha du ǂûs xawesa hî tide ti.
lvs-E 241, ǀarosa ǃgāsasib
ǂNûiǂuihes
Khoe-i ga Jehovab mûǁae tsū xū-e dī tsî ǃhobasen tama io, o i ge ǁî-e ǀhaohâb di ǁanise ǃoaba tide. ǁÎ-i ge nî ǂnûiǂuihe ǀhaohâba xu. Khoe-i ga ǂnûiǂuihe o, o da ge ǁnā khoe-i ǀkha hâ ǀhao tamas ka io ǃhoa tide. (1 Korinteǁîn 5:11; 2 Johaneb 9-11) ǂNûiǂuis ge Jehovab ǀons tsî ǀhaohâb tsîna ra ǁkhauba. (1 Korinteǁîn 5:6) ǂNûiǂuis ge ǁnamas hîna khoe-e a hui ǁkhāsa î-i ǃhobasen tsî Jehovaba ǃoa oaǀkhī.—Lukab 15:17.
▸ 3ǁÎ danaǃâs, 19ǁî xoaǀgoras
Gagasi xūna ǀō-aisase ôaǃnâs
(1 Korinteǁîn 4:9) Nēti ta ra ǂâi xui-ao, Elob ge sige apostelge ǀams ai ǁōba anu hâse mâi ǃkhaisa; ǃgapaǀîxū kaiba ge ge sige ǃhūbaib tsî ǀhomǃgāgu tsî khoen tsîna xui-ao.
w09-E 5/15 24 ¶16
ǀHomǃgāgu—“ǃOaba ra gaga”
16 Xristeǁîn ge ǀhomǃgāgu di ‘ǃgapaǀîxū’ ǃkhai. (1Kor. 4:9) ǀHomǃgāgu ge sida ǂgomǂgomsasiba kō tsî ra ǂkhî khoe-i ga ǃhobasen o. (Lukab 15:10) Xristeǁî taradi di eloǃaoǃgâxasib tsîna gu ge ǀhōmǃgāga ra mû. Elobmîs ge ra ǁgau “ǁnā-amagas ge tarasa ǀhau-e [ǃgôasib ǁgauǁgausa] danas ai nî ūhâ ǀhomǃgāgu ǃaroma.” (1Kor. 11:3, 10) Amase gu ge ǀhomǃgāga ra ǂkhî mûgu ga o matin Xristeǁî taradi tsî Jehovab ǃoaba-aon tsîna ǁîb di daoǁgaus tsî danaga ǃgôasiba ra ǁgau ǃkhaisa. Nē hōhōǃnâs ge ǀhomsi ǃâubasensa ūhâ Elob ǀgôan ǃgaos tsîna kaise a ǃgâi.
(1 Korinteǁîn 6:3) ǂAn tama du kha hâ, ǀhomǃgāga da nîra ǀgoraǃgâ ǃkhaisa? Matikōse da nēs ǃgâ-ai nē ǃhūbaib dina a ǀgoraǃgâ ǁkhā?
it-2-E 211
ǂHanugu
ǀHomǃgāga ǃoa hâ ǂhanugu. Khoen xa gu a ǀgapi xawe gu ge ǀhomǃgāga Jehovab di ǂhanugu tsî mîmādi tsîna ǃnāga ra hâba. (Heb. 1:7, 14; Psa. 104:4) Jehovab ge ǁîb di khākhoeb, Satanni tsîna ge ǃkhâikhom. (Job. 1:12; 2:6) Mixaeli, ǂamǀhomǃgāb ge ge ǂanǃgâ Jehovab di ǃharosa, hoan xa a ǀGapi ǀgoraǃgâ-aob ase. ǁÎb ge Satanna ǃoa ,“ab ǃKhūba ǀau tsi” ti ge mî. (Jud. 9; ǀgopeǀnō re Sax. 3:2.) Jesub Xristub ge ǁîb di mûǂams ǃnāga ǀhomǃgāga Jehovab xa ge ǁgaumâibahe. (Heb. 1:6; 1Pet. 3:22; Mat. 13:41; 25:31; Fil. 2:9-11) ǁNā-amagab ge ǀhomǃgāba Jesub xa Johanneba ǃoa ge sîhe. (J.ǂHa. 1:1) Xaweb ge apostel Pauluba 1 Korinteǁîn 6:3 ǃnâ Jesub di ǃgâsan ǀhomǃgāga nî ǀgoraǃgâ ǃkhais xa ra ǃhoa, ǁîn ǃâ-e ǂkhaba gagana ǀgoraǃgâs ǃnâ nî ūhâ amaga.
