ǁKhāǁkhāsen du go xūna ǂâiǃgâ

ǁKhāǁkhāsen du go xūna ǂâiǃgâsa ǀnî ǁaega ǃgom? ǁNāsa da ge hoa da ǁaeba xu ǁaeb ǀkha ra hōǃâ. Tae-e du a dī ǁkhā? Mâǂoa ra ǂâide ǁkhapa ǂâiǃgâ re.

ǁKhāǁkhāsen du ga o, ǁaeba ū tsî ǁkhāǁkhāsen du go xūna ǂâiǃgâ re. ǃGaoǃgâ re matib ge apostel Pauluba ǁîb sîǂkhanisa gere khomaina hui ǀgausa. ǁÎb ge ge mî: “Dana­ǃkhais mîhe ra xūn” dis ge nēsa. (Heb. 8:⁠1) Nē mîdi ǀkhab ge ǁîb ǃgâ-aona ge ge hui în ǁnâuǃā tae-eb ra ǂâibasensa tsî î mati mîb ra xūn hoana ra ǃgûǁhaosa.

Aiǁgause du ge ǀnî ǁaeba ǁamaǂui ǁkhā ǁkhāǁkhāsen toa du ga o, î du mâǂoa ra ǂâide ǂâiǃgâ ǁkhāǁkhāsen du go xūn xa. ǂÂihō tama du ga ī, o dana xoaǂamde ǁkhapa kō tamas ka io ǁgaragu tsoatsoade khomai re î du ǂâihō ǁkhā. ǀAsa xū-e du ga ǁkhāǁkhāsen, o sadu mîdi ǃnâ ǁguiǃā tsâ re. ǁKhāǁkhāsen du go xūna du ga ǃkhōǀhao, o du ge supuse nî ǃkhōmâi. ǁNâuǃā du ge nî mati du nē xūna sadu ûib ǃnâ nî sîsenūsa.