18ǁÎ ǁKHĀǁKHĀǃÂS

ǃGâ-aona ǁkhāǁkhā re

1 Korinteǁîn 9:19-23

ǃKHŌǀHAOS: ǃGâ-aona hui re în ǁkhāǁkhāsen an go xūn xa ǂâiǃgâ.

ǃGâ-aon ǀnai a ǂan xūna ǂâiǃgâ re. ǁÎn ǀnai a ǂan xūn xa ǃhoas xa du ge ǁîna a hui ǁkhā în ǁgamǀhaosa ǀkhara ǀgaub ǃnâ mû.

ǀOro mâǂoa ra ǂâidi xa du ge ǃhaese a ǃhoa ǁkhā xawe ǀasa mâǂoa ra ǂâidi xa ǂause ǃhoa re.
Ôaǃnâ tsî ǂâiǃgâ. ǁKhāsib ga hâ o, o ǃgâ-aon ǁnātikōse a ǂan mâǂoa ra ǂâide tā sîsen-ū re. Sadu ra sîsen-ū ǂgao xūn xa ǂâi tsî kō re matin sîsen-ū ǂgao du ra xūna ra ǃgûǀhao ǀgausa.

Sîsen-ū ǂgao du ra xūna du ra ôaǃnâ khami sadu ǂâi ǀgauba khâikhâiǃnâ re sao ra dîde dîsens ǃnâ-ū, ‘tae-e, tae-i ǃaroma, mâǁae, mâpa, ham-e tsî mati.’ Sadu ǁkhāǁkhā ǀgauba ǁkhoaǁkhoas ǃgao, ǁnā dîde dî tsî ǃeream re ǁkhāǁkhā du ga ǁaeb ai.
Sadu haisi-ams ūhâ sîsenǂuiba ǁgau re. ǁGuiǃā re xoadi mati ǃgâ-aona tsēkorobe ûib ǃnâ a hui ǁkhā ǀgauba. Mâsib, ǀgaub tsî dī xūn hîna ǃgâ-aon ûib ǃnâ tsēkorobese ra īn xas tsîna du ge a ǃhoa ǁkhā.