XRISTEǁÎN ÛIǀGAUB
ǃÛi-aogu Jehovab khoen ǃaroma ra sîsengu
ǃNāsa khoen ge ǂgaeǂgui ra khoena ǃgâi tama ǀgaub ǃnâ ra mû. ǁNâuǃāxa i ge a. ǂGui khoen ge ǁîn di ǂgaeǂguisa ǃgâi tama ǀgaub ǃnâ ra sîsenū, în ǁîna ǃgâiba hō. (Mix. 7:3) Sida ge kaise ra gangan, ǀhaohâb ǃûi-aogu ǃgâise ǁkhāǁkhāhe hâsa. Î gu ǁîgu ǂgaeǂguisa Jehovab khoen ǃgâib ǃaroma sîsenū.—Est. 10:3; Mat. 20:25, 26.
ǀHaohâb ǃûi-aogu ge ra ǀkhara, nē ǃhūbaib ǂgaeǂgui-aoga xu. ǁÎgu ge nē sîsenne Jehovab tsî ǁîn khoena gu a ǀnam amaga ra dī. (Jhn. 21:16; 1Pet. 5:1-3) Jesub di daoǁgaus ǃnaka gu ge nē ǃûi-aoga, mâ ǃoaba-ao-i hoa-e ǁkhoreǁharesase Jehovab omaris ǃnâ ra tsâ kai. Tsî ǁîna ra hui în Jehovab ǀgūse hâ. ǁÎgu ge a ǃkhae Jehovab gūna ǂkhâǃnâsa māsa, ǁîn ga ǀaesen tamas ka io tsūkeǃgâ-e hōǃâ o. Huiba du ga ǂhâba o, harase sadu ǀhaohâb ǃûi-aogu ǀkha ǃhoa re.—Jak. 5:14.
ǃÛI-AOGU GŪNA RA KŌǃGÂ GU TI ǀON HÂ VIDIOBA ǀHURU. TSÎ ǁNĀPAXU SAO RA DÎDE ǃEREAM RE:
Marianasa mati ǀhaohâb ǃûi-aogu ge māsi huiba xu ǃgâiba ge hō?
Eliasa mati ǀhaohâb ǃûi-aogu ge mā bi huiba xu ǃgâiba ge hō?
Nē vidiob khaoǃgâ du mati ǀhaohâb ǃûi-aogu xa ra tsâ?