Jehovab ǀkha du ūhâ ǀhōsagusisa ǃgôaǃgâ re

Jehovab di ǀHûǀguitimî-aon ge ǀō-aisa aiǂhanuba ūhâ. Māǁnâsen hâ, ǁāǁnâsa Xristeǁîn ase da ge ǃgam ǀhōsagusisa Hoaǀgaixa Elob, Jehovab ǀkha ra omkhâi ǂgao. ǁÎb ge ǁîb ǀgôab ǃnâ-ū ge ǂgae da. (Jhn. 6:44) Sida ǀgoredeb ge ra ǃgâ.—Psa. 34:15.

Mati da sida ǀō-aisa ǀhōsagusis Jehovab ǀkha da ūhâsa nî ǁkhauba? Israelǁîn ge dī ǃgâi tama xūna dīsa xu da ge nî ǂgōsen. Jehovab ǀkhan ge ǃgaeǀhaosa a dīs khaoǃgân ge ǃhuniǀuri tsâuba ge kuru tsî ǁgôatsuiǁgoaǃoabasa gere dī. (Eks. 32:7, 8; 1Kor. 10:7, 11, 14) Dîsen re: ‘Tae-e ta ra dī ǁgai xū-e dīs ǀkha ta ga ǃâitsâhe o? Ti dīga ra ǁgau Jehovab ǀkha ta ūhâ ǀhōsagusisa ta ra ǃgôaǃgâsa?’ ǃGam ǀnamma Jehovaba ūhâbas ge nî hui da, i da ǁîb ǃhui hâ xūna xu ǂgōsen.—Psa. 97:10.

JEHOVAB ǀKHA DU ŪHÂ ǀHŌSAGUSISA ǁKHAUBA RE (KOL. 3:5) DI HÂ VIDIOBA KŌ TSÎ SAO RA DÎDE ǃEREAM RE:

• ǁOreba a tae?

• Tae-i ǃaroma da kaiǂgaoxasib tsî ǁgôatsuiǁgoaǃoabas tsîna xu nî ǂgōsen?

• ǀAib tsî ǁgôatsuiǁgoaǃoabas tsîna mati a ǃgaeǀhaosa?

• Tae-i ǃaromagu ǃgâsagu hîna ǀhaohâb ǃnâ aiǂhanuga ūhâga ǁîgu ǃgame khoen ǂhâsiga nî kōǃgâ?