Elobmîs khomai ǃâs
(1 Korinteǁîn 6:1-14) Mati i kha khoe-i âdu, nau-i ǃoagu ǂharuguǃkhai-e ūhâ-e a hîtsâ ǁkhā, ǂhanuoǃnân xa ǂhanu-aikaisensa, tsî tare xū-i ǃaroma ǃanun xa tama? 2 ǂAn tama du kha hâ, ǃanun nîra ǃhūbaiba ǀgoraǃgâ ǃkhaisa? Tsî sadu xab ga ǃhūbaiba ǀgoraǃgâheo, ǁnâi ǁkhā tama du hâ, hoan xa ǂkhari ǂhanuǃkhairode ǀgorasa? 3 ǂAn tama du kha hâ, ǀhomǃgāga da nîra ǀgoraǃgâ ǃkhaisa? Matikōse da nēs ǃgâ-ai nē ǃhūbaib dina a ǀgoraǃgâ ǁkhā? 4 Nē ǃhūbaib din ǂama du ga ǂnoaguo, o du ge ǀhaohâb ǃnâ ǃharaxūhesase īna ū, tsî ǁîn ǂama nî mâi. 5Taob ase ta nēsa ra mîba du. Okha ǁnâi sadu ǃnâ i ǀgui-i xare-e hâ tama hâ, gā-ai-e? ǀGui-i xawe-e hâ tama hâ, ǁî-i ǃgâsan ǁaegu a ǀgoraǃgâ ǁkhā-e? 6 Ob ge nē ǃgâsaba nau ǃgâsab ǀkha ra ǂnoagu ǂgomoǃnân aiǃâ. 7 Tsî i ge hoaragase tsū ǂū-e sadu ǃnâ hâ, ǂhanub ǂnoagu-aide du ūhâbagu hâ ǃkhaisa. Tarexa du ǁnās ǃgâ-ai ǂkhababa taniǀnam tama hâ? Tarexa du ǁnās ǃgâ-ai ǂkhôa-e taniǀnam tama hâ? 8 Xawe du ge sado ǂkhababa ra dī, tsî ǂkhôasa ra dī, tsî du ge ǁîsa ǃgâsan ǃoagu ra dī. 9 ǁNâi ǂan tama du kha hâ, ǂhanuoǃnân gaosib Elob diba ǀumi tide ǃkhaisa? Tā ǁhapu re: ǀAi-aon karao, ǁgôatsuiǁgoana ra ǃoaban karao, ǃgameba ra khôan karao, ǁgaiǁgaisana ra dīn karao, aoregu ǀkha ra ǁgoegu karao, 10 ǃnari-aon karao, xūǃgunuxan karao, ǀhorosemân karao, ǃkhāǃkhā-aon karao, ǁkhâuǁnâ-aon karao, ǁîn ge Elob gaosiba ǀumi tide.11 Tsî ǁnātin ge ǀnîn âdo ge ī i; xawe du ge ge ǁāhe, xawe du ge ge ǃanuǃanuhe, xawe du ge ge ǂhanu-ai kaihe ǃKhūb Jesub Xristub di ǀons ǃnâ, tsî sada Elob di Gagab ǃnâ.ǀAib xa. Sada soros ge a Xristub di uniǁae. 12 Hoa xūna ta mā-amhe hâ; xawen ge hoana harebe tama hâ. Hoa xūna ta mā-amhe hâ; xawe ta ge ǀgui-i ân xa gaobakaisen tide. 13 ǂÛn ge ǃnāba hâba, tsî ǃnāb ge ǂûna hâba; xawe Elob ge nēb tsî naun tsîna nîra hîkākā. Tsî soros ge ǀaiba hâba tama i tsî ǃKhūba hâba, tsî ǃKhūb ge sorosa hâba. 14 Tsî Elob, ǃKhūba ge ǂkhaiǂkhaib ge ǁkhāti sada nîra ǂkhaiǂkhai ǁîb di ǀgaib ǀkha.