Sadu ǁkhāǁkhāsensa xu ǀama re

TAE-I ǃAROMA I A ǂHÂǂHÂSA: Elobmîs ge sîda hui ǁkhā îda ‘mâb a ǂhaba tsî mâb a gaxu, tsî mâb a ǃgam tsî mâb a ǀgapi ǃkhais’ tsîna mûǂan amab ǃnâ. (Efe. 3:18) Sida tsîn ge a huihe ǁkhā îda ǀhapio tsî ǂnao o, nē Eloxoresa ǃhūbaib ǃnâ tsî “mîs ûib disa ǃkhōǀgaipebasen.” (Fil. 2:15, 16) Elobmîs ǁkhāǁkhās ge ra huida î da aitsama tae-e da ra ǁkhāǁkhāsen ǂgaosa ǁhûi. Tae-e da a dī ǁkhā î da nēsa xu ǀama?

NĒS NÎ DĪHE ǀGAUS:

• Mâǂoa ra xoade ǂgaeǃgao tsî xoa re ǂkhani i tamas ka io ǁâǁawab ǃnâ

• Elobmîsa ra khomaise, sao ra dîde dîsen re: ‘Ham-e? Tae-e? Mâǁae? Mâpa? Tae-i ǃaroma? Mati?’

• Hoa amaba hō re. Ôaǃnâs ǃaroma hâ xūna sîsen-ū, dana xoaǂamde ôaǃnâ tamas ka io xoade ôa re

• Khomai du ra xu-e ǂâiǃgâ tsî mûǂan re mati du nēsa sadu ûib ǃnâ a sîsen-ū ǁkhāsa

• Khomai du ra xūna tsēkorobe ûib ǃnâ sîsen-ū re.—Luk. 6:47, 48

VIDIOBA KŌ RE ǃGARISE ‘ǃKHŌǀGAIPEBASEN’—ǃGÂI ELOBMÎS ǁKHĀǁKHĀSENS ǃNÂ-Ū DI HÂBA TSÎ SAO RA DÎDE ǃEREAM RE:

• ǀNîna Elobmîs ǁkhāǁkhāsensa mati ra ǁguiǃā?

• Tae-i ǃaroma da Elobmîs ǁkhāǁkhāsensa da nî tsoatsoas aiǃâ nî ǀgore?

• Tae-e nî hui da î da Elobmîs khomai ǃâsa ǁnâuǃā?

• Mati ī saode da sada study Bibles ǃnâ a ǂgā ǁkhā?

• ǂÂiǃgâsa tae-i ǃaroma a ǂhâǂhâsa Elobmîsa da ra ǁkhāǁkhāsen ǁaeb ai?

• Tae-e da nî dī ǁkhāǁkhāsen da ra xūn ǀkha?