6ǁÎ ǁKHĀǁKHĀS

ǃAmkuse xoasa ǁguiǃā re

Johaneb 10:33-36

ǃKHŌǀHAOS: Tā xoasa khomai tsî ǃhaese ǀnî hâ xū-e mî re. An sadu ǃgâ-aona mûǂan re xoas tsî sadu ra mî xū-i tsîn mati ra ǃgûǀhaosa.

Mâǂoa ra mîde ǁgau re. Xoasa du ga ra khomai toa o, o mâǂoa ra mîdi ǀguide ǁguiǃā re. ǀNîsi du ǁnā mîs ǀguisa a sîsen-ū ǁkhā tamas ka io ǁnā mîs ǂnamipe dîsa a dî ǁkhā în sadu ǃgâ-aona mâǂoa ra ǂâisa hōǁkhā.

ǀNî hâ mîsa du ga ra sîsen-ū o mâǂoa ra ǂâisa ǁguiǃās ǃgao, o dītsâ re în ǃgâ-aona Elobmîsa xū mû matis mâǂoa ra ǂâisa ra ǃgûǀhao ǀgauba.
Mâǂoa ra ǂâis. Elobmîs xoasa du ga ǁguiǃās ǂâibasens ǀkha ga ra khomai o, o ǁgau re matis ǁnā xoasa ǃaromas ǀkha ra ǃgûǀhao ǀgauba.

Xoasa du ra ǁguiǃā ǁaeb ai sadu Elobmîsa ǁkhowa-amsase ūhâ re. Nēs ge sadu ǃgâ-aona a hui ǁkhā în sadu ra mî mîde xoas ǀkha ǀgopeǀnō.
Sîsenǂuiba supuse ūhâ re. Xoas ǀkha ǃgûǀhao tama hâ xūn xa ǃhoas ge ǂhâbasa tama hâ. Sadu ǃgâ-aon ǀnai xoaǂams xa a ǂan xū-i xa du ga ra ǃhoa ǁaeb ai, o ǂhâǂhâsa ǂâidi ǀguide ǁguiǃā re hîna ǂâisa ra ǁgaude.